Ka Nupepa Kuokoa, Volume XLVIII, Number 13, 29 March 1912 — HE MOOLELO NO ALAMIRA A I OLE Ka Mea Huna Iloko o ke Aniani Kilohi. [ARTICLE]

HE MOOLELO NO ALAMIRA A I OLE Ka Mea Huna Iloko o ke Aniani Kilohi.

MOKUNA XXVIU. Ma ka maiu ana aku o ka la ma kela auwina la, ua hoea aku la he heluna nui o na keonimana ame na lede no ka home o Mrs. Monotuge, a ua makaukau e hoi ua wahine nei no ka hookipa ana aku i kana mau malihinL Aole nae e kala kahiko o Mr. Pama o ka hoea ana aku me ka loaa mna he manawa kaawale no laua wale no e noke ai i ke kamailio, a ia wa i haawi aku ai o Pama i ke komo hoopalau ia Mrs. Monotuge, nolaila ma kela manawa a ua wahine nei e hookipa aku ana i na malihini, aia ke anapa !a ke komo daimana ma kona manamanalima, he mea hoi na ka poe apau oloko o ke keena hookipa e kamailio ai, no ka paa mua ana o ka hoopalau mawaena o Mr. Pama ame Mrs. Monotuge, a o ka hookoia ana no hoi o ka mea a lakou i haupii wale ai no iloko o kekahi mau la aku i hala. Aole o Roi i hoea koke aku a hiki wale i na hora ahiahi, no kona makemake ole e huikau pu me ka nui o ka poe e haawi mai ana i na hoomaikai ana no kona makuakane ame ka makuahine hou, a mamuli wale no o kona aloha i kona makuakane i hiki ole ai iaia ke noho aku i kauhale, a hele okoa mai me ka manao e hala e aku kekahi hapa o ke anaina hoolauna, a komo aku oia i ka manawa hope loa. * laia nae o ka hoea ana mai, ua halawai aku la oia me kekahi kauwa Paele, a i mai \a iaia nei: "Aia ka rumi waiho lole o na keonimana ma kela aoao," a kuhikuhi mai la ua kauwa la ia Roi ma kekahi alanui pii e pii pololei ana no ka hale oluna, a o ko Roi pii aku la no hoi ia, oiai no nae ke au wale la no kona mau maka ma o a maanei, me kona manao e ike aku ia Alamira, alaila papa wahi olelo mua laua, mamua o kona komo pu ana aku iloko o ke anaina o ka poe i hoea e aku ma kela home. Aole nae i loaa ia Roi he manawa e kamailio pu ai me kana aloha. oiai aia o Alamira maloko o ke keena o Mele, no ke kokua ana i keia kaikamahine, oiai ua nahaeia ko Mele lole, iaia o ka hina ana i ke alapii. O ko ia nei hele aku la ia a hiki i ka rumi moe o Mrs. Monotuge, kahi o ke kuhikuhiia ana mai iaia, malaila e waiho ai i kona kuka loihi, o kona waiho aku la no ia i kona papale, ke kookoo ame kona mau mikinilima ma kekahi wahi kupono e hiki ai no iaia ke loaa koke mai ina no kona hoi koke aku iloko o ka manawa kupono, o kona hoi hou mai la ia no ka hale olalo, a komo aku la maloko o kekahi keena hookipa nui, e pohaiia ana e na lede ame na keonimana. Hele pololei aku la ua o Roi no kahi a Mrs. Monotuge e ku mai ana ma ka aoao o Mr. Pama, aia nae iloko ona ke aloha nui no kona makuakane, oiai ke ike la no oia i ka helehelena kaumaha o kona makua, aka i ka ike ana mai o Pama i 'kana keiki ua minoaka mai la oia, aole ma ke ano aia ka hauoli iloko ona kahi i hoalii ai, ak:i no ka huna ana no ia i kona mau manao kaumaha mai ka ike waie ana aku a kana keiki. Haawi aku la o Roi i kona aloha i kona mau makua, e hoikeike aku ana hoi ma ke ano me he mea la ua kulike kona manao me ka nui ae 0 na malihini i haawi aku i ko lakou aloha me na hoomaikai ana no na mea i hoopalauia. "O ka'u no ia e kakali aku nei o kou hoea mai e Roi, akahi no a hoomamaia mai la ko'u manao, ua hoea mai la oe," wahi a Mrs. Mo notuge o ka pane ana mai ma ke ano mahamaha imua o ke keiki * kona makuakane. "Aole loa he kanalua iloko o'u no ka loaa ia olua o ka nohona hauoli ana ma keia hope aku, a ke haawi aku nei no hoi au i ka'u mau hoomaikai ana he nui ia olua, me ke kalokalo pu ana ae e uhaiia na la apau o ko olua noho ana aku iloko o na ulia pomaika, a e lilo hoi kekahi i mea hoohauoli aku i kekahi," i pane aku ai o Roi me kona kunou ana aku imua o kona mau makua. "Ua haawi mai oe e Roi i ola hou iloko o'u i keia manawa, nolaila ke hauoli nei au i ka loaa ana ia'u o kekahi keiki maikai loa e like me oe. E noi aku ana au ia oe, e hele pu aku kaua e inu ti like no ka hoau mua ana i kuu hauoli no ka manawa mua loa, a mahope aku hoi kou makuakane e hoohainu mai ai i ke ti ia'u," alaila o ka lalau mai la no ia o ua wahine nei i ka lima o Roi, a u haele like aku la no kahi o ke pakaukau i luluu i na meaai like ole o kela ame keia ano i hoomakaukauia. Aole e hiki ia Roi ke alo ae i kela kono a kona makuahine hu, o kona haawi aku la no ia i kona lima, me ke ka'iia me he hipa keiki la e alakoia ana iluna o ke kuahu, no ka moliaia aku o kona ola. Ua maopopo no nae ia Roi kela mau hana apau a Mrs. Monotuge, o ia no ka hoikeike ana aku imua o na malihini i konoia, no ke komo pu ana o ke keiki iloko o ka hauoli, ma o ka loaa ana o kekahi wahine e like la me ua o Mrs. Monotuge na kona makuakane. Aia o Mrs. Monotuge ke noke wale la no i ke kamailio ia Roi i na manawa apau, e hiki ole ai ia Roi ke noho malie iho, a i ole kamailio ole aku paha ma kona aoao, a e hooko mau aku ana no hoi oia i na mea apau a ua wahine nei e kauoha mai ai iaia e hana aku, a i ka nana ana i ka manao o ka poe apau maluna o ke pakaukau, ua punihei maoli no lakou iloko o na manao kuhihewa, ua kulike ko Roi manao me ko kona makuahine hou. O ko laua nei noho nae ia a ia Mrs. Monotuge no paha ka ike, ua hookoia kona iini, ua noi aku Ia oia ia Roi e kala mai iaia, alaila o ka hoi mai la no ia o ua wahine nei a noho ma ka aoao o kana kane hoopalau, oiai hoi o Roi i hoi aku ai a noho ma kekahi wahi kaawale, me ke kakali ana o ka loaa he manawa kupono nona e haalele aku ai 1 kela anaina, alaila pii aku no ka hale oluna. no ke kii ana i kona papale, a hoi aku no ko laua home. Ia loaa ana o ka manawa maikai i ua o Roi, o kona mio aku la no ia, a nalo aku la me ka ike oleia mai e ka nui o na malihini, oiai na mea apau e lilo loa ana i ke kamailio. Ia hoea ana aku a Roi noioko o ka rumi o Mrs. Monotuge ua hele maoli oia a piha i ke pihoihoi, alaila noke wale iho la no oia i ka holoholo, me ka hele ana aku e kiei iwaho o ka puka aniani, e hoonana ai a hiki i ke akakuu ana mai o na manao uluku, mamua o kona iho hou ana mai no ka hale olalo. Aia ua o Roi ke ku la me na manao maikai ole no na mea ana o ka ike ana ma ia ahiahi, a i ka hala ana o kekahi mau minuke iaia o ke ku ana ma kela wahi. o kona huli mai la no ia me ka manao t kii mai i kona papale ame ke kookoo, eia nae ua hihia e ae la kekahi o kona mau kamaa i ka pale puka aniani. a iaia o ke kulou ana iho ilalo, e wehe i ka lihilihi mai ke kamaa ae, ua ike iho la oia i ka waiho ae o kekahi palapala loihi mawaena o na opi o ka pale puka aniani. O kona lalau koke iho la no ia i ua palapala la, no ka nana ana heaha la hoi na mea maloko o ua palapala la, eia nae ma kana hoomaopopo iho, he palapala kela i pa'i hakahakaia, me he palapala pili oihana la, a i ole palapala pili aupuni paha. No kona manao aole he mau mea ano nui maloko o ua palapala nei, ua wehe wale ae la no oia no ka nana ana, aka ua hooho ae la nae oia me ka puiwa hlkilele i ka pane ana ae; "Auwe! he palapala mare ka keia!" Aole oia i makemake e heluhelu i na huaolelo apau i kakauia maloko o ua palapala nei, aka ua leha wale iho la no kona mau maka ma kahi i kakauia ai ka inoa o na mea i kuleana i kela palapala mare, a

ma 12 hana ana auio Roi, ua oaka ae la kona kino me ka haalulu, mc ke kahe mac>li ana iho o ka wai o kooa mau maki, alaila iloko o kona mau manao pihoihoi, na boobo hou ae la oia i ka paoe ana ae: "Hc mea hiki ole ia'u ke manaoio iho i na mea a kuu mau maka e ike aku nei, akii he mea oiaio }oa nae keia, Auwe oo hoi oe e kua Alamira aloha! aole au i moeohane mua, e ulaaia ae ana ka nane huna pohihihi i pili ia oe, eia ka e hoea mai ana i ka manawa e hoauheeia aku ai na mea nana e hapaJa wale nei i kou inoa laahia." Mawaena ou e ka mea heluhelu ame a'u, aole kela he palapala mare no ka mea e aku e paa la iloko o na lima o Roi, aka o ka palapala mare no ia a Mrs. Monatuge o ka nana ana ma ka po aku mamuar i kela manawa a Alamira o ke kikeke ana akn i ka puka, a hina ai ke pakaukau ilalo mamuli o kona pioloke a ma kekahi ano i maopopo ole, ua haule aku la kela palapala mare ma kahi e ike hou oleia aku ai e ua o Mrs. Monotuge, me kona manao na pau pono la na ukana o ke pakaukau i ka hookomoia eia iloko. Ua loaa aku ia nae ua palapala mare nei ia Roi mamuli o ka uiia laki waie no, a i ka hoi pono ana mai o ka noonoo maikai o ua kanaka opio la, ua nana hou iho la oia i ka palapala me ka heiuhelu ana iho i na mea apau oioko, oiai ma kona manao ina he waiwai kela no kana aioha, alaila ua hoea mai i k manawa maikai loa ana e malama iho ai, me ka waiho hou ole aku maloko o kela rumi. "Pehea la keia paiapala i hoea ai iioko o na opi o ka pale puka aniani ?' wahi ana mahope iho o ka pau ana o kana heluhelu ana i na huolelo apau i kakauia maioko o ka paiapala. "He keu maoli keia a ka mea ano e, o ka oili ana ae o keia palapala mare iloko o ka inanawa e iini loaia ana e ikeia ae ko Alamira mau ano apau, a he keu aku no hoi ke kupaianaha o ke komo ana mai Tioko o ko'u mau lima. E hele aku anei au a hoike i keia mea ia Mrs. Monotuge, a mahope aku o kela manawa, e koi aku au iaia e haawi hou mai ia'u? Aoie o'u manao he hana maikai ia, oiai aoie loa ona kuleana i keia palapala, aka o Alamira wale no ka mea kuleana. Ke manao nei au, o ka mea pono wale no e hana aku ai ? o ia ka lawe pololei ana aku i keia palapala a haawi ia Mr. Kobina, a nana auanei e hana aku i na mea apau ana i ike ai he pono, a aole no au e hoike wale aku ana i keia mea i kuu Alaniira, o lilo auanei ia i mea hoopilikia aku i kona noonoo." Me kela manao paa iloko o Roi, o kona hookomo iho la no ia i kela palapala mare iloko o ka pakeke o kona kuka, alaila lalau aku la i kona papale ame ke kookoo, me ke komo pu ana iho i kona kuka loihi, o kona oili mai la 110 ia, me ka hoomamaia o kona manao kaumaha, a hoi pololei aku la no ko laua home, me kona hele ole aku e ike i kona mau makua e luana mai la me ka nui o na malihini. ī ka huli hoi ana aku hoi o na mea apau no ko lakou mau home, a ia Mrs. Monotuge e noho ana maloko o ke keena hooluana o kona home, ua hoea mai la he leka nana ma o ke keiki laweleka la, a penei na manao o ua leka nei ana o ka heluhelu ana iho: "E ka Madame: O ke kaikamahine e noho pu la me oe i kapa iaia iho ma ka inoa o Miss Lu'ka Likeke, aole ia o kona inoa pololei aka he inoa uhiuhi wale no ia i mea e nalo ai kona r»au ano mai kou ike ana aku i ke kumu o kona noho ana aku e hana malalo ou. O kona inoa pololei maoli ea, oia no o Alamira Monotuge, a ke hui malu nei oia me kekahi keonimana ma na wahi like ole me kou ike ole mai i kela mau hana ana. Ma keia kakahiaka iho nei, ua ai pu oia me Roi Pama maloko o ka Haleaina o Hofmana, a ma ia mea e hoomanao iho oe, eia kela kaikamahine ke hoolala nei e mare aku me ke keiki a ko kane hoopalau, a o ke kumu nui hookahi iho la no ia o kona ake ana e noho hana aku malalo ou." 0 ka mea nana kela leka o ka hoouna ana mai ia Mrs. Monotuge na kekahi kaikamahine no ia i lili i ka hoopipiii o Roi ia Alamira, oia o Miss Josepine Holo, kela kaikamahine o ka nuha ana a hoi ma kela po o ka malamaia ana o ka hulahula ma kahi o Mr Welinakona, iaia o ka ike ana i ka hele o Roi Pama me Alamira. Maioko ua kaikamahine nei o kela haleaina hookahi a Roi ame Alamira o ka ai ana ma kela kakahiaka, a ua ike hoi oia i na ipo e noke ana i ke kamailio me kona ike ana i ko laua haalele like ana mai i ua haleaina la, a mamuli no o kela manao lili ileko ona no Alamira, pela oia i kakau okoa aku ai i kela leka ia Mrs. Monotuge, me kona manao ma ia hana ana, e ku ai keia kaikamahine i kahi o ka hoka. Mai kela manawa mai a u o Josepine o ka ike ana ia Alamira ma kahi o Mr. Welinakona, mai ia manawa mai oia i hoolala ai e imi i na alahele e hookaawaleia ae ai ka pili mau ana o Alamira me Roi, a oiai hoi ke ake nei o Mrs. Monotuge e mare aku me Mr. Pama, nolaila ua hoohiki iho la ua kaikamahine nei, e hui pu aku oia me Mrs. Monotuge ma ke ku-e ana mai ia Alamira mai kona mare ana aku i 'kela kanaka opio. No ka lanakila nae o kela manao ona ame ka ole, na keia mua aku e hoike mai. MOKUNA XXIX. 1 ka loaa ana aku o kela ike ia Mrs. Monotuge mai ia Josepine aku e pili ana no kana kaikamahine humuhumu, ua uumi malie wale iho la nooia i na mea apau iloko ona me ka hoike ole aku imua o kana 'kaikamahine humuhumu, aka :na kekahi kakahiaka ana ae, ua hele aku la oia a hoike aku la ia Alamira no ka hoolala ana o kekahi poe e hele ma kekahi huakai makaikai no ka muliwai Misisipi, a noi aku la ia Alamira e hele pu me ia ma kela huakai. Aole he makemake maoli ko Alamira e hele pu me kona haku, aka hoi no ka hoounaia ana o Lui Hamalina no kekahi wahi okoa, aohe he mea e ae e hele pu ai me ua wahine nei, nolaila ua ae aku la o Alamira e hele pu laua, no ka hooluolu wale ana aku no nae i ka manao o kona haku. Ina he nui na hana humuhumu o ka hale e paa mau ai ko Alamira manawa i ka hana, ina no ua imi aku oia i kumu nona e hele pu ole ai, nolaila ua ninau aku la oia i ka loihi o ka manawa a laua e kaawale aku ai mai ke kulanakauhale aku, a o ia ka Mrs. Monotuge o ka pane ana mai: "He elua pule a'u o ka hoolala ana no kakou e noho ai ma kela wahi, aole no nae au e hookikina wale aku ana ia oe, aia no ia i kou manao, oiai ua hiki no ia Mele ke hele pu me a'u, koe wale no hoi paha, he kaikamahine oia i maa ole i ke anaina o ka poe hoohauoli. elike me kou ano e Miss Likeke.'' Aia na maka o ua o Mrs. Monotuge ke haka pono loa la maluna o Alamira, me he mea la ke ake wale mai la no oia o ka ae aku o kana kaikamahine humuhumu i kela manao ona aka aole nae o Alamira i haawi koke mai i kona ae, oiai aia kekahi ma umea nui iloko o kona noonoo e hana la i kela manawa. 0 kona kaawale ana aku ma kekahi wahi no na pule elua, he manawa loihi maoli kela ana e halawai ole ai me Roi, aka hoi iaia o ka noonoo ana ae ma kekahi ano, malia he oi loa aku kona hele pu ana me kona haku ma keia huakai, he mea ia e loaa mai "ii iaia kekahi mau hoomaopopo ana no kona moolelo, a o kekahi no hoi, e loaa ana iaia ka ikaika maikai ke hele oia ma na kuaaina e hoohala ai i kekahi manawa. 1 ka makaukau ana nae o ua o Alamira e haawi mai i kana pane, ! ua ninau mai 1a oia: "I ka manawa hea keia huakai i manaoia ai?" "Ma ke kaa o keia ahiahi au i manao ai e haalele iho i ke kuianakauhale nei,' me ka mau no o ka nana ana akn a Mrs. Monotuge Imlmia o Alamini. "He keu aku no ka hoi ka hikiwawe, e manao ana ka hor au no ke» kahi la okoa aku, eia ka i keia la no e haalele iho ai i ke kulanaieauhale nei," wahi a Alamira me ka naiu ana iho ik>ko ona, pehea la e loaa aku ai ka ike ia Roi, no keia hele ona i ka makaikai me kona haku hana. a "Ae, he huakai pupuahulu maoli keia, no ka mea i nehinei koke aJni la'no ka hoikeia ana mai o ka lohe ia'u no na mea i hoolalaia e ko'u mau hoaloha, a oiai no hoi, ua paa loa au i ka hana, aohe he manawa a*u e hoike aku ai ia oe no ka hoomakuku ana; aka pehea

nae koa manao e Luka Likeke, e hele pu anei oe me i*o? Oka hana nui wale no paha ma keia hoomakaukau ana, o ia no ka hookomo ana i ko kaoa mau lole iioko o na pahu, e pan &i no kela hana tk>ko o ka manawa kupono." "Ke manao nei an aole he mau kumu maikai <na ko*u aoao e hoole aku ai i kau noi, noiaila e hele pu ana au me oe ma keia huakai, M alaila nalu iho la oia, pehea ana la ko Roi mano nona, ina no hoi paha i loaa mua aku ka lohe iaia no kela hele, ina ua hui mua oia me Ro« mamua ae o ka manawa, aole nae pela, aka e hoao aku ana no nae oia e hoouna i kekahi palapala na ua ak>ha la ana, no ka hoike ana aku i kana wahi e hele nei. "Maikai maoli no oe e Alamira o ka ae ana mai la e heie pu me a'u ma keia huakai, noiaila he hookahi a kaua hana i keia manawa, 0 ia no ka hoomakaukau ana i ko kaua mau pahu lole, aka pehea ka loihi o ka manawa au i manao ai no kela hana?* me ka pahola tna !ae o ka minoaka ma na papalina o ua wahine nei, oiai he huakai keia nana no i hoolala me ka manao paa e hele pu o Alimim me ia. "Aole no kela he hana nui, oiai aia no ko'u mau ukana apau miloko o ko'u pahu, he mau lole uuku no paha ka'u e lawe pu ana." "Ina pela ua pono, e heie aku oe e hoomakaukau i kou mau ukina, a aia hoi a pau kou mau hemahema iloko o kou pahu, alaiia heie mai oe no ke kokua ana mai ia'u," alaila ku koke ae la ua o Mrs. MontV tuge iluna, me ka maha o kona noonoo mamuli o ka loaa ole o na ku-e mai kana kaikamahine humuhumu mai, aia nae ka minoaka maluna o kona mau helehelena ke halii la, a hoi poloiei ioa aku la oia noloko o kona rumi. no ka hoomakaukau ana i kona mau ukana. I kela noho hookahi wale ana iho no a Alamira maloko o kona rumi, ua hoomaka aku la oia e kakau i ieka na Roi, e hoikeike aku ana no kona hele aku ma kekahi huakai a Mrs. Monotuge o ka h«>o- | laia mua ana, me kona nonoi ana aku i kana aioha e kala mai iaia | no ka loaa mua oie ana he manawa maikai no laua e kamailio pu ai 1 no ka pono o ka hele ana ma kela huakai ame ka ole. alaila hoike pu I aku la no hoi oia, no kona kakau mai i leka na ua o Roi ke hoea oia . ma ka pahu hopu o ka lakou wahi e hele nei. | Aia nae ka manao mihi iloko oua o Alamira iloko o kela manawa I no ka wikiwiki e ana i ka haawi i kona ae imua o kona haku, me I he mea la o kana e ike la i kela manawa, o ia no kona kaumaha i ka ihaalele iho i ke kulanakauhale o Nu loka. ! Ika paa ana o kana leka ike kakau, o kona hoomaka koke aku la j no ia i ka hoomakaukau ana i kona mau lole, a mahope o kela hana, ua hele aku la oia no ke kokua ana i kona haku. laia oka hoea |ana aku maloko o ka rumi o Mrs. Monotuge. e waiho mai ana kekahi pahu nui, ua pau mua na ukana i ka hookomoia iloko, a ua paa hoi i ke kiia, a e hookomo ana ua wahine nei i na ukana o ka )ua aku 0 kona pahu, a o ia ka Alamira o ka nalu wale ana ifio no iloko ona, heaha la hoi ka hana nui ma kela huakai i nui ai na pahu e hele pu ai. Aole no hoi i emo ia hana like ana aku a laua nei, o ka pau no ia o na mea a Mrs. Monotuge i makemake ai e lawe pu ma kela huakai, a 1 ka hoea ana mai i ka aina awakea, ua koi mai la o Mrs. Monotuge ia Alamira o laua like no ke ai maluna o ke pakaukau hookahi, no ka mea he mea pono e awiwi laua i loaa aku ai ke kaa i ka manawa pono. 0 keia ka manawa mua loa a Mrs. Monotuge o ke kono ana aku ia Alamira e ai pu maluna o kona pakaukau, a ke noke la hoi ua wahine nei i ke kamailio me he mea la ua kaulike aku o Alamira me ia ma ke kulana iike, aole hoi ma ke ano he kaikamahine humuhumu keia i kupono ole e kau aku ma ke anuu i like me ko ka poe hanohano. Ma ka aina ahiahi, ua hui like aku la no laua a elua maluna o ke pakaukau hookahi, a ua oi loa mai la ke ano oluolu o Mrs. Monotuge ia Alamira, a ua lilo na ano o Mrs. Monotuge e hoikeike mai la imua o Alamira i mea na ua kaikamahine nei e hialaai loa ai, me he mea la aole he mau manao maikai ole iloko o laua no kekahi me kekahi. Mamua o ko ana iho i ka hale ma ka hora ehiku o kela ahiahi ua- kauohajiku la o Mrs. Monotuge ia Mele ame ka wahine kuke, e hoomaha raua no na pule elua, a koe wale no ka mea malama lio, oia hookahi o iakou ka mea e koe i ka hale, no ka nana ana i na lio ame ke kiai pu ana i ka hale, aia laua a huli hoi mai, alaila o ka wa ia e hoi hou mai ai kela mau kauwa, no ka iaua mau hana pakahi. Mahope iho o ka hora ehiku o kela ahiahi, aia o Mrs Monotuge me Alamira maluna o ke kaaahi kahi i noho ai, a ma ka hora ewalu ponoi o kela ahiahi ke laweia la laua e ka lio hao no Sana Lai, a ma ke kakahiaka ana ae o kekahi la mai, ua hoea aku ia laua ma keia kulanakauhale, a hoi pololei aku la no ka Hokele Hema, kahi a Mrs. Monotuge i hoolala inua ai, malaila laua e hoohala ai i kekahi inau lal no ka hoomaha ana, a hiki i ka hoea ana aku o ka pm-.lu <> na hoaloha i makemake e holo makaikai no ka Muiiwai Mis .sipi. a i Nu Olina hoi. Ma ka lua ae o ke kakahiaka a laua nei o ka noho ana ma kela wahi, ua olelo mai la o Mrs. Monotuge ia Aiamira e hele ana oia i ka holoholo no kekahi wahi, a oleio mai la no hoi i kana kaikamahine lawelawe, ua hiki no iaia ke hele ma kana mau wahi apau e makemake ana, oiai aole he mau hana o ka haie e noho iho ai, e iiio ai paha ka noho hookahi ana iho o ua o Alamira maloko o ko iaua mau rumi o ka hokeie i mea mehameha iaia e ku a moiowa ai. 1 ka loaa ana mai o kela pono ia Aiamira, o ia ka heie ana ma kana mau wahi apau i makemake ai, a oiai no hoi he kuianakauhale kela i malihini loa iaia, nolaila he mea pono e heie oia i ka makaikai, aiaiia hoohoio iho la oia i kona manao e hele ana oia i ka hoio kaauwila. alaila lalau aku la i kona papale ame kona koloka, o kona oili aku la no ia hele no ke alanui a ke kaa uwila e holo ae ai. laia nae o ka hoea ana aku i ke alanui, ua hoololi ae la oia i kona manao he oi aku ka pono e hele wawae oia i ike ai oia i na wahi apau me ka maikai, nolaila o kona kamoe aku la no ia ma ke alanui e moe ana i ke komohana, kahi o kekahi mau hale nunui ano hou i kukuluia ai, a i ka hala ana he mau hora iaia ma kela hele holoholo ana, ua ano maopaopa mai la kona mau wawae, eia nae ua loaa mai la i kona wahi kino ka ikaika maikai, me ka uia hoi o kona mau papaiina. Oiai ua loihi maoli no kana wahi o ka heie ana, e iiio ai i mea maikai ole kona huli hoi hou ana mai maluna o kona mau wawae, nolaila ua kau ae la oia maluna o kekahi kaa uwila, a huli hoi mai la ma ke alanui e hoea aku ai i kona hokele. He wahi pokole wale no nae ia a ke kaa o ka holo ana mai, ua hiki mai la i kekahi wahi hoolulu, a kau ae la he elua mau ohua hou, he keonimana me kekahi lede, ua hele mai la laua a noho la ma ka noho mamua 'pono o ko ia nei wahi e noho aku ana Aia ua mau mea la ke noke wale la no i ke kamailio ia laua iho, me ka noonoo ole af i ka poe maiuna o kela kaa hookahi, aka no Alamira nae aia wale no kona mau maka ke haka pono la maluna o kela mau mea. ' No ka wahine, ma ka ia nei ike aku, ua kahiko maoii oia me kona mau lauoho keokeo, koe aku nae ko ia nei ike ana aku i ka helehelena, oiai ui paa i kekahi uhimaka eleele. a no kona kokoolua iho hoi, he kanaka oia ma kahi o ke kanakolu ame ke kanakolu-kumamaiima mau makahiki, e like me kana koho ana. O ke keonimana ka ia nei e ike aku la i ka hoopilikiaia o kona noonoo, no ka mea he ano pihoihoi kana kamaiiio ana, oiai hoi ka lede aoo, e kamailio aku ana me ka pahola mau o ka minoaka maluna o kona helehelena. "He mea maikai ole maoli kou hoao ana e hooiilo nui aku i na waiwai i kahi hookahi," i lohe aku ai o Alamira i ke kamailio ana mai o ke keonimana imua o kona kokoolua, alaila komo koke mai la ka manao hoohuoi iloko o ua kaikamahine nei, o kela ka paha ke kumu o ke ano pioloke o ke keonimana ana e hoomaopopo la. I pAa.i