Ka Nupepa Kuokoa, Volume XLVIII, Number 2, 12 January 1912 — HE KEPANI PEPEHIKANAKA KE HELE LAULA MAI LA MA MAUI [ARTICLE]

HE KEPANI PEPEHIKANAKA KE HELE LAULA MAI LA MA MAUI

Mai Wailuku, Maui, mai i loaa mai ai kekahi lono aia ka puali makai holookoa o Lahaina, me kekahi mau ma•kai mai Wailuku mai, ke huli hele mai nei i kekahi Kepani pepehikanaka i holo pee aku maloko o na apana ko o Kaanapali, malalo o ke alakai ana a ka Makai Nui Crowell. O Hajimoto ka inoa o kela Kepani, a iaia e holo pee mai la ma na walii ana i manao ai oia koua wahi e nalo ai, ua lako oia ine ka pu panapana me ka paa o kona manao e ki mai i ka poe e hoao aku ana e hopu iaia. Ua lioole na Kepani i ke kokua ana i ka oihana makai oiai he Kepani o Hajimoto e nana ole ana i kona ola a no ia kumu ua makau lakou i ka hahai aku mahope oua. Ma ka po Poalua o ka pulo i hala ua ki o Hajimoto.i kana wahine mua a make; he elua poka ana i ki ai, hookahi ma ka umauma a hookahi ma ka opu, a make koke no ka wahine he mau minute mahopo o ke ku ana. I ka ike ana ona i ka make o ka wahine, -huli ae la oia e ki i ka punalua a ku ma ka lima, aole nae- he kukonukonu loa ia eha i loaa i ka punalua e lilo ai i kumu make nona; ma ka pa kumakahiki o Keawe, Lahaina, kahi o kela pep'ehikanaka i hanaia ai. Ua holo mua aku la oia a nalowale mamua o ka hiki ana i kekahi poe ko hopu aku iaia. Ma ka po Poakolu mai ua ike ia oia maloko o ka malako ma Kaanapali, a i ka wa i loaa mai ai o keia lono, aia ka puali makai malaila kahi i huli ai iloko o na malako a ma na wahi e ae a pau o Kaapanali. , O na alanui elua e holo ana inai Lahaina aku a i Wailuku ua kiaiia me jka makaala loa. Aole e haawi ana ka makai nui ame ka puali makai i mapawa nona e pakele ai ahiki i kona manaka e paa āi. Hookahi wale no haua pono a ka mea hewa o kona haawi pio ae, a i ole pela e eha ana oia ke ole e make ma o ke ku ana aku i ka pu, pela ka olelo a na makai. Ma ka Poaha o ka pule i hala ka loaa ana mai o keia mea hou. Ai kanaka kok'e no ka makahiki 1912 la!