Ka Nupepa Kuokoa, Volume LIII, Number 12, 19 March 1915 — HOOMAIKAI. [ARTICLE]

HOOMAIKAI.

Mr. Lunahooponopono o ka Nupepa Kuokoa, ke Kilohana Pookela o ka Lahui Hawaii, ame oa mau keiki oniu hua mekala, Aloha nui kakou: - ina he mea oluolu ia oe i kahi kaawale o ka kaua Hiwahiwa no ka makou hoomaikai i ka poe i komo pu mai me makou ame ka poe i haawi makana mai i ka lakou mau poke pua no ka maua kaikamaihne i haalele mai ia maua, na makua ame ka ohana. Ma ka la 27 o Feberuari, 1915, i kipa mai ai ka anela o ka make, ma ka hale kino o ka maua kaikamahine Miss Magarita Ah Tim Kameekua, ma ko maua home ma Kamalo, Molokai, a pio iho la ka ipukukui malamalama o ke kino, a hoi aku la ka uhane i ka mea nana i hana mai; e hoomaikai ia ka inoa o Iehova, Nana no i haawi mai, a Nana no i lawe aku. Ua hanau ia mai ka maua Magarita Ah Tim Kameekua mai ka puhaka mai o Mrs. Esther Kameekua, ma Honolulu, Maraki, 1914, a mamuli o ke kaa ana mai na maua e hanai, ua haawi maua i ko maua kiai makaala mau ana i ka maua lei aloha he keiki ahiki wale no i kona pauaho ana mai. Nolaila ua kokoke e piha hookahi makahiki a hala e aku la i ke ala hoi ole mai me ka luuluu. Ke haawi aku nei maua i na hoomaikai he nui i ka poe apau i kokua pu mai ia maua na makua hanai ame ko maua mama ame ka ohana. E oluolu o maua pu kekahi e haawi pu aku nei i na hoomaikai i ka poe i makana mai no ka maua kaikamahine i ka lakou mau boke pua ame ka lakou mau kokua ana i ka maua lei aloha Magarita Ah Tim Kameekua, a ke komo aku nei no hoi maua e auamo pu aku i ka luuluu ame na ehaeha i haawe iho maluna o olua e koʻu hanau mua aole a maua hoohalahala no ka mea Nana no i haawi mai a Nana no i lawe aku e hoomaikai ia ka inoa o Iehova. O makou iho no. Mr. ame Mary Ah Tim na makua hanai; Mr. and Mrs. Esther kameekua, na makua ponoi. Honolulu Maraki 1, 1915,