Ka Nupepa Kuokoa, Volume XLVIII, Number 1, 5 January 1912 — NA KA MAKA'U OLE I HOOPAKELE I KE OLA [ARTICLE]

NA KA MAKA'U OLE I HOOPAKELE I KE OLA

Mamuli o ka eleu i hui puia me ka maka'u ole, i hoopakeleia ai he keiki uuku mai ka poino mai, e Kapena Evenson o ka oihana kinaiahi ma kekahi ahiahi aku nei o ka pule i hala. eia nae ua loaa no he mau palapu i kela keiki. E ai ana o Kapena Evenßon maloko 0 kona home ma ke alanui Emma ae nei, a ua hoopuiwaia oia i kona lohe ana aku i ka uwe kapalili mai o kekahi mea mawaho o ke alanui, a me kona hoohakalia ole iho, ua holo aku la oia no kahi o kā leo kapalili o ka puoho ana mai, a he keiki ka i loaa aku iaia,.e puliki ana i kona lole, oiai ua a ia e ke ahi. Ua hookomo kela keiki i ka puolo pahupahu iloko o ka pakeke o kona lolewawae me ka maopopo ole iaia ua a ke ahi i ke pahupahu. Ma ka maka'u ole i boao aku ai ke kanaka kinai ahi, e kinai a hiki i ka pio ana o ke ahi, alaila hoihoi aku la i ke keiki uuku noloko o kona home, me ke kau ana i laau malnna o kahi palapu, ja hoihoi loft aku la iaia noloko o ka halema'i, kahi <e loaa mai ai na lapaau maikai ana malui..., o ka mea poino. Aole nae o kela wale ae la no ka hana hoopakele a kela haole, aka ma ke ahiahi Poakahi aku, oiai kekahi poe e hauoli Karisimaka ana ma ke alanui Iniowaina, kahi i konoia mai ai o Evenson e hoea aku ilaila e kona hoaloha, ua hoomaka ae la kakahi ihoiho kukui e a i ke kumulaau Karisimaka, me ka hoopiolokeia o ka poe apau maloko o kela hale. Oiai nae na mea apau e kunana wale ana, me ka maopopo ole o ka lakou mea e hana aku ai, o ka wa iho la ia i holo aku ai o Evenson, a ka'ika'i mai la i kela kumulaau mailoko mai o ka hale, me ka lawe ana aku a waiho iwaho o ka pa, a malaila oia i kinai ai a luki i a pio &na o ke ahi. Aole nae ia he hana uuku na kela haole kinaiahi, no ka mea ua lilo kona paa lole hou i mea ole, eia nae ua hoopakeleia keia home mai ka poino mai. Iloko aku nei o ka makahiki i hala, ua hoopakele no o Evenson i ka home o kekahi o kona mau hoaloha, i ka wa i hoomaka ae ai kekahi ihoiho knkui e a i ke kumulaau Karisimaka, a o kana 1 hana ai ma kela manawa, o ia no kona holo ana akn, a kinai i ka ihoiho kukui me ka nui ole o ka hana, oiai nae e noho aku ana kekahi poe e ae me ka maopopo ol« ia lakou o ka mea e hana aku ai.