Ka Nupepa Kuokoa, Volume L, Number 8, 21 February 1913 — HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino. [ARTICLE]

HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino.

i "O ka manao o kuu kaikuahine i hookikina mai ai ia'u t c hooko-| mo aku i ka'u hoopii oki mare, i wahi no'u e kaawale mai ai maij ka'u wahine mai, aole loa au e pelukua ana, i ka hoohiki a'u i alana | aku ai imua o ke Akua, e ku ana au maluna o kela hoohiki, a okaj make wale no ka mea nana e mawehe ae, me ko'u nana ole i na mea a kuu wahine i hana ai. "Ina paha eia kuu kaikamahine ke ola nei, ina ua noonoo au i kekahi mea pono e hana aku ai, oiai he mea nui kela kaikamahine i kona makuahine, aole paha oia e ae mai ana e hoi mai kuu kaikamahine me a'u e noho ai, aka nae ua hala aku oia ma kela ao, nolaila ua hiki no au me keia nei e noho ai, a hiki i ko'u hopena. "Ua ike no anei oe e Kauka Akoni i kekahi mea i like aku ka nui c kona mau ehaeha me ko'u nei?" wahi a ua o Hawada, iaia o ka hooki ana iho i ka hoakaka ana mai i kona mau manao apau. . "Aole au i ike i kekahi mea i like ka nui o kona mau ehaeha me kou, a o ke kumu no hoi ia o ke ala ana mai o na manao aloha iloko o*u nou, pela au e hele mau mai nei e ike ia oe i kela ame keia manawa." "Alaila heaha la ka'u mea e hana aku ai e kuu hoaloha. E a o mai i kekahi mea na'u e hana ai, a ihea au e hele aku ai no ke kanu ana i ko'u mau ehaeha." "Auhea oe e Hawada, he kanaka au i kamaaina i ka poe iloko o na pilikia like ole i pili i keia kino, āole nae au i ike i kekahi pilikia nui elike me kou t a ma ka'u oihana. ke hoole aku nei au, ua neie au i na kokua no kou pono, o ke Akua hookahi wale no ma ka lani, ka i lako i ka laau e hooluolu mai ai ia oe/' wahi a Kauka Akoni, me ke kaumaha o kona mau maka. "Ke hopohopo loa nei au e kuu hoaloha, aole he noonoo Akua iki iloko o'u, ua palaka maoli ko'u noonoo ana ae, aia he Akua i ka lani, 0 ko'u mau pilikia wale no ka'u e noonoo mau nei i na wa apau. "E hoomanao e kuu hoaloha i ka mea a ko kakou Akua i olelo mai ai: 'I kou wa maluna o ka wai, Owau pu no me oe, a ma na muliwai, aole e kahe mai ka wai ia oe; a ia oe e hele ai iloko o ke ahi, aole oe e pau i ka a ia." Me ka malie loa kela mau olelo i hoopukaia mai e Kauka Akonu a ua hoopaia aku ka uhane o Hawada me kona kulou malie ana ilalo, e noonoo ai no ka oiaio o ko ke Akua aloha i na mea apau. Ua hoopoina i'o o Hawada no ke Akua, o kona mau pilikia \vale no kana mau mea noonoo, a ma ia ano iho la, ua ala ku-e aku oia 1 kona Makua ma ka lani, malia paha o na lima kela o ke Akua e haha mai la iaia, i oili mai ai ke gula maemae mailoko mai ona, a iaia nae e kulou la, ke ike mai la kona hoaloha i ka loaa pono ana aku o kela mau olelo ana ia Hawada. o kona haalele mai la no ia, e waiho ana 1 kona hoaloha, iloko o ka lima o ke Akua ka mea i makaukau loa me ka laau hoola, i na popilikia apau i ili mai maluna o ka poe iloko o na hoopoinoia ma ke kino a ma ka noonoo. MOKUNA XXIX. Ma ia hope mai, e pa-e mau ana na olelo a Kauka Akoni ma kona mau pepeiao: "E hele i Kapalakiko e ike ai nou iho," a e lilo ana nae ia i mea hoonaukiuki nona. E hoolalau ana oia, ma ka heluhelu ana i na buke moolelo, ma ka hele ana no hoi i ka liolo kaa, ke mau la no ke o ana o na olelo a Kauka Akoni iaia no ka hele ana i Kapalakiko, a no ka nui loa o kona huhu me ka hoonaukiuki pu, malia paha he pono i o keia houpuupu mauia mai nei iloko ona, ua pane okoa ae la oia i kekahi la. "Akahi ka hoi ka poina ole o n,i olelo a kuu hoaloha ia'u no ka hele i Kapalakiko, e hele i'o aku ana au, malia o 'ka mea ia e ikeia ai ka oiaio o na mea apau, a ia hoopa ana mai a kona kaikuahine no ko laua holo no Saratoga, o kona ae koke aku la no ia, me kona manao, pela iho la e hoopoinaia ai kela mau olelo e lana mau mai ana iaia no ka holo i Kapalakiko. - Ua holo i'o aku la ua'o Hawada me kona kaikuahine no kela wahi, a iloko o ka nui o na hana hauoli malaila, me ka nui pu no hoi o na maka malihini, aole no he wahi mea a nalohia aku o kela houpuupu mauia mai ona no ka holo i Kapalakiko. a ke hooi loaia mai la kona mau manao kaumaha, a hiki i ka lele maoli ana o ka oili o kona kai'kuahine, malia paha e poino aku ana kona kaikunane, aole nae he ike iho, oia maoli no ke kumu o kela haawina a Hawada e hoomanawanui la. He ekolu mau la a Hawada ma o ka noho ana ma kela wani, me ka hoihoi ole loa, ua hele okoa aku la oia a loaa o Mrs. Lalana, alaila I akw la» «'Auhea oe e Helena, i hele mai la au e hoike aku ia oe, e huli hoi ana au no Nu loka, ua pau ae la no ko'u hoihoi no ka hoohala ana ma keia wahi." t "Heaha ih o la hoi keia 'kumu uhu koke ou e Hawada e hoi, aole ka hoi i loihi ka noho ana iho ma keia wahi, o kou koi koke mai nei do ka hoi ia i ka hoi," wahi a Mrs. Lalana me ka piha i ka huhu. "Ina e loihi aku ana ko'u noho ana maanei nei, aole e hala he manawa loihi mai keia manawa aku, o ko'u make no ulu mai nei ko'u manao e aho ko'u hoi koke ana no Nu loka, a lawelawe aku ma kekahi mau hana, pela paha e hiki ai e hoopoinaia ko u mau kaumaha apau. n ... "O kou manao ana e komo aku ma 'kekahi oihana. iloko o keia manawa o ka makahiki. a pela hoi ko ike iho no. aole i loaa ka ikaika maikai ia oe e lawelawe ai i kekahi hana, ua aneane loa au e kapa aku ia oe, ua ku a hehene maoli kou noonoo e kuu kaikunane. Ke ike la o Mrs. Lalana, me he mea la ua hoi aku la o Cicilia no Nu loka no ka hooponopono ana i kana oihana, o ka waiho ana aku malalo o ka malaina ana a Maka, a ina no ko Hawada huli hoi aku. aole ana e nele ko laua halawai pu, a hoikeia mai kana mau hana hoopunipuni ino loa, i kona kaikunane. "He mea ano ole wale no kou kauka'i ana mai a loaa ka manawa maikai o ka makahiki, no ka lawelawe oihana ana, a i ole, a ikaika ae paha ko'u kino, ua paa loa kuu manao, e pono e loaa he hana na u. o lilo auanei au i kanaka pupule. Aole au e hoolohe aku ana i kau au'a ia'u, a hoolalauu i ka'u huakai huli hoi 110 ka home, a e haalele iho ana au ma Ke kaaahi o keia ahiahi no Nu loka." "Alaila e haalele hookahi mai ana anei oe e Hawada ia*u, me ka loaa ole o kekahi mea nana e makaala mai i ko u pono, a e hele pu ai no hoi me a r u iwaena o na malihini o keia aina?" wahi a Mrs. Lalana me hele a ano e loa kona helehelena. "He iiu» wale kou mau manawa o ka hele hookahi ana mai no keia wahi, heaha iho la auanei kou pilikia, ina au e haalele iho ana ia oe? 0 kekahi no hoi, aole i kupono kou komo koke ana aku i keia manawa iloko o ka pohai o na hoohauoli ana, he mau mahina wale ae *ei no ka make ana aku o kau kane." Pipika wale iho la no ua o Mrs. Lalana, me ka loaa pono i kela mau olelo a kona kaikunane. a no ka hiki hou ole iaia ke hoololi aku 1 ko Hawada manao paa. ua hoomaoe aku 1a oia ma ka ninau ana aku: "A huli hoi aku auanei oe no Nu loka, ihea oe e noho aku ai ?" 4C Ua hiki loa ia ? u ke hooponopono aku i ko'u noho ana. £ hoolima-

lima aku ana au i man rurni no'u ina kahi kokoke i ko'u keena hana, ; me ko'a hele mau iloko o na haleaina e ai ai i leela ame keia la, nolaiia aole au hopohopo ana no*u, na'u no e makaala i ko'u pono, rae ka hoopilikia liou oie akii ia oe, a nau oo hoi e makaala nou iho. "Ina hoi ha peia, o kaua like no ke hoi aku, i makaala mau aku ai ne au ia oe, he hana maikai ole paha na'u ka hookuu hookahi ana aku ia oe e hoi, a e nanamaka aku ike ano o kou noho ana!' wahi a Mrs. Lalana, me kona minamina nae, no ka haaiele koke iho i kahi ana i manao ai, īlaīla oīa e paa ai i kona kaikunane a hiki i ka hoopoina loa ana no Oieilia. j "Aole loa o f u makemake iki, e hookokoke mai kekahi poe au i ] kamaaina ai me a'u iloko o keia \s*a, e hoao ana au e hoopoina i na I mea apau o ka wa i hala, a e kikoo aku i na mea o ka wa e hoea mai ! ana, p«la iho la au i ake ai e hookuu loaia mai au mai ia oe mai, a ' mai keia ano o ka noho ana me kuu manao ma ko'u paa loa i ka hana I e hiki ai ke hoopoinaia keia ano noonoo e ala mau nei ia u. E noho I no oe ma keia wahi, a e hauoli aku elike me ka loihi e loaa ana ia oe, \ a mai poina no hoi i ke kakau ana ae i leka ia'u. "Ina i makaukau oe no ka huli hoi ana ae, alaila ua hik iia'u ke hoomakaukau mai i ka hale nou, i hiki ae hoi paha ia, aole hoi e nui loa kau hana!" Ike iho la ua o Mrs. Lalana, he mea makehewa wale no kona hoouluhua hou ana aku i kona kaikunane, a pela hoi me kona huii hoi pu aku me ia no Nu loka, oiai aole no oia e noho pu ana me Hawada i ka hale hookahi, ua hookuu aku 2a no oia ia Hawada e hoi, me kona hoomau ana aku no i ka noho ana ma kela wahi. Ma kela po ana iho i kau aku ai ua o Hawada maluna o ke kaaahi a huli hoi aku la no ke kulanakauhale o Nu loka. Hoolimalima aku la oia i keena hana nona maloko o kekahi wahi piha nui ia e na kanaka lawelawe oihana, me kona manao mamuli o kona lilo loa ma kana mau hana, e hiki ai iaia ke hoopoina no kana wahine, eia nae ua kuhihewa kona manao ana pela. L'a hooi loaia mai ia ka hoopilikiaia o kona noonoo, no ka mea i kona huli pono ana aku i na waiwai o Konela Lalana, ua hele a huikau aku a huikau mai, me ka nui o na moraki ame na aie i hanaia, i ka wa e ola ana ua kaikoeke nei ona, a i ka hooponopono ana aku hoi i na waiwai o kona kaikuahine, ua like pu no ka pohihihi, e koe uuku ai ka laua mau dala, ina no ka hookaaia aku o na aie apau loa. laia nae e hoolilo ana i kona manawa ma ka hooponopono ana i na waiwai o Konela Lalana, a pela hoi me ko kona kaikuahine, ke pa-e mau la no kela mau olelo a kona hoaloha iaia, 4< E hele oe no Kapalakiko no ka ike ana nou iho." "E hele i'o paha au no Kaleponi, akahi ka hoi ka pa-e mau mai o kela mau olelo a Kauka Akoni ma ko'u pepeiao. Aole e ike ana kuu wahine, ua hoea au nia Kapalakiko, o ko'u ike wale aku no ka hoi la, ua pololei elike me ka Helena o ke kamailio ana mai, o ka pau ae la no īa o ko'u noonoo hou ana nona, a ina ua pono no kona noho ana me kela kane hou. aohe a'u mau hoopilikia wale ana aku, aole no hoi a'u mau ahewa ana iaia, uā loihi maoli no ko'u mau makahiki o ke kaawale ana mai iaia mai, e manao loaia ai no ua make au, a o ke kumu no paha ia o kona manao hou ana e huli i makua nona, i pono ai keia noho ana." Me kela mau hoolala ana iloko o Hawada, ua hoomakaukau iho la oia no kana huakai i Kapalakiko. Aole oia i kamailio wale aku i kela ame keia i kona wahi e hele ana, nolaila ma kekahi ahiahi, o kona kau aku la no ia maluna o 'ke kaaahi, a holo pololei aku la no Kapalakiko. Eia keia iloko o ka pule mua o ka mahina o Sepatemaba, he elua hoi mahina mahope iho o ka huli hoi ana mai o Mrs. Lalana no Nu loka, i kelekalapaia aku ai no ka ulia poino i loaa i kana kane, a ua hana houia ae kela hale hoolimalima a Kauka Motimea e noho ana mai kona ano kahiko ae. Ma ke aumoe o kekahi po ae, i hoea aku ai o Hawaela no ke kulanakauhale o Kapalakiko, a oiai ua maluhiluhi maoli oia, nolaila ua hoi aku la oia maloko o na hokele kokoke mai, a hoaumoe aku la ma ia po, aole oia i puoho mai a kiekie ka la iluna. Mahope iho o ka pau ana o kana paina kakahia'ka, ua kauoha aku la oia i kekahi o na kauwa hana e laweia mai na buke kuhikuhi o na inoa o na kanaka o kela kulanakauhale, alaila hoomaka koke iho la oia e nana i ka inoa o Kauka Motimea, ame kona wahi lawelawe oihana, a pela no me kona wahi e noho ana. I ka maopopo ana iaia o kela mau mea, ua hoopaa iho la oia i ka helu o ke keena hana o kauka Moūmea, pela'me ke alanui, ame ka helu o kona mau rumi hoolimalima. Aole oia i hoohakalia iho i ka hele ana aku e hui pu me ke kauka ana e manao loa la, aia me ia kana wahine kahi i noho ai, nolaila ua oili aku la oia mai ka hokele aku, a ke 'kamoe pololei la kana hele ana no ke keena o Kauka Motimea. a ia hoea ana aku ona, ua hookani aku la oia i ka bele. 0 ka manao nui o keia hele ana aku o Hawada e hui pu me kela kauka, no ka waiho ana aku iaia iho malalo o kana lapaau ana mai, a no ka hakilo pono ana aku no hoi kekahi i ke ano o kela kanaka, ina no kona kupono a kupono ole paha i kane na Cicilia. Ke hookani la oia i ka bele no ekolu manawa, aohe wahi mea a weheia mai o ka puka, he mehameha pu wale no kela keena, a no ka ha o kana huki ana mai i ke kaula o ka bele, ua lohe aku la oia i ka weheia ana ae o ke olepelepe o kekahi puka aniani maluna ae o ke keena ana e ku nei, a ia wa i kiei mai ai ke poo o kekahi wahine iwaho, me ka ninau ana mai: "Owai kau mea e huli nei?" "I hele mai nei au no ka hui pu ana me Kauka Motimea, eia la oia ihea ?" "Aole oia e loaa ia oe, ua make o Kauka Motimea, a o ke pani iho la no ia o ua wahine nei i kona puka aniani, no ka makemake ole e hoouluhua waleia a'ku oia. Me he mea la ua ku 'pono mai o Hawada i kekahi poka ma kona puuwai, a aneane loa oia e hina iho ilalo, e ole wale no kona paa koke ana aku i ke kaola o ka hale, a no ka hoomanawanui ana no kekahi mau minuke, akahl no oia a akakuu iki mai, a hooho ae la: "Ua make anei o Kauka Motimea?" "Pehea aku la la ka pono o Cicilia! Ua oi aku anei na kaumaha au e kuu wahine i auamo ai iloko o keia mau makahiki ekoiu? E hele aku anei au e hui pu me ia? E lilo ana anei i mea hauoli nona ka ike ana mai ia'u? Heaha la ko'u pili iaia i keia manawa? Ke ku malie loa la ua o Hawada, me ka noonoo ana, pehea la oia e hana aku ai, a no kekahi manawa loihi, ua hooholo iho la oia. e hele okoa no oia no na mmi hoolimalima o Kauka Motimea, malii paha ilaila e halawai ai oia me Cicilia. 1 ka hoea ana aku i kahi noho o ke kauka, ua ninau aku la oia i ke kauwa no kona makemake e ike i ka ona o ka hale, a o ia ka ke kauwa o ka pane ana mai: ... "Aole kuu haku ma ka haW nei i keia wa," i pane mai ai he keiki Nika, kauwa. Ninau hou aku la nae o Hawada, ina paha aia no maloko o kela hale o Cicilia, a ua hoole mai la no ua leauwa nei: "Ua hele aku oia no ka hoolanalana ma'i ana, i na kuaaina, no hookahi mahina paha ka loihi alaila huli hoi hou mai, ua hele oia a mal maoli ke nana aku/* "Ua maopopo no nae paha ia oe na mea e pili ana ia Kaaka Motimea ea? 1 ' me ke ake loa oua o Hawada, e loaa mai na hoomaopopo pono ana iaia, no kela kauka me Cicilia. "He uuku loa ka'u wahi mea i ike nona, aka ma ka\i lohe nae i ke kamailio o na kanaka, oia kekahi o na kauka maikai loa, a ua aloha na mea apau iaia. O ko'u noho hana ana mai no ia no keia wahi, he elua mau la mamua o ka make, ana aku o kela kauka au e ninau mai nei. n

"A {Khea iho la kona ohana. a i ol* m»u hoaloha paha, heaha ko lakou pooo, a eia lakou ihea? "Aohe ona ohana, he hoaha,au hookahi wale iho no kona. a he hoaloha. oia kekahi wahine maikai loa, ua haaleie iho no nae o,a no kuaaina. ma kela !a hookahi no o ka make ana o ke kuka. "A pehea ae nei ka loihi o ka make ana o kela kauka?" me ka haawi ana aka a ua o Hawada he hapaha iloko o ka lima o ke kauw a. no kona makemake e pane pololei mai kela kauwa i kana mau n.nau apau e waiho aku ai iaia. " \laila ua hala aku la ka paha o Cicilia, me ka hoahanau o kela kauka, no ka hoomaha ana ma kona home kuaaina/' i namunamu wale iho ai no o Hawada, oiai aia no kona noonoo ma ke ano ua mareia o Cicilia me Kauka Motimea. «Ua maopopo no nae paha ia oe kahi o kela wahine opk, o ka hah ana aku ea?" "O kahi apiki ia. aole au i maopopo i kona wahi o ka hele ana aku, aohe no hoi he poe kamailio ae, e lohe aku ai la hoi au. "Alaila he hoaloha ka paha oe no Kauka Motimea ea, i hele mai nei no ka ike ana iaia? Ina paha he mea oluolu i kou manao, alaiia ua hiki ia'u ke lawe hoikeike aku ia oe iloko o kona rumi, ke makomake oe e ike i kona mau ukana?" O keia ka manawa maikai loa, e hiki ai i ua o Hawada ke maopopo pono ina paha he mau lole wahine kekahi o ko Kauka Moiimea rumi, a oiai no hoi ua pau ka nui o ka poe o kela hale hoolimalima i ka hele, aole no he hewa kona hele ana maloko o ka rumi o Motimea, oiai no hoi he hoaloha oia i makemake e ike ia Cicilia, a o īa kana o ka pane ana aku: "Ae, ina oe e oluolu mai ana e lawe aku ia u noloko o ka rumi o Kauka Motimea, alaila e haawi aku no au i ka'u mau hoomaikai kiekie ana ia oe. He hoaloha au nona, eia nae, ua loli loa ko u hoea ana mai nei, e hele aku hoi au e nana i kona mau ukana i koe. malia o hiki ia'u ke hana aku i kekahi mau mea e pono ai ua mau ukana la. M Alakai aku la ke kauwa noloko o lea rumi o Kauka Motimea i kana malihini, aia wale no nae ke pana kapalili la ka puuwai o ua kanaka opio la, no ka mea he hiona ku i ka maikai ole nona, ka Ike ana aku i ka rumi a kana wahine, o ka noho pu ana me kana kane hou. Ia hoea ana aku no iloko o ke keena hookipa, o kona noho koke iho la no ia ilalo, me ka hiki ole ke ku hou ae iluna, hele mai la oia a me he mea la e maule okoa aku ana oia. Ke noho la o Hawada ilalo nie ke kulou ana o kona poo iluna o ka papahele, oiai inaf oia e ike aku ana i kekahi mau lako o kana wahine, he keu aku a ka mea menemene iloko o kona noonoo, oia» no hoi ke kauwa Paele e nana mai ana iaia me na manao aloha. aka nae iloko o kela manawa hookahi i kani koke mai ai ka hele o ka hale olalo, a o ia ka ke kauwa o ka pane ana mai: "E huikala mai oe ia'u, he mea paha kekahi o ka hiki ana mai la. ke kani mai la ka bele. e hele aku au e nana," o kona kaha mai la no ia iho no ka hale olalo. Akahi no a olu iho ko llawada manao, ua haalele hookahiia iho oia maloko o kela rumi, a e hiki ana iaia ke nana elike me kona makemake, o ke aea ae la no ia o kona poo iluna, a hoomaka aku la e nana i na lako hoonani hale. He ku i ka maemae ame ka maiau ka hoonaniia ana o kela rumi, me ka nui o na mea nani e waiho mokaki mai ana, i hoonohonohoia nae e kekahi mea i ake i ka nohona maeniae ana, a komohia koke mai la no ka manao hoohihi iloko ona no kela rumi ana e manao kuhihewa la, na kana wahine paha i hoonni elike me kona ano maiau. Aia he mau kii hoonani e kau mai ana ma na paia, pela hoi me na ipu hookomo pua, a hoomaka ae la ua o Hawada e ku nae ke hikaka wale la no oia, a hele aku la oia e nana pakahi i ua mau kii la, me kona manao koho, e ike aku ana oia i ke kii o kana wahine me kana kane ht u, eia nae o ka nana wale aku no kana i na kii, aia o nae kona noonoo i kahi e loa, aole no hoi oia i ike aku i ke kii o Cicilia. Me he mea la i kana noonoo iho iloko o kela manawa, aia oia ke hehi la maluna o ka moena veleveta i maa ia Cicilia i ka heleia, ke kilohi la hoi i na lako hoonani hale, i maa i na maka o Cicilia, a ke noho la hoi maluna o ka noho hookahi no a kana wahine e walea ai, a ua lilo ia i mea e hoomahuahuaia mai ai na manao aloha i awili puia me ke kaumaha no kana wahine opio. Kiei aku la oia iloko o ka rumi moe, he pouliuli wale no, ua paniia na puka aniani apau, a no kona menemene i ke komo ana aku maloko o kela rumi, malia paha maloko olaila i make ai o Kauka Motimea, a maloko no hoi olaila i make ai kana keiki, ua pani mai la oia i ka puka a paa, alaila huli hoi mai la oia tne ka manao e noho aku ilalo, ia manawa nae i ike koke aku ai oia i ka.waiho mai o kekahi kamaa bebe, o kona hopu koke aku la no ia, a puili mai la mamua o kona umauma, me he mea la o kana bebe aloha kana o ka hopu ana aku. Aole loa he mea e ae ana o ke' koho ana iho nona kela kamaa, aka no kana Magarita no ia, a noke iho la oia i ka hookahe i kona mau waimaka o ke aloha keiki, me ka piha i ka ehaeha loa, alaila hooho okoa ae la ua o Hawada: "Aole he mea e ae i kuleana i keia kamaa, owau wale no," alaila lolelole iho la oia me ka nana ana i ua kamaa nei, ua komo mauia no, oiai ua hele ka hila a manumanu. Na kela mau olelo hoopunipuni a kona kaikuahine ponoi o ka hoike ana aku iaia no ka make ana o kana Magarita, na ia mea i hooiaio lōa aku ia Hawada, aole i'o no oia e ike hou ana i kana kaikamahine aloha, a hoomaikai iho la oia i ka loaa ana o kela kamaa hookahi, i wahi mea nana e hoomanao ai oo kioa keiki Aole he mau mea e ae na lakou e hoike mai i ke komo ana o kana wahine ame ka laua keiki inaloko o kela rumi, aka nae, na kela kamaa i hoike mai iaia, he keena kela i kamaaina i kana mau mea aloha. O kela kekahi mau minuke a Hawada o ka ike ana ia mea he ehaeha, me he mea la, ke kau okoa mai la no ke kii o kana wahine ame ka laua, bebe imua o kona alo. a he hookahi no ana hana, o ke ku malie i Icahi hookahi, na ka waimaka no e hele, pehea hoi e hiki ai. ua piliia ka hoi na wahi like ole e laua me ke keiki, eia ka e wehe ana i ka pili. Na ka nakeke ana mai o ke kapuai wawae o kekahi mea, a ua o Hawada o ka manao ana aku o ke kauwa i huli hoi mai no ka hui pu ana me ia, i hoopuiwa ae ai ua kanaka opio la, alaila hookomo ino iho la i ke kamaa iloko o ka pakeke o kona kuka, a noho koke iho la ilalo, me ka hoolalau wale ana no ma o a maanei, me Va holoi wikiwiki ana ae i kona mau waimaka. "E lawe ana au i keia kamaa, he kuleana ko'u e malama ai i ka mea i komoia e ka'u keiki. me ko'u ahewa oleia mai," wahi a ua o Hawada o ka namunamu liilii ana iho. Ku koke mai la nae ke kauwa Paele ma ka puka, a i mai la:: *Ua lawa paha kou makaikai ana ialoko nei o ka nimi o kou hoaloha?* me ka ike ana mai o ua kauwa nei i ka ula o na maka o Hawada, ana o ke koho ana mai, he kanaka piii loa paha keia ia Kauka Motimea i uwe okoa ai oia, no ka make ana aku o kekahi o kona ohana. "Ae, ua loihi keia manawa o ko'u noho ana maanei, e hoi i'o aku au, M alaila, o ko Hawada ku ae la no ia iluna, a hahai mai la mahope o Ice kauwa no ka iho ana no ka hale olalo. Ia laua o ka hoea ana aku ma ka holo, ua nnuhi ae la o Hawada he hapaha a haawi aku la i ke kauwa, me ka haawi pu ana aku hoi i na hoomaikai ana no kona kuhikuhi ana mai i ka rumi o Kauka Motimea, o ke kaha mai ia no ia o Hawada hele. (Aole i paii.)