Ka Nupepa Kuokoa, Volume LI, Number 44, 7 November 1913 — HE HOALOHALOHA. [ARTICLE]

HE HOALOHALOHA.

Ia Mr. ame Mrs. J.E. Kahoa, me ka luulau: — Mamuli o ka oluolu ana o ka anela o ka make, ke kipa ana ae ma ko olua home ma Pearl City, Ewa, ma ka la 3@ o Oct., 1913, a lawe palanehe aku la i ka hanu makamae o ka olua leo aloha he keiki, Willie Kahoa, iloko o ka hoomailo ana a ka mai, a Oiai no hoi, he lala oia no ka Aha hui Hooikaika Kristiano o ka Ekalesia o Kawaiahao ma ka mahele lala o Pauoa, a he keiki i aloha nuiia, a ua waiho iho oia ia olua na makua, na kaikuahine ame ka ohana a pau e noho u aku nona me ka poina ole, no laila E hooholoia, o makou o na lala ame na hoa o ke C. E. lala o Kawaiahao ma Pauoa, ma o ko makou komite la, ke komo pu aku nei makou ma ke kaana pu ana i na luuluu ame na kaumaha no ka kakou mea aloha i hala, a na ke Akua no e hoomama mai ia kakou a pau E hooholo houia, i hookahi kope o keia olelo hoalohaloha i na makua o ka mea i haalele mai i keia ola ana, a i hookahi kope i ka Nupepa Kuokoa ame Ka Hoaloha. A e hoomanao nae, o ke ala ana i hele aku la, oia ke ala o na mea ola hanu apau. O makou iho no ke komite, J. H. S. KALEO, BEN KAAILIILII, JOHN KE. Pauoa, Honolulu, Oct. 31, 1913.