Ka Nupepa Kuokoa, Volume XLVIII, Number 17, 26 April 1912 — HE MOOLELO NO ALAMIRA A I OLE Ka Mea Huna Iloko o ke Aniani Kilohi. [ARTICLE]

HE MOOLELO NO ALAMIRA A I OLE Ka Mea Huna Iloko o ke Aniani Kilohi.

MOKUNA XXXIII. "Kani maoli ka hoi ka mohala maikai o kou heiehelena e Miss Luka Likeke, a ke hauoli loa nei au i ka nana aku i kou mau maka nohea, na keia huakai mai nei a olua i hookomo aku ia oe iloko o ke ola hou, he keu maoli no kou huapalal" Aohe mea e ae a Alamira e hana aku a: } o ka haawi wale aku no i kana kunou imua o ke kanaka ana i hoowahawaha loa ai, me ka lalau ole mai i ka lima e paholaia aku ana imua ona, alaila o kona kxi aku la no ia i na Io!e hoopumehana o laua iloko o na rumi, no kona hoihoi ole, e noke loa mai o Lui i ke kamailio iaia. Ua aneane loa e ku o Lui Hamalina i kahi o ka hoka, no keia ano eena o ke ana i hoolaia ai e lilo aku i wahine nana, aka ua hawanawana malie aku Ia nae oia ma kekahi pepeiao o kona makuahine i ka i ana aku: "Aohe wahi mea a akakuu mai o ke ano o ko kaikamahine humuhumu, aka ua hiki nae hoi, ua hoea mai la olua ia nei, kahi e hookoia ai kuu iini." "Mai pupuahulu loa oe e Lui, o ike auanei oe i kou ku i kahi o ka t:oka. Ua hoike mai hoi paha oe i ka nui o kou aloha i kela kaikamahine, a ua haawi aku au i ko'u ae no kena manao ou, aka aole nae o'u makemake e awili puia aku au iloko o kau hana, aka e imi mai oe i kou piha akamai a maalea i wahi e lilo aku ai o Luka Likeke i wahine nau, oiai ua ike like no kaua i ka hoihoi ole o kela kaikamahine e mare aku ia oe," i pane aku ai o Mrs. Monotuge me ka imoimo ana aku o kona mau maka. "Ina pela e kuu makuahine, ua pono, na'u aku ka hana ma ko'u aoao, oiai hoi ua lokahi ko kaua manao e mare au i kela kikamahine. I hoike aku no au ia oe ea, ua kaili okoaia aku no kuu puuwi a lilo i keia kaikamahine, i kau a mea o ka u'i maoli no, a ke hookoia ka hoi kuu iini, alaila e hoopau ana au i ko'u ano ino apau, a hoolilo ia'u iho i kanaka i hanau houia, e hoomaikai mai ai oe e kuu makuahine no ko'u ano, ame ka mea a'u i koho ai." "Heaha Ia hoi, ina hoi paha no ke ko i'o o ko iini e kuu keiki, o kou pomaikai no hoi ia, a pomaikai like kaua, aka e haawi mai nae oe i kau mau hoomaikai ana ia'u, no ko'u maliu ana aku i kou manao. "Hc wahine okoa no ka'u i manao ai nau, aohe hoi e hihi o ka nui o kou paakiki i keia kaikamahine, a ina no aole au i noho aie a'ku malalo o kau mau hana e Lui o na manawa ae nei i hala no ko'u pono, ina no aole au e maliu aku ia oe. 4< o kekahi kumu o ko'u ae ana aku e mare oe i keia kaikamahine, mamuli no ia o ka loaa ana mai o kekahi hooiaio ana, aole keia he kaikamahine okoa aku, aka o Alamira Monotuge no ia, ke kaikamahine a ke kane a'u i mare ai, nolaila i wahi nona e hoopilikia ole mai ai ia'u, ma o ke koi ana mai i na waiwai o kona makuakane, a'u e noke nei i 'ka uhauha, ina ua kipaku okoaia kela kaikamahine e a'u, me ko'u maliu ole aku i kau koi mai iaia i wahine nau. I "Me he mea la ua loaa na hooiaio ana i kela kaikamahine, no kona | kuleana i ka waiwai o kona makuakane, pela oia i imi mai ai a loaa ke alahele maalahi nona e noho pu mai ai me a'u, aole no nae o'u hopo i kana mau hana e hoonioni mai ai, oiai eia no me a'u ka palapala mare o 'kona mau makua. No kuu hopohopo, malia paha e hiki ana iaia ke koi mai i kona kuleana iloko o ka waiwai o kona makuakane, me na hooiaio i maopopo mua ole ia'u, pela wale no au i ae aku ai i kou manao e Lui, a ina aole ia mea, ina ua hoomareia oe e a'u me Kite, kela kaikamahine i kupono loa i kou kulana e Lui; a hoi iho no hoi, he kaikamahine waiwai ia, e ili mai ai he mau pomaikai maluna ou." "Aole no au e kala'kahiko i hoohuoi ai, o Alamira Monotuge maoli ka inoa o kela kaikamahine, he inoa hoonalonalo wale iho no kela ona o ke kapa ana o Luka Likeke," wahi a Lui me ka pahola ana ae o ka minoaka ma kona mau papalina. "Ea, he mea kupaianaha maoli ka keia i ko'u manao! Ua hoohuoi mua anei oe e Lui no ke ano maoli o kela kaikamahine?" alaila haka pono aku la ka nana ana a ua wahine nei maluna o kana keiki, alaila ioomau hou aku la i kana kamailio ana: "Malia paha, no ko ike o kela ke kaikamahine i kuleana i na waiwai a'u e malama nei ko kuinu o ke ake ana e lilo mai oia » wahine nau, i kaa aku ai keia waiwai holookoa malalo ou e Lui?" "He keu aku a ke kohu ole o kena mau manao ou e 'kuu makuahine I Aole anei i hiki ia oe ke ike iho i ka nui maoli o ko'u hooikaika ana no kou pono i na manawa ae nei i hala? Ke poina nei ka paha oe i kau mea o ka hooia ana mai imua o'u, owau aku ana ka hooilina o kou mau waiwai mahope iho o kou make ana aku? Eia au ke kakali aku nei o ka hoea mai i ka manawa e hookoia mai ai ai o ia mau olelo au, aole no ke ake koke ana aku e loaa mai ia u he mau waiwai i keia manawa. 4, Ke hooia hou aku nei au imua ou e kuu makuahine, aole loa he kumu e ae o kuu ake ana e mare aku me keia kaikamahine, mamuli wale no ia o ko'u aloha ana aku iaia me kuu naau apau, a ina no aole lie hookahi keneka iki ma kona inoa, e mare ana no au iaia, a e hoo ikaika aku ma ka hana ana i na mea e hiki ai ia'u ke malama aku inia, e like me ke kane i aloha i'o i kana wahine. "Ma kekahi aoao nae ke nana aku, he o» loa aku kou maalahi, ina &U C; mare me keia kaikamahine, aohe mea nana e hoonioni mai ia oe, koe wale no kou noho ana iluna o kou waiwai iho, a pela hoi au e hauoli ai no ka hookoia ana o ka iini a kuu puuwai; nalaila he mea maikai ole ko kaua kamailio ana i keia mea ma keia wahi, o hoalaia mai auanei na manao ku-ee iwaena o kaua, a lilo ka papa hoonohonoho hana i mea weluwelu liilii." v4l lleaha auanei hoi. e mare aku oe i kela kaikamahine me kou ku-e hou ole aku. aka o ka'u wale no e mihi ae nei, o ia ko'u hupo maoii, o ka ike mua ole ana iaia. O ka haohao wale iho no ko'u i ke kuiike o kona helehelena me ko Alamira Foreka, aole nae he wahi haupu ae iloko o'u, o keia no kana kaikamahine, a e ole wale no e loaa mai ka lohe mai kekahi wahi mai, akahi no au a hoomaopopo iho, ua pololei ka mea i hoikeia mai ai. "Nawai no !a ka hoopipili mau o Roi Pama i kela kaikamahine. eia ka o ke kaikamahine ia ana i aloha ai. aole nae he wahi mea a haupu mai ia'u o kau wahi noonoo no Alamira Moriotuge, e kuhi aku ana no au. o ka inoa oiaio no la keia o kela kaikamahine o Luka Likeke. Me he mea la ua hoolala mua kela kaikamahine me Roi, me ke kani o ka laua aka» no ka hoohoka ana mai ia kaua, e ike pono ana nae laua i ko laua ku i kahi o ka hoka ame ka lioaa! "Ae, o oe o kaua ka i komohia iloko o kou hupo ame kou hawaaka no'u tiei la, ua ahinvale mua ia u ka laua mau hana, me ka hene malie ana iho o ka Lui aka. "Ea v ke h<x>pahaohao loaia nei au no kahi o ka loaa ana o ka ike ia oe e pili ana ia laua!" i "I mea e pau ai kou kanalua ea, e hoike aku ana au ia ot. I ke-! kahi la a'u o ke komo ana aku maloko o ka halekuai o Maee, ua | ike aku la au i ko kaikamahine humuhumu i ka heie ana ae a kunou | imua o kekahi mau kaikamahine elua, i kamaaina mua iaia, eia nae | o ke ku ae la ia o ka ihu o ua mau kaikmhine nei ilona a oili aku laj ine ka nana oleia mai o keia kaikamahine o lakou. I "O ko'u oili aku la no hoi ia iwaho o ka halekuai, a kakali mai la o ka maule iho o ko kaikamahine humuhumu, i hiki ai ia'u ke hele mai e kokua iaia. la'u nae e nanea ana i ke kakali mawaho o

! ka haleieuai, ua oili hou mai la ua mau kaikamahine mua nei a u o ika ike ana i ka hoo\vahawa.ha i keia kaikamahme o lakou. a la kaalo ' pono ana iho mamua o'u, ua iohe aku »a au i ka pane ana ae o ; kekahi o iaua: 'Manao paha o A!amira N!onotuge e ike aku ana ;kakou iaia. e like me kona rnaaa\va e noho ana me kooa makuakane! He kaikamahine iiihune !oa oia i keia manaw-a, ma ka humahamu [ kona ola e noho mai nei. heaha ananei ko kaoa kohu e ike aku ai t ka mea haahaa!'" 4< Aole no ka hoi oe e Lui e kala kahiko i hoomaopopo ai, o Alamira Monotuge ka inoa pololei o keia kaikamahine, heaha ka hoi ko kumu o ke kamailio mua ole ana mai ia'u,' i okalakala mai ai o Mrs. Monotuge me kona piha i ka huhu ia Lui. "He mau kumu no ko'u mea o ka hamau loa ana i keia mea, me ka hoike ole aku ia oe; oiai ina no kou ike o kela ke kaikamahine i kuieana i na waiwai au e ai hookano ana, aole e nele kou kipaku iaia mai ka noho hana ana mai malalo ou; a e lilo ana hoi ia i hana nui loa ma ko'u aoao, o ka imi ana aku i wahi nona e lilo mai ai i |hoa pili no'u, ke ike mai la nae paha oe e kuu makuahine i ko'u manao maoli ea?" "Heaha auanei hoi, he keu aku maoli kou piha maalea a akamai e Lui, eia ka, pela iho ia i hoomoamoa ai kena manao lapuwale iloko ou, a hiki i keia manawa, ke kamailio maoii mai nei oe ia'u, no ko ike, ua haawi aku au i ko'u ae ia oe e mare me keia kaikamahine!" "Aia no hoi paha kekahi ia oe la, i ke ku ole iho no hoi i kau mea i ake nui ai, aole ana no e nele kou huna i kau mea i ike ai, aia wale no kau kaukai ana maluna o kela mea nui iloko o kou noonoo; a pehea ua loaa nae paha ka hoohuoi i ua kaikamahine nei, no kou hoomaopopo i kona ano ea?" "Aole oia i hoomaopopo iki i kekahi mea, a aole no o'u hoike iki I aku iaia, ua hoohuoi au i kona ano maoli," wahi a ka makuahine. "Ina pela ua pono, a pela no hoi au e uumi malie ai i ka'u mau mea 0 ka ike ana nona." * "Akahi au a ike maopopo loa i ke kumu nui o kou huna ana i kou ike mai a'u aku, no ko ake nui e loaa kela kaikamahine ia oe, aka ua hiki no nae o ka'u wale no e a'o aku nei ia oe, mai hoike wale aku oe iaia, o kaua pu ka i komohia iloko o ka hoomaopopo ana i kona ano maoli." "O keia maoli no ka'u mea o ka manao mua ana, oiai ua paa loā kuu manao no ka mare ana aku i kela kaikamahine, me ka nana ole ae i na hana e hiki ai ke lilo mai oia i wahine na'u, ina paha, ma ke ano maikai, a limanui paha.' "E akahele loa oe e Lui ma kau mau mea apau e hana ai, no ka hookoia o kou makemake," me ke kulou ana mai o Mrs. Monotuge imua, a haka pono mai la maluna o kana keiki me ka i hou ana mai: "Mai hoolilo mai oe e Lui ia'u i enemi nou, o hoea mai auanei ka manawa au e mihi ai, no kou hookiekie ana mai maluna o kou maj kuahine, ka mea nana i haawi aku i na kokua ana no kou pono e 1 kuu keiki o na wa ae nei i hala." | "Aole loa he wahi manao iki iloko o'u e hoala aku i kekahi mea no kaua e mokuahana ai, a lilo paha i mau enemi ino loa. Ua maopopo no ia oe e kuu makuahine, ua loihi ko kaua pili aloha ana, me ke kokua nui ana aku o kekahi i kekahi, a malalo iho la o ia ano, aole loa he walii manao iloko o'u, e hoala mai i kekahi hana no'u e kaawale ai mai ia oe mai, a o kekahi no hoi, eia au ke kaukai aku nei i ko'u pono mai ia oe mai. "He mea maikai ole ko kaua hoomau i ke kamailio ma keia wahi, 110 ka mea ua pau aku nei ka nui o na ohua i ka lele noluna o ka uwapo,*a e hele aku au e kii i kaa no kakou, no ka holo pololei ana aku i ka Hokele Kale, kahi a'u o ka hoolimalima e ana i mau rumi 110 olua e noho ai." Ua apono aku la o Mrs. Monotuge i kela inanao o Lui, a i ua kanaka opio nei o ka iho hou ana aku ilalo o ka uwapo, o ke kahea aku la no ia o Mrs. Monotuge ia Alamira, ma kekahi wahi mamao aku, e ku mai ana nana i ka hana o na kanaka o ka moku. "E lele ae kaua e Miss Likeke no ka uwapo i keia manawa, o kaua wale no paha na ohua i koe iluna nei o ka moku," a o ka hahai mai Ia no ia o Alamira mahope o kona haku noluna o ka uwapo, a kau ana iluna o ke kaa a Lui o ke kauoha ana aku no kana mau ohua, aohe nae he wahi mea a maliu aku o ua o Almira i na hana a Lui Hamalina e hana mai ana nona ma ke ano paa rula, aka ua hana aku la no oia e like me kona makemake iho, eia nae ua loli loa ae la ua kaikamahine nei, mai kela ano mohala maikai o kona mau maka, a i ke kulana haikea, oiai ke hoom'aopopo la oia i na hana kolohe a ka makuahine me kana keiki, ua lohi loa nae kona hoomaopopo ana no ia mea. Ia lakou nei hoi o ka hoea ana aku m4 ka hokele, a i ka hoi ana aku o Mrs. Monotuge ame Alamira no ko laua mau rumi, ua olelo mai la o Mrs. Monotuge iaia nei, he hookahi wale no hora i koe, o ka hoea ae no ia i ka aina awakea, a he mea pono hoi i ua o Alamira ke komo mai i lole hou nona, no ka hele like ana aku o na mea apau noluna o ke pakaukau aina. "He mea kohu ole no'u ka hele like ana aku me oukou iloko o ke keena aina, a ke manao nei au, nle na kauwa au e ai pu ai, i kulike ai me ko'u kulana," wahi a Alamira me ka piha i ka hoihoi ole. "Mamuli o ko'u makemake ame ka'u kauoha, pela au e i aku nei ia oe, e ai pu kakou maluna o ke pakaukau aina i ka manawa hookahi, no ka mea e hele aku ana kaua i ka makaikai i ka pau ana o ka kakou ai ana," i panai aku ai no hoi o Mrs. Monotuge, me ka paa o kona manao e hooko aku i kana kauoha. "Ina pela r e huikala mai 110 oe ia'u, a e hookuu mai oe ia'u mai ka hui pu ana aku me oukou." "He mau hoole kohu ole wale no kena au ia'u e Miss Luka Likeke. O ko'u makemake maoli, o ia no kou pili mau ana mai me a'u ma ka'u mau wahi apau e noho ai, a e hele ai paha; nolaila aole a kaua hoopaapaa ana no ia mea, koe wale no kou ae ana mai i ka'u noi ia oe.'" Me ka hoopaakiki hou ole iho o ua o Alamira, a i ole paku'iku'i olelo aku paha imua o kona haku, o kona huli aku la no ia hele me ka iho ana aku nolalo o ka hale aina. Na kela ano o ua kaikamahine nei a Mrs. Monotuge o ka ike ana aku i hookomo mai i ka hopohopo iloko ona, ina no kona hookikina loa aku i kana kaikamahine liumuhumu, e pikanana mai ana paha kela ja o ka haalele mai no ia i ka noho hana ana malalo o ia nei. He mau minuke wale no ko Alamira maluna o ke pakaukau, o ka 0111 mai la no ia o Mrs. Monotuge me kana keiki, a noho iho la o Mrs. Monotuge ma ka noho ma ka akau o Alamira, a ma kekahi aoao iho no hoi o Lui, aole nae he wahi mea a alawa iki mai o Lui ia Alamira, aka o na kuene no kana e noke la i ke kamailio no ka makaala pono ana mai i na hemahema apau o Alamira. Mahope o ko lakou aina awakea, ua hele nui aku la lakou apau i ka holo kaa, no ka makaikai ana i ke kulanakauhale, a oiai he ua liilii iho ma ia kakahiaka, nolaila he nanaina uliuli maikai ke nana aku i ke ano o ka aina. a ua pili no hoi ka lepo o na alanui e puehu ole mai ai. E noke mau ana ka makuahine me kana keiki i ke kamailio i na manawa apau. a lakou e hele nei, a ma ia ano, ua kaawale loa o A!amira, no ka nana ana ma kela ame keia wahi me ka hoopiiikia oleia mai. a ua liio no hoi ia i mea maikai i ka manao o ua kaikamahine la. Ia lakou nae o ka huli hoi hou ana mai no ka hokele. a mamua o ko Alamira lele ana mailuna mai o ke kaa, o ka wa no ia i hopu aku |ai o Lui i kona lima. e like me ka ru!a mau o na keonimana i na ! lede, ma ia hana nae, ua hiki ole ia Alamira ke alo ae, mai ka haawi lana mai i kona lima imua o ke kanaka ana i hoowahawaha loa ai, | eia nae ua upiki loa iho la o Lui i kona lima, me ka haka pono ana mai no hoi o kana nana ana i na maka o a pane mai la me | ke ano hoohie: ! "Kc ole au e kuhihewa, ua liio i mea hoohauoli aku i kott manao,

ka ike ana aku nei i ka hīona nani o keia kulanakauhale. e Luka Likeke," wahi a ua o Lui, me ka minoaka ana iho. Me ka pane ole aku o Alamira no kela hx?moc a Lui Hamalina iaia, ina paha ua lilo kela hele ana a lakou i ka holokaa i mea nona e hauoli ai, aole paha. o ke kaili ino mai la no ia o ua kaikamahine nei i kona lima. a kaha aku la no ka hoi ana noloko o kona ruim t ka hokele. Ma kekahi Ia mai. ua koi hou aku la no o Mrs. Monotugt ia Alamira e hele lakou i ka holokaa, ma kekahi wahi okoa aku o ke kulanakauhale, aka ua hoole paakiki loa aku la ua kaikamahine nei. aole ona makemake e hele. o ke kumu nui no nae o ia hoole ana, no kona makemake ole e hui pu me Lui, a no ka hiki ole ia Mrs. Monotuge ke hookikina mai iaia nei, ua hoonoho okoaia mai la o Alamira i ka hokele, a hele kokoolua waie aku la no ka makuahine me kana keiki i ka holoholo. Akahi no a loaa he manawa nui ia Alamim e kakau aku at i leka i kana aloha e kakali mai la o ka lohe aku mai iaia nei aku, e hoikeike ana hoi i na mea ano nui apau i pili i kana huakai. me ka hoakaka ana aku i kona iini e huli hoi koke aku no ke kulanakauhale o Nu loka. Ma ke kolu o ke ahiahi o ko lakou noho ana ma kela wahi, ua | hala aku la o Mrs. Monotuge i ka nana ahamele me kekahi o kona mau hoaloha o ka hookamaaina ana maluna o ka mokuahi hookahi a lakou o ke kau ana mai. a ua lilo ia i mea maikai i ko Alamira manao, kona noho hookahi iho iloko o kona rumi, no ka heluheiu ana i kekahi buke moolelo ana i makemake loa ai e heluhelu. Ua manao o Alamira aole he mea nana e hoopilikia aku ana i kona heluhelu ana, nolaila ua hoi aku la oia noloko o ke keena hoo kipa o Mrs. Monotuge, no kona manao no hoi ua hala pu aku no I paha o Lui me kona makuahine i ka nana ahamele. laia nae e nanea ana i ka heluhelu, ua weheia mai la ka puka o ua keena hookipa la, a komo ana no o Lui iloko, a o ka hoomka ae la I no hoi ia o Alamira e ku iluna. no kona manao he mea maikai ole I kona noho ana ma kela wahi me Lui, aka ua pane e aku la nae ua | keiki nei i ka i ana aku. ; "Mai ku oe iluna, aole au e loihi loa iho ana maloko nei, i kii wale mai la no au i na leka a kuu makuahine o ka makemake ana ia*u e hookomo aku iloko o ka haleleka ma ke kakahiaka o ka la apopo/* Kii aku la o Lui i na leka a kona makuahine. maluna o ke pakau- | kau kakau, a hookomo iho la iloko o ka pakeke o kona kuka. alaila hoolalau wale aku la no ma ke kakau ana no kekahi manawa, a ua lilo kona noho mai, i mea hoihoi ole i ko Alamira manao, aka malia paha e hele koke aku ana no o Lui iwaho, nolaila e hoomanawanui ana no oia pela, a hiki i ka oili ana aku o ke kanaka ana i hoihoi ole ai, hele mai kela keena aku. O ka nanea nae ia o Lui i ke kakau hoolalau wale ana no a hiki i kona aea ana ae iluna, a ninau mai la ia Alamira: "Heaha ka inoa 0 kau buke e heluhelu mai nei, akahi ka hoi kou nanea i ka heluheiu ?" k "O ka inoa o keia buke, oia ke Kaikamahine ake Senatoa." wahi a Alamira. "Aole au i heluhelu i kena buke mamua, a pehea he maikai no nie paha kena moolelo ea?" "He nanea no hoi i ka heluhelu iho!" wahi a Alamira me ka hoihoi ole. "Ano pikanana hoi kena pane au, aole paha hoi kena o ka pane maikai no ka'u ninau!" alaila pahola ae la ka minoaka ma na papalina o ua keiki kolohe nei. No ka hiki hou ole iho ia Alamira ke noho aku e nokeia mai i ka niele e kela kanaka, o kona ku ae la no ia iluna, a hoomaka aku la e hele no kahi o ka puka, e oili aku ai i kona mmi, o ka wa ia a Lui e ka hopu ana mai i ka lima o ua kaikamahine nei, a hoomaka mai la e kamailio me ka hoomaka ana mai e alai mamua o Alamira: "Heaha hoi keia mea ou e hoao nei e haalele mai i keia keena? E noho mai oe, he mea ano nui loa kekahi a'u o ka makemake ana e kamailio aku, oiai hoi o kaua wale no keia maloko nei, e hopohopo ole ai au, no ka loheia mai e kekahi mea.'' "E hookuu koke mai oe ia'u e Mr. Hamalina, he hana kohu ole maoli keia au o ka hoao ana mai e au'a maloko nei o keia wahi. Ina 1 maopopo mua ia'u, he hana hoopunipuni wale no keia au o ka oleln ana mai nei no kou kii mai i na leka a Mrs. Monotuge, ina aole loa au e ae e noho he hookahi minuke me oe maloko o keia wahi." '"lehia no hoi au manawa e Miss Likeke e hana mau mai ai ia*u e like me keia! Aole no hoi la i hookahi no hoi au wahi manawa e hana maikai mai ai ia'u, e hoohamama aku no auanei au i kuu puu\tai apau imua ou. E maliu mai ana anei oe i keia uwalo aku a'u ? " Ua hele ka helehelena o Alamira i kela manawa a haikea pu. oiai ke hoomaopopo la oia, he mau hana kolohe ka Lui o ka hoolala mua ana. i wahi nona e haulehia aku ai malalo o ka mana o ua keiki nei. ao ia kana oka pane ana mai: "Ke kauoha aku nei au ia oe, e ho<>kuu mai ia'u i keia manawa!" "Aole au e hookuu aku ana ia oe e Miss Monotuge" i h.*>puka pololei aku ai o Lui i ka inoa o ke kaikamahine ana e makemake aku nei e lilo mai i wahine nana. "E noho koke aku oe maluna «. kou noho, oiai he mea ano nui loa ka'u e ake nei e hoike aku'ia oc t " a no ka piha kahaha loi o Alamira no ka hoopukaia ana mai o kona inoa pololei, ua noho ino iho la oia ilalo, me ka maopopo ole iaia o kana mea e hana aku ai, koe wale no ka hele o kona helehelena a kunahihi, o ia no oe o ka mea i loaa i kekahi ma'i kuhewa. "Ke ike aku nei au i kou hele a piha me ke kahaha, no ka lohe ana aku Ia i kou inoa pololei; a malia he mea ia nou e maliu mai ai i ka'u mau ulono ana aku imua ou," i pane aku ai ua o Lui Hamalina, me ka minoaka, me he mea la e hoike okoa aku ana i ke kaa ana o ka lanakila ma kona aoao. "Heaha kou manao ma kou kapa ana mai ia u ma kela inoa?" wahi a ua o Alamira ma ke ano hookuoo, me kona makemake ole e hoikeike aku i kona haulehia ana malalo o kela kanaka. a i ole, ikeia mai paha kekahi hana kolohe ma kona aoao o ka huna ana i kona inoa oiaio. "Heaha auanei hoi, o ko'u makemake maoli no ea, o ia ka loaa ana he manawa maikai loa no kaua e kamailio pu ai e Miss A!amira Monotuge," a hoomaka okoa ae la o Lui e akaaka me Ica leo nui. "Ina hoi paha no kou maliu mai ia'u, a hoolohe mai i ka'u mau mea apau e kamailio aku ana ia oe, e lilo no auanei i mea nou e hauoli loa ai, ke pau ka'u mau mea i manao ai i ka hoopukaia iwaho. Ua ike au i ke ano o kau man mea apau i hana mai ai iau o na manawa ae nei i hala, aka e loli loa ae ana kou ano mai kela mau manawa a i keia manawa mahope aku nei, no ka mea aole i maopopo ia oe ko'u ano maoli." "Mai manao oe, o ko'u noho ana aku imua o kou alo maloko nei 0 keia wahi, e hiki ana ia oe ke hookikina mai ia'u, e hoolohe aku i kau mau olelo, a i hoike hou aku no au ia oe ea, aole au e noho iho ana maloko nei me oe, me ko'u nana ole, i kau mau hana hooweliweli mai ia'u." . "O kau paha ia e manao nei, me he mea la he hana maalahi wale no ia ia oe ke hana mai, aka i hoike aku nae au ia oe ea, aole loa au e hookuu aku ana ia oe e puka mailoko aku nei o keia rumi, a hiki Iko lohe pono ana ina mea a f u i ake ai e kamailio aku ia oe. He mea makehewa wale no kou hoao ana e huna i kou inoa oiai. no ka mea ua maopopo mua loa oe ia'u, oiai no nae e hele ana oe malalo o kekahi inoa kapakapa. me ka nui o kou akamai ame kou maalea. Ua maopopo mua ia'u ma kela manawa o ko'u ike ana ia oe, o oe no o Alamira Monotuge, ke kaikamahine a ke kane a kuu makuahine. a o ke kaikamahine hoi a Alamira Foreka, e hoole mai ana nae paha oe eafc" "Uwoki!" i puoho mai ai o A]amira me ka hele i piha ike pihoihoi. "Aole loa au i makemake e lohe i ke kamailio waleia o ka inoa o kuu makuahine e like me keia ke ane (Aote I pu4