Ka Nupepa Kuokoa, Volume XLVII, Number 4, 27 January 1911 — E HOOUNAIA ANA KA NIKA I HAWAII NEI [ARTICLE]

E HOOUNAIA ANA KA NIKA I HAWAII NEI

Ma na mea i "hoikeia mai nei e ka raca kakau o ka nupepa Advertiser e noho mai la ina "Wakinekona, Amerika e hoike mai ana oia i ka olelo ana ae o Peresidena Taft e holo mai ana o Charle9 A. Cotrill i Hawaii nei, no ke kuhikuhi ana i koonei poe i ke ano 0 ka lawelawe ana i* na hana oloko o ke keena oihana auhau o na loaa Fe* derala. Aole i aponoia ka hookohu a ka peresidena o ka waiho ana aku imua o ke Senate, a ke waiho mai la no ka iloko o ka lima o ke koinite waiwai, aka ma na ano nae apau, aole loa he kanalua no ke aponoia mai o kela hookohu e lilo ai na kn-e ana aku ma kekahi ano, i mea waiwai ole. E hoike puia mai ana no hoi ka hui kukakuka pu ana o ka Elele Kalanianaole me ka Peresidena me kona hoakaka ana aku i ke ku-e o ko Hawaii nei poe i ka hookohuia ana mai o kekahi kanaka mai kanl e mai, e lilo ai ko Cottrill hoea ana mai ma Honolulu nei i mea nona e kaumaha ai, a e hoonawaliwali puia ai no hoi ka aoao Repuhalika ma Hawaii. Aole ka i lilo kela mau mea i hoikeia aku imua o ka Peresidena i mea nona e unuhi hou ai i kana hookohu, a hiki 1 kona olelo okoa ana ae, e hoouna mai ana oia ia Cottrill no Hunolulu nei, no ka hoike ana mai i na kanaka o Honolulu i ke> ano o ka lawelawe ana i na hana oloko o ke keena o na auhau loaa Federala. a no ka makahiki hookahi a elua paha> oia e noho ai. Mamuli o kela pane & ka Peresidena i hooholo ai ka poe o Hawaii nei e noho la ma Wakinekona, e hoopau loa i ka lakou mao ku-e ana. a e ae aku e like ma ka ka Peresidena i manao ai.