Ka Nupepa Kuokoa, Volume XLVII, Number 9, 3 March 1911 — HOOPA'IIA NO KE KUAI I KA I'O PUAA HAME INO. [ARTICLE]

HOOPA'IIA NO KE KUAI I KA I'O PUAA HAME INO.

Ma ke kakahiaka Poaono iho nei i kauia mai ai ka hoopa'i maluna o Lum Yet, kekahi o na Pake e kuai i'o bipi mai nei ma na makeke o ke kaona nei no ke kuai ana i ka i'o pnaa hame inoiho kupono ole e aiia, e ka Lunakanawai Wm. B. Lymer, he kanakolu dala me na koina. Ma ka oleloike i laweia aē, ua ikeia ke kupono ole loa maoli o kela i'o puaa inoino ma'i no ke kuaiia aku e nele ole ai ka ma'i o kekahi mea ina no ka ai aku ia mea inoino. a eia nae, iloko o ka pahu waiho bipi kahi i loaa aku ai me ka ike maopopo loaia o ka inoino a i lilo ai i hoike ma ka aoao o ke aupuni e hoopa'iia mai ai oia. Ma kekahi manawa ka i hala aku nei, ua hoopii muaia ae no keia Pake no keia hihia hookahi no, a mamuli o kona haalele ana i ka bela i pakele ai kona kapiia ana ia manawa. 4< Ua oi loa aku ke koikoi o ka poino ma ke kuaiia ana o na i 'o bipi a puaa inoino ke ola o ka lehulehu, mamua o na huaai inoino pela ko'u manao a he mau mea hooweliweli maoli mai no i ke ola kino o ka lehulehu pela ka mea maopopo loa." wahi a ka Lunakanawai Lvmer o ka hoakaka hna ae i ka wa e noho ana kana aha. E i hou aku no paha ua poe Pake e kuai mai nei i na meaai inoino aole hoi e hihi o ka loaa pono ole aku: ua ike lakou me ia mau waiwai kumukuai haahaa loa e loaa mai ai ia lakou na dala puka mahuahua e loaa mai ai ia lakou ka pomai'kai.