Ka Nupepa Kuokoa, Volume XLVII, Number 5, 3 February 1911 — HE WAHI PAANI NO NA KAMALII. [ARTICLE]

HE WAHI PAANI NO NA KAMALII.

I " j Mamuli ona hana kokua a manawalea a ka liui o Bihopa ina, e lilo aku ana kekaki aina waiho wale ma ke kihi o na alanui Beritania ame Kainika ma ka la 1 ae nei o ka mahina o Feberuari i kahua paani no na kamalii, a i wahi no hoi no ka lehulehu e hoonanea ai i kekahi manawa. Ua hoolimalimaia §iku kela wahi e ka hui o Bihopa ma i ka ahahui Kindergarden no ka hookahi dala o ka makahiki, a o ka loihi o ka m'anawa hoolimalima, he elima makahiki, ua like no kela me ka Haawi wale ana aku ma ke ano manawalea. O kekahi aku ana kela o na kahua paani maikai loa no na kamalii ma keia mua aku, no ka mea ua nui maoli ka poe i haawi ae i ka lakou mau kokua ana i wahi e pono ai na kamalii, e laa ke kukulu ana aku i mau kowali, pela me na hana paani e ae a na kamalii, a e kukuluia aku ana he wahi kupono no lakou e hooluana ai, a e hoopau pilikia ai. Ua ulu mai kela manao iwaena o kekahi poe e hookaawale i wahi no na kamalii e paani ai, mamuli o ka nui o na ulia i loaa i kekahi poe keiki oiai lakou e paani ana ma na alanui. a i ka manawa i nui ae ai na hale i kukuluia. o kahi kupono wale no no lakou e paani ai. ma na alanui ololi, oiai nae, he nui na raea pelapela e ahu mokaki mai ana e loaa ole ai ke ola maikai ia lakou, aka e hoopomaikaiia aku ana nae na kamalii o kela wahi, ma o ka loaa ana aku ia lakou he wahi akea kupono a oluolu no lakou e paani ai me ka hoopilikia oleia aku e na kaa o na alanui. ++• —