Ka Nupepa Kuokoa, Volume XLVII, Number 9, 3 March 1911 — HE MEA ALOHA UA HALA. [ARTICLE]

HE MEA ALOHA UA HALA.

I ka Nupepa Kuokoa, Aloha nui ame na keiki oniu hua metala: Ma ka la 11 o Feberuari. ma ka hora 8:15 p. m. ua laweia aku ka hanu hope loa o kuu mea aloha, Mrs. Jioiily Kalama Kapahee. Ua hoomaka mai kona onawaliwali ma ka huakai o ka Ahahui Paeaina ma Kailua, Kona Akau, ma ka mahina o lune, 1910, a oiai oia i koho ponoia i Elele C. E. mai ka Apana aku o Koloa, Kalana o Kauai i ka Aha Paeaina, a ma ka mahina o Okatoba i hoomaka loa mai ai ka hookoikoi loa ana, a hala wale aku la ma ka la 11 o Feberuari, 1911. Ua mareia inaua e Rev. J. S. Kalana ma Kakaako, Honolulu, ma ka malama o Maraki 29, 1890; a ua piliia e maua he 20 makahiki 10 mahina ame 12 la. He makuahine aloha, a heahea i ka poe apau, a ipuka hamama' ko ko maua hale i ka poe apau e kipa mai ana. He makuahine haipule a he lima kokua i na hana apau o ka £kalesia, a iloko o kona mau hora o ka mauleule ua puana ae la oia i keia pauku Baibala, a'u hoi e poina ole nei: "Ua aloha nui mai la ke Akua i ko ke ao nei, nolaila ua hoouna mai la Oia i Kana Keiki hiwahiwa, i ole e make ka mea manaoio, aka i loaa ke ola mau loa. M He mea nui iaia kona luaui makuahine, a he. nui kana mau hana kokna iaia; a pela pu me kona kaikunane i hanai keiki ia eia iloko o kona mau la opiopio loa, a he elua pokii ame na keiki ame na moopuna e u, a e kaumaha nei nona. He makuahine maiau ma na hana lima, a he lua ole ma ka hoomaemae homo ana. O na hana maikai apau a kuu Emily aole loa e poina ia'u no ka manawa paa ole, a i kulike ai me ka loba. Nana no i haawi mai, a Nana no i lawe aku, e hoomaikaiia Kona Inoa. Me ka haahaa, DAVID KAMAHA KAPAHEE.