Ka Nupepa Kuokoa, Volume XLVIII, Number 24, 14 June 1912 — HE MOOLELO NO ALAMIRA A I OLE Ka Mea Huna Iloko o ke Aniani Kilohi. [ARTICLE]

HE MOOLELO NO ALAMIRA A I OLE Ka Mea Huna Iloko o ke Aniani Kilohi.

MOKU.N'A XXXIX. Ua noonoo ponu o Koi i kana mea e pane aku ai, no ka mea ata no kona noonoo nui ana maluna o k«la wahine, oiai ina he mau hana kolohe kekahi ana o ka hoolala ana i wahi no Alamira e pilikia ai, alaila e ala mai ana no oia a ku-e aku i kela wahine ma na ano apau, a pela hoi oia e hoopakele ae ai i kona makuakane, mai ke komohia ana aku iioko o na hana epa a ua wahine nei, me kona nana ole ae ina paha ia he mea e huhu mai ai kona makuakane iaia, he hookahi wale no ana noonoo nui, o ia no ka hoohoka mau loa ana aku ia Mrs. Monotuge. O ka Roi hana mua loa iho o ka haalele ana mai o kona makuakane iaia, o ia no kona hele pololei ana no ke keena kelekalapa a hoouna aku la i kelekalapa no Havana, a oiai ua lohi loa oia, aa konoia mai oia e kakali malie a hiki i ke kakahiaka o kekahi la ae, ia manawa e hiki ai iaia ke maopopo no ka hoea ana aku o Alamira no Havana, ma ke ano he wahine paha na Hamalina, a i ole malalo paha o na hana kolohe a ke keiki me kona makuahine. Aole i hiamoe maikai ia e Roi ma kela po, e noonoo mau ana eia no Alamira, me ka paa loa o kona manao aole o Alamira e haalele mai ana iaia nei, aka aole nae e loaa ka maha i kona noonoo a biki i kona lohe. okoa ana mai i kekahi lono maopopo mai Havana mai, he mau hana kolohe wale no ma ko Hamalina aoao, ka mea nana i koho aku iaia e holo no Havana. Ma kekahi kakahiaka ana ae, ua hoea hou aku la o Roi no ke keena kelekalapa, a hoouna aku la i keia kelekalapa malalo iho nei: "Ua haalele iho kekahi mau opio ia Nu Olina ma ka la 28 o ka mahina o Aperila nei, ma ke ano o Mr. ame Mrs. Hamalina. E huli aku nae ika mea oiaio e pili ana no laua. Eia laua ihea kahi i noho ai, e oluolu e pane koke mai!" 0 kela ka Roi hana pono loa o ka manao ana, pela \vale no e hiki ai iaia ke ike ike ano oko Alamira hoea apa no Havana. He hana maalahi loa i ua kanaka opio la ke kau ana iho maluna o kekahi mokuahi, a holo kino aku no Havana e huli ai i ka mea ana i aloha ai, aka hopohopo iho la nae oia, ina paha no ka hiki ia Alamira ke mahuka mai ke alo aku o Hamalina, aole ana e nele ka huli hoi awiwi mai o kela kaikamahine no Nu loka, a ma ia ano e luhi makehewa ■wale ai no o Roi i ka holo aku no Havana, aka nae ina no ka loaa mai o kekahi pane, aia no o Alamira i Havana, alaila e kau okoa zna no ua o Roi iloko o ka manawa kupono mua loa e loaa ana iaia, ae hele aku hoi no ka hui pu ana me kana aloha, ina paha ua haalele maoli mai no oia iaia nei. Ua noke o Roi i ke kakali ma kela la holookoa a hiki i ka po ana, aole he loaa iki mai o ka pane o kana kelekalapa, a e haalele mau i.na no hoi oia i ka halekuai, no ka maikai ole o kona noonoo, a ua t*a'oha'o kona makuakane, malia paha, o ke kumu nana i hoopilikia aku i ka noonoo o kana keiki, mamuli no ia o ka mare aku o ka makuakane me ka wahine hou, a ua lilo no hoi ia i mea hookaumaha s.ku i ka manao o kona makua. Ma ke kakahiaka ae nae o kekahi la mai, ua loaa mai la ka pane no ke kelekalapa a u o Roi e kuaki loa ana, a penei iho na manao o ua kelekalapa nei: "Aole he pilikia i loaa i ka lede opio, ua kau aku oia maluna o ka mokuahi a huli hoi aku no ke kulanakauhale o Nu loka, ma ka la ekahi o Mei." 1 ka manawa a Roi o ka heluhelu pono ana iho i na manao apau o kela kelekalapa, ia wa i hoi hou mai ai kona kulana ulumahiehie inau, no ka mea ike koke iho la no oia me ka hoohewahewa ole, aia mau no ka noonoo o Alamira maluna ona, no ka mea aole loa kela leaikamahine e huli hoi hou mai no Nu loka, ina ua ike oia i kona He la ia i hoopihaia aku ai o Roi me ka hauoli, nolaila aole ana mau kanalua hou ana i koe, no ka haalele ana mai o Alamira iaia, me na manao lokoino, aka o kona kakali wale aku no o ka hoea mai i ka la a laua e hui hou ai, a e huaiia ae ai hoi na mea apau e hauoli ai ko laua mau puuwai. O ka Roi hana mua loa mahope iho o ka loaa ana mai iaia o ka pane no kana kelekalapa ninau ia Alamira, o ia no ka ninau ana i ka inoa o ka mokuahi o ka haalele ana aku ia Havana ma ka la ekahi o Mei, a pela hoi me kona manawa e ku mai ai i Xu loka. i makaala aku ai oia no kana* aloha, e apo mai iaia me ka hoihoi ana mai malalo o kana mau pulama ana. Ma kela huakai hoi a Alamira ma e huli hoi mai la no Xu loka. he malie maikai ka moana, aole he mea ma'i o lakou, a ma ia ano iho la e luana mau ana lakou ekolu i kahi hookahi ma ka hapanui o ko lakou manawa maluna o ka moku, a ma ia ano no hoi, i kamailio pono aku ai o Alamira i kekahi mau mea e ae i pili i kona moolelo, ? hiki i kona hoike okoa ana aku i na mea e pili ana i ka aihueia ana o na (laimana a Mr. Pama, a pela me kana mau mea o ka ike ana maloko o ke kulanakauhale o Sana Lui. No ko Alamira kamailio hoi no kela aihue elaimana i hanaia, ua hoike aku la o Mr. Kula i kona lilo ana i kanaka hoopilikiaia. ma o kona pi\)apuia ana e kekahi wahine, ma o ka hoolilo ana mai iaia nei i kekahi mau kula pepeiao Uoopipili, a pela hoi me kona hoakaka ana ae no ka hopuia ana o Mrs. Vanabeka maloko o Nu loka, a ma kona manaoio o ka puulu na lakou kela mau hana aihue apau, i kulike ai no hoi me ka ka makaikiu o ka hoike ana ae, he hookahi no ke!a puulu, mai na kula pepeiao mai, a hiki aku i na daimana a Mr. Pama o ka aihueia ana. "He keu maoli aku no a ke akamai o kela puulu i ka aihue, aka aole nae o'u wahi nianao iki e loaa hou ana kela mau kula pepeiao, a kela wahine o ka pulapu ana mai ia'u, me he mea la ua hoololiia na pohaku daimana iloko o kela mau kula pepeiao, a i ole ua kuai houia aku paha i kekahi poe, o ka*u wale no e ake aku nei e ike, o ia ka halawai hou o ko*u mau maka me kela wahine nana i kolohe mai • i.»» la u. i4 Eia no me a'u kela mau kula pepeiao a kuu kaikunane e olelo neV* i pane mai ai o Maraea Kula. 4i t*a haawi mai oia na'u e malama i na kula pepeiao ona, i mea hoomanao no kona koloheia ana e ke akamai ame ka maalea o kekahi wahine, o ka mea nae ia nana e a'o mai iaia, e makaala ma keia mua aku i na wahine kolohe o kela wno. Malia paha ua makemake oe e nana i ua mau kula pepeiao nei ea?** i "Ina paha e oluolu mai ana oe. e nana aku hoi au i kena mau kuia pepeiao, alaila e hoikeike mai hoi oe ia'u, akahi hoi ka HIo o kena mau kula pepeiao i mea hana nui; owau kekahi e hauoii ina no ka paa mai o kela wahine i ka hopuia, o ka uku ia o ka poe hana kolohe. o ko lakou noho aku iloko o ka halepaahao." Ua hoikeike mai la o Miss Maraea Kula i na kula pepeiao ia Alamira, oiai e malama mau ana no ua kaikamahine nei i kela mau kula pepeiao a kona kaikunane iloko o kana eke paalima, a no Mr. Kula nae» ua piha oia i ka hilahila no kona kapaia aku i ke kanaka puni wale i ka mali a kekahi wahine, e hiki ole ai iaia ke kupaa nona iho. Me ka maikai wale no nae ia holo ana mai a lakou a liiki i ke kokoke ana o ka mokuahi e hoopili mai i ka uwapo, a o ka mea mua loa o ka ana mai me ka ike a na maka o Alamira, oia no o Roi, e ku aku ana ma ke poo o ka uwapo, me ka alaalawa ana o kona mau maka, e ake ana o ka ike aku i ke kaikamahine ana i aloha ai.

I kela manawa no a Alamira o ka ike ana mai ta Roi, oiai no nae he mamao loa ka mokuahi mai ka awapo aku, o kona manawa no ia i wehe ae ai i kona hainaka, a kowaliwali mai la i nana aku ai o Roi i kahi o ka hainaka e ani mai la i ka weleiau makani. a he oiaio ua haiawai koke aku la ka ike a na maka o Roi me ka mea nana e iani mai ana i ka hainaka, a pana'i aku ia no hoi oia me ke ani ana jaku : kona hainaka. j Ua hele na maka oua kanaka opio la a lamalama me ka hauoli. e I kakali wale ana no o ka pili mai o ka moku i ka uwapo. o kona pii koke aku no ia iluna, a puili mai i kana aloha iloko o kona poli. he oiaio i hakalia no i ke alapii a hookauia aku iluna o ka moku. o Roi i ka mua loa o ka pii ana aku iluna, a mahope mai ka nui o na kanaka no ka hui pu ana me ko laua mau ohana e nana mai ana ia lakou mailuna mai o ka moku. Me ka nana ole ae o Roi ika haka pono mai o na maka he nui maluna ona, ua lalau aku la oia ia Alamira a honi aku la iaia, me ka hoopuka ana aku i keia mau huaolelo o ke aloha kui'o i kana ipo. "E kuu aloha, nani ke aloha ame ka lokomaikai o na lani, o kona ae ana mai, e hoohalawai hou ia kaua." wahi ana, me ka huki ana mai ia Alamira a pili mamua o kona alo. 44 Ua maopopo no anei ia oe e Roi ko'u komohia ana iloko o keka.hi pilikia, me ka maopopo ana ia oe eia au maluna nei o keia mokuahi?" i ninau mai ai o Alamira me ka mau no o kona puliki ana i ka lima o Roi. "E hoomanawanui oe a loaa ia kaua he manawa maikai mawaena o kaua iho, ia wa auanei au e hoike aku ai ia oe i na mea apau, aka ua loaa mai nae ka ike ia'u no kou koloheia ana, a ua aneane loa au e huli okoa aku ia oe i ka aina malihini." "Alaila ua hoike aku ka paha o Mrs. Monotuge ia oe, ua mahuka aku au me ke.keiki ana ea?" me ke ano mae ana ae o ka helehelena o Alamira, aka ua auhee koke aku nae ia hiona mai iaia aku, alaila hoomau hou aku la i kana kamailio ana. "Alaila aole ka paha ou hilinai ia mau olelo a kela wahine ea? Ke paa nei no anei kou manao maluna o'u e Roi?" "Aole loa e hiki i kela wahine, a i kekahi mea e ae ke hoopunipuni mai ia'u, no ka mea ua ike mua au, aole loa oe e Alamira e hoi hope ma ka mea a kaua i hoopaa ai imua o ke Akua, nolaila aole loa au i manaoio iki he wahi pololei kekahi o na mea a kela wahine imihala o ka hoike ana mai," me ke umii loa ana iho i ka lima ana e paa ana. "A pehea i maopopo ai ia oe, e huli hoi mai ana au ma keia mokuahi, i hoea e ai oe no ka uwapo nei e kakali ai o ko'u hoea mai?" wahi a ua o Alamira me ka hoololi ana ae i ka laua kumuhana e kamailio ai. "I kuu manawa o ka lohe ana mai, ua mahuka aku oe me Hamalina no Havana, aole loa au i manaoio ua hana aku oe i kekahi o na hana hoohaahaa loa o kela ano, nolaila ua kelekalapa okoa aku au i ke kanikela Amerika e noho la malaia e ninau aku ana iaia, e hele aku e huli a loaa oe. alaila haawi aku i kana mau kokua ana no kou pono, aka o ka pane nae o ka hoounaia ana mai ia'u, o ia no kou kau ana mai maluuna o kekahi mokuahi, e huli hoi mai ana no Xu loka nei, a pela iho la i maopopo ai ia'u, eia oe maluna o keia mokuahi, a pela hoi kaua i halawai pu ai i keia la." "He keu moli no kou makaala e kuu Roi aloha, ina no paha aole au i hoi mai, ina no ua loaa i'o he mea nana e kokua mai ia'u nia kela aina malihini, aka ua loaa no nae he mau hoaloha ia'u maloko o ka hokele a'u o ke kipa ana aku, a o laua pu mai nei me a'u o ka hoi like*ana mai, e hele ae kaua i hoolauna aku ai au ia laua," o ke alakai aku la no ia o Alamira ia Roi ma kahi a Mr. Kula ame kona kaikuahine e ku mai ana ma kahi kaawale aku, oiai ua ike mai no laua i ko Alamira ku me Roi, a hoomaopopo mai Ia no, o keia ke kane hoopalau a ua kaikamahine nei a laua o ka hoopakele ana. Ia kokoke ana aku nae a leua nei, ua ike koke mai la no o Mr. Kula ia Roi, a me kona 'kakali ole iho a hoolaunaia aku e Alamira, ua lalau e mai la no oia i ka lima o Roi, me ka pane ana mai: "O! ua halawai mua no au me oe e Mr. Roi Pama, a ke hauoli nei au i keia halawai hou ana o kaua, aka e ae mai nae oe e hoolauna aku au i kuu kaikuahine, o Miss Maraea Kula keia, a o Roi Pama no hoi keia, kekahi o na keiki o Nu loka nei!" Ua haawi aku la o Roi i kana kunou ana imua o ke kaikunane ame kona kaikuahine, alaila ua pane koke aku la oia e like me kona ano mau o ka eleu: "He mea pono ia'u ke hoakaka aku imua o olua i ko'u kumu o ka hoea ana mai maluna nei o keia moku i keia manawa, malia paha o lilo ia i mea e hookahahaia aku ai o ko olua mau manao, aka i mea nae e hoauheeia aku ai ia mau manao, ua hoea mai a ma ke ano o keia ka'u wahine hoopalau." "O ka'u no ia o ka hoohuoi ana, ia'u ame ko'u kaikuahine o ka hookamaaina loa ana aku me ka maua mlihini nei," me ka awihi iki ana aku o 'ka Mr. Kula nana ana ia Alamira, alaila hoomau hou mai la oia i kana kamailio ana: "Ua hookahaha mai oe e Mr. Roi Pama, ia makou i ke kumu o kou hoea ana mai noluna nei o keia mokuahi, me ka manao e loaa ko wahine hoopalau ia oe me ka loaa mua ole o kekahi hoomaopopo ana ia oe no ia mea?" "Ua hoakaka aku la o Roi e like me kau e ka mea heluhelu o ka ike mua ana ae'nei i ka hoouna ana o ua kanaka opio nei i ka ninau ma ke kelekalapa i Havana, me ka loaa ana mai o ka pane iaia. a i ka hoopauia ana o ke pohihihi ma ka aoao o Mr. Kula, o ko lakou nei haalele like aku la no ia i ka moku, a iho niii aku la no ka uwapo. Ia lakou nia ka uwapo. ua koi mai la o Mr. Kula ame kona kaikuahine ia Alamira e hoi like me laua ina ke ano he malihini hanohano na laua maloko o ka hokele. aka ua hoole aku la nae o Alamira, e hele aku ana no oia e ike ia laua ma ka hokele i kekahi manawa kaawale. Ia kau ana aku o Mr. Kula ame kona kaikuahine maluna o Ko laua kaa, a holo aku la no ka hokele, ua kau ae la no hoi o Roi me kana aloha maluna o ko laua kaa, eia nae aole laua i hoi pololei loa aku no kahi o Mr. Garava, aka ua hele hoolalau wale aku la no laua, no ka mea ua nauki loa o Roi, me kona koi ana aku ia Alamira e hoike aku iaia i na hana kolohe apau i hanaia aku maluna ona, ua hooko aku la no hoi o Alamiea e like no me ia a kaua e ka mea heluhelu o ka ike mua ana ae nei, a i ka lohe ana o Roi i na mea apau, ua aneane e hiki ole iaia ke uumi iho i kona huhu no Mrs. Monotuge ame Hamalina, ina paha aia kela mau mea imua ona i kela manawa, ua ku'i okoaia laua eia. me ka nana ole i ko laua kulana.

u lna e hoao hou ana o Lui Hamal ; r-». e hoikerke mai i kona helehelena maloko nei o keia kulanakauhale, e ao oia o ike i ka mea ana i moeuhane mua ole ai, no ka mea aole loa au e waiho aku ana iaia i ka manawa a*u e ike ai i kona helehelena maloko nei o keia kulanakauhale. O kela wahine kekahi a*u e hoonaukiuki loa nei, aka e hoea mai ana nae ka la a'u e hoohoka aku ai iaia. e hiki ana paha laia ke fulu mai i kuu makuakane aoie paha. na ke au nae o ka manawa e hoike mai ia mea. Xou nae e kuu aloha, aole loa kela mau meii i piha me ka lokoino e halawai hou me oe, no ka mea aole oe e hoi hou aku ana malalo o ka malu o Mrs. Monotuge. n '*He hookahi paha kumu a'u e hele hou aku ai no ka home o Mrs. Monotuge, o ia no ke kii aqa aku i ko'u mau ukana e waiho la malaila, he mau ukana a'u i makemake maoli ai, na'u no e nana pono i na mea apau, o ka hele ana paha auanei ia e hui hou ai no au me kela wahine kolohe o ke aloha ole!" "Aia a hiki i ko la e hele ai no ka hale o kela wahine, oiai no nae o oe ka mea kuleana i kela home ame na waiwai e ae a koa makuakane, alaila na'u maoli no e lawe aku ia oe ilaila maluna o ke kaa. oiai aole loa he wahi hiiinai i koe iloko o*u no ka wahine a kuu makuakane e moe poo nei. "E hoopau nae ko kaua kamailio ana no ia mea, he nuhou hauoii ka'u e kakaii nei o kou huii hoi mai, alaila hoike aku an ia oe, no ka mea o ka paiapala mare o kou mau makua, ua loaa ia mea ia'u, a he kaikamahine oe a'u e hilahila ok ai ke hoiiee ae imua o ke ao holo-

okoa no ka mare poooia ana o kou mau makua/' aUiU hoakaka pih» ikr *a p» i kc irc o k*» 1c?j» o k-_ pahpale. .r2r? o ; Alaraira ik>ko o ke opi o ka pale puka aniani o ke keeiu moe o Mn | Monotugc. a ia pau ana hoi o ka Roi nuhou i ka hoikcta. o ka wt ia a Alamira o ka hu'e pau ana aku i na mea ana i tkc maloko o km holowaa huna o kana aniani kīlohi. "He keu aku maolf keia o ka mea kupaianaha a kaua e olelo ae ai no ka loaa ana o keia mau meahuna a kaua o ka moeuhane mua ole ana." wahi a Roi me kona apo ana mai ia A!amira a huki aku U a pili pono ma kona aoao. "O na mea apau i loaa ta'u, ua lawa pono loa ia ke hookukuia ae me na mea i loaa ia oe. he hauoli keia e hiki o!e ai ia kaua Ice ana i ka hohonu ame ka loa. a ke hopohopo ne» au i ka lawe mai ia oe i wahine na'u, o kapaia mai uanei au e ka lehulehu mamuli mai o ka waiwai ke kumu o ko'n ake ana aku ia oe i wa hine. aole mamuli o ke aloha. no ka mea eia hoi e he *ahi waiwai uuku keia ou e ili mai ana nmluna ou, aka he waiwai e hiki ole ai ia oe ke ai a hiki i kou make ana." , Aole a Alamira pane ma kona aoao, koe wale no ka pahola ana ae o ka minoaka maluna o kona mau papalina. no ka mea. ke ike la oia, aoie oia e olelo ia mai ana i kahi kaikamahine ilihune, a haahaa 0 ke ano kauwa, no ka mea eia oia ke noho mana nei maiuna o ka waiwai. e minamina ole ai kona lima akau i ka mea a kona lima hema e haawi ai, a no ka pane koke ole aku hoi. ua hoomau hou mai !a no o Roi i kana kamailio ana: ' He nani hoi ia ua hoi hou mai la oe no ka aina nei, nolaila aole a'u mau hoololohi hou ana aku i koe, aka e lawe koke mai ana au ia oe i wahine na'u, a e haawi aku i ka'u mau hoopakele ana ia oe i na manawa apau, o keia ke kumu o kou komohia ana iloko o ka pilikia» ma o ka hiki ole ia'u ke hana aku i kekahi mea, oiai kaua a elua e kuleana ole ana kekahi i kekahi." u Aole a'u mau ku-e ana aku i kena manao ou e kuu Roi, aka o ka'u wale no e hauoli nei, o ia ka loaa ana o ko kaua home ponoi. 1 ole ai e lohe i ka leo o ka makuahunowai, pehea la kou manao no ia mea?" wahi a Alamira me ka moe okoa ana aku o kona poo iluna 0 ka poohiwi o ka mea ana i aloha ai. Ma kela wahi o ka laau mau kamailio i hoohuli ae ai ko laua kaa no ke alanui e holo pololei la no ka home o Mr. Garava, a o ka laua inau kamailio aku ma ia wahi, no na mea no ia e pili ana i ko laum noho ana aku. Ia hoea ana aku o ko laua nei kaa no ka hale o Mr. Garava. e noho mai ana no ua keonimana aoo nei me kana wahine, a apo ohaoha mai la ia laua nei, me ka hoohalaia ana o kekahi manawa loihi ma ke kamailio ana ma kela ame keia kumuhana, a i ka hoea ana mai i 1 ahi e pili ana i na makua ponoi o Alamira. ua hoopiha loaia o Mr. Garava me ka hauoli, no ka hoopau loaia ana o na pohihihi apau, e lilo ai i hana maalahi loa ka hooiaio ana aku i ko Alamira kuleana iloko o na waiwai apau o kona makuakane i make. Iloko oka lakou mau kukakuka ana hooholo iho ai lakou, e hoea aku o Mr. Garava me Alamira no ke keena o Loio Kohina, a i aila o Roi ame kela loio e loaa aku ai ia laua nei, a kukakuka lakou i ka lakou mau mea pono e hana aku ai i hoi hou mai ai na waiwai apau maluna o Alamira e paa hewaia mai la e ka mea e i kuleana ole i kela mau waiwai. I kulike ai me kela hoolala ana, ua hoi mai la o Roi no kona home me kona hoike ole aku nae i na mea i hanaia imua o kona makuakane, aka ma ke kakahiaka ana ae nae o kekahi la, ua hele aku la oia no ke keena o Mr. Kohina, a malaila lakou apau i kukakuka ai e like me na mea a lakou nei o ke kamailio ana ma ka la aku mamua.

Ua nanaia ka palapala marf, a pela me na palapala apau maloko o ka holowaa huna o ka pahu aniani kilohi a Alamira, me ka maopopo loa o ka lilo ana o ua kaikamahine nei, i hooilina hoopaapaa oleia malalo o ke kanawai, a hooholo like iho Ia ua mau loio li, he hookahi wale no hana i koe, o ia ka hoonee ana aku i ka hihia imua, :na paha ma ke ano maalahi, a i ole ma ka hoopii kanawai maoli ana paha. Ma ke kolu o na la o Alamira maloko o Xu loka, ua hele aku la o Roi e kii iaia no ko laua kii ana i kona mau ukana maloko o ka home 0 Mrs. Monotug-e, a i ko laua hoea ana aku, o Mele ka mea nana i wehe mai i ka puka o ka hale, me ka ike ana mai no hoi o Mele ia Alamira me ka piha ohaoha, e hoike mai ana hoi kona helehelena, i 'ka maopopo ole ana iaia o kekahi hana epa a kolohe a kona haku o ka hana ana mai maluna o Alamira. "Eia no nae paha o Mrs. Monotuge i ka hale nei l keia manawa ea?" i ninau aku ai o Alamira, mahope iho o kona ike ana aku i ke kaikamahine lawelawe a Mrs. Monotuge. "Ua hala aku oia no kekahi wahi, i hakalia no a pau ka aina kakahiaka o kona hele aku nei no ia, me ka olelo ana mai nei, aole ka oia e huli hoi koke mai ana aia a mahope aku o ka aina awakea." Ua kunana iho la o Alamira, me ka noonoo ana he mea niaikai 1 aha nona ke komo ana aku iloko o kona rumi. me ka ike ole mai o ka ona hale, aole paha. aka he hookahi nae mea i loaa iaia, o ia no ka noho ole mai o Mrs. Monotuge e hoouluhua iaia, oiai oia e hoakoakoa ana i kona mau ukana iioko o ka pahu. Ua ike aku la nae o Roi i ke kunana o kana aloha, a o ia kana o ka pane ana mai: "Manao au,a he oi ae keia oka maikai loa, o kona hele ana. ua hiki ia oe ke hana i kau mau hana apau me ka hoopilikia oleia mai ma kekahi ano. Oiai ho» oe e h(H>ponoj>ono ana i kou mau ukana. e hele iki aku au no ka hoopau ana i kekahi wahi hana uukii «i'u, a iloko paha o ka hora hookahi e huli hoi mai ai au, ke lilo nae ia i mea maikai ia oe." "Ae he oi i o aku ia o ka pono, aia hoi oe a hoi mai, alaila kii hou mai oe ia'u, a manao no hoi au, e pau ana ka'u mau hana iloko 0 ka wa pono." wahi a Alamira. Me kela mau olelo i haalele mai ai o Roi, a hele aku la no kahi o kana hana i manao ai, oiai hoi o Alamira i ku iho ai no ke kamailio pu ana me Mele no kekahi mau minuke. alaila pii aku la no ka hale oluna, e hooponopono ai maloko o kona rumi. Aole no hoi i emo ia houluulu ana mai a ua o Alamira i kona mau lole apau noloko o kona pahu, ua noho wale iho la oia, me ka noonoo ana heaha la kekahi o kona mau ukana i kaawale ma kekahi wahi okoa aku. a la wa i haupu mai ai oia no kana t:-[>a hana puka pihi maloko o ka mmi o Mrs. Monotuge, o kona ku ae Ia no ia iluna, no ke kii ana aku i ua u-pa la, oiai ua minamina loa oia ke nalowale aku kela u-pa ana mai iaia aku. Haalele koke iho la o Alamira ialoko o kona rumi, a holo mai 1« no ka hale elua. a iaia mawaho o ka rumi o Mr«. Monotuge, ua lohe aku la oia i ke kani mai o ka be!e o ka hale olalo, a lohe pu aku la no hoi oia i ka holo ana ae o Mele e wehe i ka puka. eia ka he keonitnana ka mea nana i hookani mai i ka bele, aole hoi o Roi. a lohe pu aku la keia i ka olelo ana mai o ua keonimana la. e kakali malie ana no oia a hiki i ka huli hoi ana mai o Mrs. Monotuge. Aole o Alamira i ike aku i ua keonimana nei, aka ua lohe aku la nae oia i ka hookipa ana mai o Mele i ka malihini noloko o ke keena hooluana. Ia komo ana aku hoi a Alamira maloko o ka mmi o Mrs. Monojuge, ua hoomaka koke aku la oia i ka huli ana i kana u-pa, eia nae aole he loaa. a manao iho la oia, ua hunaia aku paha e Mrs. Monotuge ma kekahi wahi okoa loa i maopopo ole iaia. laia nae e noke ana i ka huli, ua lohe aku la oia i ka nakeke mai o kekahi mea maloko o ka rumi o Mrs. Monotuge e moe ai. a no kona manao o Mele no paha kela o ke komo koke ana ae iloko o ka rumi moe o kona haku, aole no oia nei noonoo aku, koe wale no ka hoomau ana aku 1 ka nana ana i kana u-pa. Xo ka loaa ole, ua manao ae la oia e hele okoa aku e ninau ia Mele maloko o ka rumi an» o ka lohe ana akp i ka nakeke, aka mamua nae o kona hooko ana aku i kela manao. o ka wa ia i kiei mai ai o Mrs. Monotuge mawaho mai, a ia wa koke no hoi i paniia mai ai ka puka a paa, me ko ia nei noho iloko me ke ano paahao. (Aoie I pt«4