Ka Nupepa Kuokoa, Volume XLVIII, Number 16, 19 April 1912 — HE MOOLELO NO ALAMIRA A I OLE Ka Mea Huna Iloko o ke Aniani Kilohi. [ARTICLE]

HE MOOLELO NO ALAMIRA A I OLE Ka Mea Huna Iloko o ke Aniani Kilohi.

MOKUNA XXXII. Maliope iho o ka haia ana o kekahi mau hora, ua hoea aku la hc loio maloko ke keena paahāo o Mr. Wakona, a no kekahi mau hora eiua ko iaua kukakuka pu ana, alaila ua heie aku la ka loio e hui pu me ka iunakanawai, a mailaila ae i hoea aku ai oia no ka hokele a Alamira ma e noho ana, a ninau aku la no kekahi wahine raa ka inoa o Mrs. Wakona. Na ke kakauoielo o ka hokele i hooia mai no ka noho ana o kekahi lcdc ma kela hokele, alaiia hoouna aku ia ka loio i kona pepa inoa t me ke kakau pu ana aku i kekahi mau huaoielo pokole e hoike ana ua makemake oia e hui pu me ua lede nei. Hc hapaha hora ia a ka loio o ke kakali ana o ka loaa mai o ka aeia no kona heie ana aku e hui pu me ka wahine ana e makemake r»ei e ike, ua oiii mai ia kekahi o na kauwa o ka hokele, a olelo mai la ua makaukau o Mrs. Wakona e hookipa aku iaia maioko o kona keena hookipa. Ua hui i'o aku la ka loio me kekalii wahine aoo, i maa i ka hoolauna ana me ka poe maikai a koikoi o ka aina, alaila hoakaka aku !a no hoi ka laio i ke ano o kana hana o ka hoea ana aku ma ia ahiahi, mamuli o ka hoounaia ana aku eWakona opio e hele aku e ike iaia, a e hooponopono hoi no kekahi huina dala i wahi e hookuuia mai ai kana keiki o ka hopuia ana. Ua lilo kela meahou a ka loio o ke<kamailio ana aku ia Mrs. Wakona i mea no ua wahine la e hoopiolokeia ai, alaila hoakaka mai la oia no kona hoea ana mai ma kela hokele, me ka manao e hui ana la oia me kana keiki o ka huli hoi ana mai Auseteralia mai, eia ka e poho wale ana kona may manaolana, aka ua ninau mai la nae oia i ka huina dala o ka hela i makemakeia ai, oiai ua makemake oia e kokua aku i kana keiki iloko o ka pilikia. Ua hoike aku la no hoi ka loio i ka nui o na dala i makemakeia ai, eia nae aole no ia i lilo i mea e hopo iho ai ua wahine nei, aka ua pane mai la nae oia i ka i ana mai: "He keu aku maoli ka keia o ka mea hoopilikia i ko'u noonoo, oiai he malihini loa au maloko nei o keia kulanakauhale, a aole a'u wahi e ui aku ai no ka loaa mai o ka poe na lakou e kokua ia'u iloko o keia hana nui." "He mea oiaio no kena au e kamailio mai la, aka, pehea, he nui no nae paha kau mau dala kuike ea?" "Ua hiki ia'u ke haawi aku i kekahi huina kupono ina ma ke dala maoli, aka malia e lilo ana ko'u malihini ana i na mea apau maloko nei o keia kulanakauhale i mea e kau mai ai he mau hoohuoi ana maluna o'u, no kahi o ka'u mau dala o ka loaa ana mai," wahi a Mrs. Wakona me ka hoike okoa ana mai o kona helehelena i ke akenui e hookuuia ae kana keiki. "Aoie o'u manao, he mea ia e ala mai ai he mau hoohuoi ana nou; a kc manao nei au e hiki ana ia'u ke hana aku i kekahi mea e pono ai kau keiki, ina ua makaukau i'o oe me ke dala i keia manawa." "Ina hoi ha he alahele maalahi kekahi au i ike ai, alaila ke nonoi aku nei au ia oe e hoike koke mai i keia manawa; no ka mea ua makaukau au e uku aku ia oe me ka maikai ke hiki ia oe ke hookuu mai i kuu keiki mailoko mai o ka halepaahao." "Eia no ko'u manao ,ina e hiki ana ia oe ke hoolako mai i kela huina o ka bela i kauia maiuna o kau keiki, alaila e hookomo oe i kela huina iloko o kekahi o na hale hanako o keia kulanakauhale. a na'u e lawelawe aku i na hana e ae e pili ana no ka pono o kau keiki, a i ka hoea ana mai o ka la e hooloheia ai o ka hihia o ua keiki nei, 0 ka wa auanei ia e hoihoi houia mai ai na keneka apau o kau mau «lala maloko o kela banako." "Akahi no a hoomamaia mai la ko'u mau manao kaumaha, ma o keia mau olelo hoolana au," alaila noke iho la laua i ke kamailio i na mea pono e hana aku ai i wahi e hookuuia mai ai o Jade Wakona mai ka halepaahao mai. He mau hora helu wale no mai kela manawa a ka loio o ka haalele ana aku i ka halewai, ua hoea hou aku la oia nolaila a hookuuia mai la ka paahao, oiai ua hookomoia aku la ka huina dala o ka bela maloko o ka hale hanako, no ka malamaia malaila, a hiki i ka la e hooloheia ai ka hihia aihue i»na daimana a Mr. Pama, a ina e hoea oie ae ana o Wakona ma kela la, alaila e ukuia aku kela huina dala iloko o ka waihona o ke Kalana. * Ua haawiia aku la no hoi kekahi uku maikai no ka loio, alaila ua huli hoi like mai la ka makuahine me ke keiki no ko laua hokele. O kela huli hoi like ana mai a laua a kau maluna o ke kaauwila, o ia ka ike ana a Alamira ia laua e like me na mea i hoike muaia ae nei ma kekahi o na mokuna i hala, a lakou no hoi o ka huli hoi like ana aku no ka hokele, me ka ike o Alamira i ka lole a Mrs. W r akona e komo ana. Ua ike mua ae nei oe e ka mea heluhelu i ko Alamira kauoha ana aku ia Roi Pama e hoouna mai i ka apana o kela lole ahiahia e komoia ana e Mrs. Wakona. me ka hookuku ana o ua kaikamahine nei 1 ka apana me ka lole, a pela pu hoi me ka hoea ana aku o Alamira a hui pu me Makaikiu Rida a hoike aku la i kana mau mea apau i ike ai. 0 ka hookuuia ana o Jade Wakona mailoko mai o ka halepaahao, ma ka aoao wale no o ka loio na hana no k pono o kona haku, a ma ia ano iho la, aole i hui iki o Mr. Rida me Mrs. Wakona, aka ma pa mea nae a Alamira o ke kamailio ana aku iaia, ua hooliolo koke iho la ua makaikiu nei, o kela ka wahine i komo pu me kekahi poe aihue e ae i na daimana a Mr. Pama ame ka poe e ae i loaa like kela raau poino. 1 ka oili ana mai o Alamira e hoi, a haalele aku la i ka inakaikiu maloko o kona keena, ua hooho ae la o Makaikiu Rida i ka pane ana ae: "He keu aku maoli kela a ke kaikamahine a ka maka'u ole a'u i ike ai, a ke hoomaikai ae nei au no ko'u halawai ana me ka ulia laki ma o kela kaikamahine la. O ka mea i maalahi ai keia hana. o ia no ka hoea ana mai o kela kaikamahine maloko nei o keia kulanakauhale, a noho like no me ka hokele hookahi me na mea na laua na hana aihue. "Ile keu aku nae ko'u 1010, o ko'u noonoo ole ana me ke akahele, me ko'u kuhihewa loa nae, e hHei ole ana la i kekahi mea ke haawi mai i be!a no ka hookuuia mai o ka lawehala mai ka halepaahao mai. Akahi a haupu mai kekahi manao iloko o*u, me he rftea la he mau j hana pulapu wale no kela. o ka hookomoia ana aku o kekahi huina: dala maloko o ka hale hanako, o ka mea oiaio nae. e lele koke ana ka manu mamua o ka hoea ana mai i ka la e hooloheia ai keia hihia. "O ka laua paha ia i manao ai e mhuka aku no ko laua palekana, aka e ike ana nae laua i ka paa koke akti ia'u i ka hopuia. Aole akts Ia no hoi i nele ka nui o ka īaua mau daimana o ka aihue ana, me ka nui pu o ka iaua dala t loaa mai ma kela hana. Ma na mea maopopo loa ke koho aku. he elua mau wahine me hookahi kane iloko o keia hana aihue, e like no me ia a*u o ka ike ana ma ka manawa o ka aihueia ana o na daimana a Mr. Pama, ame ka hoopahaolaaoia ana o Roi malalo o ka mana o Kauka Waselahofa. "Aole a'u hoohakalia hou ana tho i keia manawa. aka e heie koke &ku ana au no kela hokele." alaUa o ka palaki iho la no ia o ua makaikiu nei i kona kuka» me ka hoohinuhinu ana iho i kona mau ka-

f maa, alaila o kona kau ae la no ia i ka papale ma kona poo, a oili aka I !a no ka hele ana i ka hokele. me ka manao e hui pu me na mea ai Alamira o ka hoike ana aku iaia. E waiho malie īki akn hoi kaua e ka mea heluhela o ka oili mai a ka hofM?na o ka huakai a ka makaikiu i manao ai no ka holopono o kana hana. a e kilohi aku kaua ia Alamira ma kela manawa o kona huH hoi ana aku no ka hokeie, mahope iho o kona hele ana mai e hui pu me Makaikiu Rida. "Ihea aku nei kau wahi e A!amira o ka hele ana aku nei?** i ninau oiai ai o Mrs. Monotuge i ua kaikamahine !a. ma kela manawa o kona komo ana aku noloko o ka mmi o kona haku e kakali mai ana iaia. "Ua ku a nauki maolī au i ke kakali o kou hoi mai, ake mihi nei au no kuu ae ana aku ia oe e hele me kuu apono mua ole aku i kau wahi e hele ai. Ua makemake nae au e humuhuma mai oe i ka nahae o kekahi o ko* mau mikinilima." "Ke kaumaha loa nei au no kou kakali loihi ana ae nei ia*u, n wahi a A!amira me ke ano hoopepe. "O ko*a noho iho nei hoi ia a hoea mai ke kaikamahine nana e hana i na rumi moe, a no ka nui o ka hu'i o kona niho, e hiki ole ai iaia ke hana i kana mau hana me ka holopono, ua noi okoa mai oia ia'u e kokua aku iaia. a hana pu iho nei maua i na moe, a no ko'u maluhiluhi loa, a no kou hala ana aku no hoi kekahi i ka holokaa, nolaila o ko'u hele aku nei no hoi ia i ka holoholo." "Aole no o'u huhu no kou hele i ka holoholo, aka o kou kokua ana aku i ka hana a ke!a kaikamahine ka'u e huhu aku nei ia oe, aole paha au i lawe mai nei ia oe. o kau hana iho !a ia, o ka'u mau mea wale no e kauoha aku ai, kau e hana mai aole o ka kekahi mea okoa aku. Ua pau aku !a nae kela, a mai hana hou oe e like me ia ma keia hope aku. E hana koke mai oe ika mea a'u i kauoha aku nei, a ke pau ia hana au, alaila e kokua mai oe i ka hookomo ana i ko'u mau lole maloko o ka pahu. no ka mea e hoomau aku ana kaua i ka kaua huakai no ka Muliwai Misisipi. "Ua loaa mai nei ka lono kelekalapa ia'u mai kuu hoaloha mai nei e hoike mai ana no ka nui loa ana o kona ma'i, a pela au i manao f ai, he mea makehewa wale no ko kaua kakali hou ana aku ia lakou, |heaha auanei hoi, ua poho wale na manaolana." j "He mea maikai ole maoli ka hoi keia, o kona hui pu ole mai me : kaua ma keia huakai, a pehea aole anei oe i manao he mea maikai no hoi ka hoopau waie ana ae i keia huakai? I hoihoi no paha ka hele ana i ka nui o ka poe e hele like ana no kela wahi, hauoli hoi paha ka hoohala ana malaila'no kekahi mau la loihi!" wahi a Alamira me kona makemake loa e huli hoi aku no Nu loka, a i ole e houlolohi j houia aku ko laua manawa e noho ai maloko o ka hokele a hiki i j kona ike maka ana i ka hopena o ka hana a ka makaikiu. | "Aole i'o no e loaa ana ia'u ka hauoli ma keia huakai, me kuu ma- ! nao no e hoi hou kaua ihope, koe wale no ka paa mua ana o ka papa ( hoonohonoho mawaena o'u ame Lui, e kakali mai ana oia o ko kaua ! hiki aku no Nu Olina, ma ia ano e hiki ole ai ia'u ke hoo!oli ae i kela manao mua, a e haalele iho ana kaua ma ke kaaahi mua loa o ke kakahiaka o ka la apopo," wahi a Mrs. Monotuge me ka awihi iki ana mai o kana nana ana maluna o Alamira. Ua loli ano e ae la ko Alamira helehelena ma ka lohe ana aku e hui pu mai ana ka o«Lui Hamalina me laua ma Nu Olina, no ka mea 0 kela ke kanaka a ua kaikamahine nei i hoihoi ole loa ai, ua aneane loa no oia e hoike okoa aku i kona manao imua o Mrs. Monotuge no kona huli hoi aku no Nu loka. "Malia paha hoi, he hana hiki no ia oe e Mrs. Monotuge ka hoouna ana aku i kelekalapa ia Lui, e hoike aku ana i 'ka hoomoeia o ka kakou huakai, he mea maikai ole maoli ka keia i ko'u noonoo," wahi a Alamira, me kona hoonaukiuki loa no keia hoomauia aku o ka laua huakai. "He mea hiki ole loa ke hololiia ae keia huakai, no ka mea ke ole au e kuhihewa, ua haalele kahiko aku la o Lui ia Nu loka, e waiwai ole ai ka hoouna ana aku i kekahi kelekalapa iaia,'" i pane kikoola aku ai o Mrs. Monotuge, me ka pupuku pu ana mai o kona mau maka. Ua lilo keia i mea maikai ole i ka manao o Alamira, aka nae ua ala hou mai la kekahi noonoo iloko ona, ina paha no ka hoea mai o ka makaikiu a hopu i na mea i hoohuoiia ai no ka aihue ana i na daimana a Mr. Pama, e like me kana o ka waiho ana aku i kana kumu hoohalahala imua o ke kanaka o ke aupuni, alaila e koi ia mai ana oia i hoike, a o ke alahele paha ia e hiki ai iaia ke huli hoi hou aku no Nu loka, a o ka pau no hoi ia o kona manao ana e hui pu aku me ka huakai a kona haku. Oiai no nae kela wahi manaolana uuku o ka oili ana ae iloko ona, aole no ia i lilo i wahi e akakuu mai ai kona mau manao uluku, a no 'ka hiki hou ole iaia ke hoonaululu aku imua o kona haku i wahi e hoopauia ai o kela huakai a laua, nolaila ua noho iho la oia, a hoomaka aku la e pahonohono i na wahi o ka mikinilima o Mrs Monotuge 1 nahae. O ko ia nei humuhumu ia a paa na mikinilima, alaila ua hui pu aku la oia me Mrs. Monottige, ma ka hookomo ana i na lole o ua wahine nei inaloko o ka pahu, alaila hoi aku la maloko o kona rumi, no ka hoomakaukau ana i kona mau ukana, eia nae, ke nauki wale la 110 oia i ka hoea ole mai o ka makaikiu e like me ka ua kanaka la o ka hoike ana mai iaia. Ile hookahi paha hora mai kela manawa mai o ka haalele ana aku o Alamira i ke keena o ka makaikiu, aia ua kanaka la o ke aupuni maloko o ka hokele a Alamira ma e noho ana, a mahope iho o kona noho hoola'i ana, e heluhelu i kekahi nupepa e waiho ana maluna o ke pakaukau, o kona hele aku la no ia ma kahi o ke kakauolelo o ka hokele e noho mai ana, a ialau aku la i ka buke inoa i kakauia ai ka poe e noho ana ma ka heokele ma kela manawa, a he wahi wa uuku wale no ia ana o ka nana ana iho, ua ike iho la oia i •na inoa ana i kaunui ai, alaila kamailio aku la i ke kakauolelo, ina paha e aeia mai ana kona hoouna ana aku i kekahi wahi palapala ma o ka elele la, noloko o ka rumi e nohoia ana e Mrs. Wakona. "Ke kaumaha loa nei au i ka hoike ana aku ia oe, ao!e e loaa ka mea au i ake nui ai e ike maloko nei o ka hokele, no ka mea ua haalele iho o Mrs. Wakona ame kana keiki he elua ae nei mau hora i hala." "Auwe no ka hoi e! Ua maopopo loa anei ia oe, ua haalele iho laua i ka hokele nei ?" i ninau aku ai ka makaikiu, me ka hele o kona helehelena a haikea, mamuli o ka lele e ana o ka manu mamua o ka hoea ana aku o ke kanaka o ke aupuni. "O na mea oiaio wale no ka'u o ka hoike ana aku nei ia oe, no ka mea i ka wa o ke keiki a ua wahine nei o ka hele ana mai e uku i ko laua mau bi!a no na hoolilo o ka noho ana i ka hokele nei, ua kauoha pu aku !a oia i kekahi kaapio, a maluna o ua kaa nei laua o ka hala ana aku ma ka hora uini-kumamakahi o keia la. Ke kaumaha loa nei nae au, no ka loaa ole ana o ka mea au i ake nui ai e ike." Ua oi aku keia mamua o ka mea hiki ia Makaikiu Rida ke hoomanawanui. o kona hoohoka mauia iho la no ka hoi ia i kela ame keia manawa; nolaila ua manaoio aku la oia i ka moolelo a ke kakauolelo o ka hokele o ka hoike ana mai; aka aole nae e hiki iaia ke hoahewa iaia iho no kona lohi loa, malia paha, ua hala e kela mau mea ma ka manawa e kamailio pu ana me A!amira, o kana wale no nae o ka mihi ana, o ia ka loaa ole ana aku iaia iloko o ka*wa pono. Ala mai la ka hoomaopopo i ka makaikiu i kela maoawa, aole i minamina o Mrs. Wakona i kela mau da!a ana o ka hookomo ana maloko o ka ha!e banako. ma ke ano bela no kana keiki, he oi ae ke kiola ana i kela mau da!a mahuahua mamua o ka hookolokolo ma-! o!iia o kana keiki imua o ka aha, a nana auanei e hua'i ae i kona mau hoa apau i komo like ma na hana aihue daimana. Ua lohi loa nae ka mrht ana iho a ka makaikiu, no kona ae wale ana aku no ma ke daia e helaia ai a noho ka paahao mawaho, no kona manao no hoi, aohe la he mea nana e kokua ae ana i kela kanaka, eia ka auanei, he alahele maalahi ia no kela mau mea e pakele ai mai ka mana aku o ke aupuni.

I He mea makehewa wale no nae iaia ka uwe ana aku mahope oka • waia i hanioi. koe wale no ke kn ana ae a ma!oe!oe e !ike me kona • ano he makaikio, a hoomaka aku ka huli ana e like me ke akamai i \ loaa iaia. i wahi e paa hou ai ksi paahao i ka hopuia. "Ua maopopo no nae paha ia oe ko la\ia wahi o ka helf ana aku i ea ?" i ninau aku ai ka makaikiu i ke kakauolek\ me ka haka pooo | aoa o kona man maka me he popoki la e nana aku ana i ka K>le. '*Ma ka'u hoomaopopo» ua ha!a aku laua no ka liale Hoolulu L niona. Ke ole au e kuhihewa. e holo ana laua no ka Akau. oiai ua iohe aku au i ka oielo ana mai o ke keiki i kona makuahine. e knai i ī tikiki emi no laua, no ka hoio ana aku i Kikako." "H* mau ukana no nae paha kekahi a laua o ka paa pu ana aku | ea? M wahi aka makaikiu. | "Ae, he hookahi o laua pahu lole, ame ka paiki nui, o ka'u mau | mea wale no ia i ike i ka hookauia ana ae malona o ke kaa." | Ua kulou iho la ke poo oka makaikiu ilalo no ka noonoo ana, a!aila ua noi aku la oia e haawiia mai kekahi mau !ako kaikau iaia, a hoomaka iho la e kakau i kekahi leka na Alamira. a iaia o ka haawi ana aku i kana leka i ke kakuolelo, ua i aku la oia: "Eia aqei he kaikamahine e noho nei maloko o keia hokele ma keia inoa?" a waiho aku la oia i kana leka imua o ke kanaka o ka hokele. "Ae. he kaikamahine no ma keia inoa. ke noho nei rae Mrs. Monotuge/' "O ua kaikamahine i o nei ia a u e makemake nei e hoouna aku i kena leka. F. oluolu ana anei oe e haawi pololei aku i kena leka iloko o ka lima o kela kaikamahine; no ka mea aia kekahi mea ano nui loa a'u i makemake ole ai e ikeia ae e kekahi mea mawaho ona?** "Ina o kou makemake ia ea. alaila na'u ponoi no e haawn aku i ! ko leka iaia, aole hoi ma ka lima o kekahi o na kauwa lawelawe o ka hokele nei." j Ua waiho aku la ka makaikiu, he hapalua maluna oka wa>hi leki. | alaila o kona kau ae la no ia i kona papale maluna o ke poo, a hoomaka aku la e puka iwaho mai ka hokele aku. I hakalia no i ua makaikiu nei a hemo iwaho o ke alanui. o kona kahea aku la no ia i kekahi kaa. a iloko o na minuke helu wale 10, aia oia ke laweia la no ka Hale Hoolulu Uniona, me kona kauoha ana aku i ke kalaiwa e kuupau ! ka holo o kona lio i hoea koke īku li i kahi hoolulu o Ice kaaahi, mamua o ka haalele ana mai o ke kia i ka hale hoolulu. Iloko o ka hooikaika ana a ke kalaiwa, e hiki aku i ka hale Ikmlulu, ua lilo ia i mea waiwai ole, oiai ua hala e aku ke kaaahi he hora okoa mamua ae o ko laua nei hiki ana aku, ua mopopo no nae i <a makaikiu ia mea, a i wahi hoi e makepono ai kela hookina ana aku i ka holo o ka lio, ua hele aku la ka makaikiu no ka hui pu ana me ka akena kuai tikiki, a ninau aku la no na mea i makemake e holo no Kika£o, eia nae aohe he mau mea i hoea aku i ka hale hoolulu no ke kuai tikiki ana, no kela kulanakauhale. O ka manao o ka makaikiu ma kela ninau ana, ina hoi no ka loaa mai o na hooia ana, ua hala ua mau lawehala nei ana ma ke kaaahi no Kikako, alaila e hiki ana iaia ke hoouna aku i kelekalapa i ka oihana makai o Kikako, e hopu mai i ka makuahine ame kana keiki, nolaila ua poho wale iho la kona mau manaolana, a he hookahi mea ana o ka hooholo ana iho, aia no kela mau mea maloko o kela kulanakauhale kahi i pakakaa ai, nolaila he makehewa wale no ka hoouna ana aku i kekahi kelekalapa; alaila o kona huli hoi aku la no ia no kona hokele, me ka noonoo ana iho, i kona pauakaia ana ma keia hihia ana o ka noke ana i ka hookolo, me ka hoea ole mai i kona hopena. laia ma kona hokele, ua hooho ae la oia i keia mau olelo: "Makehewa no hoi ka makaukau i ka oihana makaikiu, ina pela mau iho la ka hoohokaia!" a o kona hoomakaukau iho la no ia i kona mau ukana, no ka huli hoi ana aku no ke kulanakauhale o Nu loka, ma ke kaaahi mua loa e haalele mai ana no kela kulanakauhale. 0 ka noho hoi keia o Alamina a hiki i kona iho ana ku no ka aina ahiahi, ua haawi malu mai la ke kakauolelo o ka hokele i ka lekā a ka makaikiu o ke kakau ana, a hookoiiio iho la ua kaikamhine nei iloko o kona lole, me ka heluhelu ole. 1 kona huli hoi ana aku nae noloko o kona keena, ua wehe ae la oia i ka leka mailoko ae o kona lole, a hoomaka iho la e nana, eia nae ua like pu kona pihoihoi me ka makaikiu iaia i ike iho ai, eia ka ua I ele mua ka laua manu mai ka punana aku. Penei iho na mea maloko o ua leka nei a Alamira i heluhelu iho ai. "Ua puehu ka hulu o ka manu! Ua haalele mai laua ma ka hora umi-kumamakahi iho nei o keia la, a ku kaua i kahi oka hoka. E malama aku i kela apana lole, malia e lilo aku ana ia i mea waiwai ma keia hope aku," alaila kakauia iho la ka inoa o ka makaikiu malalo. "Auwe no ka hoi e!" i hooho ae ai o Alamira me ka nui ana iho o kona hanu. "E manao ana ka hoi au, o keia ka hana ana e wi ai ka niho o ke kolohe, eia ka e oi aku ana ka paakiki o ka huli ana'aku, a hik| i ka huaiia ana ae o na mea e pili ana i ka aihue i hanaia i na daimana a Mr. Pama." MOKUNA XXXIII. Ua poho wale na manaolana o Alamira no ka holoj>ono o na mea a laua me ka makaikiu o ka hoolala ana, nolaila aohe ana mea |>ono e hana aku ai, koe wale no ka hooko ana aku i na mea apau a kona haku e makemake ai iaia. Ma ke kakahiaka o kekahi Ia ae, ua haalele iho la o AJamira me | Mrs. Monotuge, a kau aku la maluna o kekahi mokuahi e holoholo 'ana mawaena o Nu Olina ame Sana Lui. | Oko laua nei mau rumi maluna o kela mokuahi, kekahi ona rumi maikai loa, no ka mea ua makaala loa o Mrs. Monotuge i ko laua po- ! no, a o ka malie maikai iho no hoi o kamoana, he hoola'i malie wale no ia a na ohua ma ia huakai a ka mokuahi e holo la. i Ma keia holo ana a Alamira ma i hoike mai ai kona haku iaia i ka oluolu ma na ano apau, e hookau ana ia Alamira ma ke kulana i like pu aku me kona, aole hoi e like me mamua, ka hoohuhu a hooku'eku'e maka nui, aka e imi mau ana ua wahine nei i na mea apau no Alamira e hoohauoliia ai, a e hookamaaina ana no hoi ua wahine nei me na ohua e ae, a ma ka olelo pokole ana ae, ua fiele moli lakou a piha i ka ulumahiehie maluna o ka mokuahi. Iloko o ka manawa ao, e hoohala mauia ana kela manawa, ma ka hui pu ana o na ohua mawaena o lakou iho, me ka hookamaaina ana o kekahi me kekahi, a i iea hoea ana mai hoi i ke ahiahi, o ka himeni me ka hulahula ka hana nui, a ua lilo ia i mea maikai i ka manao o na mea apau. Ua like pu kela anaina a Alamira e hauoli la, me he mea la ua hoihoi houia mai na la ana e noho pu ana me kona makuakane, mamua ae o kona make an aaku, a ina aole keia noho ona ma ke ano kaikamahine lawelawe, peia hoi kona hoomanao ia Roi, ina oia kekahi o na leaikamahine oi loa o ka olioli, aka, na kela mau ano e hiki ole ai iaia ke hoopoina ka mea nana i hookuihe mai i leona noonoo. Mamua o ka pilf ana aku o ka moku i ka uwapo ma Nu Olina, ua ike aku la o Alamira i ke ku mai o Lni Hamalina i ka uwapo, o ia nooeo kekahi keikialii, i ka hao mai a paihi me kekahi paa lole hou loa, a e anapa mai ana hoi na komolima daimana ma kona mau manamanalima. Ia ike ana aku no a Mrs. Monotuge i kana keiki i ke ku mai i ka uwapo, ua kahea okoa aku la oia, me ke ani ana aku i ka hainaka, a ia wa no hoi o Lui i ani mai ai i kona hainaka, a o ka pili koke mai la no ia iluna o ka oneki o ka moku, no ka hele ana mai e hui pu me kona maktxahine. Ia halawai ana ae o ke keiki me kona makuahine, ua hoike koke mai la o Lui i lea nui palena ole o kona hauoli, no ka ike hou ana i kona makua, me ka i ana mai i kpna ulahua i ke kakali o kona hoea aku, me he makahiki okoa la ia ana o ke kakali ana, a la pau ana hoi o ko laua ike ana, ua huli mai la o Lui me ka pahola ana mai i kona lima imua o Alamira, a i mai la me ka leo waipahe: (Aole ! paa.)