Ka Nupepa Kuokoa, Volume XLVIII, Number 1, 5 January 1912 — HE LEO KAHEA I NA AHAHUI C. E. APAU O KE TERITORE [ARTICLE]

HE LEO KAHEA I NA AHAHUI C. E. APAU O KE TERITORE

E oluolu na kakaaleta o na Ahahui C. E. apau o kela ahahui keia Ahahui Hooikaika Kristiano o na Makua a me na Opio a me Pokii e hai mai me ka hakalia ole i ka mea nona ka inoa malalo iho nei: [ 1, Ika iuoa ona luna nui; 2, na ko mite like ole; 3, ehia lala hoahana;4, *eliia hoa; 5, ehia hoa hanohano; 6, ka nui o na halawai hana haipule, hoolaa a me halawai hoolaulea i malamaia; 7, ka averika hele mau o na lala a me hoa i na halawai i hai ia maluna; 8, ka fVverika hele mau i ke Kula Sabati a me na halawai o ka Ekalesia; 9, poe i bapetizoia a hookomoia hoi i ka hoaluinau; e hoopiha pololei ma keia wahi. 10, na lala i make, a oki ia paha; 11, ka huina o na dala loaa. E hoakaka ano nui i kahi i loaa ai na dala, a p'ela no hoi na hoolilo. E hai me ka maopopo i na dala i h«aawi ia ma ke ano manawalea kokua i ka poe pilikia, a me na mea ano nui e ae. Pehea la kou ahahni, ke holomua nei paha, a i ole ke kuemi nei pahaf Ua makemakeia keia hoik© mai lanuari, 1911 a Dekemaba 31, 1911. Ua makemake nui ia na hoike a pau e loaa mai iloko o lanuari i hiki ai ke hooiiiakaukau ia ka hoike no na mea e pili ana i keia Teritore a hoouna aku i ko keena poo o na C. E. ma Bose tona i ka malama o Maraki. ī T a' makemake pu ia e pa'i buke ia keia hoike a hoouna i na Ahahui a pau a puni keia Teritore, ke loaa mai na dala kokua no ke pa'i ana i keia hoike mai na alakai mai. Mai ulolohi mai oukou. E hoike aku kakou i ko ke ao nei, ke hooikaika nei knkou e hoonee i keia hana nui iloko o Hawaii aloha. Ina he kii ko na Aha Mokupuni, inaikai ke hoouna 'pu mai. Owau no ko onkou hoapaahan», PETER N. KAHOKUOLUNA. Komite Hooko o na Ahahui Hooikaika Rrißtia"no o ke Teritore i kohoia a hoomana ia e ke Komite Hooko Nui ma Bosetona, Amerika, i Dekemaba 13, 1911. Paia, Maui, Dekemaba 28, 1911.