Ka Nupepa Kuokoa, Volume LI, Number 12, 28 March 1913 — HE MOOLELO NO GEREKIA Ka U'i Hoomahie a na Ipo A I OLE KA WAHINE I HAULEHIA ILOKO 0 KE KUHIHEWA I OPEA WALEIA. [ARTICLE]

HE MOOLELO NO GEREKIA Ka U'i Hoomahie a na Ipo A I OLE KA WAHINE I HAULEHIA ILOKO 0 KE KUHIHEWA I OPEA WALEIA.

"O Kamaki Gibbs," wahi a Gerekia o ka hooho ana ae me ka puiwa. Ua hiliia aku la ka lio a ke aha'i la ka pupuhi i kalio a haaleleia aku la o Kamaki Gibbs e ku lohaloha ana makai o ke alanui me ka hiki ole iaia ke hana mai i kekahi mea maluna o Gerekia, oiai nae, ua ike maōpōpo loā mai la ua 'kanaka la o Gerekia no ka wahine ana o ka ike ana mai. "Eia ka i Nu loka nei kela wahiiiē Hs6katlo a'u 0 ka ha'oha'o ana i kela mau manawa aku nei, laki maoli no ko'u ik€ ftnfl ilio nei iaia ia nei, eia nae hoi ka pilikia aole i maopopo aku nei wahi e ioaa hoa aku ai," wahi a Kamaki o ka namlinamu ana iho. "Na ka ikaika loa o kona kunu i hooki koke i kana noonoo anā i .kekaii mea e pili ana ia Gerekia a hooinaka aku la e hele ma kona alahele. Ja Gerekia hoi e hoi hou la no ka hale o Mrs. Habada, aia mau iloko ona ka maka'u no Kamaki a ke hoonana wale la no oia i ke kapalili o kona puuwai a hiki i ko laua hoea liou ana aku i ka hale. ""O kela ke kanaka mua loa o Bafalo a'u i ike ai maanei no kefcahi manawa loihi mai kuu hoea ana mai i Nu loka nei a hiki mai i keia manawa. Me he mea la he ouli hoike mua keia o ka poino e ihiki mai ana maluna o'u, eia nae hoi aole no i hana mai kela kanaka i kekahi hana e hoopoino mai ai maluna o'u, a no keaha i maka'u honua wale iho ai no au iaia." Ma ia po iho ua mau loa ke kaumaha iloko ona a ua hiki ole iaia j flce hiamoe lealea i kela po, me he mea la o ka helehelena o ke 'kanaka ana o ka ike ana, e ku mau mai ana ia imua ona a e hooonaka'uka'u mai ana iaia. Eia nae, iaia i ala ae ai i ke kakahiaka ua kualiilii loa mai la kona maka'u «ole hoi e li'ke me ia ahiahi ana o ka hoi ana e moe, a oiai ■e ike mau aku ana oia i ko Paula helehelena hauoli ua komo pu aku !a oia a hookaihi ko laua hauoli pu ana a poina loa ae la iaia na ma.fiao hopo?lopo ka loaa o kekahi poino iaia ma ia hope aku. I kana nanaaku ia Paula, kana aikane i kela kakahiaka me he mea la-he wahine Tiqu loa oia, aole kela ano mau ona mamua he ano hou loa keia, no ke kumu paha ua pahee i ka welowelo. Oiai laua e ai ana i ko laua aina kakahiaka, alaila, kamailio mai la o Paula i na mea apau a laua i hooholo ai me Mr. Kanina i ke ahiahi mamua iho ia Gerekia, e hoakaka ana i kana mau mea i kmailio aku ai ia Mr. Kanina a pela no hoi o Mr. Kanina i kana mau mea i manao ai, no ko laua hoohuiia aku ma ka mare. Ua hoakaka pu aku la o Paula ia Gerekia, mamuli o kekahi hana rna Bokekona ua koiia mai o Mr. Kanina e holo hou aku ilaila a e hala ana elua pule iaia malaila, a i ka wa e pau ai o ia hana oia 'kona inanawa e hoi loa mai ai a noho paa ma Nu loka. Ma ka laua mau mea o k£ kukakuka ana a hooholo aole e hoike Jaula kokeia ae ko laua mare a hiki i kona hoi ana mai i loheia ae no ia a mare koke 110 me ka hooha'kalia houoleia aku. "Ina pela ana, e Paula, e lilo ana kau olelo hooholo i hana hoo lioka loa aku i ka manao o kou mau hoaloha, no ka mea, o ka lakou ■e kali mai nei o ko la'kou lohe koke aku i ka inea oiaio e pili ana i ko olua mare a hoomakaukau mai lakou i kekahi niau mea ma ko lakou aoao no ke kokua ana i kou la hilahila." 4 *No keaha hoi e hoohokaia aku ai la'kou?" wahi a Paula. "No ke kumu hoi paha ua liu keia mea hou e pili ana i keia marc ou i keia manawa a ua lohe mahu'ihu'i mua kekahi poe iwaena 0 kou mau hoaloha, a ke kali mai nei lakou o ka lohe aku i 'ka mea oiaio, a oia ka lakou e manao mai nei e hele mai e haawi i ko lakou hoomaikai mua ia oe." Alaila hoakaka aku la o Gerekia i kana mau mea i lohe ai i ke kamaiiio o Mrs. Van Nest maloko o ka rumi komolole o Mrs. Ilabada i ka po mamua iho. "lna pela, e pono 110 ia lakou e hoomalielie iho i ko lakou mau noonoo ma kekahi mau mea e hoomamaia ae ai ko lakou iuaina a hiki mai i ka wa pono," wahi a Paula o ka akaaka ana maiy me kona noonoo ole heaha aku la ia mau mea nana e hoomama ae i ko lakou mau noonoo. Ma 'ka hora umi o kela kakahiaka hoea hou mai la o Mr, K?inina 1 ka hale a hele pu aku la me ia noloko o na hal'ekuai 110 ke kuai ana i kekahi mau mea a Paula e makemake ai, a ia Gerekia hoi i hoi aku ai noloko o ka rumi me ka ehaeha o kona naau no kona noho hooIkahi ana iho la me ka mehameha, aj oiai nae oia e noho hookahi kii aku la oia i kana pila hapa a hoomaamaa iho la iaia ma -kekahi mau mele hou loa o ka loaa ana mai. Ua hala iaia he hapalua hora ma ia hoomaamaa ana a ua lilo loa aio hoi kona noonoo me ka hauoli loa ma ia hana a hoea aku ana .ke kaikamahine kauwa me kekahi palapala ma kona lima a haawi .aku la iaia. Hopu mai la oia i ka leka a wehe ae la, a i ka minuke no i kau iho 3ti ka ike a kona mau maka maluna o ka inoa o Remona Venetoa, ka ehakoni, pii ae la ka ula ma kona mau papalina a ma na pepeiao, me ka lamalama loa ana ae o kona mau maka i ka ua mea o ka piha 3iauoli o Kawelohea. O kona eu koke ae la no ia a hele aku la ma kahi .o ke aniani kilohi •<* ku mai ana a hooponopono ae la i kona lauoho, holoholoi ae la i fkona mau maka me ka hooponopono ana ae i kona wahi aahu, a ia •ike ana iho ua makaukau oia e halawai aku me ka La i Haehae, o leona kamoe pololei aku la no ia no ka rttmi kahi ana e halawai aku ai me kana aloha. Ia komo ana aku ana iloko o ka rumi, ku koke ae la o Mr. Reinona iluna a hele mai la e hui me ia a i ka pau ana o ka laua ike *na, i niai la ia Gerekia: "Ea, e Gerekia, e hiki pono ana no anei ia oe ke uumi iho i ka ehaeha o ka nuhou a'u e hoike aku ana ia oe, lie mea hou hoi nana e hoohaku'i aku i kou puuwai me ka ehaeha Joa?" "O, manao au e hiki pono ana no ia'u ke uumi ia ehaeha. Heaha m mea hou kaumaha au e hoike mai ana?" wahi a Gerekia o ka hawanawana ana ae oiai oia e pili aku ana i ka umauma o Mr. Remona, kau ae la kona mau maka iluna me ka nana pono ae i ko Mr. Remona mau ma'ka. Aohe no keia he mea hou e hoopoino aku ai ia oe, aka nae, e loaa i»na ia oe kekahi hoehaehaia no kekahi manawa." E ha i mai hoi paha i loheia aku hoi. Ua makaukau au e hoolohe aku i keia manawa," wahi a Gerekia me kona ake nui loa e hoike kokeia a'ku. "Ua make o Loida Lanahama," wahi a Mr. Remona Venetoa o ka pane ana iho. "l T a make!" Ua like loa ae la ko Gerekia helēhelena 'i kela manawa me ka hau ke aiai pu iaia i nana pono ae ai iluna ia Mr. Remona no kekahi manawa a i kana nana iho, me he mea la ua oki ke pana ana a kona -puuwai. "Ae, e kuu alōha, ua ma'ke ia oia; aia malōko o ka Nupepa Telelealama o ke ahiahi nei ka hoakāka no kona make ana, a no ka

nui o ko'u kaumaha no kela mea hou i hiki ole aku ai au i ka hale <> Mrs. Habada i ke ahiahi nei, no kuu hopohopo o lilo hoi auanei ka'u mea hou ame ko'u ano kaumaha e ike mai ai oe i mea hoano e aku i kou noonoo a mamuli o ia kumu e hookupono oleia aku ai oe ma kau mau haria o ia ahiahi. i "Aohe hoakaka maloko o ka Post ka nupepa ahiahi au e heluhelu I mau ai, nolaila ma ia ano ua maopopo ia'u aole i maopopo ia oe kekahi mea e pili ana i kela meahou- "Hele mai maanei e noho ai, v wahi hou a Remona, no ka m?3V ®iai oia e nana pono aku ana ia Gerekia i kela manawa, ke ike la oia i ka haikea loa o kona helehelena aneane e maule mamull l o kana mea hou hoohikilele o ka hoike ana aku la iaia. Hopu mai la oia i ka lima o Gerekia a alakai aku la iaia ma kahi o ke koki e ku mai ana a hoonoho iht> la iaia ilalo me ke akahele, a ia noho pono ana iho o Gerekia noho iho la oia ma kona aoao. ; "E oluolu oe e hoakaka mai ia'u,' wahi a Gerekia o ka nana ana ae a noi - ae la e hoakaka pono aku iaia, a palulu ae Ia i kona mau maka me kona mau lima a e naka wale ana no hoi kona kino mai ke poo a -hala i na wawae. I "Ke ike nei au i ko'u hewa loa o ka hoike 'koke ana aku nei ia oe, ia oe, o ka pololei loa ia'u e hana ai oia ko'u kali a hiki i kou niakaukau ana, o ke kumu no nae hoi o ko'u hoike koke ana a'ku nei,' no kuu manao, ua ike mua a i ole ua lohe mai no paha oe ia mea hou mai kekahi poe mai, oiai he mau la lehulehu ae nei ka ikeia ana 0 kela make ulla ma Sana Augesetina, Felorida, aole no e nele ana ka wawa laula loaia ae." J "He ulia! Ua pepehi maoliia anei oia?" wahi a Gerekia o ka hawSfiBW«ina ana ae. "Aofie i pepehiia, aka i haule iloko o ke kai a piholo. O Loida ame kekahi keonimana okoa iho o Welinetona ka inoa ka i lele pu me ka po*6fesa Aka maluna o ka haluna, a oiai lakou i ka lewa, ua pii emoole mai la kekahi ao a uhipaapu ia la"kou. "Aole i liuliu loā iho mahope ua hoomaka mai la kekahi makani ino ikaika e pa a ptffoiia aku la ka baluna a lakou e kau ana i ka moana kaiuli, ua nahaha ka baluna a pau loa lakou i ka make. O ke kino o ka Porofesa Aka i loaa aku, a o na kino o na mea e ae elua aole i loaa a ua manao wal'e iā ua lawe loaia laua e ke au i ka moana." "O, he ku maoli i ka vvelivV-eli kela ulia i poino ai lakou," wahi a Gerekia. I 'Ae no hoi, aole paha he weliWeli he walohia maoli no hoi. Eia no me a'u ka nupepa i keia manaw v a e hoakaka ana i kela mea hou. Pehea la, e heluhelu aku anei au ia oe, a i ole e manao ana no paha oe nau no e heluhelu, aia no nae ia i kou makemake?" wahi a Remona o ka olelo ana ae, a o kona huki koke ae la no ia i ka nupepa mailoko ae o kona pakeke. Lalau mai la o Gerekia a paa aku la i kona lima no kona manao iho la aole hiki iaia ke hoomanawanui iho i ka ehaeha ke hoolohe 1 mai i kona leo e heluhelu aku ana iaia i kela moolelo walohia. | Ia loaa ana aku o ka nupepa ia Gerekia, alaila, ku ae la oia a hele aku la ma kekahi puka aniani a malaila oia i heluhelu iho ai, ma na mea e pili ana i kela make ana o kana kane. Aohe no he loihi loa o ka moolelo; e hoakaka ana i ka haluna hou 0 ka Porofesa Aka ana no i hana ponoi ai me kona ike a he haluna hoi ana o ka hoike ana ae i kona mau hoaloha he baluna oi loa aku ia o ka maikai mamua o na baluna e ae i hnaia mamua aku e kekahi poe hana baluna. O ka la i hookaokoaia no ka lele hoaoia ana o ua baluna la, oia no ka la a Gerekia ma i u hoi mai ai mai k home kuaaina mai o Mrs. Habada, a o na mea elua mawaho ae o ka Porofesa Aka i lele pu ai maluna o kela baluna, oia o Welinetona ame kekahi kanaka nona ka inoa o Loida Lanahama, he kanaka i hoolimalimaia e kokua i ka hookele ana i ka baluna. He kakahiaka malie loa kela la i hookaokoa ia ai no ka lele ana, he ano huihui nae ke ea, a mamua o ka hoomaka ana o lakou e lele, ua ikeia aku la kekahi ao o ka pii ana mai ma ke komohana hema. 0 kekahi ia o na la maka kanaka nui loa no ka mea, he mea hou loa ia i ka loheia ana aku e lele ana ka Porofesa Aka i ka lewa ma--1 iuna o ka baluna hou ana o ka hana ana, a i ka wa i lele ae ai ka ) baluna a he mau kapuai ke kiekie maluna o ka ilihonua, ua hookanii kani pihe ae la na kanaka no ka holopono o ka hana ame ka lele I ana, a ua manaoia e na kanaka apau aole e loaa ana kekahi ulia a hiki i ke kuu hou ana iho o kela poe ilalo. 1 ka baluna i lele ae ai a he mau haneri kapuai ke kiekie i ka lewa, ua hooikaika loa mai la ka p<i ana a ka makani, pouli koke ae la no ka lewa i ke ao a pau ka ikeia ana aku o ka baluna, a elike me ke ; kiekie o ka lele ana ae o ka baluna, pela no ka hoomahuahua mau | loaia ana mai o ka ikaika o ka makani a hiki i ka lilo ana he taifnni , a puhiia aku la ka haluna i ka hema, elike me ke ano makani e ike j mau ia ai ma ka hema, a ua hala he mati hora o ka pa ana a ia ma- , kani me ka ikaika, a i ka wa i pio ai ka ptt aiia a ka makaili aole ikeia aku o ka baluna, oiai nae ua lehulehu na kanaka i holo aku maluna . e na waapa mokuahi e huli ai i ka maona no na kino make. | Ua manao kekahi poe e ike iho ana no ka Porofesa Aka i ka ikaika o kela makani a hoi hou mai la, aole nae hookahi ola i hoi ola mai I ua pau loa i ka make. Elua la ma ia hope mai,, ua hoopiha loaia na kanaka i ka weliweli i ka loaa ana aku o ka haluna i pau i ka nahaha e lana mai ana na kanaka he mau mile lehulehu ma ka hema aku o Sana Augesetina, ua hihia na kaula i ke aa, a ma kekahi wahi mamao iki aku i loaa aku ai ke kino make o ka porofesa ua weluwelu , ke kino me ka pau o na au i ka hakihaki. Ua hooikaika loaia ka huli ana no na kino make o na kanaka e ae elua, a hiki mai i ka la i pa'iia ai ka Nupepa Telekalama aole i loaa iīei; o ka lima ia o ka la mahope o ka loaa ana o kela ulia, he kipuka no Welinetona ka mea i loaa aku me ka papale i ike mauia i ke komo o Loida Lanahama, a no ka loaa ole ana o na kino e ae ua manao loaia ua koia e ke au i ka moana. "O, he ku maoli i ka walohia kela make ana o kela mau ola!" wahi a Gerekia mahope o ka pau o kana heluhelu ana, a i wale iho la no iaia iho ua ilihune maoli aku la o Loida ke ae la oia e noho hana aku malalo o ha'i i loaa ai iaia ke ola o ka noho ana, oiai nae, o ka mea oiaio aole oia i nele maoli, aka ua hookonokonoia kona manao e komo pu ma kela hana no kona makemake e ike i ka lele ana i ka lewa. "Ae, he ulia kaumaha loa maoli io no hoi kela," wahi a Remona o ka hooia ana mai, iaia i hoi hou mai ai a noho ma ko Gerekia aoao. "Aole no au i maopopo i ke kiimu nui o ko kekahi poe kanaka hoao ana e hana ma na hana e mauna ana i ko lakou mau ola, aka, hookahi no paha kumu nui, no ke ake mai no o na kanaka i ke kaulana, aka nae, i ka nana aku i ka naauao e loaa mai ana ame na pomaikai e ili mai ana mai ia mau ano hana mai aole loa i lawa e molia aku ai i na ola. Aka nae, ua lilo kela mea hou i mea hoohaku'i loa i kou ' noonoo," wahi ana me ka leo kaumaha, alaila lawe mai la oia i ka ! nupepa mai ka lima mai o Gerekia, a waiho aku la ma kekahi wahi okoa. "Ae, ua hoohaku'i loaia ko'u noonoo me ka lele o ka hauli, o ka oi loa aku o ka weliweli o kela make no ka loaa ana o kekahi make i kekahi kanaka i like me Loida Lanahama, no ka mea, he kanaka naauao j oia e hiki ai no iaia 'ke huli i kona ola ma na hana e ae, eia nae, ae aku Ia oia e komo pu ma kela hana a laa ka loaa o kela hopena poino, la. Ua loaa no ia'u he wahi manao, i ka wa hope loa a'u i hui ai me ia ma kekahi manawa i hala koke ae nei, oia ano o ka make ana aia I mau mamua o kona alo i na wa apau, mamuli mai o kona hoao e hana i na hana kekee lehulehu. I "Alaila, ua halawai mua anei oe me ia mai Icou manawa i hoea! mai ai i Nu loka nei?" wahi a Remona o ka ninau koke ana aku. "Ae, he wahi manawa liilii loa mamua iho o ke Kalikimaka." "Ihea ia wahi a olua i halawai ai?" "Ma ka ahamele i weheia ai e Mrs. Van Nest ma kona home no ka imi dala ana no ka pomaikai o na keiki makuaole." I

"A, ke hoomanao io ae la au; owau kekahi i koiia mai e hele i kela ahamele ma kela ahiahi. a me kuu ike oie e koiia mai ana h.»i ati no kekahi liana okoa. ua hele aku la au e hooko i kekahi hana a o ia ke kumu o kuu hiki ole ana aku. Oia anei kekahi ihila i kela ahiahi?" wahi a Remona o ka ninau ana ae. "Ae, oia kekahi." "Huna loa nae hoi oe ia'u aole i hoike iki mai, no ko manao pahā 0 hoopaheneheneia aku?" "Aohe ia o ke kumu, no ka hiki ole no ia'u ke uumi iho i ko'u hoihoi ole iaia?" A eia nae hoi, ua makemake au e hoike aku ia oe no kekahi mea i loaa ia'u e pili ana nona i kela ahiahi, aole nae hoi 1 loaa ia'u ka manao koa e kamilio aku ai ia oe no ia mea a'u i ike ai. n "Xo ko'u lilo anei i mea hoomaka'uka'u aku ia oe?" wahi a ka Remona ninau. "Aole no ia, no ka mea, he kanaka hoi oe na'u i aloha ai mamua 0 na mea e ae apau o keia ao, o ke kumu nui no no ko'u ano niau hoonaukiuki no nona me ko'u hoihoi ole e kamailio ae i kona inoa, ua ike oe aia mau iloko o ko'u naau ka hoowahawaha nona a hiki aku la i kona make ana," wahi a Gerekia. "Ina hoi ha pela, e oluolu hoi oe e ha'i mai ia'u i keia manawa no ia mea au i ike ai. Heaha ia mea?" "He mea ano nui loa keia. O William Lang, o ka hui hoopukapuka aina o Hawada ame Lang, aole ia he kanaka okoa aku, o Loidā Lanahama no ia, hookahi kanaka elua inoa. Aole anei keia he mea kamahao loa i kou noonoo?" "He mea oiaio kena au e kamailio mai nei, ea?" wahi a Remonā me kona hikilele loa ana ae ia manawa. "Akahi no au a hoomāopopo eia ka o ke kumu ia o kona noho mumule me ka piha loa i kā huhu ia'u i kuu wa i hele aku ai e kukakuka me ia e pili ana i kelā mau palapala hoike no na kea o Kinesele iloko o ka hui eli gulā Juniata, a olelo aku ai au ia laua i ka epa me kuu hoahewa loa ana aku ia laua no ka laua mau hana apuka me ka hoao e powa ia oe. "Ua hoao mai oia e hoonowelo olelo ia'u i maopopo aku iaia kou wahi e noho ana aole nae au i hoike aku iaia. Ma na manawa apau a'u e halawai ai me ia ma ia hope mai, ua ike aku au i ka inoino o kona helehelena ke nana mai ia'u, ke ano no hoi o na punalua, eiā nae, aole i kohu ka huaolelo punalua ia'u.ia manawa, akahi no a kohu pono iho la ua make aku la oia a lilo loa na'u ka waiwai. "Ile mea kupaianaha no hoi ke nana aku i ka hiki ole ana ia kakou ke ike i kona inoa pololei mamua. Aole anei ou manao iho pela?" wahi a Gerekia o ka ninau ana ae. "Ae, he kupaianaha io no; aka, ke hauoli loa nei au i kou waiho ana mai i kela hana iloko o kuu lima, no ka mea, ina o oe ponoi maoli no ka i hele e hooponopono me laua, ina ua hihia oe me he opae la ma ka umiumi a pau loa ko mau kea i ka lilo mamuli o ka ia la epa mai e uuku loa ai kahi pomaiīeai e loaa ia oe, a i ole nele loa no paha oe. "Ina o oe ponoi 'ka i hele i ke keena hana o laua ma kela la a'u i hele ai, he mea maopopo loa e pau loa aku ana kela mau palapala hoike iaia a o kou nele ana ia no ka manawa mau loa, a me ka hanā nui palia e loaa mai ai kekahi pomaikai ma o ka hoopii maoli ana imua o na aha hookolokolo." "Ae. he oiaio loa kena olelo au, owau pu kekahi e hauoli nei i kuu haawi ana i kela hana ia oe," alaila, hoakaka ae la oia ia Remona i ko laua halawai ana maloko o ka hale o Mrs. Van Nest ma kela po i haawiia ai kekahi hoikeike tabalo, elike me ia i pau mua i ka ikeia e na makamaka heluhelu. j "O, he iliohae punikoko maoli no kela kanaka!" wahi a Remona mahope oka pau ana oka Gerekia hoakaka. "O ka mea hiki wale no ia'u ke olelo ae, he oi aku kou koa i ke kamailio ana a'ku ia Loida eia ka ua oi loa aku ka ikaika o kou uhane mamua o ka'u i koho ai. | Ua nui maoli no na pilikia i loaa ia oe iloko o kou mau la oke ola ana, he mau pilikia i oi loa aku no kekahi wahine opio elike me oe, aka, nae hoi, ua kaawale loa oe i keia la, ua hoomaopopo iho la anei oe? e Gerekia. "Ae, ke hoomaopopo nei hoi au. a ua hoahewa loa iho la au ia'u iho mai ka manawa inai au o ka hoike ana mai nei i ko Loida hopenā poino, a no ka loaa ana ae nei ia'u o ka ike ua loaa loa ia'u ka maha mamuli o kona make ana aku, i ko'u nana iho ia'u i keia manawa me he mea la o ka haawe kaumaha a'u o ka auamo ana no na makahiki elua i hala ua olokaaia aku ia mai kuu naau aku." 1 "A no keaha la hoi o<? i hoahewa iho la ia oe ilio nie ko ike iho | la no hoi \\% kaawale aku la ka puu tuti nana i hookaumaha ih<> i kou Inaau no na makahiki elua i hala?" i ninau aku ai o HemonA. t "A eia; i ko'u noonoo iho, me he mea la he hana maikai ole na'u ! ka huoli ana iho no ka make ana o 'ko'u enemi a mea okoa ae paha." I "Ke ole au e kolio hewa, oka mea i maopopo loa ia'u ua liauoli !oa oe i kou kaawale loa ana mai na umii niai a ke kanawai a loaa J hou ia oe ka liōhō ana kuokoa e like me kou mau la opio i keia manawa, ua hauoii loa oe i 'kona make ana aku la, pela ko'u nianao. "Mai ahewa mai oe ia'u ke olelo ae owau pu kekahi i hauoli i konā make ana aku la, no ka mea, mamuli o kona make ana aku la e , hookoia atia iini pakahi o kaua a e hiki ana hoi ia'u me ke kanalua ole ke olelo āe na'u ana oe ma keia mua aku, no ka mea, aohe ptiu nui nana e alalai ma keia ilihonua i ko kaua hoohui kokeia ana ma ka mare—nolaila, aole oe e hoole mai ana i ka hoi ana mai a pili me a'u a e hoolilo ai hoi au i kou mau la o keia mua aku i mau la : olino o ka hauoli loa elike me ka hiki ia'u ke hoolilo aku ia oe i wahine hanohano a waiwai loa ma "keia niua aku." | Alawa wale mai la no o Gerekia ia Remona no kela mau olelo a Remona. alaila hoomau hou aku la no o Remona i kana kamailio ana: "Malia paha e olelo iho ana oe i ko'u wikiwiki loa i ke kamailio e ana i keia mea mamua o ka hoea ana mai o ka wa kupono, aka nae, e hoomanao oe ua like keia Loida i make aku la me he mea la he kanaka oia i make no na makahiki elua a oi i hala hope aku—aohe mea e ae me oe iloko o ia manawa o ke kaula wale no a ke kanawai i hauhoa ai ia oe a paa, a i keia manawa, o ua kaula la nana oe i hauhoa a paa ua moku a ua hookuu laelae loaia mai oe a loaa hou ia oe ka hauoli elike me ka hauoli i loaa ia oe mamua o kou bcritaia anā me ia. Aole anei pela ka mea oiaio? "E Gerekia, kuu aloha, ke ha'i aku nei au ia oe me ka maopopo loa, ua aloha au ia oe me kuu uhane apau, pehea la ka nui, ke kiekie, ka laula ame ka hohonu aneane hiki ole ia'u ke hoakaka aku i ka nui, aka nau no nae ia e ike mai. e "Ua kaohi au i ka hoike ana aku ia oe t keia mea oiai oe e paa anā malalo o ka berita, he hana hiki ole ia'u ke koi aku e haawi mai oe i kou aloha ana no'u me kuu ike aku no he wahine oe na ke kanakā e, ua kaohi au i ko'u haawi ana aku i ka'u hoohiki me ka minaminā nui, oiai oe e paa ana i ka nakiiia e ke kanawai, a iloko o ia manawā ua nui kuu ehaeha no ka hiki ole ke hookoia kuu makemake, a no kekahi manawa ua aneane loa au e hoopau loa ae i ko'u noonoo hou ana mai nou no kuu ike ina no e mau mai ana ko Loida Lanahama ola, aohe wa iki e hookoia ai kuu iini nou. "Aka, e Icuu aloha, i keia la ua kaawale oe mai na hoohihia mai | a pau o keia ao ua kaawale loa oe e hiki ole ai e loaa he manawa ia oe ke hoole mai i kuu makemake, a f haawi mai ai oe ia oe iho na'u; ua maopopo no ia'u o oe no kekahi i haulehia i ke aloha no'u, mamuli no o kau olelo ponoi o ka hoike ana mai ia'u, a ua olelo pu ma! no hoi oe ia'u ina e hiki ana e hookaawaleia oe mai a Loida mai e ae mai ana oe e lilo i wahine na'u. "O keia ka manawa e hookoia ai ia makemake ou ame a'u no ka mea. ua ike maopopo iho la no hoi oe ua hala aku la ka lelo hokai nana e kaohi i ko kaua hoohuiia ana i hookahi a e hooliloia mai ai oe i wahine na'u. "E Gerekia. aohe au kumupale i koe ma kou aoao e ka<«lii aku ai oe i kou ae ana mai e lilo i wahine mare na'u, hoi mai kaua e pili oiai ke aloha e hoonipo ana i ka houpo," a hooki iho la o Mr. Remona i kana kamailio ana iaia i hohola aku ai i kona mau lima. (Aole i pau.)