Ka Nupepa Kuokoa, Volume XLVII, Number 10, 10 March 1911 — I KANAWAI HOOKAPU I NA UPENA KIPAKU I NA I'A. [ARTICLE]

I KANAWAI HOOKAPU I NA UPENA KIPAKU I NA I'A.

E ka Lunahooponopono o ka Nupepa Kuokoa, Aloha oe: E oluolu oe e lawe kiani ae i kela mau hua e kau ae )a malnna imua o na Solona kaukanawai o keia kau Ahaolelo, no ka mea, o ka upena kiola he upeaa kipaku ia i na i'a e hoolulu ana ma na aekai ame na kohola, ke hele mau nei keia poe me keia upena i kela ame keia la no ka pono o ka ohana hookahi, aole no ka pono o ka lehulehu. I na makahiki i hala, ua puni nui na anaeholo ma na ae kai o Waikiki ame na aekai maluna aku, a i keia makahiki nae hoi ia hoonele ia mamuli o ka hele laula o keia upena. Nolaila, e pono e hana mai naSolona i kanawai no ka pono o ka lehulehu, ua like loa no me ke kiana pauda ka hana a keia upena. S. H. KAMEEKAPU