Ka Nupepa Kuokoa, Volume XLVIII, Number 1, 5 January 1912 — MAKANA KARISIMAKA A KE KULA SABATI AME NA C. E. O KA EKALESIA HAWII O LIHUE, IA MR. ED. DE LACY, KA MEA HOOKANI OGANA. [ARTICLE]

MAKANA KARISIMAKA A KE KULA SABATI AME NA C. E. O KA EKALESIA HAWII O LIHUE, IA MR. ED. DE LACY, KA MEA HOOKANI OGANA.

E ka N"upepa Kuokoa ame kou Lunahooponopono ahonui, Aloha makahiki hou: —E oluolu mai i kekahi kolamu o kau pepa e hookomo iho i keia mau wahi lalani: Mr. Ed. de Lacy, Aloha Karidimaka: —O makou ona lala oke Kula Sabati o Lihue, ka Ekalesia ame na Ahahui Hooikaika Kristiano, ke haawi aku uei ia oe i keia makana Karißimaka, he aloha nui no lakou ia oe, no na hana maikai kokua a oluolu au i hoke ai iloko o keia mau makihiki loihi ma na haiia o ka Ekalesia ame ke Kula Sabati. E oluolu e lawe aku i keia makana, a na ke Akua e hoopomaikai mai i kou alahele me ka oluolu, iloko o keia uiau mahina he umikumamalua e hiki mai ana, ame na mahina apau he umikumamalua o kou ola ana. Na kou komite, WM. ELLI9. Dekemaba 24, 1911. Haawiia ka makana ma ke dala mai ke komite aku: Kula Sabati $20} na Ahahui C. E., $9.50; huiia, $29.50. Aia nae maluna aku ka huina. ,T. H. K. KAIWI, Kakauolelo.