Ka Nupepa Kuokoa, Volume XLVIII, Number 52, 27 December 1912 — HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino. [ARTICLE]

HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino.

Ua huli ino mai ia o Mrs. Lalana imua o Kauka Molimea. me ka hulili o kona mau maka i ka huhu ame ka inaina, a pane mai ia me r.a oleio i piha mc ka uahoa: , "Auhea oe e Mr. Kauka, aole ioa au i makemake e ike aku i ka malamaia o ka'u kaikamahine e keia wahiiie au o ka iawe ana mai nei i keia kakahiaka. a ke kauoha aku nei au ia oe f e lawe koke aku oe iaia maiioko aku nei o keia hale, me ka liakalia ole iho/' wahi a ua wahine nei, me kona makemake oie e haawipio aku malaio o kona kaikoeke, ana nae e manao kuhihewa la f aole he mea e ae i maopopo i ko laua pili. "Ke hoomanao nei au i kou hooili ana mai i na hana apau maluna o'u, ma ka nana ana i kekahi wahine maiama ma'i akamai ioa, a peia au i hooholo iho ai e lawe mai ia Mrs. Monogomore e maiama ia Magarita Monogomore, a he mea pono e noho oia maloko nei o keia hale, e malama ai i kela kaikamahine ma'i/' wahi a Kauka Motimea, me ka paa loa o kona manao e ku-e oieia mai kana kauoha. "Aole loa oia e noho mai maloko nei o keia hale!" i poha hou mai ai ka leo o Mrs. Lalana, alaiia huli aku la imua o Cicllia a pane aku la: M E ku koke oe a hele maiioko aku nei o keia hale, e ae mai ana anei oe i keia kauoha a'u?" me ka hookokoke loa ana mai o ua wahine nei imua o Cicilia, eia nae, ke naka wale la no kona kino me ka haalulu. "Aole loa au e kaawale aku mai keia hale mai, a ke kauoha aku nei au ia oe e Mts. Lalana, mai hoao oe e hookokoke mai i kahi o kuu keiki. E ku aku oe ihope, o ike auanei oe!" wahi a Cicilia, me kona nee ana ae a kbkoke ma ka aoao o ka moe a Magarita e hiamoe mai ana. Ua hiki hou ole ia Mrs. Lalana ke hoonana aku, no ka mea ke ike ia oia, he pio oia iloko o ka lima o Cicilia, ke hoao oia e hana aku i kekahi hana limanui maluna o kona kaikoeke, ua pipika wale iho la no oia, me ka maopopo ole o kana mea e hana aku ai, a o ia ka manawa a Mrs. Kumana o ke komo ana mai mawaena o laua a elua, . me ka huli ana aku imua o Mrs. Lalana a ninau aku la: "Auhea oe e Helena," wahi ana me ka leo i piha me ke kaumaha. 4 *E hoike mai i ke ano o keia mau mea a'u o ka ike ana i keia kakahiaka. Ua olelo mai nei o Kauka M,otimea ia'u, o Mrs. Monogomore ka inoa o keia lede, a o ka wahine hoi a kou kaikunane, a o keia kamaiki e moe nei, o kana kaikamahine ponoi no ia. Ua noke aku ka oe i ke koi e hookama iaia, a i ke ko ole ana o kou makemake, ua aihue mai la oe iaia mai kona makuahine mai, e oluolu anei oe e kuu hoaloha e hoakaka mai i ka mea oiaio?" "Ea, ua noke wale ia iho nei paha oe i ka hoopihapiha olelo, a hiki i kou manaoio ana aku nei i na mea a keia kauka o ke kamailio ana iho nei ma kou mau pepelao!" i hoomaka aku ai o' Mrs. Lalana e leamailio ma ke ano hookanaaho 110 ka pono o kona aoao. "He mea oiaio, ua mare aku kuu kaikunane i keia wahine, eia nae he w r ahi manawa uuku wale no ia o ko laua noho pu iMia, ua ike iho la oia i ka hewa o kona pupuahulu ana e mare me kekahi mea i kulike ole me kona kulana. laia ma na aina mamao, a no kekahi kumu i maopopo ole ia'u, oia wale no paha ka i ike, ua haalele mai la oia i keia wahine, a hookuu hookahi mai la iaia ame ka laua kaikamahine e huli hoi niai no Nu loka, iloko o ka nele ame ka hune. j "No kuu aloha aku no hoi i ke keiki a kou kaikunane, i ka aahu ii • Wa kupono ole, a i ka nele no hoi i na meaai maikai, pela au i hookama aku ai iaia, a kaa mai malalo o ko'u malu. Owai auanei ka mea hoihoi aku e ike i kekahi keiki maikai iwaena o ka poe nele a ilihune elike me keia? Owai ka mea makemake aku i ke keiki a ko'u kaikunane, e malamaia mai e kekahi wahine i hoowahawaha loaia." "E kuhi ana ka hoi au, ua make la kou kaikunane, elike iiei .-ae kau o ka hoike mua ana mai ia'u," wahi a Mrs. Kumana me ke kanalua loa o kona manao no ka oiaio o na olelo a Mrs. Lalana e kamailio aku nei iaia. k4 He manaoio wale no ko'u ua make oia, a ke paa nei no ko u manao a hiki i keia manawa, ua hala aku oia ma kela ao, no ka mea, ua hooikaika au ma ka ninau ana, ma ka hoouna okoa ana no hoi i kekahi poe e huli iaia, aole nae ona loaa iki. O kona manawa wale «no i ikeia ai e oia ana, he elua no hora mamua o ke kau ana mai o kela wahine maluna o ka mokuahi, a 110 kd oiaio o keia mea a u e hoike aku nei ia oe, ua hiki no iaia ke hooiaio mai ke ninau ponoi aku oe iaia." "I ka manawa hea oe i hookama ai i keia kaikamahine. a lilo mai nau?" i niele hou mai ai no o Mrs. Kumana. ,4 Ua hookamaia keia kaikamahine e a'u, he manawa uuku wale no mamua iho o kuu haalele ana aku ia Nu loka," wahi a Mrs. Lalana, me ka hele a pii ka ula ma kona mau papalina, oiai hoi o Cicilia e nana mai ana me ka inoino o kona mau maka, no ka piha wahahee loa o Mrs. Lalana e noke la i ka haha'i i ka mea oiaio oie. "Pehea i kaa aku ai kela kaikamahine malalo o kou malu e Helena, na kona makuahine maoli no anei i haawi mai me kona inanao iqaikai nau e inalama a e hanai a hoonaauao iaia?" Ua hoomanawanui o Mrs. Lalana ma ka pane ana aku i na ninau a Mrs. Kumana mamua aku, ma ke ano hoopunipuni, me kona manao, malaiia aku la no la, pau ka niele ana mai a kona hoaloha iaia, aole nae pela, 110 ka mea nia kela ninau hope i waihoia aku imua ona, ua pau maoli kona hoomanawanui, a hoomaka okoa mai la oia ma ke ano pakike i ka i ana mai: # "Aole au i inanao i ko'u komo ana mai nei nialoko o keia rumi e Icu ana au imua o kekahi aha hookōlokolo, no ka nieleia mai elike me keia mau ninau lehulehu i waihoia,ifnai imua o'u, a ke hoole aku iiei au i ka pane ana i kau ninau e Mrs. Kumana," wahi ana me ka piha i ka piena. "Auhea oe e Mrs. Kumana, he hookahi a'u mea e kauoha aku nei ia oe, e ku kela wahine a haalele mai i keia hale i keia manawa, aole loa au e ae e kaa aku ka malamaia a.ia d Magarita nialalo ona. Ina nae oe e paakiki loa ana mamuli o ka makemake o keia kauka» alaih e ku ana au a haalele i ko hale, me ko*u i»ana ole i ka nui o kou au'a mai ia'u." I hakalia no a pau kela mau olelo i ka hoopukaia mai e Mrs. Lalana, a no ka ike ana mai hoi kekahi e nee mau ana o Mrs. Laiana ihoise i kahi o ka puka, me ka manao pah» e mahuka. i ole ai e ahuwale ae kana mau hana epa apau, ua nee loa mai la o Cicilia a kokoke iaia, $ pane mai la me ka leo malie, a moakaka, me kona makemake ole. e hoopuiwaiwa aku i ka hiamoe ana o kana wahi kaikamahine i ka pane ana mai: "Auhea oe e Mrs. Lalana. he mea ano ole loa ia'u kou noho mai a noho ole mai paha maloko nei o keia hale: aka i lohe pono nae oe ea, aole loa he mana ma k£ia honua e hiki ke hookaawale hou ia'u mai kuu keiki mai. Ua huli au iaia, a ua loaa oia ia'u, nolaila ma kona moe au a hiki i kona lanakila ana mai ka make mai, a hiki paha i kona hoi ana aku i ka opu o ka honua,o ke Akua hookahi wale no ka mea i ike i ka hopena o kuu iei aloha. <4 Ua maopopo ia oe e Mrs. Lalana ma na kanawai o ka aina ame iia kana\tai o ke Akua kiekie ioa. owau ponoi no ka makuahine o keia keiki, a he kuleana ko'u ma ke ano he makuahine nona, e malama ai iaia iloko o kona mau pilikia apau. Ina na<t ua paa kou manao e koi mai iaia ma ke ano he keiki nau, ke hoike aku nei au ia oe me ka maka'u ole, he pio oe na'u iioko o keia minulee, a oa hiki ioa ia'u e kauoha aku e hopuia oe no ka hewa aihu*», a e hoopaaia

iku oe ma kahi c hiki hou ole ai ia oc kc hoopilikia mai ia'u ame kuu luhi nei. "So kou pono iho e Mrs. Lalana, e waiho malie mai oe ia'u pela, me kou hoao ole e imi hou mai i na mea no'a e pilikia ai ma keia j hope aku. I hoike aku au ia oe me ka hookamani ole, ua paumiia lae kuu inaina ame ka huhu nou, mamuli o kaiu hana aloha o!e maiuna o kuu keiki, a i keia kakahiaka, i ike ai kuu mau maka ponoi i ka hua awahia o kau mau hana iokoino, a ina i make kuu Magarita i na minuke kupiiikii aku nei i haia, ina i keia la, oioko o ka halej;aahao kou wahi noho, no ke karaima pepehikanaka. 4 *Ua kapa iho oe ia oe iho e Mrs. Lalana he wahine hanohano o ka pohai klekie o kou aina hanau kou hoa e kohu ai, ua kaena ae oe i kou ohana, ame ka nui o kou waiwai ame ka hanohano; eia nae iloko o ia mau hana haakei au apau, ua aa iho la no ko mau lima huiuliulu o ka alunu me ka hilahila ole e kaili aku i ka waiwai makamae a kekahi wahine haahaa mai iaia aku, ua kaili aku la oe ma ke «no kolohe o ka epa i ke kamaiki uuku maiioko aku o na lima o kona makuahine aloha, e haehae ana i kona puuwai iloko o na apana eiua. me kou nana ole iho i ka nui o na haawe o ke kaumaha i kau aku maluna ona, ma o kona hooneleia ana me na pono i maa iaia i ka noho hauoli ana iloko o kona mau la opio. "Iloko o na la ame na po a kuu momi e waiho ana maluna o kona moe ma'i e noke mau ae ana i ke kahea i kona mama, ka mea i maa i ka haawi ana aku i na pulama maikai ana iaia, ua nele loa iho la no ka oe e Mrs. Lalana me kekahi wahi kulu iki o ke aloha no kuu iuhi. he mea kau la a komohia aku ka manao iioko ou, e hoihoi ae c»e iaia imua o kuu alo, o kena iho la anei ke ano o na wahine, e kohu ai na olelo kaena o ka haakei?" alaila huli aku la o Cicilia imua o Kauka Molimea. a pane aku la: "Ke ninau aku nei au i kou manao e Kauka Motimea, e hiki ana anei ke laweia aku kuu kaikamahine mai keia hale aku i keia la? Ina oe e ae mai ana, aole loa au i makemake e waiho hou aku iaia maloko o ka home i piha i ke kumakaia ame ka mako-na. aka e lawe aku ana au iaia i kahi e loaa ai ka maha ame ka palekana. a e hoihoi houia mai ai na manao aloha mawaena o na puuwai a elua i hoehaehaia." ''Ke kaumaha loa nei au i ka hoike ana aku ia oe e Mrs. Monogomore, he hana paakiki loa na'u ka ae ana aku e lawe iaia mailoko aku o keia hale i keia la. Ina pela iho la ka pii mahuahua mau ae o kona maikai i kela ame keia manawa, alaila iloko o na la kakaikahi mai keia manawa aku, e hiki ai ke hookaawale aku iaia. aole nae ma ke ano pupuahulu, aka me ke akahele loa e komohia ole aku ai iloko o kekahi pilikia, i oi ae ke ko'iko'i i ko keia a kakou e ike maka nei." Nui iho la ka hanu o Cicilia no kela hoole ana aku a Kauka Motimea, aole e hiki ke lawe kokeia o Magarita mai kela hale aku, nolaila ua huli papu aku la oia imua o Mrs. Kumana a i aku la: "Auhea oe e Mrs. Kumana, ke manao nei au he makuahine oe elike me a'u nei ke ano, oiai ua lohe au i ka leo keiki maloko o kou home nei, ma ko'u manawa o ka pii ana mai noluna o ka lanai o kou home i keia kakahiaka, a'u e manaoio nei, aole i nele ka loaa o na manao makee iloko ou no kau keiki ponoi. E hoi nele anei ka'u mau uwalo ana aku imua ou no ka aeia mai e noho maloko o kou home nei no kekahi mau la kakaikahi, no ke kiai ana i kuu kaikama-1 hine ma'i, a i ole, e kipaku mai ana anei oe ia'u mailoko aku o kou j home?" j "Ma ka inoa o na lani, aole loa au e hana aku ana i kekahi o na j hana ku i ka lokoino ame ke aloha ole, a ke hooia aku nei au imua| ou, ua hamama na ipuka apau o kuu home ia oe ame kau keiki," a Hoomaka iho la o Mrs. Kumana e ha'uha'u uwe, me ka aneane e hiki hou ole iaia ke hoomau mai i kana kamailio ana, aka i ka hala ana nae o kekahi mau sekona, o kona uumi ana i kona piha ilihia, iaia e kaulono pono mai ana i kana nana ana maluna o na maka o Ciciiia, ua hoomau hou aku la oia i kana kamailio ana: "He mea pono ia oe e Mrs. Monogomore e lioolilo i keia hale i j home nou iloko o keia mau la, a e kiai makaala aku oe i ka pono o ; 'r.au keiki, aole he mea kupono e ae nana e malama iaia o oe wale no. Ina no paha i ae mai nei ke kauka i kou manao e lawe aku i kau keiki mailoko aku nei o kuu home, ina no ua ku-e aku nei au, ! no ka mea aole o'u makemake e maunaia aku ke ola o ke kamaiki i iloko o keia kulana kupilikii ona, aka e haawiia aku na malama ma- , kaala loa ana no kona pono. I ko'u haawi ana aku i ko'u ae e lilo keia i home nou ame kau kaikamahine, ua haawi pu aku au i ka'u mau kauwa ame na mea no apau loa maloko nei o keia hale malalo 0 kau mau hoohana ana e Mrs. Monogomore, aohe au mea e maka'u ai, a e hopohopo ai paha." Haalele koke aku la o Cicilia i kona wahi e ku ana, a hele mai la a paa i ka lima o Mrs. Kumana, alaila pane mai la me ka halo'ilo'i ana mai o na waimaka mai kona mau lihilihi mai: "Ke haawi aku nei au i ka'u mau hoomaikai ana he nui ia oe e Mrs. Kumana," a no ka hiki ole iaia ke kamailio hou aku, ua huli mai la oia hele no kahi o ka moe a Magarita e waiho mai ana, na kona mau waimaka no e hele, pehea hoi e hiki ai iaia ke uumi iho, 1 ka hana mao ole a ke aloha keiki e haku'iku'i mau ae la iloko ona. Aia pu na manao hoomaikai iloko o Cicilia i kela manawa, no ka mea ua hoouka oia i kekahi kV.ua hahana mawaena ona ame kona kaikoeke, a ua kaa ka lanakila ma kona aoao, nolaila aole oia i nana aku ia Mrs. Lalana ma ke ano ho kaikoeke nona, aka me he mea la he wahine okoa loa oia, he hookahi no mea nui iloko o kona noonoo, o ia no ka imi ana aku i na mea apau e palekana ai kana lei aloha he keiki. Ua lilo nae i mea hookahaha aku i ka manao o Kauka Motiinea ka ike ana mai i ka oluolu maoli o Mrs. Kumana ia Cicilia, me ka hoike okoa ana aku i kona makee no ka pono o kela makuahine ame kana kaikamahine. ka mea ana i moeuhane mua ole ai, pela iho la ka hopena e oili mai ana iloko o kela mau minuke o ke kupilikii, ka manawa hoi e paio ana na enemi a elua i kahi hookahi, me kona manao no Ia e huli kokua aku ana o Mrs. Kumana ia Mrs. Lalana. Akahi nae a pau na manao kanalua iioko o Kauka Motimea no ke ano maoli o kela wahine nona ka home, aole loa oia i like aku me ko Mrs. Lalana kulana, aka he wahine oia i piha i ke aloha ame ka hoopono, a iaia o ka lohe ame ka ike maka ana i na mea apau. e hoohewahewa ole iho ai oia i ka pili maoli o ka hewa ia Mrs. Lalana, 0 kona manawa ia i holo ai mahope o ka mea pono o kela niau wahine. a e haawi aku hoi i na kokua ana apau e hiki ana iaia. no ka hoopakele ana ae i ke kamaiki ma'i mailoko mai o ka make. Xo kela ike ana mai hoi o Mrs. Lalana i ka haawi ana aku o Mrs. Kumana i kana mau kokua ana ia Cicilia, ua ulupuni loa oia me ka huhu. o kona ku ino ae la no ia a haalele mai Ia i ka rumi a kona mau hoa e noho ana, me kona hele a piha i ka hilal)ila, me ke ku i kahi o ka hoka. Aohe a Cicilia hopohopo ana i koe, oiai ua aeia mai la oia e ka! ona nona ka home e noho aku ma kela wahi a e malama i kana kaikamahine. a pela no hoi i hoomamaia mai ai ko Kauka Motimea manao, a hele mai la ua kauka nei a ku iho la ma ka aoao o Cidlia, me ka haawi ana mai i na kuhikuhi no kana mea e hana aku ai i ka wa e ala mai ai o Magarita mai kona hiamoe ana. "E haalele iho ana au ia oe e Mrs. Monogomore.,aka nae e huli hoi hou mai ana no au i kekahi manawa o keia auwina la, a e ma-! kaala loa oe i ka'u mau kuhikuhi no ke ano e haawi aku ai i ka laau j 1 ka wa e ala mai ai o Magarita, he mea nae na'u e hauoli nei, aole | tiO e lilo ana ka'u laau i mea kokua aku i ke kamaiki. aka o kou noho! maoli ana aku imua o kona alo, ka laau nana e hoola iaia iloko o ka j manawa pokole." I Hele aku la oia a haawi aku la i kona Kma ia Mrs. Kumana me \ ka hoomaikai ana aku i kela lede, no kana mau hana oluolu o ke| aloha hoa kanaka oiaio, o ka haalele ma» Ia no ia o ua kauka nei me kona olelo ana mai nae e hiki hou mai ana no oia. Ia hala ana aku hoi o Kauka Molimea, ua kii aku la o Mrs. Ku-

maea e pani i ka puka o kela rumi, alaila hele mai La oia a paa mai la ma na poohiwi o OieiHa, me ke kulou ana mai tmua» a honi mai la i ka makuahine nana ka bebe ma*i t a pane mai la me ka leo olue la Ioa: M Kani maoli ka nui o kou hoomaaawanui !** wahi ana me ka htok> ana mai ona waknaka mai kona mau lihilihi mai. "Ina paha o ke|kahi o ka'u mau keiki ka i aihueia mai ia*u aku, manao au, ao!e ioa I - hiki ia'u ke hoomanawanui i na haawina o ka ehaeha e kau mai ana maluna o'u. no ka make waie no ko'u hopena. K aho nae au lie ekolu a'u mau keiki ka nui, ina paha no* ke kailiia aku o kekahi, e lilo ana ke koena mai o na keiki i mau mea hoomama iki mai i ko'u manao, eia paha ke oki loa o oe. he hookahi wale no au keiki, ua oi aku kou aloha iaia, mamua o kekahi mea e ae, aka nae ma ka'u ike aku ia oe, ua nui maoli no kou hoomanawanui ana 1 na ehaeha o ke aloha keiki i kau iho maluna ou. "He nani hoi ia, ua loaa iho la ko kaikamahine ia oe maloko nei 0 kuu home. e lawe aku i ka'u mau htx>ia ana e Mrs. Monogomore % e haawi no au i ka'u mau kokua ana ma na ano apau, no ka hoihoi hou ana mai i ke ola iloko o kau kaikamahine." N'ani ka oluolu ame ka hoolana o kela mau olelo e pa la ma na pepeiao o Cicilia T a he hookahi no ana hana ma kona aoao. o ia no ka hookahe ana i kona mau waimaka. me ka moe ana mai hoi o kona poo iluna o ka poehiwi o Mrs. Kumana, a i ka nana aku i ua mau wahine la, o kela kekahi manawa a laua i ike ai ia mea he aloha keiki, oiai no nae he mau malihini laua a elua, a he mau minuke kakaikahi wale no ka hookamaainaia ana, eia nae aole no laua i malihini i ko laua ano, he mau makuahine no ka laua mau keiki ponoi iho. "Xa ke Akua e hoomaikai mai ia oe e Mrs. Kumana; a no kela mau olelo oluolu au o ke kamailio ana mai nei ia'u. ua hapaiia ae kekahi haawe kaumaha loa mai a*u ae, a elike me ka loihi o ko'u ola &na, pela no auanei ka hiki ole ia'u ke hoopoina nou," wahi a Cicilia, me ka hoao ana e haawi aku i ka minoaka i kona hoa. I ka hala ana he mau minuke ia laua o ke kamailio ana. ua ku ae la o Mrs. Kumana iluna, a nonoi mai la ia Cicilia, e hookuu aku iata, alaila noho hookahi iho la o Cicilia ma ka moe ma'i o kana kiikamahine, me ke kakali ana aku o kona ala mai. MOKUXA XXI. I kela haalele ana aku a Mrs. Kumana ia Cicilia ua hele loa aku la oia noloko o ka rumi o Mrs. Lalana, ka wahine ana o ke aloha ana ma ke ano o kona hoaloha oiaio ia, eia nae ua hoalaia mai ka hoowahawaha ame ka huhu iloko ona, no na hana lokoino a kela wahine o ka hana ana aku i kona kaikoeke, a i hakalia no a ku oia. imua o Mrs. Lalana, o kona hoomaka koke aku la no ia e kamailio 1 ka i ana aku: "Pehea la oe e Mrs. Lalana i aa ai e hoopoino aku \ kela wahine, ma ka lawe aihue ana mai i kana kaikamahine?" wahi a Mrs. Kuinana me ka hulili o kona mau maka me ka huhu. "He mea makehewa wale no kou hoala ana mai i kela ninau, oiai ua hana wale aku no au ma na ano apau a'u i manao ai, he mea ia e pono ai'kela kaikamahine, e kapa oleia mai ai au i ke kolohe; a ke ku nei au me na manao apono no ia mau hana a'u. "Ma ke ano eia ke koko o ka ohana Monogomore ke holo nei iloko ou, a pela hoi iloko o ktla kamaiki, aole loa o*u makemake e ike aku i ka hanaiia o kekahi ohana Monogomore e kekahi mea ilihune» a haahaa malalo aku oko makou kulana. He oi ae kona maemae a lako malalo o ka'u mau malama ana mamua o ka kekahi mea okoa aku. Ua ike ro oe e Mrs. Kumana, ua nele au i ke keiki, a pela au 1 makemake loa ai e lilo mai kela kaikamahine ia'u, a hoolu'e aku au i na mea nani he nui maluna ona, elike me ka nui o ko'u waiwai r e ike ole ai kela kaikamahine ia mea he nele a he ilihune. "O ka mea nae nana i hookahaha loa mai i kuu manao, o ia no ka loaa ana aku o ka ike ia Mrs. Monogomore, owau ka mea nana i lawe i kana kaikamahine, a ua hoopohihihi loaia mai no hoi au, i ka mea nana i hoike aku iaia, no ko'u wahi o hele ana mai, 1 jx)lolei ai kana hookolo ana mai mahope o*u. M Ke ku malie loa la o Mrs. Kumana me ka nalu ana iloko ona, i ka nui o na hana hoopunipuni, a ka wahine ana i kapa aku ai he hoaioha nona, eia ka o ka hilina'i ana o ka haawi ana aku maluna o Mrs. Lalana ma ke ano he wahine hoopono, ua like ia me ka omole, i ka hinuhinu mawaho, ua piha nae oloko me ka oi, e hiki ai ke oki i kekahi mea me he pahi oilua la. "O kekahi mea e hoao ana e kaili i kekahi o ka'u mau keiki mai kuu alo aku. oia kekahi o ka'u mau mea i piha loa me ka hoowahawaha, e hoihoi ole ai au iaia ke ike aku. O ke aloha o ka makuahine no kana keiki, o kekahi kela o na mea laahia loa maluna nei o ka honua, a o ka mea e hoao ana e hookaawale ae i ki makua mai kana keiki mai, o kekahi ia o na karaima koikoi loa, i like aku kona hewa me ka pepehikanaka, ke hoomaopopo mai la anei oe e Helena Lalana?" wahi a Mrs. Kumana, me ka leo kuoo. "I ku paha kau olelo e Mrs. Kumana i kou ike i ka nui o kou waiwai, aohe au mea e hopohopo ae ai 110 ka pono o kau mau keiki, ua hiki ia oe ke hoaahu aku ia lakou me na lole maikai, a ke hanai aku hoi i na meaai kupono, aka aole e hiki ia oe ke hoopili mai i ka mea a'u i hana ai, me keia au e hoohalikelike wale mai nei no! "Aole loa e hiki i kela wahine ke malama a ke hoonaauao ia Magarita elike me ka makemake maoli o kuu kaikunane, i oiai ua nele kela wahine, ia hona i kona hooikaika kino wahine. ma ka hana ana, pela iho la kona pono e noho nei, me ka hiki kupono ole no ke malama i kna kaikamahine me ka maikai, i kulike aku me na keiki a kekahi poe e ae," me ka ueue ana ae o ua wahine nei, me he mea 1* e hoikeike mau aku ana no oia imua o kona hoaloha, aole loa he mea nana e hoohoka mai i kona mau manao, eia nae ua hoopoina iho la ua wahine la i ke kumu o ko Cicilia noho nele, mamuli no ia o kana mau hana ku i ka hoohoka. "Ua kamailio mai o Kauka Motimea ia'u e pili ana I ka hooikaika kino wahine ana o ka wahine a kou kaikunane, a ua hookahahaia mai no hoi ko'u manao, no ka mea he nui ka waiwai o kou kaikunane, pehea la i haawi oleia aku ai kekahi hapa o kona mau waiwai i'o ka pono o kana wahine ame kana kaikamahine?" i pane pololei aku ai o Mrs. Kumana, e loaa pono ai ka piha lokoino o Mrs. Lalana, a ua wahine nei, e manao ole aku ana, ua loaa aku na ike ia Mrs. Kumana no kana mau hana lokoino apau i kona kaikoeke. "He kuleana i'o ko ke keiki a ko'u kaikunane i na waiwai o Hāwada, aia nae a hiki i na makahiki o kona oo ana, ia wa e holo aku ai na waiwai o kona makuakane maluna ona?" wahi a Mrs. Lalana, me ke ake ana e alo ma na ano apau e ili ole aku ai na ahewa ana maluna ona. "Alaila owai ka mea nana e malama nei i na waiwai o Hawada? Owai ke kahu o Magarita?" , "Eia ka malama ana o na waiwai o Hawada malalo o ka'u kane„ .iKa aole nae he mea i kohoia ma ke ano i kahu no kana Kaikamahine, ,ro k;i mea aole he mau hooiaio i loaa mai ia maua no ka make ana o Hawada, e hiki ai ke noiia imua o ka aha i kahu no kela kaikamahine." "Ke ole au e kuhihewa, aia he loaa makahiki nui mai na waiwai mai o Hawada, heaha ka mea i hanaia aku no kela mau loaa?" i ninau okoa aku ai o Mrs. Kumana 1 na mea i hanaia no na dala a Hawada. Ua paa maoli nd ko Mrs. Kumana manao e noii aku ma na mea. apau a hiki i ka maopopo ana iaia o kekahi mea e pili ana i na waiwai o ke kanaka nana kela wahine ame ke kaikamahine e noho la malalo o kona malu, no ka mea ua ike oia, i hooneleia aku kela mau mea i na poho o keia ola ana mamuli o na hana kolohe. a he kuleana kona e hana aku ai no ko laua pono, elike me ka hiki iaia ke hana. "Heaha auanei ka'u mea ike aku no kela mau dala. aka ma ko'u manao koho wale no, me he mea la ua hoahuia aku no paha maloko e ka hanako. e pii mau ai ka ukupanee i kela ame keia manawa/" wahi a Mrs. Lalana me ka imoimo ana iho o kona mau maka. (Aole i pau.)