Ka Nupepa Kuokoa, Volume LIII, Number 40, 1 October 1915 — NA HANA HAAWI HAE MA KA POAONO NEI. [ARTICLE]

NA HANA HAAWI HAE MA KA POAONO NEI.

Imua o kekahi heluna n\ii o ka poe makaikai, ma ka apwina la o ka Poaono aku i haīa, i hookoia ae ai kekahi hana o ka hoolalaia ana e ke Kalapu Pan-Pacific, o ia ka hoikeike ana mai o kela ame keia lahui maanei nei i na hae ame na kahiko o ko lakou mau aupuni pakahi iho, me ka nūi o na manao ohohia i ikeia no kela hana. 0 keia kekahi o na hana ku i ka mahalo ia, aole wale ma ke ano o na hae e lawe ia ana e ka poe i ku mal ma ka aoao o ko lakou mau aupuni iho, aka ma ke ano pu kekahi o leo lakou mau lole e komo ana. Malaila ae ka Moiwanine Liliuokalani, ka Elele Kalanianaole ame ke Kamaliiwahine Kalanianaole, ka Meia Lane ame Mrs. Lane, ka Lunakanaiwai Kiekie Pobert9on ame Mrs. Robertsqji, ame kekahi poe hanohano e āe o ke kulanakauhale nei. Ka Hoomaka Ana o na Ha-na Ma ka aoao mahope o ka haloalii i hoakoakoa ae ai ka poe apau i komo ma na hana hoikeike, a haawi hae'.o kela la, a i ka wa i kani ai ka hora elua o ka auwina la, o ka hoomaka mai la ia o ka huaka'i e ka'i, no ka aoao mamua o ka haleaīii, kahi e nonoho aku ana o na malihini hanohano, no ka apo ana al«i i na hae ma ka aoao o ke. Kalapu Pan-Paeifie. Ua alakai ia kela huakai e ka hana Hawaii, me ke kulaina ana o ka poe i wae ia no kela ame keia aupuni ma ko lakou mau wahi i hookaawale ia; a i ka wa i paani ae iii ka bana i ke mele o ko aupuni o Auseteralia, o ka wa ia o kekahi mau wahine he eiwa ka nui i nee mai ai, me ka ha.e o £useteralia e welo haaheo ana i lea makani, no kahi a ka Moiwahine Liliuokalani e noho aku ana me kona mau hoa. Mahope pono aku o ko Auseteralia poe i ukali aku ai ka poe i wae ia ma ka aoao o ka Mokuama o Kaleponi, me ka hae keokeo, e liiwe ana hoi he eonfb mau kaikamanine, i kahiko ia me> na lole keokeo, i na mainalu Kepani Iteokeo, i hana pu ia me ka wai gula.

Mahope aku o ko Kaleponi i ukali aku ai ke aupuni o Canada me kona hae; alaila ka Bepubalika aleii o Kina me kona hae, e ukali ia ana e na kaikamahine Pake, me ko laleou mau kahiko makalike o ke silika, e alohi ana i ka la. Mahope aku o ka hae o ke aupuni o Kina, i ukali aku ai he eiwa mau kaikamahine Hawaii ,e lawe ana i ka hae Hawaii, me na keiki o ke Kula Kamehameha e ukali ana mahope, a na keia hae aloha i kono aku i ka bana e hookani mai ia "Hawaii Ponoi," oka wa ,ia i hekau iho ai ka m.eha aine ke anoano maluna o na mea apau. Mahope aku o ka hae o Hawaii nei, i ka'i aku ai na kaikamahine. Kepaui, na wahine ame na koa Kepani, me ka hae 0 lapana, he ku i ka nani me ka hiehie ke ano o ke ka'i ana a na Kēpani me leo lakou hae. E ukali- aku ana mahope o na Kep'ani na kaikamahine Korea opiopio, e lawe ana i ka hae o ko lakou aupuni; me ke kahiko o na wahine o Korea. Maliope aku hoi o ka hae o Korea i ka'i aku ai he ehiku ihau kaikamahine, 1 kahiko ia me na lole onionio, ma ka aoao o ka lahui Maori, me ka lawe ana i ka hae o Nu Kilaui. Mahope aleu o na Maori ka poe i hookaawale ia no ka Mokuaina o Oregon, e lawe ana i ka hae o kela mokuaina; na Pilipino aku me ko lakou hae; na kaikamahine Pukiki aku, me ko lakou raau kahiko o ko lakou aina, me ka hae o ko lakou aupuni, ka hae aku o Sibevia ame ka hae o ka Mokuaina o Wakinekona. '■ > Ua haawi ia aku kela mau hae apau imua o ka Moiwahine Liliuokalani, a mai iaia ae a i ka Meia Lane, no ka waiho ana aku imua o ke Kalapu PanPacifie. Me ka eleu ame ka miomio na hana apau o ka lawelawe. ia ana, a iloko o ka hora hookahi a oi, ua pau kela hana me ka hookuiiia ana iloko o na manao olioliia o na mea apau.