Ka Nupepa Kuokoa, Volume XLVIII, Number 1, 5 January 1912 — HE MOOLELO NO ALAMIRA A I OLE Ka Mea Huna Iloko o ke Aniani Kilohi. [ARTICLE]

HE MOOLELO NO ALAMIRA A I OLE Ka Mea Huna Iloko o ke Aniani Kilohi.

MOKUNA XIX. Haka pono loa aku la ka Roi nana ana 1 na maka o kana aloha, a i hou aku la me ka leo kuoo: "O kela hookahi wale ae la no anei kau kumu nui o ka hoopanee ana no kou lilo koke ana mai i wahine hoopalau na'u? Aole anei aia kekahi mau kumu e ae au e houlolohi mai nei, mamuli paha o ka mohala i>ono ole o kou mau manao e kaa mai malalo o ka'u mau pulama ana aku ia oe? He kanalua anei kekahi iloko ou no'u nei?" . , . "O kela hookahi wale agla no ke kumu a'u e ka-ua aku nei la oe e hoomanawanui, a o ko k?nalua ana no'u, ma ke ano aole paha au 1 aloha ia oe, O! ua hele kuu puuwai a piha, a ua aneane loa no e hanini ke kiaha o kuu hauoli no kou loaa hou ana ia'u i keia po. Ia u e noho ana malalo o 'ko'u haku ua nana aku au i ke ao nei, me he po pouli la, ua nana aku au ia oe, me he mea la, ua mamao loa aku oe mai ia'u aku, eia ka auanei he moeuhane palaualelo wale no īa, alaila uhola okoa mai la oia i kona mau lima imua o Roi no ka ho•oiaio ana i kana mau olelo. * Apo aku la no hoi o Roi i kana aloha, a puili mai la iloko o kona poli, a he manawa ia no ipo la e kuwiliwili ana, e hoike ana hoi ko laua mau puuwai pakahi i na pana kikoni o ke aloha kui o kekahi i kekahi. No na minuke helu ko laua noho hamau ana, me ka pane leo ole, alaila ua hapai ae la o Roi i ke poo o Alamira ifuna, a i aku la: "Heaha la hoi, he nani hoi ia ke noi mai nei oe ia'u e hoomanawanui au no kekahi mau mahina, nolaila o ka'u wale no e olelo aku nei ia oe, e ae mai oe i ekolu a'u mahina e noho ai me ka hoomana- j wanui, a ma o aku o kela manawa, e kii aku no au ia oe, a lawe mai j i hoa pili paa no'u no keia ola ana aku. A pehea e kapa aku no anei au ia oe o Luka Likeke e like me ka na mea eae e kapa nei ia oe?" j "Ae, e kapa mai nō oe ia'u o Luka Likeke, he mea maikai ole kou kapa ana mai ia'u o Alamira, he mea auanei ia e hoohioloia ai, na manaolana apau." "Aole hoi no kou inoa ame ka manawa a'u e kakali aku ai i kou lilo mai i wahine na'u a pehea iloko o keia manawa a'u e noho nei ma keia wahi, a i kekahi mau manawa e ae no hoi, he mea pono anei ia kaua ke hui pu, a i ole e 'kaupale loa mai ana no paha oe ia'u mai ka ike ana aku ia oe e ke aloha." "O! he hana paakiki ia'u ka noho ana aku me ka ike ole i kou ihelehelena e kuu Roi mahope iho o ko kaua kaawale ana no keia manawa loihi, aka i mea nae e loaa ole ai kekahi mau hoohuoi ana 110 ko kaua kamaaina mua ana kekahi me kekahi, o ka'u e manao nei, 0 ia no kou noi ana aku i 'kekahi hoaloha ou, nana oe e hoolauna mai ia oe ia'u ma ke ano owau o Miss Luka Likeke, e pulapuia aku auamei ka lehulehu, me ko lakou mahu'i mua ole no keia mau mea a kaua •e ohumuhumu nei. "Ke loaa ka hoi ka hookamaainaia ana ia kaua, alaila o ka pau ae la no ia o ka pilikia, ua hiki ia kaua ke hui ma na manawa maikai apau loa e loaa ana me ka maka'u ole, aka- malia paha—" "Heaha ia mea au o ka hopohopo ana iho la i ke kamailio mai īa'u?" wahi a Roi me 'ka nana loa ana aku ma na maka o Alamira. "He mea maikai ole palia keia na'u e hoike aku ai ia oe e Roi, malia o ike aku no oe ma keia mua koke aku, a i ole lohe paha mai kekahi poe mai. Ua maopopo no nae paha ia oe ka hoopipili mau o Mrs. Monotuge i ko makuakane ea? O Mr. Pama no hoi 'kekahi e ike mau ia nei i ka pili me ko'u haku, malia paha aole oia e makemake mai ana i kou pili mai me a'u?" "No kuu makuakane aole au mea e maka'u ai iaia, aka no kela wahine paha e ma'kemake ole mai ana oia i ka hoopipili o ke keiki a Ice kanaka ana e hooha'i nei me kekahi kaikamahine humuhumu, o leeia anei kau mea e hopohopo nei?" me ka noke pu ana ae o Roi :i ka akaaka. *'Aole i maopopo loa ia'u, aka he hoohuoi wale no ko'u, ma 'ke ;ano o Mrs. Monotuge, aole oia i makeinake e hokai wale mai kekahi mea o ke kulana haahaa iwaena o ka pohai o ka poe kiekie e like vme ko 'oukou ano." '".No ka manao ana o Mrs. Monotuge e loaa iaia kuu makuakane, ke i aku nei au ia oe, he hana paakiki loa iaia ka hoohei ana e hei kuu makuakane iloko o kana upena, e kala mai nae oe ia'u no keia ano olelo hoohepa a'u. He nui na wahine u'i a poe 6piopio no hoi 1 hopilipili aku i kuu makuakane i "kekahi mau makahiki ae nei i hala, aole nae he wahi mea a ae iki o kuu makuakane e mare me , : kekahi o lakou, a pela no au e manao nei, aole loa e hiki i ke akamai ;ame ka maalea o keia wahine ke pahele aku i kuu makuakane a hiki i kona hoohihi ana mai iaia. Ua maopopo no nae paha i kuu makuaIkane o Luka Likeke kou inoa ea?" "He manao ko'u ua lohe oia i ko'u inoa, aole nae au i hookamaaina ia aku iaia ,aka ua lohe wale no au i ko laua 'kamailio pu me Mr. Welinakona, a ninau aku la no na pohaku daimana o ka aihueia ana; a pehea he manaolana no anet kekahi ou no ka loaa hou o kela mau daimana a olua?" "Pela no ko'u manaoio, no ka mea he wahi moali uuku ka i hooimaopopoia i keia manawa, a o kekahi kumu nui no hoi ia o ko'u lioea ana mai nei e ike i kuu makuakane. Ua hoounaia mai ke kelekalapa e ka makaikiu a maua o ka hoolimalima ana i kuu makuakane, a na aia makaikiu nei no i kauoha okoa mai ia'u e hele mai au no ka hui kukakuka pu ana me kuu makuakane no na mea e pili ana i na poha}cu daimana, alaiU koi aku iaia e huli hoi koke no ke kulanakau"hale'o Nu lo'ka ma ke kakahiaka o ka Poalua ae nei A "1-Ie wahine nana kekahi hana kolohe i piha me ka maka'u ole ma'loko o ke kulanakauhale o Kikako, ka i hookoloia mai e ka makaikiu, .a kuu makuakane o ka hoolimalima ana, a ma kona manaoio, eia ua wahine la iloko nei o Nu loka ,a o ka wahine hookahi no nana i aihue i na pohaku daimana a maua, a na ua kanaka nei i kauoha mai ia'u e hoike aku i keia mea imua o kuu makuakane." .l 'kela manawa i lohe aku ai laua i 'ka hauwalaau mai o na leo o "ka poe'hele pule. a ia wa i pane ae ai o Alamira: "Eia ae na malihini ",ke huli hoi mai nei, he pono ia'u ke haalele koke iho ia oe, o loaa pono mai auanei au ia lakou e kamailio pu ana rrie oe, o ko'u nukuia mai ito ia e Mrs. Monotuge no ko'u mahaoi." "Ina hoi paha aole oe i nakiikii mai nei ia'u a paa i ke kaula, a i 'hoopiha mai nei i kuu waha me ka welu, ina aole a'u hookuu ana aku ia oe, ō ko kaua wahi no la hoi keia e noho iho ai, a hookahaha aku $a lakou, ma ke ano, ua loaa Jse kaikamahine a'u i aloha ai; a i hoike aku no au ia oe ea, he keu aku a kuu minamina loa i ka hoōkuu aku .ia oe, me he mea la e nalowale hou aku ana oe mai ia'u aku." ''Owai hoi ia mea makemake ole i keia hookaawale kokeia ana o "kana, akahi no ka hoi a hui hou na puuwai elua i hoo'kaawaleia no kekahi manawa loihi, aka no ko kaua pono iho nae, he mea maikai no ka hoomanawanui ana i kekahi manawa, a pela au e i aku nei ia oe e Roi, e hookuu mai oe ia'u e hoi no ko'u rumi, oiai ke 'kula ua malu. % "O ka hauoli e loku nei iloko o kuu puuwai, ua hele ia a nui e hiki ole ke anaia kona hohonu ame ke kiekie, aka e nihi ka helena i ka uka o Puna, a mai pulale i ka ike a ka maka," alaila ku ae la o Ala- • mira iluna me ke kau ana mai o kona mau maka nana i kana ipo e noho aku ana imua o kona alo.

Ku pu ae la no hoi o Roi iluna, a puliki aku la ia Alamira, aohe wahi mea a onioni ae o ua kaikamahine nei, o ia no oe o ka i'a i ona | i ka auhuhu alaila honi aku la o Roi ma ka ihu o Alamira, a haawi j ke aloha poeleele, o ke kaha aku la no ia o Alamira hoi yo kona rumi j me ka naau i hoomamaia a me na kaina wawae o ka hauoli, a noho 1 iho la no hoi o Roi, me ka unuhi ana ae he nupepa mailoko ae o ka pakeke o kona kuka loihi, a hoolalau wale iho la no ma ka heluhelu ana. O ka pepa no ke kau la imua o kona alo, aole nae kona noonoo ilaila. aka aia wale no kor» noonoo i ka ehakoni o ka hoi ana aku la no ka ha)e oluna, a ina no paha oia e heluhelu ana i na mea maloko o kela nupepa, aole no e maopopo ana iaia kekahi mea, o kahi kumu ole hoi e hoolalau ae ai, 'ke paa la no kona mau lima i ka nupepa a hiki i ka hoea ana mai o ka poe hele pule. Ua hookahahaia aku na mea apau i ka hoea koke ana aku o Roi ma kela ahiahi, eia nae ua apo like mai la lakou ia Roi me na.manao ohohia, a hookipa ia aku la o Roi iloko me na hookipa ohaohar mai na 'kamaaina mai o ka home. MOKUNA XX. ? * ' Oiai na liuliu hoomakaukau no ka hoea mai o kekahi aha hulahula nui ma Hazeladena, keia wahi a Roi o ke kipa ana aku, aia pu ke kulanakauhale o Nu loka iloko o na pioloke, a he mea pono no i ka mea e uhaiaholo ana mahope o keia moolelo ke hoalu iki iho ma keia wahi, a hoohuli hou aku i ka nana ana ihope, heaha la ka hana nui nana i hqopioloke ae i na mea apau maloko o kela kulanakauhale. I"Ce hoomanao la no oe e ka mea heluhelu ma kela po o ka haaw r iia ana o ka aha hoolaulea e Mrs, Merila, o ka po ia nana i hookamaaina mua aku ia Pama ame kana 'keiki ia Mrs. Monotu£e, a ma ia po pu no hoi i hookamaainaia aku ai o Roi me kekahi wahine okoa aku nona ka inoa o Mrs. Vanabeka. Aole no oe e ka mea heluhelu e hoohewahewa iho ana i ka hele o Roi a piha i ke pihoihoi ma kela manawa ana e kamailio pu ana me Mrs. Vanabeka ina 'kela po, me kona noke loa ana hoi i ka hakilo i na daimana e anaanapa mai ana maluna o ua wahine nei, a pela hoi jka maikai ole o ka mana oo Mrs. Vanabeka no ke kau ana aku o na hoohuoi ana maluna ona, me ka haalele koke ana mai o ua wahine la i kela aha hoolaulea. Ma kekahi la ae no, aole o Roi i hoohakalia iho i ka hele ana aku e ike i ka makaikiu a kona makuakane o ka hoolimalima ana no ka huli ana aku i ka mea nana i aihue i kana mau daimana, a mai kela manawa mai ka hookolo ana o Makaikiu Rida mahope o ka meheu ■ 0 Mrs. Vanabeka. ! O Mr. Rider kekahi o na makaikiu akamai loa, a i hele kona kau-1 lana ma kela hana a palahalaha loa ma na wahi like ole o Amerika | Huipuia, a mamuli o kana noii akahele ana, i loaa mai ai ka ike iaia,! he wahine o Mrs. Vanabeka i maa i ke komo nui ana iloko o na anaina a ka poe hanohano, ua maa i ke kuai ana i na lole nani wale no, pela hoi ka hoikeike mau ana i kona mau daimana. j Ua kao'koa loa ae nae keia wahine mai ka Mrs. yanabeka mai o ka hele like ana me Roi no kahi o Kauka \Vaselahofa, aka ma ka manao no o ua makaikiu la, he hana hiki wale no ia ke hoohalikeia, ke manaoia pela, a paa iho la no kona manao, o kana lawehala no keia, aole he wahine okoa a'ku. Ua hele.aku no hoi o Makaikiu Rider e hui pu me Kauka Waselahofa, a mai kela kauka mai i loaa mai ai na hoakaka maopopo loa e pili ana i ka wahine o ka liele ana aku e kukakuka pu me'ia no ka laweia mai o kana keiki malalo o kana lapaau ana aku, a ma ka hoohuihui ana o ka makaikiu i kela ame 'keia mea, ua hooholo iho la oia | 1 kona manao, aole he elua mau wahine o ke kipa ana aku e ike i ke -kauka, aka he hookahi no kela wahine, i hoano e nae i kona ano e kuhihewaia aku. ai he mau wahine ku kaokoa laua a elua. Ma ka hookolo akahele ana a ka makaikiu i loaa hou mai ai iaia ka ike, he wahine kela e noho ana ma kekahi o na hale nani oloko o ke kulanakauhale o Nu loka, ua law r a oia i na 'kaa nani ame na lio maikai, a he mau kauwa lehulehu ke noho hana aku ana malalo ona. Maloko hoi o ka hale banako, oia kekahi o na wahine nui o ke dala i hoahuia malaila. ' * E ikeia ana kela wahine i kekahi manawa i ka holo pu maluna o ke kaa me kekahi keonimana i oi ae ke kahiko mamua o kona, he kanaka ma'i, a ma ka ninaninau ana a ka makaikiu i 'ke ano o kela kanaka, ua hoikeia aku la iaia aole ana hana, o ka noho wale ihv uo i ka hale, a o ka hele no hoi ma na wahi like ole e holoholo ai, me he mea la he kulana ona miliona 'kona ano. O keia ka mea nana i hoomahuahua loa aku i ka hoohuoi o ua makaikiu nei, o kela no ka wahine nana i hana ke karaima aihue. a nana i hoopaa aku ia Roi malalo o ka malu o Kauka Waselahofa, oiai ua olelo aku oia ia Pama he kane ma'i kana, a e hoihoi mua oia i na elaimana imua ona no ke aponoia mai, mamua o kona kuai ana. Aole nae ma ke ano*maalahi wale no i loaa mai ai na ike i ka makaikiu no ke ano o Mrs. Vanabeka, aka, mamuli no ia o kona hoololiloli ana i kona ano a lilo he kanaka kalaiwa kaa opio, a ma o kona haawi mau he mau makana lehulehu i ke kaikaniahine lawelawe a ua wahine nei, pela i maopopo ai iaia na wahi apau a Mrs. Vanabeka e hele ai, a e ukali mau ana keia mahope ona, a ma na walii a ua wahine nei e komo ai iloko o na anaina hoohauoli e konoia mai ai oia e hele aku. Iloko o kela mau aha hoohauoli, a mau aha hulahula a ua wahi-ie nei e hele ai, e komo mau ana oia i na lole maikai wale no, a e ike mauia ana no hoi ka liele o ua wahine nei a hihimanu me na daimana hke ole, me he mea la lie lua daimana maoli kana, i ka hoololiloli mau i kana mau daimana i kela ame keia manawa ana e oili mai ai iloko o na aha li'ke ole. Ma kekahi po nae. o ka po Poalima ia, mamua aku o ka po i haalele mai ai o Roi ia Nu loka no ka hooko ana aku i ke kauoha a kona makuakane, ua loaa aku la 'ka lohe i ka makaikiu mai ke kaikanīiahine lawelawe aku a Mrs. Vanabeka, o kela ka po e hao mai ai kona haku wahine a hihimanu, no ka mea he aha hulahula kela i haawiia no ka hanōhano o kekahi kaukau alli. Ua hele a'ku la o Makaikiu Rider e kuai i tikiki nona i hiki ai iaia ke komo i kela aha hulahula, no ka mea aia ilaila ke kau nui ana o kona noonoo o kona ike aku i na daimana a Pama i ke kauia mai e Mrs. Vanabeka. He mea oiaio i ka wa a ka makaikiu e noho ana iloko o ke keena h\ilahula, aia wale no kona mau maka ke au la o kona ike mai ia Mrs. Vanabeka a i ka oili ana aku o ua wahine la, auwe! o ia no oe o na hoku o ka lani i mai a akoakoa maluna o ke 'kino o kela wahine, ka hele a anaanapa ma na wahi like ole, a o ia ka ua o Makaikiu Rider o ka ae: "Auwe no ka hoi e!" wahi ana o ka namunamu liilii wale ana iho no. "Pehea la keia wahine i aa ai e komo mai i 'kona mau daimana apau loa i ke?ia po! Ina no kona manaoia e powa, he hana maalahi loa ia ke hanaia mai maluna ona, o ka hapa mai auanei kela o na daimana, e komohia ole aku ai na manao kolohe iloko o kekahi poe. O, akahi ka hoi au a ike!" a ia wa i li-o ae ai na ma'ka o ua makaikiu la me ka haka pono loa ana aku o kana nana ana i na kula pepeiao e lewalewa mai ana ma na pepeiao o Mrs. Vanabeka. Me he mea la he moeuhane kana mea e ike aku nei, oiai iloko o na makahiki ekolu o kana hookolo ana mahope o ka wahine nana i apuka i kekahi kanaka waiwai ma Kikako no ka hoolilo ana aku i na kula pepeiao hoopilipili akahi no oia a halawai me ua wahine la, e like me kana o ke koho ana iho o ua wahine nei kela, alaila ua hoi aku la oia ma kekahi kihi, a wehe ae la i na kuhikuhi e pili ana i ka wahine nona na kula pepeiao kolohe. O keia kana mau mea o ka helu.helu ana ae: "He wahine huapala, nona na makahiki ma kahi o ka iwakalua-kumamawalu a kanakolu

paha. He loihi kupono oia. lu' aiai maikaiNkona ili, hc mau m.ik , bolu, he ulaula kona lauoho mc ke apiipii pu. Ina e hookauia th< ana kekahi mau mea hoano e liilii loa maluna o kela wahino. a. .1 <« he wahi lilo niai ka wahine mai nona keia mau hoakaka a'u e m iia ma nei, o ka wahine keia nana i hoopuhili mai ia'u no na makalnk ekolu i hala ae nei. "No ka manao paha o keia wahine aole he mae i hoohuoi n<> kela mau kula pepeiao ana o ke kolohe ana i kekahi mea ma Kikako. pela oia i aa ai e kau mai i keia mau kula pepeiao i keia po, alia nathoi, a pehea la kela ke'a daimana e kau mai la ma kona umauma, me he mea la o kela kekahi o na daimana a Mr. Tama e hele loa aku nae hoi au a kokoke iaia, mamua o ko'u hoao ana aku e hooko i ka'u oihana." Hookomo iho la oia i kana mau mea iloko o kona pakeke, a ho<3 maka aku la e hele holoholo, me ka haalele ole nae o kona mau maka i ka wahine ana e ake nei e hoolilo mai i paahao nana.* He. ekolu mau hora loihi okoa a Makaikiu Rider o ke kakali ana o ka hoea mai i ka manawa ana e hopu aku ai i kela wahine, he hana maalahi wale no ia nana e hooko koke aku ai iloko o kela keena, aka aole nae ona makemake e lilo na hauoli ma ia po i me.i e hoopauia ae ai ma o ka lilo ana aku o Mrs. Vanabe'ka i paahao, n 'aila ua kakali malie oia, a hiki i ka hoi ana o kela wahine. o kona »nanawa ia e hooko aku ai i kana hana. I ka haalele ana aku o Mrs. Vanabeka ialoko o ke 'laiena \u \ia 'a, ua oili aku la oia iwaho me ka ukaliia e kana kaikamahine lawch;we, ame kekahi makai, ma ke ano he kiai i ole ai e hoao mai mea aihue e powa ia Mrs. Vanabeka, a mamua o ke komo ana aku 0 ua wahine nei iloko o kona kaa, o ka wa koke no ia i paa mai ai kona poohiwi i ka hopuia e kekahi mea, a ia wa i poha pu mai ai ka leo i ka i ana mai: "I keia manawa he paahao oe na'u, a no ka mea o oe o Mrs Vanabeka," wahi o ka pane a ka makaikiu. Ua puiwa hikilele ae la ua wahine nei, no keia. oleloia ana aku he paahao oia, a ia wa i pale ae ai oia i ka lima o ka makaikiu e pan aku ana iaia a pane mai la. "Ke hookahaha loa mai nei oe ia'u i keia po, a no ka niea aole au 1 ike ia oe mamua a pela me kou kuleana e hopu mai ai ia'u, a i hoike aku au ia oe, aole o Mrs. Vanabeka ko'u inoa." "Aole o'u nana no kou ike mua ole ana ia'u, a ina paha o Mrs. Vanabeka a o Mrs. Vanaheka paha ka pololei o ka puana ana i kou inoa, aka ke hooko nei au i ka hana i hooiliia mai maluna o'u, a ke i hou aku nei au ia oe, he pio oe na'u malalo o ke kanawai." "Heaha ke ano o keia mea i hanaia|mai maluna o'u?" i puoho hou mai ai ua wahine la, alaila huli mai la i ka makai e ku aku ana ma kona aoao a i mai la: "Ke uwalo aku nei au imua ou, e kupale mai no ko'u pono i keia po, a no ka mea aole loa e hiki i kekahi ke hopu mai ia'u me ke kuleana ole!" Ua kamaaina mua, no keia makai ia Mr, Rider, ka makaikiu, a i ka wa a kela wahine) o ka ui ana aku iaia e kokua aku i ka mea < hooliloia aku ana i paahao, o ka wa ia a ka makai o ka huli ana ak i i ka makaikiu a i aku la: "Pehea hoi keia e Mr. Rider? Heaha ka hewa nui a keia wahine i hana ai e lilo ai oia i paahao nau?" "Aia maluna o ke kino o keia wahine kekahi mau daimana a'u > ka no'ke ana i ka liuli no keia mau makahiki ekolu, a he hana ha wawa loa na'u ka hookuu wale ana aku iaia, mahope o ko'u ike anu aku nei i keia po," wahi a Mr. Rider me paa hou ana aku maluna o ka poohiwi o Mrs. Vanabeka. "He hoopunipuni! he hoopunipuni!" i puoho mai ai ua wahiiu la 111 e ka piha i ka inaina. "Aole loa kekahi daimana maluna nei .» kuu kino i aihueia e a'u, aka no'u ponoi wale no keia mau waiwai apau, aole mamuli o ka haawi makana waleia mai no ia'u. aka ma o ke kuai maoliia ana aku kekahi me ka'u mau dala pone^." "Ina e hiki ana ia oe ke hooiaio mai'i kalii o ka loaa ana mai ia oe o kau mau daimana apau, ke manao nei au, aole loa he pilikia e ili aku maluna ou, aka ma ke ano he 'kanaka au no ke aupuni. ua ili iho he liana nui maluna o'u e hiki ole ai ia'u ke pale ae i ka'u kauoha 110 ka hopu ana aku ia oe. "Ua hoolimalimaia mai au e kekahi kanaka ma Kikako 110 ka huh ana i kekahi mau kula pepeiao a kekahi wahine o ka pulapu ana iaia, ao ua mau 'kula pepeiao la, ua ike au ia oe i keia po; a ua ike pu aku no hoi au i kekahi ke'a maluna o kou kino, he ke'a daimana o ka waihoia ana mai malalo o ka'u oihana no ka huli ana aku, a malalo iho la o keia mau kumu, he pono ia'u ke lawe aku ia oe no ka halepaahao, a ilaila e noii ponoia mai ai na mea apau e pili ana i ka oiaio a oiaio ole o kau mau olelo e pili ana no kahi o ka loaa ana aku ia oe o kela mau daimana." Ua hoopilikia loaia aku kela wahine ma o na olelo a ka makaikiu iaia, a o ia kana o 'ka pane ana aku: "No keia mau kula pepeiao e kau nei maluna o kuu mau pepeiao, na'u maoli no i kuai maloko >> ke kulanakauhale o Bosetona, he ekolu makahiki ae nei i hala, a ina oe e hoomanawanui mai ana e Mr. Makaikiu, ke manaolana loa m i au e hoopauia ana 110 kou pohihihi, me he mea la aia no kela likik a'u o ka uku ana no kela mau kula pepeiao ke waiho mai la i ko'u home, ua hiki ia oe ke hele ae ilaila i ke kakahiaka o ka la apopo. Ua hene malie iho la ka aka a ka makaikiu 110 ke akamai o keia wahine i ka pelo iaia, alaila i mai la ua kanaka nei o ke aupuni "Aole loa e hiki ia'u ke ae aku i kau noi, no ka mea he kauoha paa ka'u, i ka wa e loaa ai o kekahi mea me kela mau kula pej)eiao o ka wa koke ia e hopu aku ai. Ke hauoli loa nei au, ina e hiki ana ia oe ke waiho mai i na hooia apau 110 kou pili ole ana i ka hewa, aia wale no nae a hoea mai i ka wa e hookolokoloia ai 'kou liihia. a i»o keia manawa la, e hopu ana au ia oe ma ke ano ho lawehala na'u." "He keu aku maoli ka keia oka mea maikai ole! Aole o'u makemake e hopuia mai au, a e hookomoia aku iloko o ka halepaahao m» ka aihue, me ko'u ike iho no, aole loa au i pili i ka hewa m.i koka 1 »: ano." "He mea maikai ole 110 ka ikeia mai o kekahi wahine lalawai o like me oe e kaa aku malilo o ke kanaka o ke aupuni, eia nae ao;v nana a ke kanawai i ke kiekie ana, a i ka haahaa ana i>aha o keka'ii mea, he like na mea apau imua ona, a ma ia ano aole e hiki ia'u ke kakali hou iho, a i ole ae aku paha e hookuu ia oe." "Ke manao nei au ua kuhihewa oe e Mr. Rider," i pane mai ai ka makai e 'ku kokoke ana me ia. "No na makahiki ae nei elua i | hala, ua lilo mau au i mea nana e kiai i ka maluhia o keia lede, i aole au i ike iki i kekahi mau mea e kau aku ai na hoohuoi ana imaluna ona." | Akahi no a ano kuha'u aku ka makaikiu no na olelo aka makai | iaia, no ka mea ina he elua makahiki ka ikeia ana o ka maalo mau 0 Mrs. Vanabeka iloko o ka pohai o ka poe kiekie, a ua kamaaina hoi na ano apau o ua wahine nei i kela makai, alaila ua kuhihewa i'o paha oia, alaila i mai la oia i ka makai i ka pane ana mai: "Alaila e aa anei oe e hoopaneeia ka hopu ana aku i keia wahine, Tna oia e haawi mai ana i kekahi mau kumu hooia no kona hoea at Ika w r a e kauohaia mai ai eke kanawai, a i ole i kona manawa paha e makemakeia ai?" "Aole loa o'u kanalua no ka loaa o kekahi poe e ku hope no keia wahine ina ia he mea nona e hookuuia ai e huli hoi aku no kona home i keia po," alaila, ia manawa i pane koke mai ai ua wahine nei: | "Ina oe i makemake e loaa na hope no'u, i wahi e hookuuia ai au i keia po, aia he nui loa iwaena o ko'u mau hoaloha, i makaukau e lilo i mau hope no'u, ke lilo ia i mea maikai i kou noonoo e Mr. Rider. E hoi hou mai iloko nei o ke keena hulahula, a e haawi aku no au ia oe i kekahi huina dala e like me kau i makemake ai i bela no'u," a o ka huli hou aku la no ia o Mrs. Vanabeka hoi noloko o ke keena hulahula, me ka ukali ana aku o na kanaka o ke aupuni mahope ona I (Aolp i pan.i