Ka Nupepa Kuokoa, Volume LII, Number 6, 6 February 1914 — LAWE OKOA I KONA OLA MA KA MOANA. [ARTICLE]

LAWE OKOA I KONA OLA MA KA MOANA.

Malnna o ka mokuahi Nippon Maru, nia ka la 3 o keia mahina, oiai e hookokoke mai ana no Honolulu nei, i lawe okoa ae ai he Kepani mahuka i koua ola iho, mamuli o ke oki ana iaia me ka pahi, alaila lele aku la iloko o ke kai, me ka loaa hou ole o kona kino. O ke kumu nui o ka lawe ana ae o kela Kepani i kona ola, o ia no ka hooko oleia ana o koua makemake> e noho paa ma Amerika, elike me kana i iini inau ai. He Kepani hana no kela maluna o ka Nippon Maru no kekahi manawa ae nei i hala, me ka manao, ina e loaa inahuahua ana kana dala, alaila e noho paa ana oia ma Amerika. O ka mea pilikia nae, ma ke kelepa hope aku nei a kela mokuahi no Tapana, ua hoopauia aku la kona noho hana ana maluna o kela moku. me ka hooleleia ana aku iuka o ka aina. līe elua nae la, mahope mai o ka haalele ana aku o ka moku ia lapana, ua ikeia oia maluna o ka mokuahi, ma ke aho he mea mahuka, a hoopaa kokeia oia maloko o kekahi rumi, no ke kakali ana, a huli hoi hou aku ka moku no lapana, alaila kiola hou aku iaia iuka o ka aina. Hoko nae o ka nanea o na aliimoku, ua oili aku la ua Kepani nei mailoko akn o ka rumi i hoopaaia ai oia, a oki ae la i puu i ka pahi, me ka lele ana aku iloko o ke kai.