Ka Nupepa Kuokoa, Volume XLVIII, Number 1, 5 January 1912 — HOIKE HAPAHA O KE KULA SABATI O WAIKANE [ARTICLE]

HOIKE HAPAHA O KE KULA SABATI O WAIKANE

Mr. Lunahooponopono o ke Kuokoa, aloha: —E oluolu oe e hookomo iho ma kahi kaawale o kau nupepa i kela mau hua e kau ae la maluna. Ma ke Sabati, la 17 o Dekemaba, i malamaia ai ka hoike hapaha o ke Kula Sabati o Wīaikane e like me ke kauoha a ke Kaha Knla Sabati Nui o na Koolau, P. D. K'ellett, Jr. Eia ka nui o na Kula Sabati i hiki mai: Kahuku, Hauula, Kaneohe, Waialua, ma o ko lakou la, a me ke Kula Sabati o Waikane. Ua malamaia na hana e ke K. K. S. Nui i ka hora 10:15 a. m., ua weheia no hoi na hana me ka himeni a me ka pule a Rev. J. Nua, a hoomakaia na hana hoike 'e like me ka papa kuhikuhi hana, 0 ka mea hou i ikeia ma keia Kula Sabati, i ka hoike hope o keia makahiki, oia no ka mea i ikeia he Papa Kala Sabati Home no na keiki o Waikane, oia hoi no Kaalaea a me Waikane keia mau Kula Sabati Home o ka k'e Akua hooponopono ana paha ia. Ua hoomaka na kumu papa i ke alakai ana i ka lakou mau haumana me ka eleu a me ke kuio hana maoli; ke ike nei ke K. K. S. o Waikane aole lakou i molowa i ka hana, a ua nui ko'u olioli no na hana i hanaia ma ia la, a o ka oi loa aku no o ko 'u iini i na hana oia no ke Kula Sabati o Kahuku. Huina haumana i hiki mai ma o ko lakou mau Kula Sabati la he 131, a o ka huina nui o na loaa lulu. o ke K. S. $41.25; na loaa aha mele i weheia i ka po Poaono a ao ae Sabati $31.55, ua like me 4>72.80 ka huina nui no na hana i hanaia o ke Kula Sabati. Me ka ulumahiehie o na hana, a me ke aheahe malie wale no i hana ia ai ka hana e ko mako\i K. K. S. Nui o na Koolau nei P. D. Jr. E hoomau aku i na hana maikai *e na Kahu Kula Sabati Apana, a na ke Akua no e kiai ia kakou, me ka mahalo i na haumana o na Kula Sabati apaa i akoakoa mai no ka hana i malamaia ma Waikane. O ke aloha Karisimaka no ko oukou ame Hapenuia. EDWARD K. AUKAI, Kahu Knla Sabati o Waikane.