Ka Nupepa Kuokoa, Volume XLVIII, Number 22, 31 May 1912 — MAKE MAMULI O KE KOKO INO I Pepe he Pukiki i ke Kaaahi ma Puunene, Halawai Nae me Kona Hopena. [ARTICLE]

MAKE MAMULI O KE KOKO INO

I Pepe he Pukiki i ke Kaaahi ma Puunene, Halawai Nae me Kona Hopena.

Iloko o ka hooikaika o na kauka elua e hoopakele ae i ke ola o kekahi Pukiki nona ka inoa o .loe Gouveia o Puunene, Maui, ua make aku la nae oia ma ka la 19 o keia mahina maloko o ka Halema'i o Puunene, ma o ke koko ino la, elike me ka ike * na kauka. He hoopaa peieki ka hana a kela Pukiki maluna o ke kaaahi o ka hui hiko ma Puunene, a mamuli o kekahi ulia, ua haule oia mai ke kaa aku t a paa malalo o ke kaa, me ka pepe o kona mau wawae. Ua hoihoiia oia noloko o ka halema'i no ka lapaauia mai, aole nae i manao muaia e komo loa aku ana oia iloko o ka poino, e kaihia ae ai ke ola mai īaia aku. Iloko o ka la mua o kona noho ana maloko o ka halema'i, ua manao na kauka e oluolu koke mai ana no oia. o ka mea nae i ikeia, i ka lua mai o ka la, pehu mai la kona mau wawae, a ma ia ano ua hooholo iho )a na kauka o ka hana pono wale no, o ia ke oki ana i na wawae a moku. Mahope mai o ke okiia ana, ua ikeia he kulana maikai ko kela Pukiki, aka ma kekahi la mai, ua loli ano e le lc kona ano mai ka malKai mai, a i ke kulana kupilikii, a ma ka ha o n* la o ka noho ana malaila, i make aku ai oia, me ka hoike ana ae o n» kauka, mam-'li mai o ke koko ino ke kumu o kpna pilikia.