Ka Nupepa Kuokoa, Volume XLVII, Number 46, 17 November 1911 — HOOPA'IIA O LAU KIT. [ARTICLE]

HOOPA'IIA O LAU KIT.

Ma ke kakahiaka Poakahi nei imua p ka Aha Hookolokolo a ka Lunakanawai Coopcr i hooloheia ai ka hihia o Lau Kit, ka Pake opio nana i lawe ai:huc. i kekahi mau waiwai lehulehu like 'ole mailoko aku o ka halekuai mea gu)a o Wiehman, ma ke alanui Papu, 'no kekahi mau makahiki lehulehu, mamuli o kona hoopiiia ana ae no ka ho\ya aihue ma ke degero ekahi. Mainuli o ka loaa pono ana aku o kekahi mau waiwai ma kona hale me ka l.e)mlehu o ka poe o ae e hooiaio ana i kona hewa io, ma ia kumu aole oia i hoao e hakaka no kona hihia a ae maoli ae la i kona hewa imua o ka aha.

No ka ae maoli ana o Lau Kit i kona hewa i noi ae ai ka Loio Kalana i ka aha e kauia mai ka hoopa'i maluna ona malalo mai o ka palena o ka hoopa'i kiekie a ke kanawai i hoakaka ai, a mamnli oia noi i kau mai ai ka nha i ka hoopaahao me hana i ka hana oolea no na makahiki mawaena o ka eha ame ka unii, aole nae i hoike maopopo mai ka aha i ka nui o na makahiki e nohd paahao ai. O Tun Moon, kela Pake i hopuia a i hoopiiia ae ai no' ke ku&i opiuma me ka laikini ole, ua hookuuia mamuli o kona ae maoli ana i ka hewa. Aole nao oia i palekana loa, no ka mea, ua hoopaneeia kona hoopai me kona hoomaluia no umikumamakolu malama, a ina e loaa hou aku ana oia e hoomau hou ana no ma ia ano hana, o kona hana aku ia noho i Kawa. Ua loaa aku keia Pake e kaipuu tike ana i ka opiuma iloko o na poho i ka poe- makemake ha'uha'u opiuma a paa i ka hopuia.