Ka Nupepa Kuokoa, Volume XLV, Number 12, 21 March 1913 — HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino. [ARTICLE]

HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino.

Aole o Oieilia i kaili aku i kona lima, mai ka paa ana a ke kanaka ana o ka hoike okoa ana mal i ka hiki ole iaia ke hooko mai i kona makemake, no ka mea ua ikf maoli oia i ka nui o ke aloha o Kauka Moiimea iaia, me he mea la ua oi aku ka hoehaehaia o kona puuwai iloko o kela mau minuke, i iike aku me na niinuke ana e kakali aku ana no ka hopena o kana kaikamahine ma ka moe make, alaila nana hou mai la oia maluna o na maka o Kauka Motimea me ka piha i ka ehaeha, a ua ike aku !a no hoi ua kauka nei me ka hoohewahewa ole. aole he wahi manaolana no ka hookoia o kona iini, a o ia ka ua o Kauka Moiimea o ka i hou ana mai: "Auhea oe e Cicilia!" wahi ana me ka leo o ka mea i piha i ka ehaeha. "Ua hiki loa ia oe ke lalau iho i kekahi pahi a hou mai ma kuu puuwai, mamua o ka hoopuka ana mai a kou mau lehelehe i na huaolelo a'u e ike aku ai, ua hooneleia mai ko'u mau manaolana, no ka hookipa ana mai ia oe maloko o ko'u home ma keia mua aku." "Auhea oe e Kauka Motimea," wahi a Cicilia me ka paa o kona manao e kupale no ka pono o ka pane ana o ka haawi ana mai e hoole ana i ka lilo ana mai i wahine na kela kauka. alaila i hou mai la: "l'a maopopo ia'u ke kii au o ke kahakaha ana mai la iinua o'u no kou pono, aka nae ua hiki ole ia'u ke hoopunipuni aku imua ou, no ka mea aole loa au i makemake e hana liewa aku ia oe, a e hana hewa hoi ia'u iho. O, e Kauka Motimea, pehea la oe i ae ai i kou puuwai e aloha mai ia'u? Pehea la oe i ae ai, e lilo au i mea hoehaeha aku i kou noonoo?" "Pehea au i aloha aku ai ia oe?" i panai mai ai o Kauka Motimea mahope o na olelo a Cicilia. "Ua aloha aku au ia oe, no ka hiki ole ia'u ke alo ae, oiai nae aole loa au i aloha aku i kekahi wahine mawaho ae ou. Ua nana aku au ia oe, ma ke ano, o oe hookahi wale no ka malamalama o kuu kino, a o ka hauoli hoi o kuu uhane. Ina paha ua poho ko'u mau manaolana i keia manawa, e ae mai i manawa hou aku no'u e kakali ai, a hiki i ko ae ana mai e hooko i ka li'a ame ka iini o kuu uhane." "O e kuu hoaloha maikai loa, ka hoaloha hookahi iloko o ko'u mau j»ilikia apau, o kou noke mau ana mai i ka uwalo imua o'u, ua like pu ia me kou haehae ana ae i kuu puuwai a weluwelu liilii. O ko'u hoea ana mai imua ou no ke kokua ana mai ia'u, aole loa au i manao niua, e lilo ana ia i kumu hoehaeha aku ia oe, a o ia ka'u e oieio hou aku nei ia oe, he hana hiki ole loa ia'u ka hooko ana aku i kou makemake." . I kela manawa o ka hooki ana iho o ka Cici!ia kamailio ana aku, ua kunewa mai la o Kauka Motimea ihope, a aneane e haule aku ke. kaula kaohi o ka lio mai kona lima aku, eia nae ua hooikaika wale ae la no oia a hiki i kona noho pono ana inai iluna, aia nae maluna o kona helehelena e?hoike okoa mai ana kekahi hiona e hoohewahewa oleia aku ai, me he mea la ua like pu loa oia me kekahi kanaka i hele na makahiki a kahiko. No kekahi mau sekona ka noho pane ole ana o Kauka Motimea, no ka hoomaalili ana i kona mau manao uluku, a ia kuu pono ana iho 0 kela ano pihoihoi iloko ona, no ka pane a Cicilia iaia, akahi no a loaa iaia ka ikaika kupono e kamailio hou aku ai, a o ia kana o ka pane ana aku: "Aole anei ua kamailio mai hoi oe ia'fi,"ttC kou manaoio ana ua make kahiko kau kane? No ka maopopo pono ole anei ia oe ua make io oia ke kumu o kou kanalua ana e haawi mai ia oe iho na'u?" "Ae, ua hoike aku au ia oe i ko'u manaoio ana, ua make maoii no kuu kane aloha, oiai ina eia no oia ke ola nei, aole e kala kahiko oia 1 liuli mai ai ia'u. Ke hoopohihihiia nei no nae kuu noonoo, aka liac —" a nc ,ke hou iho la o Cicilia i ka hookahe i kona mau waimaka. "lleaha ia mea au o ke ka ana iho la?" i pane koke aku ai o Kauka Motimea, me ka leo oluolu loa, ka mea hoi nana i hooi ak-u i ko Cieilia uwe ana. j "O, e luiikala mai oe ia'u," wahi a ua o Cicilia mahope iho o kona j hakoko' ana me kona mau manao uluahewa he nui. "Aole au i j inakemake e hoehaeha aku ia oe, a me he mea la ua like loa au me' kekahi mea hana karaima, ka lilo ana i mea nana e hoehaelia aku | ia oe, e lilo ai paha ia i kumu hoomailo mai i kou kino. "Ua ike au i kau mau hana maikai he nui, a ua aie aku au ia oe no ka hauoli a'u e paa nei i keia manawa. Ina no i maopopo ia'u ua make kuu kane, a ua maopopo hoi ia'u kahi o kona he kupapau e waiho niai nei, aole no e ano e ae ka'u haina e haawi aku ai ia oe mai ka'u pane mua aku nei ia oe. O kuu aloha nona, he mea hiki o le loa ia ke hoopoinaia ae, a ina no aia kona kino ke waiho mai la iloko o ka lua kupapau ma na aina e, aia mau no kuu aloha me ia ; Ina no au e ola aku ana f a luahine, aole loa no ia he mea e loli ae ai o ko'u aloha, a imua o alo o ke Akua Kiekie loa, i alana aku ai mamua a elua 1 ko maua mau aloha pakahi kekahi no kekahi, a o ka make wale no ka mea nana e hookoo ae, a hui hou aku maua ma kela paredaiso nani ma o." "Ua like aku anei ka nui o kou aloha no kau kane elike me kena au e hoikeike mai nei imua o*u?" wahi a Kauka Motimea me ka leo haalulu. "Aole aku la no hoi ka loaa o ka ike ia oe e Cicilia, no ke ano o ko'u aloha nou, a o ia ka'u e olelo ae nei, ua like ka haawina koMko'i i kau mai maluna o'u, elike me ia i ili aku maluna ou, he ehia mea aloha, o ka hoehaeha mauia o ko kaua mau noonoo iloko o ke koena aku o ko kaua mau la o ke ola ana! Akahi no o Kauka Motimea a ike le'a iloko o kela manawa, ua poho wale kona mau manaolana, a ua haule pa-hu hoi kona mau iini apau, a pela hoi ka hiki ole i kekahi mea mawaho ae ona, e pahele aku i ka manao o Cicilia, eia nae aole i nele ke komohia ana aku o na manao mahalo iloko ona no Cicilia, no ka hiki ana i kela wahine opio ke hoomanawanui i ke aloha no kana kane iloko o na makahiki i hala aku o ko laua kaawale ana, he keu no la i kona ike ole aku i kana kane iloko o kela mau makahiki, he mea ia e loli ae ai o kona noonoo, eia ka aole, o ka make wale no ka mea nana e kaili ae i kela aloha e toku mau la iloko o ka puu\%-ai o ua wahine nei, a o ia ka ua o Kauka Motimea o ka hooholo ana iho iloko ona. he oi ae ka pono. o kona hoopau loa ana i ka hoala ana aku i na mea e hooiia aku ai ka ehaeha iloko o ko laua mau puuwai pakahi, a e hoopau loa ae i ka manao koi no ko Cicilia lilo mai i wahine mare nana. Ua poho wale kona mau manaolana apau no kona hauoli, ua like me keleahi waiwai i hunaia aku iloko o ka lua, ka mea nae ana o ka manao kuhihewa ana, e hoopuniia ana kona mau aoao apau me kekahi hiona ana e haaheo ai. Iloko nae o ka hoohokaia ana o kona mau manaolana apau, aia no na mahalo kiekie ana iloko ona no Cicilia, no ka ike ana i kekahi wahine ana e hiki ole ai ke hoohalihelike e loaa kona lua, Oiai nae ua hoehaeha loaia aku kona uhane, eia nae ua piha no oia me ka hauoli no kona ikemaka ana i ka luaole o ke aloha o ka wahine e noho pu ana ma kona aoao, maluna o ke kaa hookahi. O kela mau olelo hope a Kauka Molimea o ke kamailio ana aku ia Cicilta, ka mea nana i hooi loa aku 1 ka hookahe ana o ua wahine ta i kona mau kulu waimaka, a no ka hoomalielie ana aku iaia, ua pane hou aku la ua kauka nei: tf Mal hoehaehaia kou noonoo e Oieilia, no na mea a*u o ka noke ana aku nei i ke kamailio ia oe, no ka mea ua hoike mai oe i ka mea

oiaio wale ni. ka niea hiki oie ia'u e hooili waie aku i na ahewa ana malun oīi aka, owa.i no ka'u e mihi ae nei, oo ko'u heokomo wale ana aki: no ia'u iho iioko o ke kaumaha," alaila unuhi okoa ae la oia i konj ha*.naka. a holoi aku la i na kulu waimaka o ke kulu ana iho maluna o ke poo o Magarita mai kona makuahine iho. "Owau ka'vi e oielo ae i ke kohu ole, o ko'u aloha wale ana aku no ia oe e Cicilia. no ka mea ia oe o ka haawi ana aku i kou aioha i kau kane mua, aole ioa e hiki ia oe ke haawi aku i keia aloha hookahi no i kekahi kane e ae, koe wale no na wahine i mare aku i ka iakou mau kane no ka waiwai ame ka hanohano, ua nele maoli no ka loaa ana oke aloha oiaio iloko o lakou. Pehea no la au i pupule ai, me ko'u ike maopopo no, ina i aloha aku au i kekahi mea, he hana kohu ole na'u ke aloha hou ana aku i ka mea okoa ae mawaho o ka mea mua a*u o ke aloha ana!" "Aole pela e Kauka Molimea» mai hoahewa wale no oe ia oe iho! He oiaio, ua lilo aku ko'u aloha i kuu kane o ka mare mua ana, a he aloha okoa no hoi ko kuu keiki nei, aka nae mawaho ae o laua a elua, aole i nele ka pili kokoke loa ana mai ou e Kauka Motitnea i kuu puuwai. Ua nana aku au ia oe e Kauka Motimea, me he kaikunane la no'u, no ka mea he hoaloha oe iloko o ko'u mau hora o ka pilikia, a he hoopakele hoi iloko o na minuke o ka ehaeha ame ke kaumaha. "He hoaloha io oe no'u, he hoola a he hoopakele hoi no kuu lei aloha e moe nei. Heaha la ka'u mea e hana aku ai, ina aole oe, ma kela huakai au moana a kakou o ka huli hoi like ana mai, ka huakai hoi nana i hookamaaina ia kaua kekahi me kekahi? He uuku nae ia kokua au no ko'u pono, ke hookukuia ae me kau mau hana maikai he nui, iloko o na pule kakaikahi i aui hope aku la, oiai e haKoko ana kuu keiki mawaena o ka make ame ke ola." "Ina ua lilo ka'u mau kokua apau i hana aku ai no kou pono ame ko kau lei aloha nei, i mea e hoomamaia aku ai kou mau manao kaumaha apau, alaila, aole i inakehewa ko'u aloha nou, ua ukuia mai au i kekahi uku oi aku i ke gula ame ke dala, a ke hauoli nei kuu uhane no ia mea," i panai mai ai o Kauka Motimea, me ka leo o ka mea i hele a paupauaho. "Aole anei nau ponoi no e Kauka Motimea mamuli o kau mau hooikaika ana i hoi hou mai ai ke ola o kuu lei aloha nei." Aohe au hoohewahewa ana no ka lilo o kau mau hooikaika ana apau i mea nui iloko o kuu noonoo, a ina o ka pule ka mea nana e haawi mai i na hoomaikai ana maluna o kekahi mea, alaila owau ka hikimua o ke kalokalo ana aku i ke Akua e hohola mai Kana mau hoomaikai palena ole maluna ou, a ke manaoio nei no hoi au, aole i hoi nele ka'u leo pule." Ma ke koena aku o na wahi a lakou o ka holo ana aku, ua noho hamau waleia no ka hapanui o ka manawa e Kauka Motimea, eia no nae iaia e ike aku ai i kekahi mau mea ana i manao ai, he mau mea maikai ia no ka hoikeike aku imua o kana malihini, ma ia nianawa wale no oia e kamailio aku ai, aka nae aole ua kauka nei i hoopokole i kana lawe hoomakaikai ana ia Cicilia, aka ua lawe aku la oia ma na alanui maikai loa o Kapalakiko, a huli hoi aku la no ko lakou home, ma kekahi alahele okoa, i kamaaina mua ola ia Cicilia. Iloko o kela mau manao hoehaeha i ili aku maluna o Cicilia no hiki ole iaia ke hooko aku i ke noi a Kauka Motimea, e lilo aku oia i wahine mare na ua kauka nei, ua pii mahuahua mau mai la ke ano maikai o kona kino, a pela no h'oi me Magarita, a ma kekahi la mai, ua mohala maikai maoli ko laua mau helehelena ke nana aku. Loaa mai la nae ka ike ia Kauka Motimea, aole he laau e ae e hiki ai ke hoihoi hou mai i ke ola kino maikai iloko o ka makuahine ame kana kaikamahine, o ka hele holoholo wale no, nolaila ma kekahi la mai, ua lawe hou aku la no oia ia Cicilia ma i ka holokaa, eia nae, aole loa oia i hoala hou aku i kela kuinuhana mua, ana o ka hoopa ana aku ia Cicilia ma ka la mamua aku, a ma ia ano me he mea la, ua hoopoina like laua i na ano maikai ole apau a ke nana aku ia Kauka Motimea ame Cicilia, ua piha ko laua mau noonoo ma na mea a ko laua mau maka e ike aku ana.

Ke lawe hoomakaikai la o Kauka Motimea ia Cicilia ma ka Paka | Gula, kekahi o na paka ma>kaikai nuiia e na malihini, a pela no lioi j me kekahi mau paka e ae, i kaulana ai o Kapalakiko, no ka mea ua, makemake ua kauka la, e loaa ka ike ia Cicilia i kela mau wahi, mamua o ka huli hoi ana aku o ua wahine opio la no Nu loka, oiai, wahi a ua o Kauka Motimea o ka noonoo wale ana iho no iloko ona, aole e hooloihi iho ana ka noho ana a Cicilia ma Kapalakiko, mahope o kona lohe ana aku no ka nui o ko ia nei aloha nona. Me ka nana ole no nae o ua o Kauka Motimea, i ke kaawale aku o ka wahine ana o ke aloha ana mai iaia aku, he hookahi mea nana i hoōhauoli loa mai i kona manao, o ia no kona hana ana aku ma na mea apau e pono ai ka makuahine ame kana kaikamahine. MOKUNA XXXIV. Ma kela la a lakou nei o ka hele holoholo ana, ua hoike aku la o Cicilia imua o Kauka Motimea, na ke Akua no e haawi mai i ka uku i oi ae imua o ka ua o Cicilia e haawi mai ai, eia nae aole loa ua o Cicilia i moeuhane mua e hoea mai ana i ka hookoia ana o kana wanana, a pela pu hoi ka hookoia ana o na olelo a Kauka Motimea iaia, no ka hoea inai i ka manawa e hoihoi houia mai ai ka hauoli piha iloko o ko Cicilia puuwai. Ma ia noho hou ana aku a ua o Cicilia me kana kaikamahine malalo o ka malu o Kauka Motimea, aole loa i hoopua'i houia kekahi mea e pili ana no ko laua mau aloha. eia no nae he mea hiki ole i ke kauka opio ke huna aku i ka mea huna iloko ona, ua ahuwale ia ia Cicilia ke ike aku, oiai hele mai la na maka o ua kauka nei a nahonaho, a ke ike okoa aku la no hoi o Cicilia i kekahi manawa i ke kaumaha maoli no o ka helehelena o ua kauka nei. Ma na inea apau a Kauka Motimea e hana mai ai no Cicilia ame kana kaikamahine, aole no ia i kaokoa ae mai kana mau hana maluna o laua mamua aku o kona hoike ana mai i ka nui o kona aloha no Cicilia. a ma ko Cicilia aoao nae ke mihi loa la oia iloko ona. malia he hana maikai ole loa nona ka noho kokoke ana aku ma ka aoao o kela kauka i piha i ka oluolu ame ka lokomaikai, me he mea la iloko o kona noonoo, he oi loa aku ka pono o kona hookaawale koke ana mai iaia mai, malia he mea ia e hoemiia mai ai na hoehaeha maluna o kela kauka. I kekahi la nae, ua hoike okoa aku la ua o Cicilia ia Kauka Motimea i kona manao e huli hoi akn no Nu loka, ina ua hiki kupono ia Magarita ke hoi pu maluna o ke kaaahi me ka pilikia ole, me kona hoakaka pu ana aku, no kana hana e kakali mai la iaia o ka huli hoi aku. Aia ka nanaina maikai ole maluna o na maka o Kauka Motimea, no kela noi a Cicilia, a no kekahi mau rainute elua kona noho ' pana ole ana, alaila i mai la: "Ua noonoo no au, he mea maikai ka ae ana aku ia olua e hele holoholo. aole nae au e ae ana e huli hoi olua no Nu loka, oiai aole i loaa ka ikaika kupono i kou kino, no ke komo koke ana aku ma kau hana. O kekahi kumu no hoi e hiki ole ai, oia no ka loa.*» ole o ke ola maikai i kau kaikamahine, a raa ko f ti manao maoli, e heie holoholo olua no kekahi wahi, a hala he mau mahina, a ina no ka loaa mai o ka ikaika pakahi ia olua, me ka piha pono hoi o ko olua mau papalina, alaila huli hoi aku oe rae kau kaikamahine no Na loka, a lawelawe aku hoi paha ia o ka hana, aohe mea nana e hoopilikia mai i ka noonoo, ua ikaika ke kino, a ua kaawale aku na mea hookaumaha mai i ka naau." 4< Aole no a'u mau ku-e ana i kena manao ou e kuu hoaloha maikai, aka nae—" "Mai aka mai oe, oiai aole keia he rnau olelo palaueka wale no na'u, aka maluna olaila kou pono ame kou hauoli, a o ko pale ana mai i keia kauoha a'u, aole loa e ili mai maluna o'u na ahewa ana, no kekahi hopena maīkai ole e hoea mai ana ma keia hope aku maluna o olua pakahi. Aole o ka pilikia i hala aku la, ua pae maa-

lahi mai kakou m» keia aoao o ka muli«ai o ka ""*** pulile 'koi" kana, ao ia kaa e o!do ak, nei Uoe e akah,™ P U ™ **« „o ka hana. No ka haaa aku no k«i n«, o « e mea mua e imi ai, a mahope na mea e ' -v.^y* aoei oe i keia mea a*u e kamaiiio aku nei t |C1 * N'ana aku ia o Cicilia me na .naka kaumaha. o.a, o ke da.a ka n.ea nni e hiki ai ke hele hoomaha m» kekahi mau «ihi a ha.i he mau mahina. a o ia kana e nahi wll ® me kona ike hiki ai iaia ke ae aku i ke kauoha a Kauka • ' ' no, he nele kona noho ana, a he mau wahi data uuku wale no *ana e lawa ai no laua e huli hoi aku a> no Nn loka. a e \ 1 be mau la ia laua ma ka ai pakiko ana i kana mau kenikem i u>aa. Kau mai la imua o kona noonoo kona bila aie o ka noho ana nialoko o kela hale hoolimalima, e lUo nui aku ana kekahi mau dala ana malaila. Ua ike no nae ua o Oieilia, ua hele kona wahi kino a omali, mamuli o ka makaala mau ana i ka po, me ka hianioe ole no ka pono o kana lei aloha, a ua hookiia hoi ka ai » kekahi manawa eia, alaila no ka hoomaopopo pono ana aku i ka loihi o kona manawa e hele hoomaha aku ai ma Saratoga, ua ninau okoa aku la oia: "O keia huakai hele hoomaha a maua ma ke ano hoolanalana ma'i no Saratoga, pehea la ka loihi a maua e noho ai malaila, i kou manao, mamua o ko maua huli hoi hou ana aku no ke kulanakauhale o Nu Ioka?" "Ma kahi o ka elima a eono mahina ka loihi a olua e noho ai ma kela wahi, alaila manao ae ka hoi no N'u loka. K kauoha koke aku oe ia Maka e holo mai no Kapalakiko nei, a e kaa aku malalo ona ka malama ana mai ia Magarita, o kekahi mea ia nana e hoomama mai i kau hana, a e loaa pu mai ai no hoi he manawa hoomaha nui ia oe. Aole loa e loaa i kou kino ke ola maikai elike me mamua, ina aole oe e hoolohe mai ana i keia mau kuhikuhi a'u. a ke holoi nei au i ko'u mau lima, mai ka ili ana mai o na ahewa ana ma kekahi ano. ke hooko ole oe i keia mau mea apiu a'u e hoakaka aku -nei no ko olua pono." "Manao au, e hiki ana no ia'u ke malama ia Magarita, me ke kauoha ole aku ia Maka e holo mai," oiai nae ke huna la oia i ka mea oiaio, o ia no ka nui'o na hoolilo, e hiki ole ai iaia ke kauohi aku i kana kaikamahine malama keiki e holo mai e kokua iaia. "Aole e hiki ia oe ke malama ia Magarita. ike au i kou mau ano apau a kakou e uoho nei. Iloko o na hora kakahiaka, ua ike au i kou maluhiluhi maoli, e pono ole ai oe e lilo i mea lawelawe aku no kau kaikamahine, aka e loaa he manawa nui nou e hele ai i ka holoholo, pela wale no e loaa mai ai ka ikaika i ke kino. Ma na hora hoi o ka auwina la, ua ike au i' kou hele a piha me ka pihoihoi, a he lehulehu wale na manawa a*u o ka iko ana aku maluna o kou helehelena, i na hiohiona e hoohewahewa ole ai, no ka hele o kou noonoo a luuluu me na haawina o ke kaumaha." Me na waimaka e kihe'ahe'a ana ma na lihilihi o Cicilia i nana aku ai oia ia Kauka Motimea, oiai ua hua'iia mai la na mea huna apau a anuwale iwaho, ka mea no hoi a ua o Cicili o ka huna kele ana iloko wale iho no ona, me ka makemake ole e hoikeike wale aku imua o kela kauka, a o ia kana o ka pane ana aku: "Aole au i manao, e hiki ana la i kekahi ke ike m&i i ko'u mau manao apau, eia ka e ahuwale ana ia ia oe e Kauka Motimea," wahi a ua o Cicilia me he mea la ua ake loa oia iloko o kela manawa e hookaawale koke aku iaia iho ma kekahi wahi, no Jca hoonana ana i kona mau manao luuluu. ''Auhea oe e Cicilia, ua manao no anei oe e huna i kou mau kaumaha apau mai ia'u aku?" i ninau hou aku ai o Kauka Motimea, me ka leo oluolu. "O ka'u maoli no ia i hana ai, ua hiki ole nae, mamuli 0 kou kilo ana mai ma ko'u mau ano." "A pehea, e hoole maf 'ana*\iftei oe i ka'u mau mrrf o īlio mua ana aku nei 110 ko olua hele holoholo ma Sa r ole e ae mai ana paha oe?" * "Akahi au a haawi aku i ko'u ae. e hele no Saratoga. no ka mea ina i ike mua oe, aole i kupono kela wahi no ko'u ola kino, a pela hoi no ka pono o kuu kaikamahine nei, aole no oe e hoike mai ana ia mea, a ke hilinai aku nei au i ko maua pono, mamuli o kau mau kuhikuhi ana," wahi a Cicilia me ka leo kaumaha. k4 Alaila e kauoha aku ana anei oe ia Maka e holo mai, a i hookalii ko oukou hele like ana 110 Saratoga?" Xana aku la o Cicilia me ka nanaina kaumaha maluna o ke kauka, a i aku la: "Aole no anei hoi, ua lawa no ia'u ka malama ana aku iaia, e makehewa wale ai no ko Maka holo ana mai?" oiai nae o ka oiaio, ke kaumaha la o Cicilia no ka nui o na hoolilo ma kona aoao. "Owau ka mea i ike, i ka hiki kupono ole ia oe ke malama ponoi aku i kau kaikamahine, a e nana i kou mau lima i keia manawa, ke ike aku nei au ika hele a haalulu," iua Lieilia oka nakii ana ae ike kaula o kona lole e konioana. "Aole loa he pono t lawelawe oe i kekahi hana, aka e hoomaha wale no oe, a e hele mau : ka holoholo i kela ame keia rana\va, a i mea okoa aku hoi ka mea nana e malama ia Magarita." "No kou paakiki loa hoi e kauoha au ia Maka e holo mai nolaila ke ae aku nei au i kou manao, a i keia la au e hoouna aku ai i kekahi leka nana, aole nae no kona holo j>ololei mai i Kapalakiko nei, aka no kona imi ae a loaa maua i Saratoga. Manao au, e haalele iho ana maua ia Kapalakiko nei i ka la mahope aku o ka la apopo," wahi ana, oiai nae ke ike la oia. i ko laua mehameha ma kela huakai, aole hoi ka hele pu me Kauka Motimea, i hiki ai ke makaalaia ko laua pono. no na ulia ma kela alahele. 0 kela hoike ana aku o Cicilia no ko laua la e haalele iho ai ia Kapalakiko, me he po'iwai la i nininiia aku maluna o Kauka Molimea, ke kahe o ka hou ma ka lae o ua kanaka nei, no ka mea 0 ke kaawale ana o Cicilia me kana kaikamahine mai iaia aku ua like ia me ka haha okoa ana mai o ka lua kupapau no ke ale ana aku iaia, eia nae no ka pono o ka makuahine ame kana kaikamahine, ua apono aku la no oia. i kela manao o Cicilia, alaila hoolala iho la no na mea apau n pono ai kela huakai. 1 ka hoea ana mai i ka la a Cicilia ame kana kaikamahine e haalele mai ai ia Kipalakiko, ua ala kakahiaka nui ae la oia, a komo iho la i kona lole kaahele, a iaia o ka iho ana mai no ka iiale olalo, no ka ai ana i kona aina kakahiaka, ua paa pu aku la oia i kana eke dala, no kona makemake e hooponopono i kona bila aie o ka noho ana ma kela hale hoolimalima me ka ona hale. O kona ai nae ia a pau, ua kauoha aku la oia i ke kuene no kona makemake e ike i ka ona hale. oia o Mrs. Lakana, a i kona hoea ana mai, ua haawi aku la o Cicilia i kana mau mahalo kiekie ana, no na maikai he nui i hanaia mai maluna ona, ame kana kaikamahine, alaila ninau aleu la oia i ka nui o kona aie, no ka nobo ana ma kela wahi, a pela hoi me kana mau meaai o ka hoolakoia ana mai. Ua piha loa o Mrs. Lakana me ke kaumaha, no ka hoike ana aku o Cicilia e haalele iho ana oia i kela hale ma kela ta, oiai oa pili aloha no hoi ko Cicilia noho ana me na mea apau oloko o kela hale hoolimalima, a hiolo okoa mai la na waimaka o oa ona hale nei, a iaia nae o ka holoi ana ae i kona mau waimaka, ua i mai la me ka leo oluolu: 1 "Ke kaumaha loa nei au no kou haalele koke ana mai i keia I noho pu ana o kakou. eia nae he mea hiki ole ia'u ke au'a aktt ta | oe, ina pela iho !a e loaa ai ka ikaika i koa leino, aiae ko kau kaikamahine. No kau ninau no ka nui o koa aie, ke hoole aku nei ' au ia oe, aohe au mea e ukit mai ai ia'u V I (Aole i pau.)