Ka Nupepa Kuokoa, Volume XLIX, Number 6, 7 February 1913 — HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino. [ARTICLE]

HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino.

"Alaila eia laua ihea i kou manao e noho mai nei?'* i komo pu n.ai ai o Kauka Akoni, ma ka hoomaopopo ana i kahi o ka wahme a kona hoaloha e noho nei. "Ina eia laua ke ola mai nei, alaila aia no laua ma Nu loka T a me be mea la, aia paha me kuu kaikuahine kahi i noho ai, Ma kela manawa o ko laua huli hoi ana aku no Nu loka, aole wahi e ae a kuu wahine e hele ai, o kahi wale no o kuu kaikuahine, a oiai he kulana kupilikii loa ka i loaa aku iaia, aole no paha e nele ana ka hookipa ana o Mrs. Lalana iaia me ke aloha kaikoeke," wahi hou a Hawada, me ka ha'uha'u okoa ana iho e uwe, i kau a mea o ka hoomanao kana mau mea aloha. Ua manaoio maoli no o Hawada. o kela iho la ka mea a kona kaikuahine e hana aku ai no kana wahine, i ka manawa e ike mai ai ua hooneleia aku o Cicilia me na kokua apau nona e pono ai, a apo mai iaia me ka hookipa ana aku maloko o kona home, elike me kona aloha i kona kaikunane. "Me he mea la i ka hala ana o keia mau makahiki loihi me kou huli hoi ole aku, ua manao mai lakou apau, ua make au," i pane hou aku ai o Hawada. "Ua maopopo loa ia lakou apau, aole loa he kumu no'u e noho ai ma 4 ka aina malihini, oiai aia ka'u mau mea aloha apau ma Nu loka." "E hoike mai i kahi noho o kou kaikuahine, ame kona inoa pololei i hoouna koke aku ai au i kekahi lono kelekalapa iaia, e hoike aku ana da no oe ke ola nei, i hoomamaia ae ai ko lakou mau manao kaumalia," i kauoha koke mai ai o Kauka Akoni i kona hoaloha, me kona piha me ke pihoihoi. Ku koke ae la o Hawada iluna, a hele mai la no kahi o kekahi wahi pakaukau uuku e ku ana, a hoomaka iho la e kakau i kekhi mau olelo pokole, no ka hoouna ana aku ma ke kelekalapa ,elike 110 hoi me ia au e ka mea heluhelu o ka ike mua ana, ma na mokuna i hala mua aku nei, e paa ana iloko o ka lima o Mrs. Lalana, ma kela huli hoi ana aku mai Kapalakiko mai. Ma kela ahiahi ana iho, ua kakau okoa iho la o Hawaela he elua mau leka loihi, he hookahi na kona kaikuahine, a he hookahi na kana wahine, a ua hookomo likeia kela mau leka a elua iloko o ka *wa-hi hookahi, a kauia iho la ka inoa o Mrs. Lalana mawaho. Ua maopopo ia kaua e ka mea heluhelu, aole i hoea aku kela leka ia Mrs. Monogomore, a ua loihi hoi ka waiho ana mamua o ka loaa ana aku ia Mrs. Lalana maluna o ke pakaukau a kana kane, ma kela huli hoi ana aku no ka ike ana i ke kino kupapau o kana kane. He eha mau pule mahope mai, ua hooloheia iho la ka hihia o ka boki o ka hale pupule, a ma ka olelo pokole ana ae, ua ahewaia oia, a kauia ka hoopa'i maluna ona, i kulike ai me kana mau karaima lehulehu o ka hana ana. Ma kela hooloheia ana o kela hihia, i hoopauia ae ai na pohihihi no ka pili ole ana o Hawada i ka hewa aihue, elike me ia i kauia aku ai ka hoopa'i o ekolu makahiki, a hoihoi houia mai la kana eke dala o ka aihueia ana, i loaa aku ai maluna o ke kino o ka boki o ka hale pupule. O kahi nae o ka laki, ua loaa aku la no kekahi mau pepa waiwai nui a Hawada maloko o kela eke, i hoohana oleia, a pela hoi me kana mau bila kikoo dala. Ua maka'u kela kanaka i ka hele ana aku e kikoo i kela mau bila, o loaa pono mai auanei oia, a o kona 1010 no hoi, aole oia i haehae i ua mau pepa waiwai la, nolaila ua akaka loa kona hewa ma na ano apau, aka nae ma ko Hawada aoao, ua pomaikai loa oia, ma ka hiki ana iaia ke kikoo aku i na huina dala ana e makemake ai maloko o na hale banako o kela wahi. He mau hora ka noho ana o ka aha e hoolohe i ka hihia o ka paahao, a mahope iho o ka laweia ana mai o na oleloike e ku-e ana iaia ? ua 'kauia mai la kekahi hoopa'i kanono loa, e noho oia maloko o ka halepaahao a pau na la o kona ola ana, a hookuu loaia mai la hoi o īflawada e hele lanakila, elike me na kanaka hewa ole. Iloko nae o kela mau pūle eha, aole he wahi pane iki i loaa aku ia Hawada no kana kelekalapa, a pela hoi me kana mau leka elua o ke kakau ana mai i kona kaikuahine, a i kana wahine mare hoi, a ua lilo ia i mea maikai ole loa i kona noonoo, a o ia kana o ka i ana aku imua o Kauka Akoni: "Ua loihi maoli keia manawa e loaa aku ai ka'u leka i kuu kaikuahine, o ka mea apiki nae, aohe wahi mea a paneia mai, heaha la ka pilikia i kau aku maluna o ko'u ohana? Ua haalele anei lakou ia Nu loka, me ka hele ana no kekahi wahi okoa e noho ai; a i ole, ua pau paha lakou i ka make?" "Mai noonoo oe i kekahi mea o kena ano e kuu hoaloha, e hoolana i ka manao, a me he mea la e halawai pu aku ana no oe me kou ohana ia oe e huli hoi aku ai no kou home," i hoolana mai ai o Kauka Akoni i ko Hawada manao. "Pehea auanei e hiki ai ia'u ke hoomanawanui, o ka loihi mai auanei keia a'u e kakali ai no kekahi pane, a he mea mau ia kakou, i ka wa e hoea ole niai ai he leka, a hekelekalapa paha, e manao ana kakou, ua ili aku he mau haawina pilikia maluna o ko kakou ohana. He keu aku nae keia o iea mea hookaumaha i ko'u noonoo, he keu no la ua hala aku la na la o ka auwe, e hookaumaha houia mai ana anei au ma keia mua aku?*' "Ina aole e hiki ia oe e Hawada ka hoomanawanui, alaila ke hopohopo loa nei au, no kou loohia i kekahi ma i, o ka u wale no ia oe, e akahele, a e kau koke maluna o kekahi moku, e haalele mai ana 110 Nu loka, i ka aina aku e hoopauia ai na manao kanalua apau. "He oiaio no hoi paha kena mau olelo au e kamailio mai nei, aka nae e hoomanao iho oe, iloko o keia mau makahiki loihi ekolu, aole loa au i maopopo iki i kekahi mea e pili ana i kuu wahine ame ke keiki a maua» a iloko o ka lehulehu o ka*u mau leka i hoouna aku nei, aohe wahi mea a loaa iki mai o ka pane, me he mea la, o ka u koho wale no iloko o keia wa, ua make paha oia, a i ole, ua hala aku no kekahi aina kaawale Ioa." 4 *tJa ike au, he puupuu ikaika loa keia i ili aku maluna ou, a he mea haohao no hoi ka loaa ole ana mai o kekahi pane no kau maii leka, a malia paha ua loli kahi noho o kou kaikuahine, pela i loaa pono o!e aku ai kau leka iaia, e loaa koke mai ai ka pane." "Malia paha o kenk maoli ka mea pololei, a ina no hoi paha i hoala kahikoia mai e oe kena manao, ina no ua kakau aku au i kuu loio, e huli aku i kahi e loaa ai o kuu wahine ame ke keiki, ua lohi loa keia manawa» no ka mea, o ka !a apopo ka manawa a ka mokuahi e haalele mai ai, a o ko*u huli hoi no ia no Nu loka." He oiaio» ma kekahi la ae, ua kau aku la ua o Hawada Monogomore maluna o ka mokuahi, a iloko o ha pule eono, mai kona hookuuia ana mailoko mai o ka hale pupule, ua hehi hou aku la kona mau wawae i ka lepo o kona aina hanau. O Hawada me Kauka Akoni ka i kau Kke aku maluna o kela mokuahi hookahi, a i hakalia no a pili ka mokuahi i ka uwapo, a hookuuia hoi ke alapii o na ohua ilalo, o ka manawa no ia a Hawada i iho mai ai, a oia no hoi ka mua loa i kau iluna o ka uwapo, me ka haawi ole aku \ ke aioha ia Kauka Akoni mamua o ko !aua hookaawale ana,

a ma ke kaapio mua ioa o ka loaa aoa aku iaia i kau aku ai oia, a kauoha aku la e holo poiolei 00 kahi o kona kaikuahine nia ke Alanui Elima. Ia ku ana no o ke kaa mawaho o ka puka pa, o kona lele aku la no ia, a holo koke aku la noluna o ka lanai o ka hale, a eia ka aoie i hele kona kaikuahine mai kela wahi aku, no ka mea e kau mai ana no ka inoa o Konela Lalana maiuea o ka puka T o kena hookani aku la no ia i ka bele, a i ka eili ana mai o kekahi kauwa, o kona ninau koke aku la no ia: 'Eia no anei o Mrs. Laiana iloko i keia manawa?* f "Ae, eia no oia iloko nei o ka hale, he makemake anei kou e ike iaia?" wahi a ka pane ma ka aoao o ke kauwa, me kooa koho waie ana iho no, malia paha he ohana keia no Mrs. Lalana, i ka hele a piha me ke pihoihoi. "A pehea, o Mrs. Monogomore anei kekahi e noho nei maanei?'' i ninau hou aku ai o Hawada, no ke ake e lohe i na mea e pili ana i kana wahine. Ua kunana mai la ke kauwa no kela inoa hope, aole oia i ike i kekahi wahine ma kela inoa, a o ia kana o ka pane ana mai: "Ke manao nei au, aole kela wahine ma keia hale, aole au i lohe i kekahi mea ma kela inoa." "E hele koke aku oe e hoike ia Mrs. Lalana, ua hoea mai nei kona kaikunane, a ua makemake loa e ike koke iaia," alaila me ke kakali hou ole iho, o kona komo aku la no ia iloko, me ke pale ana ae i ke kauwa ma kekahi aoao, a oioko o ke keena hookipa ka pahu hopu, me kona moeuhane mua ole nae, he home keia no ke kanikau e noho aku nei. a ata hoi kona kaikuahine ke noho mai la ma ka liale maiuna, me ka hoohalaia ana o ka po mamua aku iloko o na hooiala ana no ka hoopoino ana aku i kana wahine aloha, e wawaniia a; ka puuwai o ua kanaka opio la. MOKUN'A XXVII. Ma kela manawa o ka loaa ana aku o ka lohe ia Mrs. Lalana ua hoea aku kona kaikunane, a ke kakali mai la iaia maloko o ke keena hookipa, aole ia he mea e akakuu mai ai na manao pihoihoi o ua wahine nei, a o ia kana o ka hooho ana ae, mahope iho o ka hala ana mai o ke kauwa: "Ua huli hoi mai nei anei kuu kaikunane?' wahi ana me ka puili okoa ana ae i kona lima mamua o kona umauma, alaila moe aku la iluna o ka uluna no kekahi mau minuke, me ka noonoo ana i kana mea e hana aku ai, a iaia o ka aea hou ana mai iluna, ua kahea aku ia oia i kana kaikamahine lawelawe, a kauoha aku la: "E hele aku oe a hoike aku i kuu kaikunane, e hoea koke aku ana au no ka hui pu ana me ia, aia hoi au a makaukau pono ae!" Aole no e kala kahiko i makaukau ai o Mrs. Lalana, o ka piha nae i ka maka'u no kana mau hana kolohe i ka wahine a kona kaikunane, pela oia i hoolalau wale ai no nia ke ano e hoomalielie ana i kona mau manao uluku, a i kela hala ana mai o kana kauwa, o kona noke iho la ia i ka holoholo, me ka ninau okoa ana iho iloko ona: u Pehea la au e hana aku ai i kuu kaikunane? O Hawada hookahi wale no ka'u mea nui, aole o'u hoihoi iki no kana wahine, a me he mea la no ka bebe, ua make aku nei paha oia, a me he mea la o ka'u hana o ia no ka hoao ana e hoolalau ia Hawada, i wahi e loaa ole ai o Cicilia iaia, a ke holopono ka hoi ia manao o u, he keu aku a ka mea hoohauoli mai i kuu noonoo." I ka holopono ana o na mea apau a ua wahine lokoino nei o ka hoolala ana, o kona iho mai la no ia no ka hui ana aku me kona kaikunane. I kela hamama ana ae no o ka puka, a halawai aku ka ike a kona mau maka me ka helehelena hohoma o Hawada, o kona lele koke aku la no ia e apo ma ka a-i me ka noke ana i ka uwe helu, no ka nalowale loihi ana o kona kaikunane. Ua loaa ka hoomaopopo ia Mrs. Lalana, aia ka nauki ame ke kuaki iloko o kona kaikunane e noho mai la no kana wahine ame ka laua kaikamahine, aole nae o ia nei nana aku, ke noke la no oia i ka uwe haalo'ulo'u, me ka hoopuka ana i na inoa o Hawada i punahele iaia, e helu ana hoi i na wahi a laua o ka noho pu ana. Ua hala he mau minuke loihi o ka hookahe ana o ua waliine nei i kona mau waimaka, akahi no a nana pono mai oia maluna o kona kaikunane, a i mai la me ka mau no o ka hiolo o na waimaka o ka hookamani ma kona mau papalina: "Ua noke au i ka huli ia oe e kunane, ua hoolimalima i kekahi poe me ka hele ana ma kela ame keia wahi e huli ai, aole nae he wahi mea a loaa mai o na lono e hoohauoliia ai ka manao, a iloko o keia mau makahiki loihi, e kanikau mau ana au nou; a o ka mea oi loa aku o ke kaumaha, aole oe e ike hou ana i ko kaikoeke, o kona make koke ana no ia he elua ae nei mau la i hala, i haule oia mailuna mai o ke kaa, a loaa iaia kekahi ma'i, o kona ma'i no ia a haalele okoa mai ia'u," alaila hoomaka hou aku la ua o Mrs. Lalana e kuwo, me ke emi pu wale ana iho la no o ko Hawada manao e ninau koke aku no kahi o kanai wahine i noho ai. "I Kaleponi au no kekahi mau pule, no ka ike ana i kuu hoaloha ia Pane Kumana, a kelekalapa okoaia ae ana au e huli hoi mai, a o ke kino kupapau o Mr. Lalana ka i loaa mai ia'u, a eia au iloko o ke kaumaha iloko o keia mau la e noho nei, a hoea wale mai la oe e kunane." "Alaila aole ka paha i loaa ia oe ka'u mau leka o ke kakau ana mai ?" i hoomaka mai ai o Hawada e kamailio no ka manawa mua loa. "I nehinei koke aku la no ka ioaa ana ia'u. Ua hala no hoi o Lalana ma kana hana no Wakinekona. a pela no hoi au i Kapalakiko, nolaila ua waiho loihi kau mau ieka ma ka hale nei, a hiki i kuu hele okoa ana aku e huli iloko o ke pakaukau o Lalana, akahi no a loaa ia'u," a ma keia wahi aku, ua noke hou aku la ua wahine nei i ka uwe, me kona makemake ole e haawi mai i kona kaikunane he manawa e noke aku ai i ka niele iaia e pili ana no Cicilia ame Magarita. Pau honua wale ae la no ko Hawada manao ninau aku no kana mau mea aloha, i ka noke loa o kona kaikuahine i ka uwe, he hookahi ana hana, o ka hoomalielie iaia. Akahi no hoi a maopopo i ua o Hawada, aole i loaa kana leka ia Cicilia, a me he mea la ina aole oia i make, aia oia ke nolio la iloko e» ke kanikau nona, a ke kakali la oia, a hiki i ke akakun ana mai o ka Mrs. Laiana uwe ana, ua ninau aku la Qigi i ka pane ana aku: "Eia o Cicilia ihea e Helena?" Me he mea la o kela ninau a Hawada o ka waiho ana aku imua o Mrs. Lalana, ua oi loa aku kona koikoi mamua o na kaumaha ;nae uwe la ma ke ano hookamani, a o keia no hoi ka manawa mua ioa o kona ikeia ana e uwe ana elike ae !a me kela. "Heaha mai auanei kau e kuu kaikunane, he manawa keia i hoakoakoaia mai ai ko kaua mau pilikia a kahi hookahi," wahi ana o ka pane ana ae, me ka hoomau ana no nae i kana uwe haalo'ulo u ana. Ua hookahaha kokeia aku ko Hawada manao i ka lohe ana i kela pane, alaila noho pololei mai la oia iluna, me ke pale ana aku i kona kaikuahine a kaawale mai iaia aku, aia hoi ka haikea ke halii la maluna o kona helehelena, a o ia kana o ka ninau ana aku: M E hoike koke mai i ke ano o kela mau olelo au ia'u," wahi ana me kona hoomaopopo ana aku nae i ka hele o kona kaikuahine a piha me ka haalulu, he mea nana i ike ole ai ia Mrs. Lalana pela ke ano. Ke palulu la no o Mrs. Lalana i kona mau lima ma kona mau maka, me ka pane ole mai, alaila lalau okoa aku la o Hawada i ke ku'e--Icu*e lima, a huki mai la iwaho, i hiki ai iaia ke nana aku ma na maka o kona kaikuahine, a o ia kana o ka hookikina ana aku i kana kamailio ana: "Auhea oe e Helena, aole anei he wahi aloha iloko ou no'a i pane ole mai ai oe i ka'u ninau ? E hoike mai ia'u i keia manawa, heaha ka hopena i kau aku maluna o kuu wahine ame ke keiki a maua?" "E hiki ana anei ia oe e Hawada ke hoomanawanui i na mea a'u e kamailio aku ana ia oe?" wahi a Mrs. Lalana, me ka hōloi ana ae \ na kulu waimaka mai kona mau lihilihi ae, no ka mea ua paa loa

kona minao, e hana mai i kekahi hana kok>he o ka epa haahaa loa, i wahi e aia mai ai ka hoowahawaha iioko o Hawada no Ciciiia. "Aoie ioa e hiki ia'u ke kakali no kekahi maniwa okoa aku, aka ke kauoha aku nei au ia oe, e hoike mai, eia kuu wahtue :hca kahi i noho ai?** Hopu hoa mai la o Mrs. Lalana i ka a-i o kona kaikunane, me ka pee ana mai o kona poo īioko o ko Hawada poi;, no koua maka u o |ke aku o Hawada ma kona helehekna 1 ka epa ana o ka hoolala mua ana, a o ia ka ua wahine la o km i ana mai; **Heaha auanei, ua hooneleia oe e Hawada i ka wahme, a ua lU«> dku i ka mea okoa," me keia mau no o ka haaio'uio'u o ua wahtne neu Kula'i okoa aku la o Havvada i kona kaikuahine mai īaia aku, me ke kuwo okoa ana ae: "E olelo mai ana anei oe ta'u, ua hio aku o Cicilia i wahine na ka mea okoa?" me ka aneane ioa ana iho ouio Hawada e maule. Ike koke mai la o Mrs. Lalana i ka hele o na maka o kona kaiko* nane a kunahihi, a peia hoi me ke ano puua o kona ieo, a mthi ioa iho la oia i kona pupuahulu ana i ke kamaiiio ana mat 1 ka hlo ana o Oieilia he wahine na ke kane okoa. Akahi o Hav>ada a ike iioko o keia wa, i ka makehewa waie no o kona oia hou ana aku, iioko ka hoi o kona manao nui e halawai ana ia oia me kana wahine, a pela hoi me ka iaua keiki. eia ka e halawai aku ana oia me keia mau oielo ku i ka hoehaeha mai kona kaikuahine aku. Laiau hou mai la o Mrs. Lalana i kona kaikunane, aohe nae wahi mea a maiiu aku o Hawada, ua neenee ioa mai la oia a kaawale, a o ia ka ua o Mrs. Laiana o ka pane hou ana mai: "Xo ko Lieiiia manao paha ua make oia, i kou naiowaie ioihi loa r nolaila, ua hoopau oia i ka noonoo hou ana nou, a hoi aku e noho pu me kekahi kanaka o Kauka Moūmea kona moa, a:a laua i Kaleponi i keia manawa. Aka nae e lilo ana kela mareia ana o laua i mea ole, oiai aoie oe i make, a ua huii hoi mai la no hoi oe i ka *ina nei. He kanaka kela oka hoi like ana mai me Cicilia mai kana huakai makaikai mai, a nana i uku aku i na hooiilo apau o kela hoi ana mai, a ma ko'u lohe, he keu aku ka kela o ke kanaka a ka oluolu maoli!" Ke kulou ia ko Ha\vada poo ilaio, me ka palulu ana i kona mao lima ma na maka r me he mea la o kekahi keia o na minuie a kona naau i ike maoli ai ia mea he ehaeha, me ka noh«> mai no o Mrs. Lalana, a nana i ke kulana o kona kaikunane, he mea ia la a ioaa aku ka ahewa ana ma kona aoao no kana mea i hana mai ai. he hookahi mea ana e hauoli loa la, ina e manaoio o Hawaiia i keia mau oleio hoopunipuni ana, a hookomo aku i kana hoopii oki mare iloko 0 ka aha hookolokolo, alaila o ke kaa ana ia o ka lanakiīa o kana paio me kona kaikoeke ma kona aoao. "Pehea ka loihi o ka manawa o ko Cici!ia noho pu ana nie kela kanaka?"' i hookanaaho wale mai ai no ka Hawada pane ana. "O ka elima keia o ko Cicilia pule o ka noho ana ma Kapaiakiko, a koe aku ko'u maopopo ana i ka loihi o kona manawa e launa mau ana me ke kanaka ana o ka hoi ana aku e noho pu." "Olelo mai nei hoi oe e Helena, i ko Cicilia noho pu ana me kela kanaka, ke hoike hou mai nei nae oe, i ka maopopo ole o ka ioihi o ko laua manawa e launa pu ai, heaha iho la ka hoi ke kumu o ka maopopo o!e ana ia oe?" "No ka mea, aole no ona wahi mea a hoike iki mai ia u i kana mau mea apau e hana ai, o ke kumu ia o ko'u noho pouliuli," wahi a Mrs. Lalana me ka hele nae o kona heleHelena a pii ka ula. "A pehea, aole anei i lilo ko Cicilia hoi hookahi ana mai i mea nou e apo aku ai iaia a hookipa mai ma kou home nei ?" "Ua koi aku no hoi au iaia e hoi mai e noho pu me a'u, a haawi okoa aku no hoi au i kekahi huina dala no ke kokua ana iaia, aole nae ona wahi mea a maliu mai, ke mau la no kona huhu ia'u. no ko'u ku-e ana aku i kona mare ana mai ia oe. Ua noke pu aku i>o au 1 ke koi iaia e haawi mai i ka bebe na'u e hanai, he ole no ka maliuia mai." "A pehea kuu kaikamahine, he ola kino maikai anei kona au o ka ike ana aku?" "Heaha mai auanei kau e Hawada, aohe au keiki, ua hala aku oia ma kela ao. lehia la hoi kau o ke kaumaha, maluna o ke kanaka opio, he keu no hoi o ka lilo ana aku o kana wahine na kekahi kanaka okoa loa» §like me keia a Mrs. Lalana e noke aku nei i ka hoopunipuni iaia, e hoomamaia mai ana la hoi kona kaumaha, ma o kana keiki la. eia ka o ka oi loa aku keia o ke kaumaha, a newa mai la ua o Hawada ihope, o ia no oe o kekahi puupuu i ku'iia mai nia kona umauma, aia hoi o Mrs. Lalana ke nana mai la, me ka hele a piha me ka maka'u, no kana hana kolohe maluna o kona kaikunane. He mea maikai ole i kekahi ke noho aku a lilo i hoike no na ehaeha i kau aku maluna o Hawada, eia nae he mea ole wale no kela i ua wahine nei, no ka mea o keia kana papa hoonohonoho o ka hoolala mua ana, me ka hoao ana e pahele i ko Hawada noonoo a punihei loa iaui. Aole i maopopo i ua o Mrs. Lalana, ua make maoli o Magarita, o kona koho wale no nae, elike me kana o ka hoomaopopo ana aku I na hiona maloko o ka hale e waiho ana ke kino ma'i o Magarita no ke kokoke loa ana mai o kona hopena, a ua manaoio loa no oia, ua make kela kaikamahine, a pela oia i hoike mai ai imua o kona kaikunane. Ua piha maoli ke kiaha o ko Hawada luuluu i kela manawa. eia ka o keia huli hoi ana mai ona, mahope iho o kona hookuu laelaeia ana mai, me ka manaolana e komo koke aku ana oia iloko o ka hauoli, 0 ka oi loa aku ka keia o ke kaumaha, a me ka hoomanawanui wale no oia i hiki ai ke pane hou aku imua o kona kaikuahine: "Ke makemake nei au e lohe i ko Cicilia ano iaia o ka hoea ana mai ma Nu loka nei, e kamailio mai ma ke ano nui, aole i kau mau mea i lohe wale ai, aka i kau ike maoli. Aole e hiki ia'u ke kamailio» aole no hoi he hiki ke noonoo, ua hele au a piha me ke kaumaha e noho nei!" O keia iho la ka manawa maikai a ua o Mrs. Lalana e kuu ma» ai 1 kana mau hana hoopunipuni, e ahewa loaia ai o Cicilia. alaila hoike mai la oia i kona holo ana mai no ka uwapo, i ka wa i ku aku ai o ka mokuahi, a koi aku la i kona kaikoeke e hoi pu me ia no ka hale, pela hoi ka haawi ana aku i na kokua ana ma na ano apau e hiki ana iaia, aole nae he wahi mea a maliuia aku e Cicilia, e ku mau ana ka ihu o kona kaikoeke iiuna. me ka nana ole mai i na hana maikai e waihoia aku ana no kona j>ono. "O kena mau mea apau au e Mrs. Lalana e kamailio mai nei ia'u, | ua kaokoa loa ae ia mai ke ano maoli mai a'u i kamaaina ai no kuu Wahine, a ua hookahaha puia mai no hoi ko'u noonoo, no keia mau mea apaa a*o e lohe nei." "E hoomanao hoi paha oe e Hawada, ua piha loa oia i ka huhu ! no'u, no ka hoea ana aku ma ko olua la i mare ai, a no ko'u ku-e ana no hoi kekahi no kona liio ana mai i wahine nau. la'u i lohe ai i ; kona mau pilikia, ua waiho okoa aku la au i kekahi huina dala imua lona, ua kiolaia mai la nae eia, me ka haikaika okoa ana mai ia'u." | "Aole anei oe i ike he nui ka'u mau dala e waiho nei malalo oka i malu o kuu loio, e hiki ai iaia ke o!a me ka maikai me kou kokua o!e aku iaia i ke dala elike me ia au e olelo mai nei ia'u e Helena?" "He mea oiaio eo hoi paha ia, ina aole i make kou loio, ua make | e aku oia mamua o ka huii hoi ana mai o Cicilia ma, a oiai he kulana I pohihihi loa ko kela waiwai ou e waiho ana, aohe mea maopopo ia'u ke hana aku, a pela i nele ai ka loaa ana aku o kekahi huina da!a ia Cicilia. M "Alaila ke pau nei anei na inea apau i ka make? O kuu loio anei kekahi i haalele mai i keia ola ana?" (Aole i pau.)