Ka Nupepa Kuokoa, Volume XLVII, Number 10, 10 March 1911 — LOAA KA LUNAKANAWAI KIEKIE Hookohuia Mai o A. G. M. Robertson i Lunakanawai Kiekie no Hawaii Nei. PANIIA KONA WAHI E CLEMONS O Laua Nei a Elua ka Peresidena Taft i Hookohu Mai la i Mau Lunakanawai no Hawaii. [ARTICLE]

LOAA KA LUNAKANAWAI KIEKIE

Hookohuia Mai o A. G. M. Robertson i Lunakanawai Kiekie no Hawaii Nei.

PANIIA KONA WAHI E CLEMONS

O Laua Nei a Elua ka Peresidena Taft i Hookohu Mai la i Mau Lunakanawai no Hawaii.

Mahope iho o ke kakali ana aku o ko Honolulu nei poe no kekahi mau pule ae nei i hala o ka loaa mai o ka lohe mai Wakinekona mai no ka mea e hookohuia mai ana i Lunakanawai Kiekie a i kokua Lunakanawai Amerika, ua hoopauia ae na hoopohihihi ana, ma o ka hoounaia ana mai o ka lono kelekalapa ia Kiaaina Frear ma ka Poalua iho jiei mai Wakinekona mai e hoike mai ana i ko ka Peresidena hookohu ana mai i na kanaka no kela mau kulana pakahi. No ke kulana Lunakanawai Kiekie o ke Teritore ma kahi o Lunakanawai Kie kie Hartwell, ua hookohuia mai o A. G. M. Robertson ma ia wahi, he moho i kakoo ikaikaia e ka Papa Lolo o Hawaii nei, a pela no hoi e Kiaaina Fre£(r. No ka hoopiha ana aku i ke kulana Kokua Luuakanawai o ka Aha Amerika nia kahi o Bobertson o ka hookiekieia ana mai la o C. F. CJemons ka Peresidena Taft i hookohu mai la, oiai nae, he moho okoa ka Kiaaina Frear ame ka Papa Loio o ke kakoo ana aku nsi, »oia ka Loio Kuhina Lindsay. Aole i lilo ka hookohuia ana mai la o Robeitson i mea e hookahahaia ai k* ke kulanakauhale nei poe, no ka znea, ua maopopo loa kona pii aku ma kela lulana, aka o ko Clemons hookohuia ana mai nei i kokua Lnnakanawai Amerika, ka i lilo i mea liookahaha, oiai o Lunakanawai Dole hookahi waie no ka mea i kakoo i kona inoa, oiai no h<4 o Lunakanawai Gooper ame Breckons ltekahi man inoa ana o ke kakoo-ana aku nei i Amerika. Penei iho ke ano'o ka lono kelekalapa oka loaa ana mai : 4< Frear. Kiaaina. Honolulu: "Ua hookoliu aku nei ka Peresidena ia Bobertson i Lunakanawai Kiekie, ia Charles F. Clemons i Lunakanawai no ka Aha Apana Amerika. E oluolu e hoike aku ia laua. WICKERSHAH.'» . Ma ka manawa o ka loheia ana ae o ka hookohuia ana mai o Robertson i Lunakanawai Kiekie, ua hele koke aku na Kokua Lunakanawai Kiekie Perry ame De Bolt no ka ike ana iaia me ka manao e haawi aku i na hoomaikai ana, eia nae aole oia i loaa aku ma kona keena.