Ka Nupepa Kuokoa, Volume XLVIII, Number 2, 12 January 1912 — KA LA O NA BEBE MA KAPIOLANI HOME [ARTICLE]

KA LA O NA BEBE MA KAPIOLANI HOME

No ka manawa mna loa iloko o ka moolelo o ke ku ana o ka Home Hoohanau Kapiolani,. o ka Poaono aku la i hala, he la ia i hoakoakoaia ae ai na keiki i hanau maloko o kela home, a ua hiki aku ma kahi o na haneri ka nui o na bebe, i laweia ae e na makua a e na hoaloha, ke h'ele la ke kahua nui o kela home a nonanona ia lakou. He mea maa ka malaina ana i na pa'ma luau iloko o kekahi mau makahiki ae nei i hala, aka nae iloko o keia makahiki, i hooholoia ai, e hooliloia i la no na bebe, a pela i akoakoa ae ai he heluna bu'i o lakou ma ka Poaono nei. Ua hoomakaukauia kekahi kumulaau Karisimaka i luluu i na puolo kanake, a i ka akoakoa ana o kela mau bebe malaila, mai ka poe hiki ke hele a ka poe e hiiia ana no e ko lakou mau makuahine, ua piha maoli lakoii me ke kahaha no na mea a lakou i ike ai, aka o ka mea nae nana i hoohauoli loa aku ia lakou, o ia no ka haawi pakahiia ana aku o na puolo kanake. Mamuli o ka ikeia ana o ka holopono o kela hana, ua manaoia, e hoomauia aku ana ka hoolilo ana i kekahi la iloko o ka makahiki i la no na bebe. 0 ka huhu ame ka pupuahuhi, aohe o laua hoololie mai i na olelo a'o maiJ*ai. —Gbriaty.