Ka Nupepa Kuokoa, Volume LIII, Number 41, 8 October 1915 — HE MOOLELO NO GEOFERE KAMIBELE A I OLE Mai ke Kulana Kuewa a i ka Panepoo o ka Waiwai ame ka Hanohano. [ARTICLE]

HE MOOLELO NO GEOFERE KAMIBELE A I OLE Mai ke Kulana Kuewa a i ka Panepoo o ka Waiwai ame ka Hanohano.

W "Aole loa e hiki ia'u ke hoopoina i ka hauoli o ka helehelena o Ane e nana mai ana ia'u i kela manawa; a me he mea la ia u i nana aku ai 'i kuu Ane ma kela ahiahi, o kela wale no ka manawa ana i hoike okoa mai ai i ka piha o kona uhane me kekahi haawina maamau ole iaia. Ma kekahi kakahiaka mai, ua haalele iho la au iaia, no ka heie ana aku no kekahi mau lua lanahu a'u, ma na wahi mamao, e hala ai he mau la ia'u malaila, mamua o ka hoea hou ana mai no ko j maua home. | "He elua wale no la o ka maua bebe iwaho i kela manawa, a ia'u o ka haalele ana iho ia laua, ua puili mai la kuu wahine ma kuu a-i, a jjane mai la i keia mau olelo kaukau: " 'Auhea oe e kuu kane aloha, pehea la e hiki ai ia'u ke noho hool:ahi iho me ka bebc a kaua, a haalele mai oe ia'u. E hoomanawanui ia no paha ka hele a no kekahi manawa okoa aku/ me kona lele okoa ana mai e honi ia'u, alaila mihi mai la no ka uluahewa wale iho no o kona noonoo, me ka olelo ana mai, e hoomanawanui no oia, ahiki i kuu hoi ana aku," a ma kela wahi, i hiki hou ole aku ai ia Mapelakona ke hoike i kana moolelo, aka hookahe aku la oia i kona mau waimaka, o ke aloha i kana wahine mua loa. Hiki ole aku la ia Geofere ke nana maluna o ka helehelena o kona makuakane, i kau a mea o ka piha me ka ehaeha, a pela no hoi me Mr. Kamihele. no ka mea, ua like pu na mea a Mapelakona o ka hoike ana tnai, me ka wehe hou ana ae i ka humuhumu o kekahi eha i ola kahiko ; oiai hoi o Mrs. Mapelakona e kipulu la i koua mau maka me ka hainaka. "E hnikala mai oukou apau ia'ui hoomau hou mai ai ua o Ma|jclakona. "Aole e hiki ia'u ke hoike neepapa aku ina mea e pili ana i kela hapa o ko'u moolelo. "Ma kela la hookahi no a'u o ka haalele ana aku iaia. loaa iho la oia i ke anu. a ia'u o ka huli hoi ana mai, e waiho ana oia i kekahi ma'i kupilikii loa, me ka uluahewa o kona mau noonoo. a iloko o na pule elua ma ia liope mai, o kona make no ia. O kuu wahine a'u i aloha aku ai >me kuu uhane apau, ka wahine a u i kanalua ole ai e molia aku i ka waiwai ame kuu mau mea apau, aia oia ke waiho la imua o kuu al#. he kino lepo, aole ke ola iloko ona, wa haalele iho oia ia'u me he kanaka pupule la, i nalohia aku na noonoo maikai mai ia'u aku." Ma kela wahi i naka ae ai kona kino me ka haalulu, a he keu no e mnule iho ana oia. aka mamuli no o kona hoomanawanui ana, i lliki ai iaia ke kamailio hou mai: "Malalo o kumulaau, kahi ana e noho mau ai i kela ame kHa la. i lawe aku ai makou a hoomoe i kona kino malaila, he wahi no, aole i iramao mai ko maua home aku. Olelo mai nei oe e Geofere, ua ike oe i ka he kupapau o kou makuahine," me ka huli ana mai imiyi o kana keiki. "Ua paa anei ka he o kou makuahine me ka nahelehele? l T a naolwale anei na huapalapala i kahakaha ia maluna oka pohaku mahala?" "() ka pa e hoopuni ana i ka he kupapau. ua pau i ka popopo. aka nae ua liihi ia kela pa kahiko e na iaau hihi, a aia no ka pohaku mahala ke ku la. me ka huapalapala 'Ane' e kau ana. me he mea la o ia mau no ia mai kinohi mai," wahi a Geofere me ka hele o kona mau lihlihi a piha me ka waimaka, i kau a mea o ka nui o kona aloha no kona mau makua. "Aole loa i hehi hou ko'u mau kapuai wawae ma ka lepo o Mekiko. mahope iho o kuu haalele ana aku i ka home a maua i noho ai me ke aloha." i hoomau hou mai ai o Konela me ka nui pu ana iho o kona lianu. "Aohe a'u mea e «ae e hana aku ai no kuu bebc; a i ka manawa a Magere, ke kaikamahne lawelwe a kuii wa-j hine o ka olelo ana mai, e hoi ana. oia me kana kane me Keaka Hale no Kaleponl. ua ae aku la au e malama aku oia i ke keilei a maua, i ahiki i ka nuj ana, a hookome? aku au iaia maloko o kekahi kula, no ka ' hoonaauao ana. "Ua huli hoi laua no Kaleponi, a hele aku ja.au no kekahi mau lua lanahu o'u, a malaila i komo kino ku ai au i ka hana, n oka manao no. pela iho la e hoopoina ia ai ko'u mau manao kaumaha; o ka mea apiki nae. ia'u e hooikaika tina i ka hana, e mau mai ana na lioōmanao ana no kuu wahine aloha. a ina au.e ike aku ana i ka hauoli o kēkalii poe, e hooi ia mai ana ko'u manao lili. ! "Hooholo iho la au e huna loa i ko'u mare ia ana i ka wahine: a e hooikaika no au e huli i ka waiwai, no ka pono o kuu keiki, me ka hunakele ana i na mea oiaio mai iaia mai. He eha a'u mau manawa o ka hele ana aku e ike i kuu keiki; a ua mahalo au i ka maikai o ka malama ana a kona mau kahu hanai, aia no hoi a nui ae oia, alaila līookonio aku ma kekahi kula, malalo o ko'u mau hoolilo ponoi. E hele ana au mai kekahi wahi a i kekahi, me ka waiho ana aku i na hooponopono ana o ko'u mau lua lanaliu iloko o ka lima o kekahi akena. a i ka loaa ole ana he maha ia'u, ua kono okoa ia mai la au e huli hoi mat no ko'u home nei. "He eono makahiki okoa kela o ko'u hele auwana ana, akahi no a huli hoi hou mai, a noho aku e hooponopono i ka waiwai o Jabeka; a he liiau pule wale no nae ma ia hope mai, ua halawa iho la au me kuu kaikuahine hoahanau me Esetela," alaila alawa aku la ma kahi a kana wahine e noho mai ana, me ka i ana aku: "He mau ku-e ana mai nnei kekahi au no ko'u kamaili.o ana ae i na mea apau ?" "Aole loa, e kaniailo aku i na mea apau," i pane ae ai o Mrs. Mapelakona me ka mau no o ka palulu i ka hainaka ma kona mau maka. "Ma kela halawai nu ana o maua ua hoike mai la kuu Esetela i kona olioli loa no kela ike hou ana mai a'u, me ko maua kamailio ole nae i na mea e pili ana i ko maua mau kuleana maloko o ka palapala kau<>ha hooilina o Papa Jabeka. "Ua hooi loa ia ae ka u'i ame ka hiehie o kuu Esetela nei. a he kiilana lc<le oiaio, me ka niha paa mla kona, i ka wa e halawai niai ai me na mea apau. I kekahi la a'u oka hele hou ana aku e ike iaia. ia wa oia i kamailio mai ai ia'u. ma ke ano hoopaani. o ia hoi, ma ia la, 0 kona la hanau ia, aole nae he hookahi wahi makana iki i loaa aku iaia. " *E kamailo mua ia mai no hoi palia e oe ia'u no keia mea, ina ua hoomanao mai au i kekahi makana kupono nau.'. i pane aku ai no hoi au. ke ike aku .la nae au i ke kaumaha o kona helehelena. 'He ehia ou makahiki i keia manawa?' wahi hou a'u. ōiai no nae o ka mea oiaio. ua maonopo no ka nui o kona mau makahiki ia'u ia wa. "O keia ka piha ana o na maknhiki he iwakalua-kummaha ia'u," wahi ana. a ia wa i oili koke ae ai kekahi noonoo iloko o'u, malia o ke knmu ia o kona kaumaha. he hool-;ahi wale no makahiki i koe. ina aole oia e marr mai ana me a'u, alaila e nele.loa ana oia i kona.kuleana. iloko o ka waiwi o Jabeka. "He hookahi a'u mea ha'oha'o loa iaia, o ia ka maliu aku i na keonimana apjLU e hele aku ana e hui vn me ia, noonoo iho la au, e hoao au e noi okoa aku ia Esetrla. e ae oia e lilo mai i wahine mare na'u, a īna oia e hoole mai ana. alaila ua pili ole ka hewa ia'u, me kuu ike no nae. ua lilo kahiko kuu puuwai no kuu Ane. i hala e aku i ka make ma kela ao. "No ka pau ole no nae o ka'u nwu hoomanao ana no kun Ane» pela ro hoi ka nui o kuu aloha nona. na hoomamao mai la au mai kuu Esctcla mai. me ko'u mihi ana iho, i ko'u pupuahulu i ka noonoo ana e aku iaia. "la'u nae o ka hoi hou ana-aku e noho ma ka honie o kuu makuakane. ua hele mai la kela e ike ia'u. me ke kaoa ana mai ia'u, i ka hoōhemahema wale i kela home. a pela hoi ka noonoo ole i ke ano e hoohana ai i ka waiwai: ua l'ke pu kela mau olelo, me he kui la e hou mai ana ia'u: oko u hooliolo iho la no ia e hoao aku au e pahele ahiki 1 ka ana o 'kona noonoo. malunn o kela mea nui hookahi i hana ia maloko o ka nalanala kauoha hooilina, no ko maua hoolilo ia i hookphi iloko o ka berita o ka mare. "N'ina ae la au i ka hale nui o kuu makuakane. aole he wahi kohu iki o ko*u noho ana maloko o kela home. ina aole he kokoolua nana e hoohauoli mai i ka nolio ana. Hoala hou mai la au ika noonoo e mare aku me kuu Esetela, ina ua kulike kona manao me ko'u, i ?"... I. > jK. <'/ 41*' ' l'.. 'l ' \

a c huna au, no ko'u mare mua ana i ka wahine, aia a mahope mai alaila mihi aku au iaia i ko u hewa. a kē huikala mai ka hoi kela, o ko'u lawe mai no ia i kuu keiki, a hoikeike aku imua ona. "I ka hoea ana mai o ka'u mau mea i noonoo ai ma kela wahi, akahi no a liooiaio loa ia ka'u mea e hana aku ai, koe wale no ka hooko ana aku. I kekahi la e kamailio pu ana no maua no na mea au e hana aku ai nia na waiwai e mahele ia aku ana mawaena o maua, īa wa au i lioopuka wale aku ai no ma ke ano hoomakeaka. "'Auhea oe e Esetela, heaha la k'e kohu o keia home nani, ina aole he hakuwahine nana e hoomaopopo aku iaia? Pehea la, ua hoololi anei oe i kou manao i keia manawa, mai kela wa mua mai o kou ike ana i ka palapala kauoha hooilina a ka makuakane o kaua? "Pii ae la ka ula ma na papalina o Esetela, a nana pono loa mai la ia'u, alaila pane mai la: " f Ke manao nei au, o kaua aelua ka i komohia like na manao ku-e no keia palapala kauoha hooilina. " 'He mea oiaio nō ia, aka i ko kakou wa e kanaka inakua ae ai, e kanaka makua pu ae ana ko noonoo, e ike ai i ka mea«kupono e hana aku ai,' wahi'.a'u me ka hoohele ana aku 1 kahi e maopopo ai kana pane. 'E ae ana nei oe e mare me au? " 'Mamua o ko'u pane ana aku i kena ninau, e ae -mai, e nmau mua aku au ia oe," wahi ana: 'Manao no anei oe he hana pono na kekahi poe ka mare ana me ko lakou ike no, aole he aloha o kekahi i kekāhi "'Aiaila. e olelo mai ana anei oe, aole ou wahi aloha no'u?" i ninau pono aku ai au iaia. 'He mea pono e hoike aku au ia oe i ka inea oiaio e kuu hoahanau,' i hoomau aku ai au i ka u kamailio ana. 'Aole i loaa ia'u ke aloha nou, elike me ke aloha i loaa i ka poe opiopio ; aka nae he mahalo nui kō u ia'oe, ma koii mau' ano apau, ama kuu ike, ua oi pakela ae kou mau ano, a ua loaa hoi nā kalena kiekie ia oe i keia manawa, inanuia o wa a kaua e hoowahawaha aku ana kekahi i kekahi. . " 'lna aole he mea e ae nana i kaili aku 1 kou puuwai, alaila e ae mai e lilo au i mea nana e hoolilo aku i ke koena o kou ola aiia, i mau la au e hoohala ai iloko o ka nohona hauoli ana. He hookahi walo 110 makahiki i koe a kaua e nōlio ai nie ka mare ole, a mamua ae hoi 0 ka hoea ana mai ia manawa, he pono e hoea aku kaua i kekahi olelo hooholo, e maopopo ai ko ka'ua kulana oiaio. e pili ana i ka waiwai o ko kaua makua. Ileaha kau pane e kuu hoahanau no keia mea. "No kekahi mau sekona kona noho hamau loa anamehe mea la e noonoo ana i kana pane kupono e haawi mai ai no ka u ninau, ia wa 1 aea ae ai kona poo iluna, a i mai la:

" 'Ke ae aku nei au e mare ia oe e Uilama, ina e lawe aku oe ia u ilike no me ko'u ano i keia maliawa, i nele i ke aloha ia oe; a e hoao no au e hana aku ma na ano apau, e loaa ole ai he hoohalahala ana ma kou aoao no'u. Ua noonoo niii no au no keia mea* a ma ko u manaoio. o keia wale no ke alahele naauao hookahi nō kaua-e pono ai. o ia ka hoolilo ana ia kaua iho i hookahi, iloko o ke apo o ka mare. "I ka lokahi like ana o ko maua manao, o ka hoopalau iho la no ia, a iloko o ka mahina hookahi, ma ia hope mai, ua mare iho la maua. Ua hooko aku au i ka'u hoohiki i haavvi aku ai imua o kuu wahine, e liana aku i na mea apau nona e hauoli ai. a'u no e manaoio nei, aole ana hoohalahala ana no'u ma leekahi ano,' me ka awihi ana liku ma kahi o kana wahine e noho mai aiia me ke kulou o ke poo ilalo, me ka naka hoi o kona kino me ka haalulu.

"Iloko o na makahiki loihi o ko maua nolio mare ana, aole he manawa i hoala ia mai ai he mau ku-ee ana, a ua ike iho no i ko maua kuikahi ma na ano apau, aka nae ua hunakele loa au i keia meahuna m'ai iaia mai ahiki i keia hora a u e hoike aku nei imua o oukou. no ka mea pela wale no e loaa ai i kuu uhane ka maha. "O ka manao mua iloko o'u, mahope iho o kela mare ana ae e maua, o ia no ka hoike ana aku iaia, no ka loaa ana o ka'u keikikane. me kekahi wahine okoa, ua kaua ia mai nae au e ka maka'u ame ka hopohopo; a i ka wa i hanau mai ai o ka maua keiki ponoi, a ike aku la au i ka pipili paa o ka manao o kuu wahine, no ua keiki nei, ia v;a i hoopau'loa ae ai au i kela inanao, e kamailio aku kuu keiki mua.

"Ma kela manawa a'u o ka hele hou ana aku e ike i kuu keiki, me Ka manap, e hookaawale i kekahi haawina dala nona; a lohe mai ai au i ka loaa ana o kekahi ulia iaia, a ua hala aku hoi kona ihau kahu hanai no kahi i maopopō ole, ua hauoli loa au, no kuu kamailio ,mua ole ana aku ia mea i kuu wahine, eia nae ua hooikaika au md ria ano apau e loaa kuu keiki, me ka hariwi ana i kekahi uku makanS mahuahua, i ka mea e hoike mai ana, i kona wahi e loaa aku ai ia'u, ink j paha ua make oia, a ke ola nei no paha. "E kuu Esetela, o keia ko'u liewa nui a'u'i makemake ai ia oe e lioliē, a ua maopopo ia oe keia moolelo, mai kinohi mai nei ahiki i keia manawa. I ka'nee ana mai oke au oko kaua ola an'a, 1 aole loa.o'u noonoo iki, e hoea mai ana he manawa e ike ia ai keia meahuna, eia nae, ua kuhihewa loa ia koho ana, oiai he okoa loa ka ke Akua mea i hoolala ai. O keia kanaka opio a'u i hoolauna aku nei ia oe, ma ke ano he keiki oia na Mr. Kamihele, o kuu keiki ponoi no ia, ka mea a'u oke kuhihewa loa ana, ua make la oia, eia ka aole. I keia po, ua lioea mai nei oia no ka huli ana i kona makuakane .

"Auhea oe e Geofere, no ke ano o ka nalowale ana o ka hapa o ke ke'a i loaa*ai ia oe, he mea pohihihi loa ia. He mea oiaio, mahope iho o kela hele hope loa ana aku a'u 'no Sana Fe', i ha'oha'o ai au i kona nalowale ana mai ia'u aku, a o ka'u o ka noonoo wale ana iho no, aoīe loa au e ike hou ana i ka hapa o kela ke'a, eia ka o ke alahele ia, e hiki ai ia oe ke hookolo mai a loaa kou makuakane nei.

"Oiai, owau ponoi.no ka mea.nona kena wāiwai, ke kauoha aku nei au ia oe e kuu keiki. e malama aku elike me ka loihi o kou ola ana, he mea kena i malama mau ia e a'u, ma ke ano he; waiwai momi, pēla hoi au e kauoha aku nei ia oe e kuu keiki, e malama aku, me he momi makamae la.

"O ke kumu nui wale no o ko'u haawi ana aku i ke kauoha ia Keaka ame kana wahine, e kakau i.ka'u leka ma a helu 43 o ka pahu leka ma Sana Fe, i wahi e ike ole ia ae ai ko'u ano maoli ame ko'u inoa pololei. Ua liuna au i ko'u inoa oiaio ia laua, a aole no hoi o'u makemake e kakau ia he leka ma ka inoa o Uilama Dale, a e hoouna ia ae maloko o ka pahu leka hookahi, me ka leka e hoea ae ana ma kela pahu leka, ma ka inoa o Uilama Mapelakona. "E pili ana hoi no kela huakai a'u o ka holo ana aku no Saratoga a halawai pti ai au me oe, ke hoike okoa aku nei au imua o oukou, aole loa he manawa e ae iloko o ko'u ola ana, aole ma ke kahua kaua, aole hoi iloko o ka wa o ka maluhia, i ike iho ai no au i ko'u hohewale maoli. E hele ana au no Nu Poka, no ka halawai pu ana me kuu wahine. a i liolo wale aku no au i Saratoga no ka makaikai ana, oiai ua loihi maoli na makahiki, aole o'u ike liou i kela wahi, pela iho la au i ike ai ia ōe malaila. "la'u nae maluna o ke kaaahi, ua halawai iho la au me kekahi kanaka aoo, i kamaaina ia'u, a kapa mai la kela i ko'u inoa o Kapena Uilama Dale. elike no me ka lakou i ike ai ia'u, ma kahi eli lanahu ma Nu Mekiko, a ninau mai la kel i ka'u wahine. a hoakaka aku la no hoi au iaia. no ka maikai oko maila mau ola kino -a ehla. ; : ; "E hele ana oia nō Saratoga, nolaila noi. akuia' au i hookahi ko maua hele like ana a noho maloko oka hokele. I kinohi, ua maopopo ole ia'u ka mea e hana aku ai no ko'u inoa, he hana maikai ole kou hoopunipuni ana aku iaia, nolaila i ko maua hoea ana no ka hokele, a i wahi-e ike ole mai ai kela, he inoa e ae kekahi o'u, o ka inoa hoi i kamaaina i na mea apau, ua kakau aku la au i ko'u inoa ana i ike ai, oia o Uilama Dale, a ō kahi noho o Sana Fe, oiai iia kattiaairia-no oia, 0 kela ko'u walii lawelawe oihana. ■ ' . "Ō keia nae ko'u mea i pilikia ai. ke alahelē hoi nana i lawe pololei mai ia oe ahiki iniua o kuu alo i keia po, e kuu keiki. Ke hoomanao la no oe e Gēofere, i ko'u kuhihewa loa nna ia oe o Evaleka, ame ka loli ano e ana o ko'u helehelena, i ka wa i lohe aku ai i kou inoa. Ua hoike aku au ia : oe no ko kau'a hui'hou maloko oka hokē]e, ma ka hora elima o ke ahiahi: eia nae. ia'u o ka hoi ana mai no ka hokele. a noonoo 1 na hopena e hoea mai ana, ina e hoike ia ae ana ka rnea oiaio, imua o kuu wahine, ame ke keiki a maua. a pela hoi imua oit. aole nna e kana mai ka rui o ka ehaeha o kuu naau. la'u i nana aku ai i kou mau ano, he kulana maemae maoli no-kou, a ua maīkai no paha kou malama ia ana e kekahi mea. nolaila he hana pono ole na'u. ke kikoo ana aku i na moolelo o ka wa i hala. a hu'e hou mai; o ko'u hooholo koke iho la no ia e haalele i ka hokele. o kela o keia aia ka pono o ka pau o ko'u mau lole maloko o ka paiki, a ma ka hora 12 o kela la, o ko'u haalele aku la no ia ia Saratoga. -

"No kela hana nae a'u, ua mihi loa au me ka walania mahope mav Mc hana ku i ka hilahila na kekahi ohana o Mapelakona, e hoohuli aku ai i kona kua i kona j'o ponoi, a holo mai me he hohewale la. Ua hu mai la kuu aloha nou ia'u i hoea mai ai no kuu home nei, me kuu hooholo ana iho e hoao au e huli ia oe mahope mai. no kekahi wa okoa aku nae e hoike aku ai au i na mea i hoolala ia iloko o kuu noonoo. "Heaha kou pilikia e kuu Esetela?" i huli aku ai o Mapelakona i kana wahine, mamuli o ka lolie ana aku i ka nui o na hanu, he hanu o kekahi mea i piha me na manao pihoihoi, a i hoopilikia ia aku paha kona noonoo. "Ua oi loa aku anei keia moolelo a u o ka hoike ana akipla imua ou. mamua o ka hiki ia oe ke hoomanawanui. "Malia palia, he. hana aloha ole na'u. ka lawe ana mai maloko nei o keia rumi, a imua hoi o na malihini. ia oe, aka nae pela wale no e hiki pono ai ia'u ke haha'i aku i keia moolelo, imua o oukou apau, ka poe i kuleana e lohe, i keia meahuna ano nui loa. Ina nae ua hoehaeha ia aku kou noonoo e kuu waliine, ke nonoi aku nei au ia oe e huikala mai, e ae mai hoi, ,e hoihoi hou aku au ia oe noloko o kou rumi, no ka hoonana ana i kou 'maii manao maikai ole?" Haalele akii la o Konela Mapelakona i kona wahi e noho ana, a hele mai la me ke kau ana aku o kekahi linla maluna o ka poohiwi o kana wahine. me ka malie loa, i like ole me na manawa e ae mamua aku, ana e paa aku ai iaia; ua papale mai la nae kana wahine iaia, aole me ka manao huhu. ak i hiki ai iaia ke hana mai elike me k'ana i manao ai, ia wa i ku ae ai o Mrs. Mapelakona iluna me ka maloeloe, aia hoi ka ehaeha maluna o kona helehelena kahi i nohoalii ai, a hoomaka mai la e kamailio: -» . "O," wahi aha me ka puili ana ae i kona mau liina a elua i kahi liookahi, "ina no hoi paha i kamailio mua ia mai e oe i keia mea mampa.ae.o kp, mare,ia ana; ā ina no hoi, i kupaa au ho'u iho. ina ua iioopakele kaua ia kaua iho. Ke nonoi mai nei oe ia'u e Uilama e huikala aku ia oe; o e kuu kane aloha, ua paumi ia ae ka nui o ko'u hewa imua o kou!" alaila uwe okoa iho la o Mrs. Mapelakona, me ka pohihihi loa nae i kana kane o ke kumu o kela mau waimaka. MOKUNA XLV. Me he mea la ma ka nana aku a Konela Mapelakona i ke ano o kana wahine i kela manawa, ua aneane loa e haalele iho ka uhane i ke kino. me ka maopopo ole iaia, o ke kumu nui nana i hoololi hikiwawe ae i ke ano o kana wahine. No Mr. Kamihele hoi, ua hele loa oia a piha i ke kaumaha, oiai' oia liookahi wale no ka mea i ike i. ka nui o na ehaeha a kela wahine e auamo 1a iloko o kela mau mi'nuke, no ka mea, o ka hewa ana i hana aku ai i na la loihi i liala, ka mea ana i moeuhane mua ole ai, e hookolo mai ana ia mahope ona, ahiki i ka hoike ia ana ae o kona ano imua o ke akea; eia ka, o kela ano hookiekie a haaheo ona, e hiki ole ana iia ke alo ae mai ke koikoi o ka hewa ana i hana ai iloko o kona mau la opio. Elike no hoi me Konela Mapelakona, ka hoo-pu malie i na meahitna e pili ana i kona ola ana. ka mea ana i manao ai, ua kanu aku oia i kahi e hiki ole ai ke hua'i ia ae; pela iho la no kana wahine i hunakele loa ai i kana meahuna, me kona manaoio, aole loa he mea' i ike ia hewa mawaho ae ona, o ke kauka wale.no nana i hookohi i kana kaikamahine a hemo iwaho, eia nae ua pulapu aku oia i kela kauka ma 1 ka huna ana i kona inoa oiaio, e hiki ole ai iaia ke hookolo mai mahope 0 ko ia nei meheu. I O ke kakali hoomanawanui hoi ia o Konela Mapelakona, ahiki ' kona i!:e ana aku, ua ano mama ka manao o kana wahine, ia wa oia,i | hoomaka aku ai e ninau, me ke ano hoohuoi tio nae iloko ona: "Heaha ka manao o kela maiuhuaolelo au o ka heopuka ana niai ne'i e Esetela?" i Mamua nae o ka hiki ana mai i kana wahine ke pane no kela ninau; alawa mai Ia u o Konela Mapelakona ia Mr. Kamihele, no ka mea akahi no oia a hoala mai i kana mea i hoomaopopo ai i kana wahine, i ka wa i hoolauna ia ae ai me kela keonimna malihini, malia paha aia kekahi meahuna pili loa i kaua wahine, m£ kela kanaka. "Eia no ka manao o ka'u mau olelo i kamailio mua aku nei ia oe," wahi a Mrs. Mapelakona, me ka hiki.ponp..ole no iaia ke kamailio mai i kela mau olelo. "O ka meahuna au o ka hunakele ana mai ia'u aku, iloko o na makahiki loihi o ko kaua tidho mare ana, aole i oi aku kona ino, i ka'u meahuna i huna ai mai ia oe mai, i pili i kekah liapa o ko'u ola ana. ~ , , , , "Ua huna wale no oe, no kou mare mua ia ana i wāhiiie, a pela me ka hanau ana mai o ka olua keikikane, aka no'u nei, ua oi aku ke ko'iko'i o ka'u mea i hana ai, ke hookuku ia ae me kau-", - "Heaha ke ano o keia meahuna au e olelo mai nei e Esctela? Aole loa e hiki ia'u ke manaoio aku, ua hāna.o.e i kekahi newa, koikoi loa i 01 aku imua o. ka'u i hana al," alaila kulana mai ia o Konela Mapelakona ihope o kona noho, me ka naua hou ana aku ma kahi a Mr. Kamibele e noho mai ana, oiai aia no' kana. hpōhuoi ana niāluna o.kela keonimana, malia paha ua launa mua oia me kana. wahine ma kē ano hewa, a i ole. ua mare mua paha o Esetela me Mr. Kamihele, i ka manawa a ua o Konela Mapelakona e noho ana ma Nu Mekiko, a mahope mai | haalele i kela kane, a holo mai iaia mai, o hoonele ia aku auanei oia me kona mahele o ka waiwai o Jabeka. Ua kamaaina mua anei keia mau mea iloko o ko mau la opio. a ua aloha aku kekahi i kekahi? O keia anei ke kumu nui oka maliu ole ana aku o ua wahine nei ana, i ka. nui ame ka lehulehu o na kanaka opio i hoea mai imua-ona, no ke noi ana iaia i wahine na kekahi o lakou? , . , Ke hakilo pono la o Konela Mapelakona, aole ona ike aku 1 ka nanaina huhu ma ka helehelena o Mr. Kamib,ele, elike la hoi me ke ano o na kane i haalele ia e ka lakou mau wahine. ka piha i ka hulni ame ka hoonaukiuki, a ua lilo hoi ia ano ana e ike aku la i mea hookahaha aku i kona noonoo. - > "Ua maopopo no anei ia oe kekahi hapa o ke ola ana o kuu wa» hine?" wahi a Konela Mapelakona o ka ninau ana mai imua o Mr. I<amibele, oiai aole he hoomau hou mai o Mrs. Kamihele i kana kamailio ana. "He mea uuku wale no ka'u i hoomaopopo no ke ola ana o kau waliine, a koe aku no ka nui, oia wale 110 ka i maopopo, i pane aku ai no hoi o Mr. Kamihele. "Alaila, ua kamaaina loa anei oe i ka'u wahine?" "He hookahi wale no a'u manawa o ka ike ana iaia, aole elua, a ekolu paha, e. kamaaina pono ai au i kona moolelo ame kona mau ano." "Ihea kou wahi i kamaaina mua ai me ia, a ma ke kumu hea olua i kamaaina ai?" wahi a Konela Mapelakona me ka hoala ia ana mai o ka manao pihoihoi iloko ona. "No ia ninau au ia'u, e kala mai oe no ke kaa ana ma ko u aoao ka pane ana aku ia oe," wahi a Mr. Kamihele, nie kona hoike okoa ana aku i kona ano paa rula, me ka ike pu ana iho no hoi, ua hoala ia mai kela ninau ma ka aoao o Konela Mapelakona, mamuli o ka hoohuoi no kana wahine. "Aole he mea kupono e ae nāna e pane aku i ka haina o kau mnau o Mrs. Mapelakona wale no, oiai oia no ke kuleana nui i kana mau meahuna imua 0u.." a,laila ku.ae la o Mr. Kamibele iluna, me ka manao neī o keiā keena 1 nie'a maikai ole i ka noonoo o kau wahine, alaila e ae inai, e hele aku maua noloko o kekahi keena okoa aku, a waiho iho ia olua' wale no maloko nei, i hiki pono ai iaia ke hoike piha mai i kana meahuna mua ou," alaila ku ae la o Mr. Kamibele iluna, me ka manao 0 hemo aku iwaho, aka ua palulu e mai lā o Mrs. Mapelakona i kona lima. me ka i ana mai: "Aole oe e haalele mai i keia keena." wahi ana me ka leo o ka mea i. piha i ka ehaeha. "Ina he kuleana kd kekahi mea e lohe ai i ko'u moolelo. alaila mai hoao oe e hele mai'ko'u alo aku." a no kela pane 1 komo aku ai ka manao 'hoohuoi ildko o Geofere, malia paha, o ke leanaka ana i kau.aku ai i kona pono maluna ona. a i nana aku ai me na manao mahalo no kona kulana keonimana, ua haulehia oia i kekahi hewa koikoi loa. . . . . "O, nani wale ke inp oka pum waiWai! 1 hooho mai ai o Mrs. Mapelakona, me ka maooopo ole i kona mau hoa. ke ano o kana mea e kamailio mai ana. "O ka makee waiwai, o ka puni hanohano ame ka makaleho i ka lelo o ke gula. o ka hoowalewale nui hookahi ia ma ke 30 nei-, e alako ana i kekahi mea, e haalele aku i ka oiaio, i ka hanohano ame ka makee i kona ano iho. Nani wale ka hoplilo ia ana ona kanaka ame na wahine i mau mea paahana na keia kupuino, a hoolilo aku la i ke aloha. ka mea nui a ke Akua i hookomo mai ai iloko o ke kanaka i wahi mea paani wale ia. (Aole i pau.)