Ka Nupepa Kuokoa, Volume XLVIII, Number 19, 10 May 1912 — HE ULIA, AOHE I NOUIA I KE EKE ONE [ARTICLE]

HE ULIA, AOHE I NOUIA I KE EKE ONE

Ia Mr. Sheldon e auwana hele ana makai o Iwilei, ma ke kakahiaka poniponi vrale o ka la Sabati nei, ua hina kua aku la oia a ku kona poo i kekahi pohaku a moku ka ilipoo a heleawai mai ke koko, a no ia eha i hoihoiia nku ai oia noloko o ka Halema'i Moiwahine. No kela eha i loaa ai iaia, ua pahola ae la na hauwawa olelo ua nouia kona poo e kekahi kanaka me ke eke one a ua manaoio loa kekahi poe ia mau oielo lalau, o ka mea oiaio ka, ua lupeaia ka mea i eha e ka wai hoomalule kino, a iaia e hele ana me ka hikaka a i ka hiki ole ana i ka ikaika o kona ihau wawae ke hookupololei hou ae iaia, ua hina aku la oia ihope a loaa kela eha ma 'uwale iaia.