Ka Nupepa Kuokoa, Volume LI, Number 11, 14 March 1913 — HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino. [ARTICLE]

HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino.

i > 1 * ■ ■ Aole nae i maopopo iuao Mrs. Lalana keia huakai a kona kaikunane o ka hoio ana no Kapalakiko e huli ai i kana wahine, e mihi ai no oia no kona pakalaki, aka nae ma kela oili honua ana aku o Cicilia no Saratoga, ua lilo ia i mea e weluweiu liilii ai kana papa heonohonoho o ka hoolala mua ana no kona mau pomaikai. Oiai hoi o Mrs. Lalana e hoolala hou la no kona pono iho, ma ke pahele ana aku i ka manao o Kauka Akoni, e kaawale loa mai ai oia mai ka huli hou ana aku me Cicilia, e hoaui iki ae kaua e ka mea heluhelu ma keia wahi, a e hoakaka aku hoi ka mea kakau i ke ano o ko Cicilia hoea ana ma Saratoga iloko o ka manawa a kona kaikoeke e hohola mai la i kana mau pahele ana no kona pono iho, a pela hoi ka loaa ole ana i kana kane i ko Hawada manawa o ka hoea kino ana no Kapalakiko e huli ai i kana wahine. Ua manaoio maoli no na mea apau maloko o kela hale hoolimalima a Cicilia o ka hoihoi ana aku i kana wahi kaikamahine maialo o ka lapaau ana a Kauka Motimea, ua make o Magarita ma kela po a Mrs. Lalana o ka hoea ana aku a ninau 110 ke kulana o Magarita. Mahope o kela hoihoiia ana aku o Magarita noloko o na keena hoolimalima o Kauka Motimea, aole no i kupilikii loa ka ma'i maluna 0 kona kino, aka ma kela noho ana aku a lakou he mau la malaila, ua loli ano e ae la ka ma'i maluna o ke kamaiki, i oi aku ke kupilikii 1 kela manawa e waiho ana ma ka home o Mrs. Kumana. L"a lilo i mea hookahaha aku i ka manao o Kauka Motimea ka loli ano e ana ae o ke ano o ko Magarita ma'i, a ua hopohopo no hoi oia no ka palekana o ke kamaiki, mamuli o ka nawaliwali o kona wahi kino, eia nae aole no oia i haawipio, aka ua haawi oia i kona ike lapaau apau 110 ka pono o ke kamaiki, a no ka pono pu hoi Oj kona makuahine. Ina paha aole i komohia ka manao aloha iloko ona no Cicilia, ame kona makee no hoi e hoola ia Magarita, ina no paha ua hophemahema kd(Hfeauka f aole nae pela, ua ala mauia eia na hora o ka po a ma ka aoio wale no oia o ka moe o ka niea ma'i i na manawa apau. Ke ike la o Kauka Motimea, o ka make.ame ke ola o Magarita aia no ia iloko o ka poho o kona lima, nolaila no ka pono o ka makuahine, o ke kamaiki, ka mea a kona puuwai i li'a mau ai e lilo mai i wahine nana, ua pale ae la oia i ke kanalua, ka hopohopo ame ka maka'u a waiho mahope, o kona hoomaka aku la no ia e kiai me ka makaala loa i ko Magarita kulana, ina paha no ka loli ae i ke ino, a i ka maikai paha. No na hora loihi e hakilo makaala loa ana o Kauka Motimea ma ka aoao o ka moe o Magarita, a i kela ame keia hanu ana ae a ua kamaiki la, e hoomaopopo loa ana oia, a e haawi aku ana hoi i na laau ana i ike ai, he mea isf e paleia aku ai ka make, oiai hoi o Cicilia e noho mai ana me ka hamau loa, me ka lilo i hoike no na hana apali a kela kauka e hana la no ka pono o kana lei aloha. No kekahi mau hora loihi ka hoao ana o Kauka Motimea ma o kona ike kauka la e lapaau ia Magarita, aole nae he wahi mea a loaa mai o ka maha, a hiki i kona hele okoa ana mai a i mai la imua o Oieilia:: "Ua hoao aku nei au i ko'u ike lapaau no ka pono o ke kamaiki, a ke kaumaha nei au i ka hoike ana aku ia oe, aole loa he laau hiki ke hoopakele iaia mai ka make mai, aka o ke kaha wale iib i ka pale maloko o kona puu, a ma kekahi olelo ana hoi, e hookoino i kekahi ohe ma kona puu." Puliki okoa ae la o Cicilia i kona mau maka me na lima, i ka lohe ana i kela mau olelo a Kauka Motimea, a o ia kana o ka pane ana aku: "Ua nele loa anei kahi manaolana 110 ka hoopakeleia o ke ola makamae o kuu kaikamahine?" "Aole loa he laau hiki ke hoopakele i kau lei, o kela wale ae Ia no a'u o ka hoike ana aku la ia oe, aka nae ina ua kanalua oe, no keia mau mea a'u e kamailio nei, alaila ua hiki no ia'u ke kii i kekahi mau kauka okoa aku no ko lakou haawi ana mai i ka lakou olelo hooholo, pehea la ia i ko umanao e Cicilia?" Ke halii la ka meha maloko o kela keena 110 kekahi mau minuke, a ia aea ana inai o ke poo o Cicilia iluna, nana mai la kona mau maka ia Kauka Motimea a i mai la me ka manao paa: "Ina o ke alahele hookahi wale 'no ia i koe e loaa ai ke ola i kuu kaikamahine, alaila e hooko aku e Kauka Motimea. Auhea hoi kahi i koe o ke keiki, ua hele a hio mai ka ihu, o ke ola ame ka make, ke waiho aku nei au ia mau mea a elua iloko o ka poho o kou lima." Akahi 110 a hoomamaia aku ka manao o Kauka Motimea, auhee aku la no hoi kekahi mau ano maikai ole mai kona helehelena aku, a o ia kana o ka i hou ana mai: "Aia io nd anei ka hilinai maluna ou no ko"u hooko aku i keia hana nui, a i ole, e kii paha au i kauka hou aku mawaho ae o'u, no ko maua kukakuka ana no ka mea pono e hana aku ai no Magarita, pehea la ia i kou manao?" "Ina ua paa kou manao e Kauka Motimea, he hana hiki wale no ia oe ke oki ana aku i ka aa e paa la iloko o ka puu, alaila e hana aku oe elike me kUu i inanao ai, he oi aku ko'u hilinai maluna ou mamua o kekahi poe e ae I" Elike me kekahi po mahina konane e hoolele ana i kona malamalania maluna o ka ili hulilili o ka moana, pela iho la ka oluolu o kela mau olelo o ka pa pono ana aku ma ka puuwai o ke kauka opio, a ua aneane no oia e hopu mai ia Ciciiia, a hoopili aku iloko o kona poli, aka aole kela he manawa no ka noonoo i na mea o ke kino, o kona kunou aku la no ia ma ke ano e haawi aku ana i kona apono, a me ka hoohakalia hou ole iho, no ka mea ke nee la ka manawa imua, o kona haalele mai la no ia i kela keena, no ke kii ana aku i na meahana maloko o kona keena kauka. He mau minuke helu wale no kela nalo ana aku o Kauka Motimea. ua oili hou mai la oia, me ka paa ana i kana paiki uuku iloko o kona lima, a ku ana ma ka aoao o ka moe ma'i o Magarita, alaila ua huli mai la oia a pane mai la ia Cicilia: "Mc he mea !a o ka oi loa aku o ka maikai, o ia no kou haalele ana mai ialoko nei o keia keena, a e hele aku oe e kii i ka ona hale, oia paha ka mea kupono e kokua mai ia'u." "Aole o*u makemake e haalele ialoko o keia keena, aka ina no ka make a no ke ola paha maloko nei au e noho ai a hiki i kuu ike maka ana i kekahi o ia mau hopena; aole he mea kupono e ae ma ka aoao o ka moe ma'i o ka'u keiki, owau wale no, a e hooko no au ma na mea apau au e kauoha mai ai ia'u e hana." "Ke mahalo aku nei au i kena manao ou e Cicilia, aka nae ke hopohopo loa nei, au no ka hiki ia oe ke hoomanawanui/* Ua ike o Kauka Motimea t o ka noho ana mai o Cicilia maloko o kela rumi e lilo ana ia i mea hoopioloke i kona noonoo, ina e uwe mai ana oia no kana kaikamahine, a pela oia i makemake oie ai ia Cicilia e noho mai me ia, oiai oia e hana ana i kela hana kn i ka menemene. M Mai kanalua iki oe e Kauka Mitomea i ka hilinai ana mai maluna o*u, no ka mea ua makaukau loa au e haawi aku i ka'u mau kokua ana no ka hoopakeleia ae o ka'u keiki mai ka make mai. E haawi mai i kau man kauoha apau. ua hiki loa ia*u ke hooko akuT Me ka hoohakalia hou ole iho, o ka hemo ae !a no ia o ka pahi a Kauka Motimea, a me ka lima haalulu ole, ua hoomaka aku !a oia e lawelawe i kfc)a hana ku i ka menemene, oiai nae o ka manaolana hookahi wale no ia e palekana ai kana ma*i, a i ke!a ame keia ma-

nawat e kahea mai ana oia ia Cicilia me ka leo malie ma na mea apau ana i makemake ai e haawiia aku na kokua ana. 0 ka uumi hoomanawanui nae ia o Cic:!ia i kona mau manao pilit hua a hikt i ka pau ana o ka hana a ke kauka, akahi no a hoomamaia mai ko laua mau manao kupilikii, no ka mea maikai mai la ka hanu | ana a Magarita. a pau mai la hoi ka ho ana o ka puu, ka mea nana i hoopioloke aku i ka manao o na mea apau maloko o kela haie hooiimalima, elike me ia o ka hoikeia ana mai ia Mrs. Lalana ma kela manawa ana o ka hele ana aku e ike pono i ke kulana ma'i o ua kaikamahine nei. Ma kela la holookoa a hiki i ka po ana, aia mau o Kauka Motimea ke makaala loa la ia Magarita a ma ia po ana iho, aole i pili kona maka a hoea wale i ke ao ana, koe wale no ka hele hoomaha liilii ana, ma kona manawa e makemake ae ai i kekahi mau meaai, aia pu no hoi o Cicilia ke kiai like la, no ke ake ana e ike i ka hopena o kana kaikamahine. Aole nae o Cicilia i noho wale, aka ke nonoi mau la kona uhane i ke Akua ma ka pule, e hoopakele mai i kana lei he keiki, a ma ka lua o ka la ua akakuu mai la ke ano o ka ma'i, a oiai ua hele maoli no o Kauka Motimea a ui-ha me ka luhi pu, ua hoi mai la oia a noho iho la ma ka aoao o Cicilia, ka mea ana o ka nana ana aku, me he pua la i mae, a i pau hoi kona ala, a o ia kana o ka pane ana mai: "E hoomaikaiia ke Akua! Ke manaoio nei au, ua ae mai Oia e hoopakele ae i ke ola o kau kaikamahine !'* Nui iho la ka hanu o Cicilia, no kela pane a ke kauka iaia, me ka hiki ole nae ke puka aku he hookahi huaolelo mai kona waha aku, no ka mea ua hele oia a piha i ka ilihia no kela nuhou hoohauoli manao, alaila lalau iho'la oia i ka lima o ke kanaka ana o ka noho aie ana aku no ke ola o kana kaikamahine, a hoopili mi la i kona iehelehe. Lalau mai la ua Kauka nei ia Cicilia, aka nae ua kulou iho ia o Cicilia ilalo, a hoomaka aku la e hookahe i na kulu waimaka o ke aloha keiki, oiai nae iloko o ua kauka nei, ua makemake loa oia e hoopili aku ia Cicilia iloko o kona poli, a haawi mai i na oielo hoolana, e hoomamaia ae ai na manao pilihua iloko ona, eia nae ma kekahi and, ua hooholo iho la no ua kauka nei, he mea maikai no nona ka hoomanawanui ana, malia e hoea mai ana no he manawa e hookoia ai ka iini a kona puuwai. Ma kela manawa a ke kaaahi e lawe la ia Mrs. Lalana no kona home no ka make ana o kana kane, ke loaa mai la ka maha ame ka oluolu ia Magarita, ka mea nae a kona mau manao lokoino o ka hoonaaikola ana iho, no ko laua nele like me Cicilia i ke keiki, ana no hoi o ka noke ana aku i ka wahahee i kona kaikunane, e ku a pupule maoli ai no o Hawaila. Ua like pu o Magarita me kekahi pua i loaa i na kulu hau o ka hooilo a pau kona hie, aka nae aia mau kona makuahine ma kona aoao i na manawa apau, i ka wa e ala mai ai o kana kaikamahine, e hoonana mau ana oia iluna no ka hapanui o ka manawa, a i ka wa e hiamoe ai, he hookahi ko Cicilia hooluolu pu ana ma ka aoao o kana kaikamahine, me he mea la mamuli o kana mau hana oluolu o ka makee maoli, ua lilo ia i mēa no ke keiki e hooikaika loa ai e ola mai oia mai kela ma'i mai, a noho pu mai me kona mama. 1 ka hoi pono ana mai nae o ka noonoo iloko o Magarita, ua hoomaopopo loa mai la oia i kona niakuahine, me ka puliki ana mai ma kona a-i, a i ka manawa e hoohamamaia ae ai o ka puka a o ka puka aniani paha, e noke okoa ae ana oia i ke kahea, me ka uwe ana, me he mea la, ua hopohopo loa oia o nalowale hou aku kona makuahine. I kekahi manawa nae e kahea okoa ae ana no oia: "E mama, e mama, mai haalele mai oe ia'u!" me ka puliki paa ana i kona makuahine. laia nae o ka ike ana ua pau kona hopohopo no ke kaa- ( wale aku o kona makuahine mai iaia aku, akahi no a akakuu mai kana uwe ana ame ke kahea ana, a iloko o kela ame keia la ma ia hope mai, e pii mau mai ana kona ano maikai, a i ka hala ana o kekahi mau pule, ua ikaika maoli oia e noho ai iluna, me ka hookomo-1 ia ana o kona lole, no ka hele holoholo liilii ana maloko o ka rumi, ' iloko no nae o 'kona kulana nawaliwali. I kekahi la nae, i ka oluolu maikai loa ana ae o Magarita, ua hiki iaia ke hele nona iho, me ka paani ana maloko o ka rumi, ua hele mai la o Kauka Motimet a i mai la ia Ciciiia, he mea maikai no laua | a elua ka hele ana i ka holokaa, aole. hoi o ka noho paa ioa maloko o ka hale, ma ka holoholo ana kekahi mea e loaa mai ai i ko laua mau kino, ke kulana maikai. "O keia kekahi o na la kala'e maikai a'u e manao nei, aole he hana j kupono e ae au e Cicilia e hana ai, o ka lawe wale aku no i kau kai-1 kamahine no ka hooholoholo ana, a 110 kou pono no hoi kekahi, oiai | ma ka'u nana aku ia olua, me he mau uhane lapu hoomaka uka u ia j olua, i maa ole i ka ikeia inai e na kanaka." j Xana mai la o Cicilia maluna o na maka o Kauka Motimea, aia kekahi hiona ana e hoohewahewa ole mai la no ke aloha o kela kauka iaia, a hoeeke wale aku la no oia. Ua loaa na manao hoohuoi i ua o Cicilia ma kela mau manawa lehulehu ana e noho la a e kamailio pu ai no hoi me Kauka Motimea ua komohia aku ke aloha aine ka hoohihi o kela kanaka, iaia, a o ia ano hookahi no kana e ike mai la ma kela la, he mea nae i motuhane mua oleia e ua o Cicilia ua komohia aku na manao hoohihi iloko o kela kauka opio nona. "Aole o'u kanalua no ka lilo ana o ka holokaa i mea e loaa mai ai i ke kulana maikai i ko maua mau ola kino," me ke kulou ana iho a ua o Cicilia e pihi ike kamaa o Magarita. "Auhea nae oe e Kauka Motimea, ua noho aie maoli no au malaio ou, ua pau wale hoi kou manawa waiwai nui, ma ka hana ana mai no ko maua pono. Ina nae e kauoha aku ana oe i kekahi kaa kupono no maua me ona kaiaiwa pu, manao au, aole he pilikia e loaa ana ia maua, a aole no hoi maua e hooluhi wale aku ana ia oe ma ka hele like ana mai ine maua i ka holoholo." Ua halii ae la kekahi helehelena maikai ole ma na maka o Kauka Motimea. no kela lohe ana aku i ko Lieilia manao, a o ia kana o ka pane ana inai: "Akahi no hoi a loaa ia bebe ka manawa e holoholo ai, manao au, aole oe e hoole mai ana i ko'u lilo ana i mea nana e hoikeike aku iaia i ka nani o keia kulanakauhale! Aole pane ma ko Cicilia aoao i kupono no ka hoike ana aku i wahi e hele pu ole mai ai o Kauka Motimea me ia i ka holokaa ma kela la, nolaila ua oki pu wale iho la no kona manao ku-e, o ko lakou hele aku la no ia a kau ana ilnua o ke kaa, a na ua kauka la ka hana, o ka lawe hoomakaikai aku ia lakou ma kela ame keia wahi o ke ku(anakauhale. O kekahi no hoi kela o na la maikai no ka holoholo, me kekahi aheahe makani maikai mai ke kai mai, a kauoha aku la o Kauka Motimea e laweia lakou e hoomakaikai ialoko o na paka kaulana o Kapalakiko, a he oiaio, ke ike la ua kauka nei i ka lamalama o na maka o ka makuahine ame kana kaikamaliine, mamuli o ka oiuolu o ke ea e pa mai la ia laua, a hoi pono mai la no hoi ke ano kanaka iloko o laua pakahi, aole hoi ka hele a nananakea i ka noho paa loa iloko o ka hale, me ka loaa ole o ka hoona ana ae ma na wahi e loaa mai ai na ea oluolu. f No ka loihi loa nae o kela hele holoholo ana a lakou, oa hele o Magarita a maluhiluhi, me ka moe okoa ana mai iloko o ka poli o Cicilia, a o ia kana o ka huii ana mai a pane mai la ia Kauka Motimea: "Ua lilo keia hele ana mai nei o kakou i ka holokaa i mea maikai loa ia Magarita, oiai ke hoomaopopo nei ao, i ka hele o kona mau papalina a mohaha, a ke hoomaikai aku nei no hoi au ia oe e kou hoaloha maikai, no kou lawe ana mai nei e hoomakaikai ia maua, owau pu kekahi i ike i ko'u loli loa iloko o ka manawa pokole*" a he mea oiaio no nae ia a Cicilia o ke kamailio ana aku, ke ike mai la ke kauka, i ka loli o kona mao hoa. Alawa iho ia ka nana ana a Kauka Motimea i ka moe malie ae a Magarita iluna o ka umauma o kona makuahine, alaila lelele wal« ae la no ka oili iloko o ua kauka nei, me ka nalu ana iho iloko ona, ina no hoi paha e lilo mai oia ka mea nana e makaala ako i ka pono o ka makuahine ame kana bebe, he keu aku a ka mea hoohauoli loa mai i kona uhane.

Hc mea oiaio t ua ku a aloha maoli no kela kauka ia MijgmriU m« he kaikamahine ponoi ia nana, no ka mea no «»ua manawa a kela kaikamahine o ke komohia ana iloko o na ma i kupilikii ioa, no elua no manawa a Kauka Molimea, o ka hoopakele ana iaia mai ka make mai. U* hii oia ia Magarita iluna o kona mau Hma, ua ae aku i kela kamaiki e puliki ae ma kona a-i, elike me ke keiki i kooa makuakane, pela iho la i pipili paa aku ai ka manao o kela kauka ia Magarita; a no Cicilia hoi, na ku a aloha maoli no oia i keia wahine, me kona manaoio maoli no, e lilo mai ana i w*ahine mare nana i kekahi la. Xo ka pane ana aku nae no kela mau olelo a Cicitia o ke kamailio ana ae no Magarita, ua pane iho la oa kauka nei i ka i ana mai: "Ke ike io aku nei au i ka loli ano nui loa maluna o ka helehelena o Magarita i keia la, a o oe nae ka'u e ike aku nei, aole i hoikeike mai kou helehelena i ke kulana i like loa aku me ko Mag*rita. Na kela nana ana aku a Kauka Motimea maluna o CiciHa, a peU pu hoi ke ano o kana mau huaolelo o ka hoopuka an* aku, i hoohiki* lele loa aku i ua wahine opio la, me ka hoholo koke ana ae o ka haikea maluna o kona helehelena, alaila hoolalau wale iho la no oia ma ka lalau ana mai i ke kihei, no ka uhi pono ana aku ma ke poo 0 kana kaikamahine. Ke noho hamau la o Kauka Motimea me Cicilia me ka hoopuka hou oieia o kekahi huaolelo mawaena o laua, a no ka hiki hou ole ia Kauka Motimea ke uumi hou iho i na haku'iku'i e hana mau ae la iloko o kona houpo. ua lalau okoa mai la oia i ka lima o Cicilia, alaila pane ma\ la: "Auhea oe e Cicilia, ke noke nei au i ka uumi, me ka hoomanawanui e hoonalonalo aku i kekahi meahuna iloko o kuu puuwai, aole nae he hiki, a no ia hiki hou ole iho ke hoomanawanui, ke hoike okoa aku nei au ia oe. ua hele au a eha i ke aloha nou e noho nei. a o ko'u pili mau ana aku nia kou aoao, e hoomahuahua niauia mai ana ia aloha i kela ame keia manawa, a no ka loaa o na manaolana iloko o'u no ua aioha la, pehea la e Cicilia aia anei he manaolana iloko o ia aloha, a i ole he manaolana poho paha e oluolu e pane mai iau? n MOKUNA XXXIII. Ke kulou la ko Cicilia poo ilalo, na kona mau kulu waimaka no e heleawai la ma kona mau papalina, me he mau hunahuna daimana j la e helelei ana mai kona mau lihilihi aku, a ke ike aku la no o Kāuka Motimea i ka hele o Cicilia a hoopilikiaia mamuli o kana mau olelo, aole nae e hiki iaia ke hoihoi hou mai i na olelo i puka iwaho» 1 nolaila he mea makehewa wale no ka huna hou ana iho i kona mau | manao, a o ia kana o ka hoomau hoū ana mai i kana kamailio ana: "Ke ike nei au, aole iloko wale ae nei no o keia manawa i kukuniia ai ke aloha iloko o kuu puuwai nou e Cicilia, aka ma kela huakai no ia a kakou o ka huli hoi like ana mai no Xu loka, ma kela inanawa au o ka waiho ana mai ia oe iho malalo o ka'u mau hoopakele ana. He oiaio, ua hana. wa«e aku no au ma na mea apau i ku ika pono no ko'u hoa kanaka iloko o ka pilikia, eia nae aole e hiki ia'u ke hoopoina no kela huakai aumoana a kakou. "la'u e nana aku nei ihope i kela manawa a kakou o ka au like ana mai i ke kai loa, me he mea la ke kau okoa mai la no na hoom*» nao poina ole ana no kekahi hiona hiki mua o ko*u hoohihi ana aku ia oe, eia nae, aole loa au i moeuhane, e hiki mai ana i ka manawa a'u e hua'i okoa ae ai i ka'u meahuna iwaho. "Ia oe nae o ka lioea hou ana mai nei imua o kuu alo f jna kgia pilikia hope i kau aku maluna ou, a iloko hoi o na pule kakaiKahi a ka'ua o ka hele pu ana, noho pu ana i kahi hookahi, ua hoomahuahua loaia mai na manao hoohihi iloko o'u nou, a hiki i kuu olelo okoa ana iho, aole he mea e ae nana mai i ke koena aku o ko u mau la e ola ai, o kou lilo wale mai no i wahi mare na'u. "Ua aneane e hiki ole ia'u ke ho&kaka aku ma na huaolelo i na mea liuna e loku nei iloko o kuu puuwai, a o ia ka'u e mihi nei, ina 110 ka hiki ia'u ke hoikeike aku ia oe i ka hapalua o na mea iloko o'u, ina ua hiki ia'u ke ume mai ia oe a pili me ko'u noonoo, elike me ka hiki ana i ka makeneki ke ume mai i ke kui pine, a pili me ia. "E ae mai e Cicilia e kapa aku au ia oe he aloha na'u, ina no i kulike ole aku ia me kou noonoo. Eia au ike kanakolu-kumamahiku 0 ko'u mau makahiki e hele nei i keia manawa, oiai hoi ua emi mai kou mau makahiki imua o ko'u, au e noonoo iho ai, ua nui ko'u ike no ke ao nei mamua ou, eia nae i hoike aku no au i ka mea oiaio ea, aole loa au i haulehia i ke aloha me kekahi wahine e 'ae, o oe hookahi wale no. "He mau manawa 110 a'u o ka halawai ana me kekahi mau kaikamahine u'i, e ku a hoohihi maoli ai no ka manao, eia nae aole au 1 haawi aku i kuu aloha ia lakou, ua kakali malie no au no ka manawa loihi, eia ka ua ae mai ke Akua, e hoomanawanui malie au, a hiki i kou loaa ana ia'u, me he mea la. ua hookaawaleia kaua a elua no ka lilo ana aku i hookahi. "Me oe e Cicilia ma ke ano he wahine mare na'u, ua hiki loa ia'u ke hana aku i na hana apau ma keia ao, nie he mea la owau ka haku maluna o na hana pohihihi apau, aka nae mamua o ko'u hoouu'a hou ana aku i na olelo o ke ano haano'u a hoonuinui imua ou, ke ninau okoa aku nei au, pehea Ia e Cicilia, e ae mai ana anei oe e lilo mai i wahine mare na'u? "E hana aku no au i na mea apau a kekahi wahine e hauoli loa ai, e hoonu'a aku no au maluna ou, i na nani o keia ao, aole loa au raea e mihi iho ai no kou haawi ana mai ia oe iho malalo o ko'u malu. Ua ike oe i ka lako, i na la au e noho ana malalo o kau kane mua, eia nae ua piha kou mau la hope mai nei me ka popilikia, aka nae e ae mai, owau ka mea nana e hoihoi hou aku ia oe i kela mau la mua o kou loli ana ae mai ka noho hookahi ana, a i ka loaa ana o kou kokoolua. "Ua aloha aku au ia oe me kuu puuwai apau, ua kau aku i ko'u mau manaolana e hooloihiia ko'u mau la ma kou lilo ana mai na'u, ana ka make wale no e hookaawale ia kaua; a. ua aloha pu no hoi au i keia kamaiki, ka mea a'u e olelo okoa ae nei, me he mea la na'u ponoi oia, a pela hoi oe e Cicilia. E kuu aloha, e poho ma'uwale anei keia mau ulono ana aku imua ou?" Haka pono ae la ka nana ana a Cicilia maluna o na maka o ke kanaka ana i kapa aku ai he hoaloha nona, aia hoi na waimaka ke hele la a haale i ka lihilihi, aka nae aole e hiki iaia ke pane koke ae, a i ka hala ana o kekahi mau sekona, akahi no a loaa iaia ka ikaika e hoike mai ai i kona manao, a o ia kana o ka pane ana mai: "O na mea apau a kuu puuwai i makemake ai e hana aku, i uku panai no na maikai he nui palena ole au i hana mai ai no'u nei, oa hiki ia'u ke hooko aku, a koe he hookahi mea hiki ole loa ia'u ke hana 0 ia no ka mea ao i noi mai nei," wahi a Cici!ia, me ka haikea ana ae o kona helehelena. "Mai hoike mai ia*u e Cicilia pelaP i hooho ae ai o Kauka Motimea, a na ke ano o kona leo o ke kamailio ana aku, i hookomo aku 1 ke anu iioko o Cici!ia, a o ia ka ua. kauka la o ka hoomau hou ana aku i ka uwalo ana imua o ka mea ana i aloha ai: <( Ua hiki ia'u ke hoomanawanui ina poino ame na popilikia ana lani e hoouna mai ai no ka halawai ana me a u, me ka nana ole i ka nui o ia mau pilikia, mamua o ka loaa ana mai o na hoomaopopo ana ia'u, no ko'u aloha makehewa ana aku ia oe. Ua ae mai anei ke Akua, e kukuluia ko'u mao manaolana malona o kekahi kahna one a kulanalana?" alaila puliki loa iho la ua o Kauka Motimea i ka lima o Cicilia, me ka lawe ana mai a kau iho la maluna o Magarit» e moe pono ae ana malalo o laua. (Aole I pao.)