Ka Nupepa Kuokoa, Volume LIII, Number 13, 26 March 1915 — KA POOE PILIKIA MAOLI E PONO AI E HAAWI IA KA HANA. [ARTICLE]

KA POOE PILIKIA MAOLI E PONO AI E HAAWI IA KA HANA.

Ma kekahi manawa mannia koke aku nei, ua hoakaka a« ka Meia ,Tohn (\ Lane i kona manao, no ke kupono ole e haawi ia aku na hana o ke Kulanakauhale a Kalana o Honoliilu nei i ka poe, e hoolilo ana i ka lakou mau «lala ma ka inu waīona ana, a e hoonele ana i ko lakou mau ohana me na mea no lakou e pono ai; he manao. maikai loa keia, e pono ai iaia ke hooko aku maluna ♦ ka poe apau, e hoomaunauna wale ana i ka lakou man dala, ana e ike ai, iloko o na limahana o ke kulanakauhale. Eia iloko o keia kulanakauhale, he heluna nui o na kanaka i pilikia io maoli, ka poe i makee i ka pono o ko lakoii mau ohana, ma ka hoolilo ana i na dala apau e loaa mai ana me ka hou o ko lakou lae, no ko lakou hauoli; a eia pu no hoi he nui vrale o na kanaka, i ake wale aku no i ka hana, i wahi <• hoomau ia aku ai ko lakou inu waiona ana, a no keia poe hope la, ke kakoo nui nei ke Knokoa i ka manao o ka Meia Lane ma ka hoonele ana ia lakou i ka hana, ka manaoio, e lilo ko kakou Meia, i mea kupale 110 ka ]>ono o ka nui 0 na oliana e ake mai nei e loaa ona man hana e pono ai ko lakou noho ana. He hana ano paakiki no paha ka huli ana aku a loaā l<a poe 0 keia ano, «* hoomaunauna wale ana i kd lakou mau ukuhana, iloko 0 ka inu rama, ina j>ela io, alaila ua ilī aku ke ko'iko'i maluna 0 ka ohana 0 keia poe, ka hele ann ae, a waiho i na knmu hoohalahala rae na poo 0 ke aupuni kulanakauhale a ke Knokoa e manaoio nei, e nana ia mai ana ho lakou pono, a e loaa aku ai hoi na a'o ikaika ana i na limahana, i hoolilo ia lakou iho i poe pauaka, a i ole hoopau aku ia lakon, i loaa aku ai ka hana a ka poe e makepono io ai ka hana ia lukoū. O kekahi manawa pilikia loa keia e ike ia nei i ka nele maoli 0 na kanaka i ka hana, e hookuanui ai ke ola ana 0 kekaKi poe, eia nae iloko 110 o ia pilikia, aole he nana ia. ae 0 na mea e pono io ai ka noho ana, aka 0 ka waiona iho la ka hikinr ( :a oko lakou noonoo, e papalua ia iho ai ka pilikia ame ka i>oino o ko lakou noho ana, e ao kanaka mai ai kakou na Hawaii, a hoopau i na hana e hookomo ana ia kakou iloko o ka poino. Ua hoike m»i ka Meia Lane, i kona manao makee, aole wale ma ka haawi ana aku i haawina a'o kupono i ka poe, e hoomaunauna ana i ka lakou maii .lala no ka waiona, e hoopau ia ano hana, aka e hoao pu ana e lioopakele ae ia kakou, na Hawaii, mai ko kakou mau ano nhauha mai. Malia paha, e olelo mai ana kekahi poe, no lakou keia kamailio ana, aole he mea e ae i kuleana i ke ano a lakou e hoolilo aku aā i ka lakou man «iala, he mea pololei no ia, aka nae no ka pono o ko lakou mau ohana i hookomo ia ak'u iloko 0 ka pilikia, ua oi loa aku ka pono, 'e'nele ka; mea inu waiona, a e loaa aku ka hana i ka mea e nana ana no' kona ohana.