Ka Nupepa Kuokoa, Volume XLVIII, Number 2, 12 January 1912 — E HOEA MAI ANA IANEI KE KANIKELA IAPANA CHINDA [ARTICLE]

E HOEA MAI ANA IANEI KE KANIKELA IAPANA CHINDA

O ka ViBcount Chinda i hookohu kokeia mai nei ma ke ano he Kanikela no lapana i Wakinekona no ke pani ana i ka hakahaka o k& makalua o ka Viscount Uchida, e noho kuhina mai la no ke keena o ko na aina e ma Tokio, lapana, ke hoea mai ana i keia awa maluna mai' o ka mokuahi Shinyo Maru o ka la 9 o Feberuari e hiki mai ana. Me he mea la e "ukali puia mai ana no oia e ke Kauna-wahine Chinda me kekahi heluna o na kauwa lawelawe. Ua loaa mai kela nuhou no ka hoea mai o ke Kauna a Kanikela lapana i Wakinekona i kekahi o*na nupepa Kepani maanei, ka Nippu Jiji. Ma ke ftno he luna aupuni aole i loaa ae kekahi lono e pih ana ia nuhou i "ke Kanikela Uyeno e hoakaka ana i kela hoea mai o ke Kanikela Chinda, aka nae, oiai, ua loaa like mi kela lono i na nupepa Kepani apau ma Honolulu. nolaila ua manaoio loaia e hoea io mai ana no oia. Ma ka hoakaka ana ae a Y. Soga ma ke kakahiaka Poaha nei, ka lunahooponopono o ka nupepa Kepani ka Nippu Jiji, he haumana oia na ka Yiscount Chinda, oiai oia e noho ana ma lapana, ia e hlo mai ana ke Kanikela Chiuda i mea punaliele i na luna aupuui ma Wakinekoua ke hiki aku, pela kona manao, mamuli o kona piha oluolu. He hnumana oia i puka mai me ka hanoihano niai ke kula nui mai nia ka Mokuaina o Indiana. Ua olelo puia o kaIna ka.uaawahine kekahi wahine makaukaii loa ma ka olelo Beritania. | O kahi i noho liana mua loa ai o ke Kauna Chinda ma ke auo he kanikela, nia Kapalakiko ia a ma Shanghai ame kekahi mau awakumoku e ae ma na aina e. I ka makahiki 1900 ua hookohu ia oia he kuhina noho no lapana ma Rusia. Mai ka 1901 mai a i ka 1908, he hope kuhina oia no na aiua e ma Tokio, lapaha. Ma na mahina hope o ka 1908, ua hoounaia ola ma ke ano he kanikola no lapana e ka Emepera Mutsuhito, i Berlin, Kelemania, a ma ia knlana oia i noho ai me ka niahalo nuiia ahiki i kona hookohuia ana mai la i Kanikela i Amerika Huipuia. Ina -ka e ku kakahiaka nui loa mai ana ka mokuahi Shinyo Maru i Honolulu nei, ma kela kakahiaka o ka la 9 o Feberuari, alaila, e laweia ana oia e hoomakaikai ma na wahi ano nni o Oahu nei maluna o ko kaa otomobile.