Ka Nupepa Kuokoa, Volume LIII, Number 7, 12 February 1915 — HOPUIA NO KA HOOPAE I KA OPIUMA He Elua Mau Haole Paoahi o ke Sierra i Lilo i Pio na ke Kanawai [ARTICLE]

HOPUIA NO KA HOOPAE I KA OPIUMA

He Elua Mau Haole Paoahi o ke Sierra i Lilo i Pio na ke Kanawai

Ma ka hora ewalu o ka po o ka Poalua uei i paa ae ai hc elua mau haole, he mau paoahi noluna o Jte Sierra i ka hopu ia e na makaikiu, no ka hoopae oj)iuma, a lawe ia ae 110 ka hoopaa ia maloko o ka halewa'». Ma ko kihi o na alanui Alakea mo Hokele i hopu ia ai kela mau haole, a maluna o ko laua mau kino, i loaa aku ai he umi-kumamakolu mau kini opiuma, no lakou ka waiwaiio i hiki aku ma kahi o ka $1500. Ua hana ia kekahi puliki, me na pakeke, no ka hookomo ana i ka opiuma iloko j>ela iho la i maalahi ai ka hoopae ana mai kela mau haole i ka laua mau kini opiuma, eia nae ua kaill e ia o na makaikiu, matnua o ka hiki ana ia laua ke hoolilo aku i na Pake maanei nei,' a i ole, waiho aku paha malalo o ka malu o ka puulu o ka poe hoopae opiuina. Ua noke ia kela mau haole i ka niele, ina paha he ]>uulu kekahi o ka poe hoopae malu i ka opiuma a laua i ike, aole nae o laua kamailio iki mai, ma ka manaoio nae o na makai, aole keia mau haole, he u'a ma keia hana, aka ua walea laua i ka hoopae ana i ka opiuma ma kekahi mau manawa ae nei i hala. Eia ka oihana makai ame na luna aupuni federala ke noke mai nei i ka hooikaika e wawahi a hoopuehu liilii i ka puulu hakihaki lianawai, eia nae aolo no ia he mea e kau ai ka weli i ka poe i maa ma kela hana; ua loaa aku nae ka manao i na maikai, e oili ae ana kekahi mau ike, o kau aku ai ke ko'iko'i o ka pili i ka howa, maluna o ka poe i paa mua i ka hopu ia, a e kakali mai nei o ka hoolohe ia o ko lakou mau hihia kuai opiuma.