Ka Nupepa Kuokoa, Volume XLVII, Number 40, 6 October 1911 — NA KOHOKOHO NO KE ALANUI HOLOPUNI [ARTICLE]

NA KOHOKOHO NO KE ALANUI HOLOPUNI

Ka poe koho: Ka Honolulu Construction and Draying Co.—$109,250; a pau keia hana ma ka la 31 o Ianuari, 1913. L. M. Whitehouse—$93,578; pau ma ka la 31 o Okatoba, 1912. F. P. Chapin—$91,462; pau ka hana ma ka la 31 o Okatoba, 1912. Theo. Bowman—$88,930; pau ma ka la 30 o Sepatemaba, 1912. Duncan & Hardy—$83,894; pau iloko o 223 la hana. Hustace-Peck—$83,700; pau ma ka la 1 o Iulai, 1912.

Lord Young Co.—$79,710; pau ma ka la 1 o Sepatemaba, 1912. J. H. Wilson—$79,367; pau ma ka la 1 o Dekemaba, 1912. Hooleiia na koho a Duncan & Hardy ame ka Hustace-Peck no ka hele pu ole mai o ka palapala noi me ka bita dala i hooiaioia. O ke a ae ia ka poe na lakou na koho i waihoia ae ai imua o ke komisina waihona dala aie ma ka Peaha aku nei i hala no ka hana ana i kekahi hapa o ke alanui holopuni elima mile o Oahu mai Heeia aku ahiki i Kahana; aohe mea i lilo iaia ka aelike, ua hoolahaia mai nae ma ia la ma ka hora 2:30 p. m. o ka auwina la Poalima mai e hoikeia mai ai ka mea e lilo ai ka aelike. Piha nui ke keena o ka Meia Fern ma ka auwina la Poaha, hora 2:30 p. m. i ka poe ake e lohe a i ole e iho mai ka aelike i ka wa i weheia ai; o ka wehe waleia ana mai no nae ka kela piha kanaka i ike aku koe ka lohe ana aku ua lilo ka aelike i kekahi o ka poe koho ewalu. 1 ka wa i weheia mai ai ke koho ana a heluheluia mai la imua o kela piha kanaka nui na koho a kela ame keia ua hoi aku la ke komisina noloko o ka rumi no ka noonoo ana i ka mea e lilo ai ka aelike. 1 ka wa ka e heluheluia mai ana na koho a kela ame keia, ua noi koke ae la o Marston Campbell i ka papa e haawiia ka aelike ia John H. Wilson, no ka mea, oia ka mea koho haahaa loa o na koho a pau. Aohe mea kokua ae i kela noi, a ia wa i noi ae ai o Ed. Lord e pau kela hana iaia iloko o ekolu mahiua mamua ae o ka John Wilson manawa i koho ai. oiai he $343 wale no ka oi o kona koho i ka Wilson. A oiai he $20 ka hoopai no kela ame keia la oi aku mamua o ka manawa o ka aelike, ke haule hope ka hana mahope o ka manawa, ua manao oia o kana koho ke loaa mua ka noonoo akaheleia ana e ka papa mamua o ka John Wilson. Wahi a Adams, ua manao oia he mea pono i ka papa e kukakuka me ka ma-lu loa i na koho, a oia ko Campbell wa i hapai hou mai ai i kana noi e haawiia ka aelike ia Wilson. a, oiai nae, aohe mea kokua mai i kana noi, ua huki hou oia i ke noi a noi hou ae la e noonooia na koho apau e ke komite holookoa. O ka manao o keia, wahi a ka Lunahoomalu Adams, e haalele iho ka poe i ka rumi a no elua hora e kukakuka ai ka papa me ke paniia o na puka, a i ka poe koho e pipika hele ana mawaho e kali aku ana o ka puka mai o ka olelo hooholo a ka papa.