Ka Nupepa Kuokoa, Volume XLVIII, Number 11, 15 March 1912 — HE MOOLELO NO KE KI KULA A I OLE Ka Waiwai Hooilina a ke Aloha. [ARTICLE]

HE MOOLELO NO KE KI KULA A I OLE Ka Waiwai Hooilina a ke Aloha.

MOKUNA XXV. HE MEA ULIA KUPAIANAHA. "Ina p«la koa manao aia aku no ia ia oc; ua hiki ia oe ke hana e like me kou makemake, o ka'u aku la kda i hoike aku la ia ōe, a nani ia nau mai !a no ka hoole, nau ia e koho/' wahi a ka haku hana. Ua hoao ikaika aku la ka Lede Eomale.e hoonana i kona noonoo sna o ka i ana aku e hoomanawanui i ka hana mai hopohopo hou no ka imihala houia mai no ka lua o ka manawa, no ka mea, ua hoopauia aku la boi na kaikamahine nana oia i imihala, aka ua paakiki no kona manao i ka haalele i ka hana, a mamuli oia paakiki loa ona, ua uku kokeia aku la kona ukuhana a mamuli iho la oia kumu i hoopauia aku ai oia mai ka hana aku ana i noho ai no kekahi manawa pokole wa!e no. "Hc home no nae paha kou e noho ai?" i ninau aku ai ka Lede Bomale, oiai laua e hoi like ana ma ke alanui mahope o ko laua kaahele ana iho i ka halewai. "Aohe o'u home; ke hana nei au no ka imi ana i ko'u ola oka noho ana, a ke ike ole nei au i keia manawa heaha ana la ka'u hana e hana hou aku ai i mea e loaa ai ia'u ke ola; aole e hiki ia'u ke noho hou iho maa'nei, oia ka'u e noonoo nui nei. "Mai ko'u manawa mua o ka hoomaka ana mai e noho maanei a hiki iho la i keia la, e hakilo mauia mai ana au e kela mau kaikamahine me ka hoao mau ana e hoehaeha mau i ko'u noonoo, a ua lilo niaoli no i kumu make no'u ke hoomaopopo aku i ka laua mau ano hana," wahi a ke kaikamahine me ka helelei pu ana iho o kona mau waimaka. "Aole laua e noho loihi hou iho ana maanei, no ka mea, ua pau mai la hoi laua mai ka hana mai, a me he mea la, e hele aku ana laua ma kekahi wahi okoa i loaa ai ia laua ka hana/' wahi a ka Lede Bomale o ka pane ana ae me ka oluolu loa, oiai oia e hoao ana e hoomama i ka manao o ke kaikamahine makamaka ole. "Aohe no ia he kumu e loaa ae ai ia'u ka maha; ua iike no ka hoino o kekahi poe e ae oonei ia'u me ka hoino o kela mau kaikamahine; o ke kumu nui o ko lakou lili loa ia'u oia ka like ole o ko u kulana me ko lakou, he waiwai lakou a he ilihune hoi au, a ma ia kumu ko lakou huahua ana ia'u." "Aloha ino no ka hoi! Ke kaumaha loa nei au nou?" wahi a ka Lede Eomale o ka pane ana aku me ka haloiloi o kona mau waimaka. "Owai kou inoa?" ,4 0 Elena Casona," wahi aka pane. Aole paha i poina i ka poe heluhelu o keia moolelo kela wahi kaikamahine i kulaiia ai e kekahi kanaka limanui ma ke alanui a lilo ai kana ekedala, oiai oia e hoi mai ana mai ka halekuai mai me ka puolo lole humuhumu, a i laweia ai e Alisona, ke kaikamahine puuwai lokomaikai i ka hale o ke Kauka Asemoa. Oia no keia wahi kaikamahine, a o ka mea hoi nona kekahi moolelo walohia e hoakakaia aku ana imua o ka poe heluhelu ma nei mua aku. MOKUNA XXVI. I LAWE AIHUEIA. "Heaha kau hana i haua mua ai mamua o kou hele ana mai e hana iloko o kela halekuai*" wahi a ka ninau hou a ka lede, mahope o kona lohe ana mai la i ka hoike a kahi kaikamahine i kona inoa. "He malama bepe ka'u hana mua iloko o ka ohana o ke Kauka Asemoa, a no na mahina elua wale no ko'u noho hana ana malaila a hoihoiia mai au i kela halekuai e hana ai mamuli o ka holo ana aku 0 ke kauka me kona ohana no Europa. "Ma kela lulai aku nei, ua hakiia ko'u lima ma ke ano lapuwale |oa i hanaia mai maluna o'u e kekahi kanaka limanui hilahila ole, a ua manao oia (Kauka Ascmoa) o keia hana ka hana mama a kupono na\t e hana ai, a pela oia i hoihoi mai ai ia'u maloko o kela halekuai e hana ai," wahi a Elena Casona oka hoakaka ana mai, il a nolaila, i uiea e hooluohiia aku ai kona noonoo, ua ae aku la au i keia hana mamuli o kana hele ana e noi i ka hakuhana e noho aku au maloko o ka halekuai e hana ai." "Pehea, he oluolu no nae paha o Miss Leiter ia oe?" "O, he nui ko'u aloha iaia no kona oluolu loa ia'u, aka aole hiki iaia ke pale aku i ka manao hoino o kela mau kaikamahine ia'u. Aohe o*u makemake i ka hana iloko o ka halekuai e hui'kau mau ana makou ma kahi o ka hana me ke ku mau iluna o na wawae a po ka la, koe wale no na manawa ai." "Heaha kau hana e hana aku ana, ua pau ae la oe mai keia hana ae?" 4< o, manao au e hele aku ana tiu e noi hana na'u ika hale oka poe makemake limahana, a e hoao aku e huli i wahi e noho hana aku ai ma ke ano he kaikamahine malama bepe, a i ole ia i kaikamahine lawelawe no kekahi mau hale oluna o ka hokele," wahi a ka 'pane a ke kaikamahine ine ka leo puhemo me he mea la ua maluhi!uhi loa oia. M He hiki no nae pahā ia oe ke humuhumu e Eiena?" i ninau koke aku ai ka Lede Bomale, mahope o kona noonoo ana iho i kekahi hana kupono na kela kaikamahine e hana ai, oiai no laua e iho ana ilalo ma ka eleweka. "Ae, he hiki loa ia'u ke humuhumu me ka maikai a ku i kou makemake, n wahi a ka pane ake kaikamahine, me ka lamalama ana ae o kona mau maka me he mea la, Ua loaa iho la iaia ka manao e loaa koke aku ana kana hana me ka hakalia oie. ka'u hana no hoi ia e kokua ai ta aunty ma ka humuhumu ana 1 na lole no na kamalii kane i kuu wa e noho ana me ia." W A nokeaha la hoi kou mea oka noho pu ole ana me ia?" u Ua holo mahuka mai hoi au mai iaia mai." "Nokeaha kou mea o ka hana ana pela?'' wahi o ka nin, u hoomaoe hou a ka lede. "No kona koi mau mai hoi paha e eli mau au a no ka hiki ole ia'u ke hoomanawanui oia ko'u kumu o ka holo mahuka ana mai kona alo mai." "E eti! Maopopo ole aku la hoi au i kau olelo e eli. Heaha kou manao maotv ? E hai mai oe ma ke ano moakaka i hiki hoi paha ia'u ke hoomaopopo aku i kou manao?" "Eia no ka manao oia: He humuhumu ka makou hana e loaa ai ia makou ke ota; oia ame Anna. kuu hoahanau, o ka humuhumu no hoi ka laua hana mau a ia'u hoi ka hooponopono ana ia loko o ko makou liale. a i ka \va kaawale e pau ai o ka'u hana, e kokua aku ana au ia laua ma ka humuhumu ana, he hana auanei kela he paaua maoli no e like me ka paahao, aia no a hana loaa ai. "Aneane eha mahina i hala akti nei, mamuli o kekahi hana hilahila ole a kekahi kanaka. ua hiua iho la au ilalo a haki kuu lima, a ia manawa, no kuu hiki ole ke hana a ke kokua aku ia laua ma na ha&a 0 ka hale, ua hookiia au i ka ai a kokoke au e make i ka pololi, w la manawa, e lapaauia ana kuu Hma Kaki eke Kauka Asemoa. a 1 na kakahiaka a pau e hele mau aku ana au e ike iaia no kona nana ana mai i kutt lima a no ke kau ana mai i ka laau. .

"ila kekah: kakahiaka a*u i hele aku ai. ua haohao loa ke Kauka Asemoa i ko*u wiwi me ka nawali a hīnape, a o;ai oia e wehewehē ana i na apana laau i hauhoaia ai kuu Uma, ua hina iho !a au iiuna | 0 ka papahele me he auka kepau la; ia manawa akahi no oia a ike j 1 ke kumu o ko*u wiwi me ia hinape ana. mamuli no ia o ka poioii. a !awa oie na mea e ai ai." | "O, lokoino maoli no hoi kekahi poe! Pehea la lakou i hana ai j pela?" i namunamu wa!e iho ai no ka Lede Boraale iaia iho, me ka! | naka ana ae o kona kino. j "Manao au ao!e paha'oe i ike ia mea he ilihune?" wahi a ka ninau j | a if C kaikamahine me ka alawa ana ae iiuna e nana i ka iede. "Ua j piha ioa ke Kauka Asemoa i ka huhu i kela manawa i kuu aunty no j ka hanai pono oie ia'u, a nolaila, oleio mai ia ia v u e noho pu au mt ia no kekahi manawa a o ka'u hana oia ke kokua ana i ka wahine hana ma ka maiama ana i na keiki ina au he makemake ia hana. | "Ua ae koke aku la au me ke kali hou oie aku i manawa, no ka mea maopopo iho la ia'u he hana maikai loa kela, a e loaa pu ana ia*u kekahi wahi kupono e noho ai me ka ioaa pu o ka ai e o!a ai au, nolaiia noi aku ia au iaia e hookuu mai ia'u e hoi hou i ka hale a i kekahi kakahiaka ae e hoi mai au a noho me ia. "Aole o'u makemake e ike mai o aunty i ko'u wahi e hele aku āi f aoie o'u makemake e huii ae oia ia'u mahope o ka loaa ana ia u o kekahi wahi kupono, nolaila, ma kela po kii aku la au i ko'u mau wahi welu a puolo mai la, a mamua o ka malamalama ana o kekahi kakahiaka ae o ko'u kokolo ma-iu mai la no ia mai ko'u rumi mai a puka iwaho a hele pololei loa mai la no ka hale o ke kauka, a malaila au i noho ai a hiki i ka holo ana o kela ohana no Europa, a ia manawa i hele mai ai i keia haiekuai e hana ai mamuli o kana lawe ana mai ia'u no ka hana ana i noi ai na'u." "Aole paha ou manao e hoi hou aku me ko aunty, pela ka'u e nana aku la ma kau olelo?" wahi a ka Lede Bomale, "no ka mea ua ike aku la no hoi oe i kou pono ole ilaila?" "O, he oi aku ko'u pono e lele au iloko o ke kai, a i ole ia iloko paha o ka wai a make mamua o ko'u hoi hou ana aku me ia; ua iiihune loa oia i keia manawa e hiki ole ai ke malama iaia iho ame a'u pu, a pehea auanei au e manao ai e hoi hou aku me ia?" wahi a ke kaikamahine me ka hooueue ana iho. "Ilihune, heaha hoi kona kumu o ka ilihune ana; he hana no hoi kana e hana ai e loaa "ai kona ola?" "Aole ona noho hou ma kela wahi itiua ana i noho ai. Aohe o'u maopopo i kona wahi e noho mai nei i keia manawa. Lohe mai au ua pau ka liana humuhumu ana, ka hana e ioaa ai ia laua ke ola o ka noho ana." "Pehea kou manao e hoi mai e noho pu me a'u no kekahi mau la oiai oe e hele ana e huli i hana hou nau?" wahi a ka lede. "O, ke tauoli aku la au ia noi au, no ka mea, ke nana aku nei au i kou helehelena a ke lohe aku nei i kou leo, me he mea la he makuahine ponoi maoli oe no u no kou oluolu loa. La haawi mai la oe i ka manao hou iloko o'u nana i hoolana ae la i ko'u hoomanao ana no kekahi lede opio lokomaikai loa ia'u i ka wa i haki ai kuu lima, e like me ia a'u i hoike mua aku nei a oe. "Oluolu no hoi kou leo me kou piha oluolu e like me kona, a oia ka'u e aloha ae la ia wahine opio a ka lokoino i haiamu ai; ua like loa oe me ia ma na ano apau a koe hoi ka like ole o ko olua mau helehelena. "Ke poina ole nei ia'u kana hana lokomaikai ia'u. I kela wa i haki ai kuu lima a laweia au eia i ka hale kauka o ke Kauka Asemoa, ua haawi makana mai oia ia'u he umi dala, a me ia mau dala no au i kuai ai i keia lole a'u e komo nei au e ike mai la; o keia ko'u wahi lole maikai mua loa i loaa ia'u mai ka make ana aku o kuu makuakane hanauna/' wahi a ke kaikamahine, oiai kona mau maka e nana pono iho ana i kona lole. "Ina pela o leii i ko papale a haele pu ae kaua; ua noonoo mua no au i keia mea, e pono e loaa ia'u kekahi kaikamahine kokua mai ia u ma na hana oloko o ka hale, a i mea nana e hele aku i na halekuai e kuai i kekahi mau mea liilii a'u i makemake ai, a laki loa hoi i kou loaa ana ae nei. "E hoao au ia oe no kekahi mau la a ina kupono ka hana i kou miakemake alaila ia manawa kaua e kukakuka hou ai no kou noho loa me a'u ame ka ole." "O, me ka mahalo ia oe—me ka mahalo nui ia oe! Ke manao nei no au e kupono a.na no ia hana ia u, o ka loaa ka paha o ko u wahi e noho ai me ka loaa pu o ka liana e loaa ai ia'u ka ai ame kahi e moe ai," wahi a Elena me ka piha hauoli, a ke ike io aku la ka lede ua hauoli io oia mamuli o ka lamalama o kona inau maka, a i kana hoomaopopo aku. me he kaikamahine okoa loa la o Elena ia manawa, aole hoi o kela wahi kaikamah'.ne me na manao kaumaha i na minuke mamua aku. He mau minuke ma ia hope iho, komo aku la laua iloko o ke kaalio nani o ka Lede Bomale a laweia aku la laua no ka Normandie, a malaila i hoonoho aku ai 'ka lede i kana hanai .hou maioko o kekahi wahi rumi uuku mahope aku o kona mau rumi, a he wahi rumi hoi a ke kaikamahine makuaole i olelo iho ai i kona laki i ka loaa ana o kekahi rumi moe maikai loa iaia i loaa ole mai kona mau la kamalii mai. a malaila oia i a'oia ai i na hana apau e pili ana ia loko o ka hale oiai nae he hana no ia na Elena i kuluma oiai oia e noho ana me kona mau makua. Ma kekahi auwina la ae hoi aku ana o Gerala me ka helehelena i 01 loa aku ka lamalama mamua o ko na manawa i kaahope aku, hope o kona lohe ana mai i ka make ana o kana aloha Alisona, a ua liiki no nae i ka lede ke ike aku i ke kumu oia lamalama ana o kona helehelena mamuli no ia o ka holopono o kana mau hana i hele ai. laia i hoi mai ai, ua hoihoi pu mai oia i kekahi kii o Alisona i paīia ai me ia, he kii i hoolele houia mai kekahi mai o na kii mua o Alisona, a i ka nana aku ua kulike loa ke kii me ka helehelena ola o A!isona ma na ano a pau. I ka hapa hope loa o ka laua kamailio ana no kana huakai, unuhi ae la oia i ua kii la mailoko ae o kona pakeke a liaawi aku la i ka Lede Bomale, me ka i ana aku: "Eia elua kii o Alisona a e wae no hoi oe i kau kii e makemake ai. Hookahi o keia mau kii nau a hookahi no hoi na'u, ina oe e makemake ana e malama," wahi ana. "E manao mo ana la ka hoi oe a pehea, na'u hoi paha kekahi kii ua loaa mai la ia oe. O, nani maoli no hoi ka helehelena o keia wahine! Ina paha e oia ana loaa ko'u hoaloha maikai loa; ke ike nei au ma kona helehelena he keu keia a ka wahine oluolu; u'i maoli ka heiehelena, poni]>oni no hoi na maka me he hapa Paniolo la. Aoie no hoi e neie akii la kona oluolu e like me ka waipahe o kona helehelena e hoike ae nei. Ke nana iho i keia kii me he mea la he kino oia maoli ka malama," wahi a ka lede. I ka lede e kamailio la, ke hiolo makawalu Ia kona mau waimaka me he mea la ua. kamaaina wale oia i ka wahine nona ke kii ana e nana iho ana, ke i wale iho la no ia i ka minamina, i ke aloha a pela aku. a ke noonoo pu ia no hoi i ke kumu t> ko Gerala aioha ana iaia no ka u'i maoli no. Aole oia i ikemaka i ke kino o ka mea nona ke kii, aka nae, ua ike koke iho la no oia ia manawa i ka nui o kona aioha iaia mamuli o na mea lehuiehu a Gerala i hoike mai ai iaia e pili ana i ka maikai, ka oiuolu ame ka waipahe o Alisona. "Aohe a*u kumu e ike nei e hiki ole ai ia'u ke hoolilo mai iaia i kaikamahine hookama na'u, a i ole i kekahi keikikane paha i like ka maikai me oe e Gerala, M wahi ana, mahope o kekahi mau minuke, a huii ae ia e nana ia Geraia e noho mai ana ma kekahi aoao mai o ke pakaukau. No ka heieiei mai o na. waimaka o ka lede, ua hiki ole ia Gera!a ke pane aku i kekahi mea no ka ka tede mau olelo, anoia hiki o!e huii aku la kona alo 1 ka puka makani e hamama mai ana a numi waie iho ia no oia i kona mau waimaka, oia nae, ua heie mai a haaie

i ka Hhilihi, a nana aku la i ka ahi mai a na kumnlaan no ka hoola!au ana e hoonana i kona aloha. No kekahi manawa kona noonoo nut ana e hoonui ke ; ke ku o Aiīsona, kana aloha T a oa hoeioia ia manao ona peia. aka nae. mamuli o ke akamai ioa o ka mea paikii ma ka hoonui ana ae, a ke nana iho me he mea la he kino ola maoli no ka nupanupa o na wili oho t ka poniponi no hoi o na maka, ka nohea o ka hekhelena, ua lilo ia i mea hooenahuahua !oa mai i ke kaumaha o kona naau no ka nalowale ana aku o ke kino ola o ka mea nona ke kii, a ane mahele ae i kona puuwai i elua mau apana kaawale. Aole i liuliu loa ia noho kaumaha ana iho o laua t no ka mea hoolala ae ia ka iede i kekahi hana okoa a lilo koke ko laaa mau nooooo ia hana hou a poioa n4 mea a laua o ka noonoo ana iho mamua. Hoakaka aku la ka lede i kana hana o ka la mamua aku ame kana mau mea i ike ai maioko o ka haiekuai ame ka imihalaii ana o kekahi kaikamahine kuai oloko o ua haiekuai la t ame kona hoihoi ana mai i ua wahi kaikamahine la me ia i kaikamahine hana nana, e like me ia i ike muaia ae nei e ka poe heluhelu. I Ua hauoli loa o Geraia i kona lohe ana aku ika moolelo aka lede, | aka, mahope o ko lana kukakuka ana no kekahi miniwi, hoi Hoa ae jla ka laua kamailio ana no kana huakai o ka hele huli ana i wahi e |loaa ai iaia ka pono, a e hoi hou mai ai ka waiwai o kona makua- , kane maluna ona. | Ma kekahi kakahiaka nui ae, ua lawe pu aku la ka lede i kana kii 0 Alisona i haawiia aku ai e Gerala me ia i ke kaona no ka hookuku ana i laau nowaho ae, a o ua laau la ana o ke kuai ana, he laan kumu- | kuai nui ia i hana maiauia, me na wai gula e hoopuni ana, a he mea | hoomahuahua loa iho kela i ka nani o ke kii, a iaia i hoi mai ai, ua kau aku la i ua kii la maluna o ka laau kau kii a kukulu aku Ia ma kekahi kihi o kona rumi hookipa. | "E Elena," wahi aka lede iko Elena wa oka maalo ana ae ma- ; waho o kona puka. "Oluolu hoi oe e law« mai i kiaha wai hau no'n, lakahi mai la hoi ka ono i ka wai." 1 Aohe a Elena pane, a i ole neeu aku la hoi no kela kauoha a kona hakuhana, a no ka pane ole mai o Elena. huli okoa aku la ka lede e nana ike kumu oia pane ole ana mai. Ua maopK>po iaia ke kumu mahope iho, oia hoi, i ka wa i maalo ae ai o Elena a ike i ke kii ana o ka ike mua ole ana mamua iho, e ku mai ana ma ke kihi o ka rumi, hele aku la oia a ku mamua a nana pono aku la i ua kii la, me ka paa o kona mau lima mamua o kona umauma, oiai e nape ana me he mea la he kaikamahine oia i holonui a naenae ka hapai mau o ka hanu. "Oia no keia/' wahi ana; "Oia okoa no a e ao," wahi hou ana; "Aole no hoi i kana mai o ka u'i." "Auwe, e Elena, ua ike mua no oe i kena lede nona kena kii? M wahi a ka lede i ninau mai ai. Hikilele ae la o Elena no kela ninau a ka lede, a oiai, he hana maikai ole nana ka huna ana, a hoike mai la i kana mea e noonoo ana i ka i ana mai: "Ike au iaia? Ae, ua ike au iaia, aua kamailio pu me ia, a ua aloha aku no hoi iaia me ko'u naau apau. O keia hoi ka lede opio a'u i kamailio aku ai ia oe i kela la aku nei, nana au i lawe i ka hale o ke Kauka Asemoa a haawi mai ai ia'u he umi dala, a nana i uku i ke Kauka Asemoa ika lapaau ana i kuu lima. lhea i loaa mai ai ia oe kela kii nani ona?" j "He hoaloha no no'u ka mea nana i haawi mai i kela kii na'u i kela ahiahi aku nei," wahi a ka lede. "Auhea ke kino o kela lede i keia manawa, ua ike no oe?" wahi hou o ka Elena ninau, me ke kau mau no o kona mau maka maluna oke kii; aole no oia i ike hou i ke kino, aka aia mau no nae iloko o kona naau na hoomanao ana, a ina no no kona ike lihi hou iaia, ua manao no oia aole no e hoohewahewa ana ke ike hou aku. Aole i pane pololei mai ka lede i kana ninau, aka, hoala ae la oia 1 ka pane ana mai a ninau hou mai la: "Ea, ke ole au e lohe hewa aku nei, o keia anei ke kii o ka lede nana oe i kokua ma kela la au i loaa ai i kekahi ulia? Ua maopopo loa ia oe ia mea la?" "Ae, ua maopopo loa ia'u e like me ka maopopo o ka lani ame ka moana ia'u he mau mea uliuli like laua. O, aole au e hoohewahewa ana ina e ola aku ana au a loaa ia'u na makahiki hookahi kaukani mai keia la aku. E hai aku au ia oe, aole a'u wahine opio i ike ai i ka u'i e like me ia, aole hiki i ko'u mau maka ke hookaawaleia mai iaia mai i ko maua wa e noho ana iloko o ka hale kauka o ke Kauka Asemoa. a mai kela manawa mai e moeuhane inau ana au nona me ko'u kuko nui e hoi aku e noho pu me ia ina e ae mai ana oia ia'u," "E Elena, hele mai maanei e noho ai a e hoike mai oe ia'u i kau mau mea i ike no kela lede," wahi a ka lede, me ke kuhi ana ae i kekahi noho no Elena e noho ihoai. "He makemake au ia oe e hoike mai i na mea a pau e piii ana i kela ulia i loaa ai ia oe. Aohe no au i hoomaopopo loa aku i kau mau mea e kamailio mai ana i kela Ia aku nei ia oe e kamailio mai ana i na mea pili i kela leele opio piha oluolu loa ia oe. no ka mea aole i kalele loa aku ko'u noonoo maluna o kau mau mea e kamailio mai ana ia manawa." Hele io mai la o Elena a noho iho la ma ka noho a ka lede o ke kuhikuhi ana aku a noho iho la, a hoomaka mai la e kamailio i na mea apau e pili ana ia Alisona, e like me na mea i maopopo mua i ka poe heluhelu, oia hoi kona hoi ana mai ka halekuai mai me ke ope lole humuhumu, kona kulaiia ana e kekahi kanaka palaualeio hilahila ole, a haki kona lima; kona laweia ana e Alisona i ka hale kauka, ka lapaauia ana o kona lima, ka uku ana o Alisona i ka lapaauia ana o kona lima, ka haawi ana aku o Alisona iaia i ka umi da!a, a o ka hope loa, kona hookauia ana iluna o kekahi kaalio nani a hoihoiia aku i ka hale me kana puolo lole me ka uku muaia o ka uku kaa e Alisona. E kamailio mau ana o Elena i ka u'i o Alisona, ka piha oluolu ame ka lokomaikai. he anela ko Alisona hoa like, pela kana kamailio mau; a ua lilo na olelo a Elena i ka ledc i mea hoomahuahua mai i ke aloha ame ka minamina iloko o ka lede no ka mea i manaoia ua make. Mai ka manawa i haawi mai ai o Alisona i ka umi dala iloko o ko Elena lima a hiki i kela minuke, me he mea ia, ua lilo ia mau dala i hoailona i kuni paa loaia iloko o ka puuwai o ke kaikamahine ilihune, a mai ia minuke mai no hoi i hooliloia ae ai oia i kaikamahine ano hou. O ke Kauka Asemoa kekahi ana i hoike mai ai i kona mahalo nui no ka malama ame ka hoolilo ana iaia me he mea la he kaikamahine ponoi nana, a nana no hoi, mamua o ko lakou holo ana aku no Europa, i huli i hana nana a hoonoho iaia iioko o ka halekuai ma ke ano he kaikamahine kuai. "Ua halawai hou no nae paha oe me Miss A!isona Ruruka mahope iho o kela la i loaa ai ka ulia ia oe?" wahi a ka lede i ka wa i hooki iho ai o ka Elena kamailio ana. "Pehea? O Miss aha ka inoa?" wahi a Elena, me ka heiehelena me he mea Ia e hoomaopopo mai ana i loaa aku iaia ka inoa. "Aohe ka i loaa kona inoa ia oe? O Miss Aliaona Burtika ka inoa i haiia mai ia'u." "Aohe—aohe oia i hoike mai i kona iooa ia*u. Aole no nae au i ninau aku iaia, ina paha i loaa ka manao aa ia'u ia manawa ina la paha ua ninau aku au i kona inoa, eia iho hoi a na hiki au i ka hale, akahi no a ulu ae ia manao ia'u, a ua hala aku !a nae ka manawa pono. O ka'u wale no i iohe aku ai i ke Kauka Asemoa oka olelo ana ae, o Miss Alisona, a manao au oia kona inoa," wahi a Elena me ka nui o ka hanu. "Wahi ana o ka i ana mai ia'u ina au e makemake i kekahi mea mai iaia mai, e ninau akn au i ke kauka i kona v*hi i noho ai a hoike aku iaia, a no ko'u ike no hoi i ka oloolu loa o ke kanka ia'u aole au i ninau aUeu. Aole anei kela o kona inoa po!o!ei?" a hooki iho la kana kamailio ana. <Aole 11 pai.) •