Ka Nupepa Kuokoa, Volume XLVIII, Number 2, 12 January 1912 — Nuhou Kuloko [ARTICLE]

Nuhou Kuloko

Aia ke keena hookaa auhau ma ka Hale Waila, e ku nei ina ke kihi mauka 0 na alanni Moiwahine ame Papu. Eia mai ka alemanaka makana a ke Kuokoa ke puka aku nei, mamuli no o i:a nni o na hana, ke kuma i haule hope ai. Ma na mea i loheia ae, he elua mau keiki o ke kula hoopololei ma Waialee 1 mahuka mai iloko o keia mau la iho noi. Eia no ko numoku kaua.ke noho mai nei, me ke kakali ana o ka loaa mai o l<e kauoha mai Wakinekona mai, no ka lakou wahi e holo hou aku ai. Ua hoea mai i ka manawa e uku ai i na auhau kino, a pela me na auhau wai auie auhau sua, mai hoopalaleha i ka uku ana i na auhu, o kuwala auanei. Ua manao waleia 'e vito ana ka Meia i ka bila haawina a ka Papa Lunakiai o ka hooholo ana iho nei no na hoolilo 0 ke Kalana ame Kulanakauhale no keia uee ana aku. . Eia kekahi poe lawe oke Aloha Aina ke holo mai nei i keia keena e lawe ai 1 nnpepa na lakou, mamuli o ka ae oleia o ka hookaa hapa e ka hui nupepa ke Aloha Aina, no eono mahina. Ma ka Poakahi nei i kakauinoa ae ai ke Kiaaina malalo o ka palapala e kauoha ana e liia ke Kepani paahao mai Kauai mai, e lewalewa aku ai oia iluna o ka amana li kanaka ma keia mua koke iho. Eia no ka hihia maia ke waiho ma'i nei imua o ka Aha Kiekie, a malia o hoea. mai no i ka manawa e hoopauia ai ka pohihihi o ka lehulehu i ka wa e hooloheia ai kela hihia maluna o na ninau kanawai.

He mau kii onioni heu o ka Luaopele ka Bonine, kela haole pa'ikii onioni o ka hana ana iho nei, a ua makaukau no ka hoikeikeia aku imua o ka lehulehu ma keia mua koke iho, maloko o ka Hale Mele Hou.

Ua aeia aku nei ke noi a Mr. Kahiona Apuakehau o Laie e lilo i akena no ka Nupepa Kuokoa malaila, nolaila o ka poe e makemake ana e lawe i ke Kuokoa, ua hiki no ke hui pu aku me ia, a nana e hoouna mai i na kauoha i keia keena.

Mai poina e ka poe koho haloka i ka hele ana ae e hoopaa i ka 'inoa iloko o keia mnnawa maloko o ke keena o ke Kakauolelo Kalana, oi nui ole ka hookeke, waiho auanei a haiki ka manawa, luhi makehe\va i ke kakali ana i kau a mea o ka piha!

Mai Ewa mai i loaa mai ai ka lono no ka lawe ana ae o ka Lunahoomalu E. B. Mikalemi i ka mana. o ka papa kahu waiwai o ka Ekalesia o Ewa, ma ka hoomau ana aku i ko K. Kauikau noho ana ;na ke ano lala no kela papa, a ua lilo kona hoopauia ana e ke kahu i mea ole,

Maluna mai o ka mokuahi Manchuria o ke ku ana inai no keia awa ma ka Poalua nei, i kau mai ai kekahi mau alakai o ke kaua hookahuli aupuni o iKina, e noho ana ma Kapalakiko, a wahi a lakou o ka hoike ana mai i koonei poe Pake, he nui o kekahi poe Pake o ae ma Ainerika e liuli hoi aku ana no Ema. .

Ma na mea i hoea mai i keia keena, nui ka ke kukahalake o kekahi mau Imna aupuni a mau limahana o ke Kalana a Kulanakauhale o Honohihi nei, i ka Hope Kakauolelo Kalana E. Bjaffandeau, i ka po'ipo'i i ka hooinahuahua ana ae i J<o lakou maa ukuhana o ka mahina mak)ko o ka bila haawina a ka Papa o ka hooholo ana!

Ua hoololiia ae nei na paani o keia Sabati iho mawaena o na hui kinipopo 0 na Pake ame ko ka mokukaua, niai ke kahua kinipopo mai o Kamoiliili a 1 ke kahua kinipopo hou malalo ae nei o Aala, mamuli o ka manao o na Pake, he oi ae ka makahehi o ka poe maknikai i ka hele ana maloko o ka paka hou mamna o Kamoiliili.

Ma llanapepe. Kauai, ma ka. la 30 o ka mahina aku nei o Dekemaba i hala, i hanaia ae ai kekahi kaiaima ku i ka manaonao, oia ka houia ana o ka opu o kekahi wahine a puka ka naau iwaho, eia nae aole oia i make, a ua holo aku ka mea hon pahi, me ka maopopo ole o kona wahi i pee ai. Aole oia i loaa a hiki i ka hoea ana mai o kela lono i keia keena.

Ke paliola aku nei na lunanui o ka Ahahui o na Pake i Huiia ame ka Ahahui Uniona Kipi o na Pake ame ka lakou mau lede a pela me Mr. ame Mrs. Francis W. Damon, he kono hamama imua o na keonimana ame na lede o na lahni apau e hoea ae ma kekahi aha hoolaulea e malamaia ana no ka hanohano o Mr. Sun Fo, ke keiki a ka Peresulena Sun Yat Sen o ka Repualbika o Kina, ma ke ahiahi o keia Poakahi ae, ka la umikumamalima o lanuari, mai ka hora ewalu a hiki i ka hora umi, maloko o ka Hall o ka Ahahui o na Pake i Huiia, ma ke Alanui Moi, e kokoke la i ke alanui Nuunnu.