Ka Nupepa Kuokoa, Volume XLVII, Number 37, 15 September 1911 — HE HOALOHALOHA. [ARTICLE]

HE HOALOHALOHA.

Mamuli o ka oluolu ana o ka Mea Mana Loa, ma o ke kip ana ae o Kona Anela o ka Make no ko olua home o Mr. ame Mrs. W. A. Kalai, a lawe aku la me ke aloka i ka olua kamalei, Edward Kalai, ma ka la 3 o keia mahina, a waiho iho la me olua i ka ukana luuluu ame kona mau hoahanau ame ka ohana, a oiai hoi, o Edward Kalai he haumana oia no ke Kula Sabati o Pauoa, nolaila, o makou o na haumana Kula Sabati o na Kula Sabati Huiia o Kawaiahao ame Kaumakapili, ma o ko makou komite la, ke komo pu aku nei makou e auamo me oukou iloko o na haawina o ke kaumaka ame ka luuluu, a Nana no e hoomama mai ia kakou apau iloko o Kona aloha. "E ae aku i na kamalii e hele mai imua o'u, no ka mea, ua like me lakou nei ke aupuni o ka lani." O makou iho no, JAS. H. S. KALEO, L. KEAWEPOOOLE, S. K. KAAUMOANA, Komite. Pauoa, Honolulu, Sept. 10, 1911.