Ka Nupepa Kuokoa, Volume LIII, Number 53, 31 December 1915 — LOAA HE MOO KAI MA KA HULI KOOLAU [ARTICLE]

LOAA HE MOO KAI MA KA HULI KOOLAU

Ma ka olelo a kekahi poe lehulehu o keia kulaiiakauhale i hele a ike por.o i kekahi moo, o ka loaa ana iloko o ke kai, ma, na la o ka pule aku nei i hala, ttd hooiaio loa ae lakou, he moo maoli no kela ,aole hoi he puhi, no ka mea pa kulike loa na ano me ka moo naheia'; o J ka like ole wale no, he ano moo noho kela maloko o ke kai. , O ka loihi o keia moo he kankolu iniha; he kinp kalakoa kona, me ke onionio ma kahi kokoke i ka hi'u; ua like loa no hoi kona poo me ko ka moo i ike mau ia ma na aina e, mauka o ka aina. He eha ka la o ka loaa ana mai o kela moo, ma ka manawa i halawai aku ai ka ike a kela poe makaikai, eia nae, ua like wale no ka aina me ke kai iaia. Ma ka hookuuia ana o ua moo kai nei iloko o ka wai, ua hoomaka ka luu ana ilalo, a i ka piha ana o na minuke he iwakalua-kumamalima, ia wa i aea ae a l iluna, no ka hanu ana, a hoomaka hou aku ana e luu iloko o ka wai. Ma ka olelo a ka mea iaia i loaa ai o kela moo leai, ua hookahahaia aku ka ka manao o na kanaka.ma kela wahi, no ka mea o kela ka mākamua loa o ko lakou ike ana'. i kekahi moo kai. Ma ka olfelo a Porofesa Bryan, o keia iho la ka lua o.na manawa i loaa ai o ka moo kai, ma na kai o Hawaii nei; o kajii lōaa nui o keia ano moo, ma ka akau no ia o ka poai wela, a i kekahi manawa, ma ka hema o ka poai wela, a ua manaoia mamuli o ka ikaika o ka ino, pela iho la i hoea mai ai ma kekahi mau wahi ma Hawaii nei.