Ka Nupepa Kuokoa, Volume XLVII, Number 13, 31 March 1911 — MAOPOPO OLE KA HOONOAIA O KA POI. [ARTICLE]

MAOPOPO OLE KA HOONOAIA O KA POI.

Eia no ke paa mai nei na hale ku'i poi o na Pake me ka wehe oleia, a ina no e hooholoia mai ana ka bila po'i maloko 0 ka Ahaolelo e haawi ana i ka mana i ka Papa Ola e hooponopono aku ina hale ku f i poi oloko nei o keia kulanakauhale, aole no i maopopo ka ae o na Pake e hooko aku e like me na kauoha a ka Papa Ola. Ua hooholoia kela bila poi maloko o, ka Hale o na Lunamakaamana, aka ua waiho ia nae iloko o ke komite ola o ke Senate no hookahi pule ae nei i hala. Ma kekahi manawa ae nei i hala, ua aeia aku no kekahi mau hale ku'i pōi 0 na Pake e hoomau aku i ka hana ana i ka po'i, aka aole nae he ae o kela poe Pake, ke hooneleia aku ko lakoi mau hoa aole e hana i ka poi ma ko lakou mau wahi. Mai kela manawa mai, aole i ae hou kekahi poe Pake ē hana i ka poi a hiki wale mai no i keia manawa, a na j ke'ia mua aku e hoike mai i ko lakou hoomau aku i ka hana ana ame ka ole. Ma ka hoike a E. B. Blanchard ke komistna nana meaai, ua olelo ae oia i kona hele ana e nana i na hale ku'i poi apau loa, ua ike oia, ua kupono ole maoli no ka hoomauia ana aku o kekahi poe hale no ka hana ana i ka pol, malalo o sa kumu o ia ka popopo a pelapela o na hale, ka «ui o na mea opilopilo ma kahi kokoke mai i na haie kul poi, ka moe pa o na Pake maloko o kahi e ku'iia ai ka poi, a pela wale aku. Aia no nae be mau hale kakaikahi ana \ ike ai, ua hiki no ke ku'iia ka! poi maloko olaila, ina e hoololiia ae ana kekahi mau mea e loaa ae ai ke kulāna maemae i kela mau vrah'i, i hiki aku ka nui ma kahi o ka iwakalua a oi, a no ka nii aku o na-hale ku'i poi, aole e aeia, koe wale no ka hana ana aku i mau hale kaokoa loa 1 kulike hoi me na kuhikuhi a k& Papa Ola e like me ka manao o ke kanawai.