Ka Nupepa Kuokoa, Volume XLVIII, Number 2, 12 January 1912 — ELUA TONA WAIU BATA NU KILANI I HOAHEWAIA [ARTICLE]

ELUA TONA WAIU BATA NU KILANI I HOAHEWAIA

Ua oi aku mamna o elua Tona waiu bata o ka hoea ana mai nei maluna o ka mokuahi mai na Panalaau mai i paa ia maloko o ka hale dute no ka hoihoi houia aku, mamuli o ka hoahewaia ana e Mr. Blanchard, ke kanaka e huli pono a he akeakamai hoi a lunanana no na meaai no ke aupuni federala. Ma kana nana ana i kela mau waiu bata i hoea mai la ua ike oia aia iloko oia waiu bata kekahi mea hoopoino i ke ola kino, oia hoi he boraeic aeid, a mamuli o ka ikeia ana oia mea he mea hoopoino, a i keakea loaia ka hookonio ana mai iloko o na makeke Amerika e like me ka hoakaka a ke kanawai o Amerika, pela i paaia ai. Ua hooiaio loaia mai keia hoakaka » Mr. Blanchard ponoi aole nae oia i hoomahuahua loa mai i ke kamailio ana no ia mea. He mau tona lehulehu o ka waiu bata x hoea mai i Hawaii nei mai Auseteralia mai, aohe nae he poino i ik'eia ma ia mau waiu bata, oiai ua hoike muaia aku i kolaila poe ke kanawai o Amerika. O keia mau tona waiu bata i hoea mai nei mai Nu Kilani mai, oia kekahi o na heluna nui loa i hoea mai ianei, a me he mea la mamuli paha o ka maopopo pono ole o ka poe hana waiu bata malaila i ke kanawai federala i hoounaia mai ianei. 0 kekahi mea i hoomaopopoia he ewalu kaukani paona io bipi mai Auseteralia mai i paa pu ia a ua wawaia ae oia mau kaukani paona io bipi kekahi i hoahewaia e ka lunanana o na meaai, a ua loaa mai nae ka lohe mahope mai, ina no ka loaa mai o na padapala hoike, alaila paha aeia, oiai ua hoopalaleha ka poe na lakou ia mau [kaukani paona io bipi i ka hoouna ana inai, alaila ia wa e hookomoia mai ai i na makeke maanei. 1 kulike ai me kekahi moolelo hou b ka loheia ana mai, he heluna nui o ;na meaai a na Kepani amo na Pake a pela me na laau lapaau a lakou kekahi Ō hooleia ka hookomo ana mai i Ha\waii nei, o kekahi o na laau i hoea mai rua oleloia aia ue morphine iloko oia maii laau, aole nae i hoakaka maopopo loa aē ka Lunanana Blanehard no ia mau mea a maluna walo no o na mea o pili aua i ka waiu bata mai Nu Kimai kana kalele loa ana e hoahewaia.