Ka Nupepa Kuokoa, Volume XLVII, Number 9, 3 March 1911 — I KUU LAHAINA ALOHA, AOLE NA'U I HOOPII IA OUKOU. [ARTICLE]

I KUU LAHAINA ALOHA, AOLE NA'U I HOOPII IA OUKOU.

Mr. Lunahooponoi>ono o ka Nupepa Kuokoa, Aloha: E oluolu i kokahi wahi kaawale o kau pepa no ka'u pane maluna ae. A i mea hoi e ike mai ai ka lehulehu i ke kahua i ulu mai ai keia manao pane e loaa no ia penei: Ma ka la 17 a 18 nei o keia mahina, ua hoike ia aku la ka lohe i ka poe moe apiki ame ka poe moe hihia o ka apana o Lahaina mai ka oihana makai aku o keia apana. A ma ka la 19 nei i noho ai ka Aha Hooponopono no lakou inaloko o ke keena o ka Hope Makai Nui o keia apaua. A ma ia hooponopono ana ua loaa aku i ka poe moe apiki ka maikai, a i ka poe moe hihia hoi ka maemae (ke loaa ke $50.) Iloko o keia mau la iho la ua hiki kino mai kekahi poe o oukou imua o'u a hoike mai la ia'u, na'u ka i hana i keia hana ia oukou e kuu ohana Lahaina, (manao wale.) O ka'u e pane aku nei o ka hana iho la no ia a ka naaupo haahaa loa, a ina eāa ua naaupo haaha nei iloko o na palena o ka apana o Lahaina nei, ke aa aku nei o Makekau e paio me ia, ma keia ninau, a mamua ae o ko kaua paio ana, e makana aki no au ia oe i na dala he $50 i ola noh, a ina he wahine kau i ola no olua, a ina he mau keiki kau i ola no oukou. He mau makahiki loihi no keia o ka noho huikau ana o kekahi poe o keia apana, aole no i mauao ia hana ku-e kanawai, ia nolaila hoomau no na kanaka i ka noho huikau, owai auanei ka mea nana e hoomaopopo aku> he kanawai ia mea, e hiki ai i na kanaka ke hooko mau i na manao o ke kanawai, a ke manao nei au ma keia noho ana mai nei no a ka Ahaolelo i ka la 15 nei i holo mai nei keia kanawai, o ka apiki hoi aole iloko o ka moolelo o na hale kau kanawai o ke Teritore o Hawaii, malia paha he kanawai mua no, o ka han* ole ia no paha e ka' poe ia lakou ka mana o ke kanawai. Nolaila e kuu ohana Lahaina, ke >ke mai la oukou i ka'u pane, e oluolu hoi oukou e hoike mai ia'u owai la ka mea nana i hoike aku ia oukon na'u i hoopii ia oukou. Ua hoomaopopo mai no ke kanawai ia'u i ka poe i kuleana ma ia mea, oia hoi ka oihana makai, oia hoi ke kane mare, oia hoi ka wahine mare, he kuleana ko lakou nei e hoopii ai ke ku-e 'ia ko lakou nei mau pono pakahi, oia ka mea i loaa ia'a ma ko'u huli kanawai ana. Nolaila ke maopopo mai la ia oukou e kun ohana keia mea, aole paha na'u e hana i ka lakou hana, a i ka pan ana o ka mahiha o lakou ke ohi. alaila ia'a ka hana, he naaupo loa ia o ia kanaka. Ke hooki nei i keia manao a o na hoino apau e pili ana ia'u ma keia mau mea ae la na'u no hoi ia e alo »ku, a ma ka inoa o lesu « noho mau ai au me ka hauoli. Me ka mahalo i na keiki o ka papa pa'i. CHAB. K. MAKĒI^U. Lahaiaa, lrVbeniari 21, 1911.