Ka Nupepa Kuokoa, Volume LIII, Number 41, 8 October 1915 — HE HEWA ANEI KA LAWAIA MA KE SABATI? [ARTICLE]

HE HEWA ANEI KA LAWAIA MA KE SABATI?

Ua hoea mai nei he ninau, no ka manao kanawai o ka Loio Kuhina Btainback, mai ka Lunakanawai J. L. Kaulukou mai nei o Kailua, Hawaii ,ina paha, ua papa ia ka lawai'a ana ma ka la Babati no ka pomaikai o kekahi mea, ma lee Kanawai 19 o ke kau aha* olelo o ka 1915?

Ma kahi o ka hoakaka ana ae o ka Loio Kuhina i kona manao kanawai, no ka pane ana i kela ninau, ua waiho aku oia na ka Hope Loio Kuhina Scott e pane, a no ka hooili ana aku hoi i na ko'iko'i o ka pane ana i kela ninau, maluna o ke Kokua Loio Kuhina Smith, uA waiho aku o Scott nana e pane ae, no ka mea wahi Ana, he elua pule okoa a Mr. Srnith o ka hele hoomaha ana no Waialua, me kona hoohala ana i kekahi māu la, ma ka hele ana i ka lawai'a me ke komo pu o ka la Sabatl kekahi.

Aole i hoakaka pono mai ka Lunakanawai Kaulukou, ina paha he hihia no ka lawai'a ma ka la Sabati ka l laweia aku imua o kana aha, a i ole, he poe lawai'a paha kekahi i ikeia ma ka la Sabati, o kana wale no i makemako ai, o ia ka hoopauia ae o kona pohihihi, i ole ai e kuhihewa oia, ma ka haawi ana i kana olelo hooholo, ma kekahi hihia o kela ano e hoea aku ana imua o kana aha hookolokolo.