Ka Nupepa Kuokoa, Volume LI, Number 36, 12 September 1913 — "HE NANEA MAI HOI KAU I KE ONE O HEEIA KEA" [ARTICLE]

"HE NANEA MAI HOI KAU, I KE ONE O HEEIA KEA"

Kaulana mai nei Mose Akawa O ka luna alanui o ke Koolau; He nanea mai hoi kau, I ke one o Heeia Kea; Nau i hoohana me ka noeau, Ka uwapo hao kila o ka Haulani; He nanea mai hoi kau, I ke one o Heeia-Kea; He nani i ka maka ke ike aku, He ala kikekee he laumania; He nanea mai hoi kau, I ke one o Heeia-Kea; Ua piha hauoli na komite, Na lunakiai o ke Kalana; He nanea mai hoi kau, I ke one o Heeia-Kea.; Ua lana ka manao ou mau kini, Na kupa o ka Ua Poaihale; He nanea mai hoi kau, I ke one o Heeia-Kea; Nau e noho rula e ke Koolau, O nei aina nui akea; He nanea mai hoi kau, I ke one o Heeia-Kea Aohe kupueu e naue ai, O ka pou hao sila makeneki; He nanea mai hoi kau, I ke one o Heeia-Kea.; Ua poniia oe e ka Mana Lani, Me ka puuwai lokahi o ka lahui; He nanea mai hoi kau, I ke one o Heeia-Kea,; Hookohuia oe e ka Meia, Me ka papa kiai o ke Kalana; He nanea mai hoi kau, I ke one o Heeia-Kea.; Hea aku makou, o mai oe, O ka pou hao sila o ke Koolau; He nanea mai hoi kau, I ke one o Heeia-Kai; Haina ia mai ana ka puana, O ka luna alanui Mose Akawa; He nanea mai hoi kau, I ke one o Heeia-Kea, Hakuia e Mr. Kohala Nui. Koolaupoko, Oahu, T. H.