Ka Nupepa Kuokoa, Volume XLVIII, Number 22, 31 May 1912 — ME MOOLELO NO ALAMIRA A I OLE Ka Mea Huna Iloko o ke Aniani Kilohi. [ARTICLE]

ME MOOLELO NO ALAMIRA A I OLE Ka Mea Huna Iloko o ke Aniani Kilohi.

MOKUNA XXXVII. Ua hookahaha loaia ko Hamalina nsanao, mamuli o ka maka'u ame ka wiwo o!e o keia kaikainahine, e manao ana la oia e iike me Via kaikamahine e ae i ko lakou manawa e ike ai aia iloko o kekahi kuiana kupilikii, e ae mai ana i na hookikinaia aku e like meia ana e h.ina nei, eia ka auanei, e ku mau niai ana na pali pohaku paa f o na kti-e mai ia Aiamira mai. No ka hiki hou ole ia Hamalina ke paku'iku'i olelo aku me Alamira, oiai, aole ona wahi ike iki aku i ka maliu mai o kela kaikamanine i kona mau manao, aka me he mea la e like me kona kukuiu mau aku i na pilikia e hoopuni ana i na aoao o kela kaikamahine, pela ka oi loa mai o kona koa, me ka nana ole ae ia mau pilikia, aole e like me ka nui o na kaikamahine i komo iloko o na pilikia o keia ano, e nonoi okoa mai ana lakou e alohaia aku me ka ae maoli mai e mare, i hoopauia ae ai na ano maikai ole, e lilo ai i mea e hilahila ai, \ ka nemaia mai e ka lehulehu. Ku lohaloha wale iho la no oia, me ka maopopo ole o kana mea e kamailio aku ai, aka ua pane hoolalau aku la no nae oia i ka i ana aku* "Kc manao nei au, he mea maikai ole ko kaua ku ma keia wahi e noke ai i ka hoopaapaa; a pehea e ae mai ana anei oe e hoi noloko o kou rumi i keia manawa?" a me kona kakali ole o ko Alamira pane mai, ua hookani okoa aku la oia i ka bele, a he mau sekona helu wale no, ku ana kekahi kuene, a ninau mai la i ka makemake o ke kauohaia ana aku iaia e hele mai. Ua haawi aku la o Lui i ka hoailona i ke kuene no ka makemake ana o ka lcde opio e hoi no ka hooluolu ana, a ia wa i lalau mai ai ua kuene nei i ka paiki o Alamifa, me ke kunou ana mai no hoi, e liahai aku mahope ona. Heaha hou aku auanei ka hana pono i koe ma ko Alamira aoao e hana aku ai, oiai he aina malihini kela, a he po no hoi e hiki ole ai iaia ke imi aku i wahi okoa ae nona e moe ai, ua hahai aku la oia mahope o ke kuene, me ka uumi malie ana no i kona mau manao maikai ole, malia aia a kekahi la ae, alaila maopopo iaia kana mea e hana aku i. Hele ku la oia mahope o ke kuene a hiki i kekahi alanui pii e pii pololei ana no ka papahele elua, o kona pii aku la no ia a hiki i ke kau ana i ka papahele elua, alaila heie aku la no kahi o kona rumi, a ke kuene e alakai nei iaia, aka oiai no nae oia e nanea ana i ka hele, ua hamama mai la ka puka o kekahi rumi, me ka oili ana mai o kekahi keoniinana iwaho, a ma ka ia nei ike aku, aole kela he kanaka no kekahi mau lahui e aku, aka he kanaka Amerika oia, a ia wa i haku'iku'i koke mai ai kona noonoo, nolea uwalo ana aku imua o kela kanaka e kokua mai iaia. E anehe aku ana o Alamira e ninau i ua kanaka la i kekahi mea, eia nae ua awiwi loa ka hele ana a kela keonimana, a kaa aku la ma kekahi aoao, me ka loaa ole he kamailio ana mawaena o laua, aka ua hoopihaia no nae oia me ka hauoli, i ku koke ana iho oke kuene ma kekahi rumi, e pili loa la i ka rumi o ke keonimana o ka oili ana aku la. a o ia kana o ka noonoo ana iho e kakali malie ana oia a hiki i ka huli hoi hou ana mai o kela kanaka, alaila waiho mai oia i kona mau pilikia apau imua ona, malia o hi'ki iaia ke kokua aku iaia. Ua kuhikuhi mai la ke kuene iaia nei i kona rumi, ua ho-aia no na kukui a e waiho mai ana kona pahu lole, a i ko ia nei komo ana aku iloko o ka manawa 'koke no ia i paniia aku ai o ka puka, me ke kiia ana mawaho mai, a ike koke iho la ua o Alamira i kona hoolilo houia ana i paahao, e hiki ole ai iaia ke mahuka. Me he mea la iloko o kela manawa, ua oi loa mai la kona hoonankiuki, ma o ka ike ana iho, aole ana e hiki iaia ke pakele, ina no kona manao e maluika, a iaia nae e au hele ana i kana nana ana maloko o kona xumi, ua ike mai la oia i kekahi puka, e pili kokoke ana ma ka aoao o kona rumi, ame 'ka rumi o ke keonimana o ka oili ana ae iwaho i na minuke mamua iho, a ia wa i holo koke mai ai oia e wehe i ua puka nei, me ka manao aole paha i paa i ke kiia. Aole he hemo aku o kela puka, a ke wiliwili la oia i ke poheoheo, aka nae me he mea la i kana hoomaopopo aku, ua lohe oia i ka nakeke mai o kekahi mea'maloko o kela rumi ma kekahi aoao mai, a no kona manao o ka wahine paha kela a ke keonimana o ka haalele ana mai maloko o ko laua rumi, ua kikeke malie aku Ia oia ma ka puka. me ke kiei ana aku ma ka puka ki, a ia wa oia i lohe aku ai i ka hele mai o kekahi mea, me kona lohe p\\ ana aku i ka owe mai o ka palekoki iluna o ka papahele, a i ke ku ana mai ma kekahi aoao 0 ke pani puka. ua hoomaka koke aku la o Alamira e kamailio i ka pane ana aku: "He hiki no anei ia oe ke lohe i ka olelo Beritania, Palani a Kelemania paha?" wahi ana me ke ka'kali ana aku o ka loaa mai o ka pane ma kekahi aoao. "O ka oleio Beritania wale no ka mea hiki ia'u ke kamailio, aole he olelo e ae," i pane mai ai kekahi leo wahine ma kekahi aoao mai, he leo no kekahi mea a Alamira e hoomaopopo Ja i ka oluolu, a ia wa no hoi i pane hou aku ai o Alamira: "Nani niaoli ka hoi ka nui o ko'u hauoli, no ka loaa ana ia u o keikahi hoaloha iloko oka manawa oka pilikia. E neenee mai oe a pili loa i ka puka nei, a e hoopili mai i kekahi pepeiao ou ma ka puka ki, alaila hoike aku au i ko'u pilikia ia oe. He hopohopo ko'u 1 ke kamailio ae me ka leo nui, o lohe waleia mai auanei ka kaua mau olelo. He kaikamahine opio wale no au ioi aku na makahiki inaniua o ka umi-kumamawalu, a ke ake nei e loaa ia'u na kokua. a hoopakele hoi mailoko ae o kekahi hana kolohe loa i hookauia mai maluna o'u, a pehea e ae mai ana anei oe e kokua ia'u?" "Ina eia i*o oe iloko o ka pilikia, e pono ai ke loaa aku he kokua ia oe, ua makaukau au e hana aku no kou pono ma na mea hiki ia'u," i pane mai ai ka leo o ka lua o na wahine ma kekahi aoao mai. "Nani maoli ka nui o ko'u mahalo ia oe." wahi a Alamira, alaila TOe ka leo malie, i hoomaka mai ai oia e hoike i na mea apau i pili i kona pilikia, a ia hooki arta iho o kana haha'i ana mai i kona moolelo, o ka wa no ia a ka lua o na wahine o ka pane ana aku: **0 'kena kekahi o na mooielo ku i ka lokoino loa a'u o ka lohe ole ana i kekahi mea e like me kena: aka e hoomanawanui nae oe a hiki i ka huli hoi ana mai o kuu kaikunane, ua hele aku nei oia e hooponopono i ko maua mau bila ma ke keena kupakako o ka hokele nei, aia oia a huli hoi mai, alaila hoike aku au i kou moolelo iaia. m O ke kakahiaka oka la apopo ko maua manawa e haalele iho ai i keia aiua no Nu Ioka; aka manao au e hiki ana i kuu kaikunane ke kokua aku i wahi nou e pakeie ai." Ua haawi hou mai la o Alamira i kana mahalo ana i kela wahine, nie ka hoolanaia ana mai no hoi o kona mau manao kaumaha, alaila noho okoa iho ia iiuna o ka papahele me ka noke ana i ka uwe, a ia manawa 1 wiliwiliia mai ai ke poheoheo o ke pani puka o kona rumi, ■a no kona manao e hoao ana paha o Lui Hamalina e komo aku iloko o kona rumi. ua eu ino mai ia ua o Alamira a kti iluna, a hoomaka aku ia e kamailio: "Mai noho oe e Lui Hamaiina a hoao e >vehe mai i kena puka, o ike auanei oe !** wahi a Alamira o ka pane ana aku, e hoike aku ana hoi i kona hoihoi ole loa e komo aku kela kanaka kolohe iloko. "Aoie no o'u makemake e komo aku iloko, i heie wale mai la no au e ninau aku ia oe, ina paha ua lawa oe i na mea apau nou e pono ai np keia po."

\ *"Aole o"u mau mea hemahema. e:a au kc makaukau nei no ka hoioluoiu ana aku," 1 pane aku ai o Aiam:ra. ( 'ina r>ela T ;;a pau ae !a no ko'u manao o ka he!c ana mai la." o ke ki maī ia no īa o ua o Lui i ka puka a paa mawaho mai. me ka | paa pu ana aku i ke kī me ia, a īa vva i hoi aku ai oia noloko o kona ' rumi. ma kekahi wahi e kokoke mai ana i ko Alamira rumi, hc ma- ! mao :kī aku no nae e lohe ole mai ai oia i na walaau maloko o ko ; Aiamira rumi t ame ka rumi o kekahi wahine okoa aka o ke kama- .• iiio pu ana me ia i na minuke mamua iho. | fle elima minuke mahope īho o kela manawa, ua lohe aku la oia | i ke komo ana mai o kekahi mea maloko o ka nimi e pili loa la me | kona, a hoomanao mai la keia, o ke kaikunane paha kela o ka lede s a laua o ke kamailio ana mamua aku, a lohe aku la keia i ka walaau mai o ua mau mea la, me he mea la e hoikeia aku ana na mea a ua o Alamira o ke kamaiiio ana aku e pili ana i kona pilikia. Aole i liuliu ia kakali ana aku ana, ua lohe aku Ia oia i ka weheia ana mai o kekahi puka aniani, alaila kikeke mai la kekahi mea ma kahi e pili kokoke ana i ko ia nei puka aniani, me ka i ana mai iaia nei: "Auhea oe!" i pane mai ai kela wahine ma kekahi rumi mai iaia nei. "Eia he wahi lanai uuku mawaho pono nei o ko maua s puka aniani, a pela no hoi ma kou, mc kahi kowa kaawale uuku loa mawaena o laua a elua. Ina e hiki ana ia oe ke oili ae a ku iwaho o kela lanai, alaila e hiki ana i kuu kaikunane ke kokua mai ia oe, a hiki i kou komo ana mai maloko o ko maua rumi nei, ia wa auanei kakou e kamailio ai, no ka mea pono e hana aku ai." Me ka hoohakalia ole iho, o ko Alamira hele aku la no ia a uu malie ae la i kona puka aniani iluna, a oili aku la iwaho e like me ka mea i kauohaia mai iaia e hana aku pela. laia o ke ku ana aku iwaho, e ku mai ana kekahi keonimana loihi inaluna o ka lanai o kekahi puka aniani okoa aku, a ia wa i poha koke mai ai kona leo i ka i ana mai iaia nei: "E haawi mai oe i kekahi o kou mau lima ia'u, a e keehi mai i ke kikina o ka puka aniani nei, na'u ia e huki mai ia oe, o kou kau mai no ia ma keia aoao me ka maalahi loa." Na ka leo oluolu o kela keonimana i kono mai ia A!amira e haawi aku oia i kana mau hilinai ana apau maluna o ka mea e ku mai ana ma kekahi aoao mai, a iloko o ka manawa pokole loa, ua hooko aku la oia i na mea i kamailioia mai iaia, a ma ia hooko ana, ua kau aku la oia ma ka lanai a ke keonimana malihini e ku mai ana raa kona puka aniani. Aole he mau huaolelo i kamailio houia e laua, aka ua hoi mua aku la ke keonimana noloko o ko laua rumi, a nana i kokua aku ia Alamira a hiki i kona komo pu ana aku maloko o ka rumi o kona mau hoaloha. Pani houia iho la ka puka aniani a paa, a pela no hoi i uuia iho ai ka pale puka aniani ilalo, a i ka hoa-ia ana ae o ke kukui, akahi no a hiki ia lakou ke nana aku kekahi me kekahi, iloko o keia hui malihini ana o lakou ma kela po. MOKUNA XXXVIII. Aia o Alamira ke ku la imua o kekahi keonimana, ana o ke koho ana aku, ua hoea aku kona mau makahiki i kahi o ke kanakolu-ku-mamalima, a o ka wahine hoi e ku ana ma kona aoao, ua emi mai kona mau makahiki, eia nae ma ko laua mau helehelena a elua, e hoike mai ana i ke kulana oluolu, e maka'u ole ai o Alamira ia laua, a e nele ole ai 110 hoi ka hoolanaia mai o ko ia nei manao no ko laua kokua mai i ko ia nei mau pilikia. Aia hoi ke kahaha ma t;a aoao o kela mau mea ia laua e nana mai la no keia kaikamahine opio u'i e ku la me ka piha i ke pihoihoi iwaena o ko laua rumi, a ia wa i pane mai ai ke keonimana: "Ua hoike mai nei ko'u kaikuahine nei ia'u o Miss Alamira Monotuge kou inoa, a ke kauoha aku nei au ia oe e Miss Monoluge, e ndho iho ilalo," me kona panee ana mai i kekahi noho paipai no Alamira e noho iho ai. "E ae mai nae oe, e hoolauna aku au ia'u iho imua ou, owau keia 0 Mr. Kula, a o keia no hoi ko'u kaikuahine, o Maraea Kula. Eia kakou i na hora o ke aumoe i keia manawa, aka aole nae a kakou nana manawa ana, koe wale no kou hoakaka ana mai i kou mau pilikia apau imua o maua, a ia wa kakou e noonōo ai no ka hana ana aku i na mea e pono ai oe." Ua noho iho la no hoi o Alamira ilalo, alaila noke aku la i ke kamailio i na mea e pili ana i kela huakai a lakou o ka haalele ana iho ia Nu loka, a pela kona hoakaka ana aku i kekahi mau mea, nana 1 hookomo mai i ka hoohuoi iloko ona, no ka hoolala ana o Mrs. Monotuge ame Hamalina e hookikina mai iaia nei, e mare aku me ko ia nei ae ole. Aia ke hoolohe mai la kfe kaikunane ame ke kaikuahine i ka moolelo a Alamira e kamailio aku nei, nie ko laua piha loa i ka hialaai, a ua ku maoli no i ke aloha ko Alamira moolelo i ko laua manao. No Mr. Kula nae, ua hele loa oia a piha i ka huhu me ka hoonaukiuki pu no Hamalina, a hiki i kona olelo ana mai, he «īea pono e kau aku kekahi hoopa'i koikoi loa maluna o kela kanaka ino, aka aole nae he maopopo iaia o na kanawai o kela aina malihini, aka ina ma Amerika kahi a lakou e noho la iloko o kela manawa, ina ua haawi kokeia o Hamalina eia, imua o ka oihana makai mc ka hoohakalia ole aku. Mahope nae o kona noonoo ana i ka mea pono e hana aku ai, ua hoike mai Ia oia he hookahi no ana mea i jioonoo ai, o ia no ka lawe anaae i kekahi hana e hookahahaia aku ai ka manao o kela kanaka kolohe, ma ka holo mahuka ana mai iaia mai, me ka nana hou ole aku nona, a o ia kana o ka pane ana mai imua o Alamira: • "E haalele iho ana maua i keia aina ma ke kakahiaka o ka la apopo, a huli hoi aku no Nu loka maluna o kekahi mokuahi. a ina e hiki ana ia maua ke kokua aku ia oe a kaawale mai keia hokele aku me ka ike ole mai o Hamalina, a hoea wale kakou noluna o ka moku, o ka pau no ia o ka pilikia. A ina no paha e ike ana oia i kou mahuka ana, a hoao ae oia e alualu ia oe a hoea iluna o ka mokuahi, aole no ia he mea nona e lanakila ai, e hiki na ia'u ke noi aku i na kokua ana mai ke kapena mai 6 ka moku. e hoohokaia aku ai kela kanaka ino, Pehea nae kou mau ukana e kaawale ai mai kou rumi mai, o ka ninau pohihihi ia a'u e noonoo nei, no ka mea he mea maikai ole kou kaawale ana, me ka waiho no o kou mau ukana mahope nei!" "Ae, aia no ko'u pahu lole maloko o kela rumi kahi i waiho ai, aohe o'u mau ukana e ae," wahi a Alamira. u He mea pono e hiki mai kela pahu !ole maloko nti o keia rumi, a i kou haalele ana iho i keia hokele, .e haalele pu iho kou pahu lole, aka o ka ninau nui wale no, o ia ke ano o ka kakou mea e hana aku ai. i wahi e hoea mai ai kela pahu maloko nei. me ka maalahi, me ka loaa ole o na hoohuoiia mai e kekahi poe e ae e noho nei ma keia hokele. "Ina hoi paha no ka hemo o keia puka, e pale nei ma na rumi a elua. o ka pau no ia o ka pilikia, aka malia paha o ku no hoi ki o ko maua puka, o ka maalahi no ia o ka kakou hana/' alaila ku okoa ae la ua o Mr. Kula iluna no ka hele ana aku e hookuku i ke ki o ka puka o ko laua rumi i kela pani puka. eia nae aohe he hemo mai, a o ia kana o ka hoi hou ana mai, a imua o kona mau hoa, ua i mai la oia: "O ka'u no keia o ka manao mua ana iho nei, aole e hiki ana ke hemo kela puka me keia ki, aka aia no nae he alahele e hoea ai kela pahu iloko nei ina aole he alahele e ae e loaa koke ae ana ia kakou i keia manawa. O keia alahele a'u o ka olelo ana ae la, o ia no kou hoi hou ana iioko o kou rumi f a haawī liilii mai i kou mau lole ia'u, a ke pau ka hoi na ukana o kou pahu iloko nei o ko naaua rumi, alaila na'u e kii aku i ko pahu. a ka'ika'i mai noloko nei, a maloko nei e hoihoi hou at kou ma6 lole apau iioko o ka pahu, aka he haea nui no nae kela, e hala ai he manawa loihi e hoohikihiki liilii mai ai i na ukana o kou pahu a hiki i ka pau ana mai maloko nei. Alia nae kakou e pupuahulu e, malia e hiki ana no ke loaa he alahele maalahi

eae e pono ai keia hana." o ke ku no ae ia ne* ia o Mr. Kula a oili aku la iwaho o ka puka an:ani, :r.c ke k.aku iloko o ka rum» a Alamira o ka oīli ana mai. a ke lohe aku ia k *na mau h vi i ka holoke mai o ua o Mr. Kula maloko o kela rumi. me he mea la e noke ana i ka huii i ke ki e hemo ai ka puka a iakou e ake ana e hamama ae. Ua ma'u no ia noke ana mai a Mr. Ku'a i ka huli maloko o kela rumi„me he mea la e noke ana i ka huli i ke ki e hemo ai ka puka a lakeu e ake ana e hamama ae. Ua ma'u no ia noke ana mai a Mr. Kula i ka huli maloko o kela rumi, ua hoi hou mai la oia a i mai ia imua o kona mau hoa: "Manao aku nei ho< au e loaa ana la he ki no kela puka ia'u maloko o kela rumi, o ko'u noke mai nei nae ia i ka huli. aole he loaa iki, malia paha eia ke ki iioko nei o keia mmi, mar kekahi wahi e waiho ma« nei," alaila o kona lalau aku la no ia i kekahi noho, a hoopili aku lm ma ka puka, me kona ku okoa ana ae iluuna no ka haha ana maluna o ka puka, a ia wa i kaili mai ai oia i kona lima, me ka hooho ana mai: "Akahi a pau ko kakou pilikia. eia ke ki o keia puka la," a hoike;kc mai la imua o kona mau hoa, me kona hoi ana iho ilak>, a hoo> maka aku la e wehe i kela puka me ua ki nei. Aole nae ia he hana nui, no ka mea i hakalia no a komo ke ki iloko o ka puka-ki, o ka wili ae la no ja o Mr. Kula. a iloko o ka mi> nawa pokole loa. ua hamama ae la ke pani o ka puka, nana e hookaawale ana i kekahi rumi mai kekahi mai. I hakalia no a hamama kela pani puka, o ke komo koke aku la no ia o Mr. Kula iloko o ka rumi o Alamira a hoihoi mai la i ka pahu lole o ua kaikamahine nei, ame kekahi mau ukana liilii e ae, a iloko o na minuke elima, ua pau loa mai Ia na ukana o Alamira maloko o ka rumi a lakou e noho ana, a pani houia aku la no hoi kela puka a paa, me he mea la aole he mea i hanaia e lakou ma ia po. No ka piha loa o Alamira i ke pihoihoi. ame ka hauoli pu iloko o ia manawa hookahi, ua apo okoa siku la oia ma ka a-i o Miss Maraca Kula, a noke iho la i ka uwe, me kona hoomaikai ana aku i kona mau hoopakele no ka laua mau mea i hana mai ai no ko la nei pono. "O! he keu aku ka nui o ko'u hoomaikai ia olua, no na kokua a olua i hana mai ai ia'u," wahi a ua o A!amira o ka pane ana ae me ka leo malie, me ka noke no nae i ka uwe. "Aole e lilo ka uwe ana e kuu hoaloha i mea nou e pono ai, aka e hoolana i kou manao," i pane iho ai o Maraea Kula ia Alamira. "Hc mea pono e loaa ia kaua he manawa e hooluolu ai, aia hoi a haalele mai kuu kaikunane ia kaua no ka hoi ana aku i kona rumi, o ko kaua wa ia e hooluolu ai, a ina e noonoo nui ana oe no kou mau pilikia, aole ana e hiki ia oe ke hiamoe.i keia po." "Aole no paha a kakou mau hana nui i koe, o ko kakou hooluolu wale aku no," wahi a Mr. Kula oka pane ana mai. "E hoi koke aku ana au no ko'u rumi i keia manawa, aia hoi a ke kakahiaka, hoouni mai au i ka olua mau meaai no ka aina kakahiaka, a ia nianawa hookahi auanei e laweia ai ko olua mau pahu mailoko aku nei o keia rumi. "Nou nae e Miss Alamira Monotuge, e komo oe i ke koloka o kuu kaikuahine nei, a e hoopaa i kekahi uhimaka manoanoa ma kou helehelena, i ole ai e hoohuoiia mai oe e ka poe oloko nei o keia hokele, aole oe o kuu kaikuahine, a na u ponoi no e lawe aku ia oe noluna o ke kaa mai ana malalo o ka hokele nei, a no kuu kaikuahine hoi, ua hiki no iaia ke iho aku ma ke alapii mahope o ka hokele, a nana no ia e hele ae a hiki i ke kau ana iluna o ke kaa. 44 Ke hoea ka hoi kakou a ekolu noluna oke kaa me ka ike oleia mai, o ka pau 110 ia o ka pilikia, o ka uwapo o ka mokuahi ka pahu hopu, e hiki ole ai ia Hamalina ke hoopilikia hou mai ia oe, nolaila oke aloha no ko olua, ana ka apopo e lawe mai ina ulia laki no ko kakou mau hauoli," alaila ua haalele mai la o Mr. Kula i kona mau hoa maloko o kela rumi, no ka hoomakaukau ana ia laua iho 110 ka hooluolu ana aku no ia po. Ia noho kokoolua ana iho o Alamira me kona makamaka hou, a ia laua hoi e wehewehe ana i ko laua mau lole no ka hiamoe ana aku, ua haha'i aku la o Maraea Kula i ka hana nana i kono iaia ame kona kaikunane e holo no Havana, o ia no ka maikai ole o kona olakino. He mau mahina kona o ka hoohala ana ma kela wahi, a hiki i ka hoea ana aku o kona kaikunane no ke kii ana iaia e hoihoi no ka aina hanau, a mahope o ko laua hele makaikai ana ma kela ame keia wahi ano nui o ka aina, ua hoea mai la i ko laua manawa e huli hoi aku ai i ko laua home, a o ia kana o ka i ana mai, iaia o ka hoopau ana i kana moolelo e hoike la ia Alamira: "Ke hauoli loa nei au no ko maua noho ana maloko ner o keia hokele, no ka mea ma ia ano i ia ma\ia ke kokua aku ia oe. He wahi okoa no ka'u i makemake ai, ilaila maua e noho ai, o ia hoi na hale hoolimalima nui ole o na malihini, eia nae ua paakiki no kuu kaikunane, ma keia hokele maua e noho ai, a me he mea la, aole no maua maoli ia manao pela, aka i hiki ai Ice haawiia aku kekahi mau kokua ana ī kekahi kaikamahine iloko o ka pilikia elike me ia i hoea mai nei i keia po. H Ia komo ana mai o na lole moepo o ua mau Icde nei, o ko laua ho» aku la no ia noluna o ka moe, aka ua hopohopo loa nae o Alamira aole e hiki ana iaia ke hiamoe, eia nae mamuli o ke kamailio mau mai o kona kokoolua i na olelo hoolana iaia nei, ua hoopoina ae la oia i kona mau manao kaumaha apau, o ko laua hiamoe aku la no ia me ka oluolu, me he mea la aole he mau mea na lakou i hoopilikia mai i ko laua mau noonoo. Ma ka hora eono o kela kakahiaka, ua kikeke mai la kekahi mea mawaho o ko laua nei rumi, o ke ala ae la no ia o ua mau lcde la, a komo awiwi iho la i ko laua lole, aole nae i makaukau pono, hoea ana no ke kuene me na meaai. I wahi nae e ike oleia mai ai he elua mau wahine maloko o kela rumi hookahi, ua eleu e aku la o Maraaa Kula a ku ana ma ka puka, me ka lalau ana aku i ke pa o na meaai mai ke kuene mai, a hoihoi mai la iloko, me ke pani hou ana aku i ka puka a paa, a ia wa laua nei i noho iho ai, e nuu i na mea i hoomakaukauia, aole pae me ka ai malie ana, aka me ka pupuahulu, aia ka pono o ka hoea mai o Mr. Kula no ka lawe ana aku ia laua no kahi o ke kaa e kakali mai Ia i kana mau ohua. Ua pau no hoi ka laua nei ai ana, ua kikeke hou mai la kekahi mea ma ka puka, e hoike mai ana, ua hoea mai la ke kanaka o ka hokele, no ke kii ana mai i na pahu lole, e lawe aku no ka uwapo, a o ka nee aku la no ia o Alamira no kahi kau lole, malaila oia kahi i pee ai a hiki i ka hala ana aku o kela kanaka nie ,na pahu o laua, me ka loaa <rfe he mau hoohuoi ana i ua kanaka ta, no ka elua ana o kela mau.pahu, oiai no nae o ka mea oiaio he hookahi no pahu ma ka manawa o Maraea o ka hoi ana mai a noho ma ka hokele. Hc mau minuke helu wale no mahope iho o ka hala ana aku o ke kanaka o ka hokele.me na pahu o laua nei, ua oili mai la o Mr. Kula, a oiai ua makaukau mua kona mau hoa, o kona lalan mai la no ia i ka lima o Alamira a ka'i ku la, oiai hoi ua o Alamira e aahu ana i ke koloka loihi o Maraca Kula, he koloka i ike muaia e na mea apau o ka hokele i kela ame keia la, a ke hele la laua me ka hele nae o Alamira a haalulu, no kona ikeia mai e kekahi mea, o kona pilikia no ia, eia nae aole he mau ulia pilikia i halawai me laua, a hiki i ka hoea ana i kahi o ke kaa, o kekahi kumu paha hoi, he kakahiaka loa keia manawa a laua e hele nei, aia no ka nui o ka poe oloko o ka nokele ke hiamoe la ma ko lakou mau mmi. Ia laua nei no hoi a kau ana iluna o ke kaa, ua oili mai la o Maraea ma kekahi aoao mai, a kau like ana lakou nei. ine ka ike oleia mai e kekahi poe, koe wale no ke kalaiwa o ke kaa, a o ka lilo aku la no ia, o ka uwapo ka pahn hopu. Ia hoea ana aku o ko lakou kaa no ka uwapo, ua hoihoi mua aku la o Mr. Kula i na lede noluna o ka mokuahi, alailahoi hou mai la noluna o ka uwapo, no ka nana ana i na pahu o lakou, aka iaia nae o ka hoea hou ana aku imua o kona mau hoa, ua i aku U oaa ia Alamira: CAole ! paa.)