Ka Nupepa Kuokoa, Volume XLVII, Number 50, 15 December 1911 — HAINA NANE A KA HUA NIOI WELA [ARTICLE]

HAINA NANE A KA HUA NIOI WELA

Mr. Lunahooponopono, Aloha oe–– E oluolu oe ame ka ?? ka Hiwahiwa hoi a ka lahui, ka Nupepa Kuokoa, e hoo komo iho ma kahi kaawale i kela mau hua palapala e kau ae la maluna, a ua ka lei hiwahiwa hoi a kaua e ?? pa lanehe aku maluna o ua pua, na awaawa, a malama aku hoi e na ili hualala o ka moana o ko kaua aina hanau, i ike mai ai na olohe huli i ino? o keia au holomua o ka naauao, mai ka la puka ma Kumukahi i ka ohu a ke kai a ka welo ana a ka la i ka mole olu o Lehua a penei iho ka hooheno ana o na nioi wela o ua kaeaea nei o ke Keena o Uwahipouli. Ninau 1: Owai ka moku iloko o Kahoupoukane nana i hoomaka mua loa ka palaiia ana o nei moa he wai iloko o ke pa palai ai aupa a ke Kaikamahine o Niihau? Owai keia pa palai? Haina: O Puna ka moku, o Kaluaopele ke pa palai, a penei: Aia i Puna ia wahi i kapaia ai o Kahoupoakane, aia no ilaila o Kawaiapele, o Puna keia i ka Mokupuni o Hawali, aole i Niihau. Ninau 2: Heaha ka i'a ahiu loa ma ke kai i kanakamakua, aka i kamalii eepa hoi o Waolani laka ana i ka poho o ka lima? Haina: He Lupe, ka i'a ahiu i kana ka makua o ke kai; he Lupe no hoi ka kamalii eepa o Waolani e hoolele ai ma ka aina nei o ke aho no hoi ka mea e hookuukuu ai i ka poho lima. Ninau 3: Heaha ke ano o ka waiwai o kela i'a makai i ?apalamioia e kekahi holoholona ma ka aina, a oiai ua holoholona la e noho alii ana no maluna o ka hanohano ame ka waiwai aka hiki mai nae hoi ke kupulau huai ia ae la ua waiwai nei ma ke akea? Haina: He Pua, ka waiwai i ?apalamio ia kela holoholona. He Pua i'a keia, e laa me ka pua amaama, a penei iho na wehewehe ana: O ka holoholona I he kanaka no ia, oiai kela kanaka e noho ana i kn hanohano ame ka waiwai hiki mai la nae ke kupulaa, pua mai la na ano pua like ole oloko o kona mau kihapai pua, akahi no a ike ia ae la ka waiwai a hoomanao ae la au i keia mau hooheno a na kaikamahine kui lei o Nuuanu: Auhea wale oe e ka pua o ka ohai, Hooha'i oe ia'u ke ike mai; Auhea wale oe e ka pua o ka vaioleta, Leta mai oe ia'u e ke aloha. Ninau 4: Ma kahi hea o ke kanaka kahi i kapaia Mahinauli? Haina: Aia ma na lima, kahi hoi i kapaia ka uala, nona hoi keia hooheno: Mu ka moku mahaulepu, heaha kau? He uala me ke pu. Hu ae la ka aka a kamalii eepa o ka uka o Waolani. Ninau 5: Owai hoi ke kilo ame ke kuhikuhi puuone nana i wanana mua loa mai, i na iho o Kailiohaeokamoana ame Kamakeloa la, he mau ahikanana like nae no ke kahua o hapukupaa. Owai o Kailiohaeokamoana? Owai hoi o Kamakeloa? A Mahea hoi ko laua like ana? Haina: O wiliwili ame wahine u'i, a o ko laua like ana ma ka hoopai, a penei: He olelo kahiko na ko kakou mau kupuna a kaulaua no hoi oia keia: Pua wiliwili, nanahu ka mano, oia o Kailiohaeokamoana. pua hoi ka wahine u'i nanahu ke kanawai oia o Kamakeloa. Nolaila ma keia mau weheweho ae la ua lawa iho la ka wela o na hua nioi a maua. Me ke aloha i ka Lunahooponopono ame na keiki ulele hua metala o kou halepa'i ko'u welina. K. K. G. AEKAI O NEAUAU. 16 Marmion St. Kapalulu mai la ka alaaa holu i na helu 2, 4 ame 5, a hapaku-e mai la ke kila i na helu 1 ame 2; ea, hooni houia mai ka uwila, i wela ka hao i ka Home Kula. –L. 11.