Ka Nupepa Kuokoa, Volume XLVII, Number 10, 10 March 1911 — HALA IA KAMAAINA KAHIKO. [ARTICLE]

HALA IA KAMAAINA KAHIKO.

Ma ka la Sabati i hala aku la i pauaho mai ai i keia ola ana kekahi o na kahiko o Honoluln nei. oia o Mrs. Harriet B. Townsend ma kona home ma ke alanui ololi Christly i hiki aku kona mau makahiki o ke ola ana ma kahi o ke kanahiku-kuma-maiwa. Ua ike a ua kamaaina oia i na hana i lawelaweia i ke au hooponopono moi o Hawaii nei, a hoea wale niai i keia manawa. īna no kona ola a hiki i ka la 7 ae nei o Mei, e piha ana iaia na makahiki he kanawalu, aole nae pela, no ka mea ma ka hora ehiku o ke kakahiaka b ke Sabati aku la i hala, ua haalele *nai la oia i kana keiki ame kana mau moopuna lehulehu ma keia ao. Ua hanauia oia ma Honolulu nei i ka makahiki 1831 maloko o kekahi hale mahope aku o kahi e ku nei ka haleaina Paim ma ke alanui Hokele; oiai nae iloko o kela manawa he mau lo *i kalo wale no e waiho ana ia manawa ma ke alanui Papu e ikeia aku nei iloko o ke kulana loli ano e loa. He kaikamahine oia na ke kapena mua loa nana i lawe mai i na misionari no keia Paeaina. Iwaena o na hoahanau kahiko loa o ka Ekalesia o Kawaiahao, oia kekahi o lakou, a na kona make ana aku la ka mea nana i hoopau i kona hele ana maloko o kela luakini; oiai i ka la ,pule mamua o kona make ana maloko iio oia 'o ka luakini o Kawaiahao. Ma ka manawa i kaihuakai ai ka hui malu maloko o ke kulanakauhale nei, ua hele no oia e nana, a mamuli 0 kona loaa ana i ka nawaliwali i noho ai oia ma kauhale, me ka hoikeia ana aku o ka lohe i kana keiki ma Molokai, a un hoea mai oia me ka ike ana 1 ka haiiu hope loa o kona makuahine. Ua ike nuiia oia e kekahi poe i kamaaina iaia ma k« ano o mama "Hale," a lie lala no hoi oia no ka Ahahui Kaahumanu. Ma ka auwina la o ka Poakahi nei i malamaia ai kona hoolewa mai ka. hale hana pahu kupapau aku o Wil,liams no ka ilina o Kawaiahao.