Ka Nupepa Kuokoa, Volume L, Number 8, 21 February 1913 — PUA LANIUMA. [ARTICLE]

PUA LANIUMA.

Auhea wale oe Pua Laniuma, Kuu hoa kui lei pili o ke ao; Ua kui no au lawa e ka lei, Me ka'u manai o ke aheahe, E lei no oe lei no au, Lei pu kaua i ke ala. Ko ana ke ala o ka Pikake, Onaona i ka ihu ke honi; Kaomiia ana e ke kehau, Kahiko no ka po ua liilii. Eia mai au o Makalii, O ka u'i kaulana o ke aouli; A he uli akamai no nae au, Hookele no nae nei la ino. Ehuehu mai nei ka moana ea, A he kaikoo 'ae paha ko mua; Mea ole nae ia i nei Kaupu, Hoola'i malie i ka ohuku ale. Ilaila maua sila iho au, A i pine omau kau umauma; Haina ia mai ana ke ala, Pua o ka Laniuma ko'u lei ia. Hakuia e MAKALII o ka Ua Apuakea o Mololani.