Ka Nupepa Kuokoa, Volume LIII, Number 53, 31 December 1915 — HE MOOLELO NO ADELE LANAKETA A I OLE Ke Kaikamahine i Kaa Malalo o na Hookauwa Ana a ka Lokoino, i Kau Nae i ka Hanohano Mamuli o na Lima Kokua Aloha. [ARTICLE]

HE MOOLELO NO ADELE LANAKETA A I OLE Ke Kaikamahine i Kaa Malalo o na Hookauwa Ana a ka Lokoino, i Kau Nae i ka Hanohano Mamuli o na Lima Kokua Aloha.

Ke hakilo loa la ua o Adele i ka poe hulahula me ko lakou mau kahiko like ole. e noke la i ka wili poniuniu; eia nae me he mea la, e o mau aku ana na olelo a W'alaka oka pane ana aku iaia: Aia no me ia kana Ōlivia, ka mea i oi aku iaia mamua o ka punahele a ka Moiwahine Elikapeka." x?a : irtj'nēa iViabH- o"Adele -i ka nana i ka poe hulahula. aole ona noonoo ae no kekahi mau mea e kamailio ana mawaho pono mai o kela anaina ana e noho ana, a no ka nunui niaoli no o ko laua mau leo, akahi no oia a ike mai, a o kalii o ka laki loa, aole he mau mea e ae e kamailio ia ana. o na mea wale no i pili iaia. E hoomanaoia, ma kela manawa a \\ alaka o ka hoonoho ana mai ia Aelele, ua hele aku la oia, a loaa kekahi lede opio, o kona hulahula hou aku la no ia, a i ka hoonoho anā aku i kona pakana, ia wa i hele aku ai mawaho o ka lanai, e hoomaha ai i kau a mea 0 ka wela. No kona manao, oia hookahi wale ,no ma kela wahi, ua vvehe ae la o Walaka i ka uhi o kona helehelena, a iaia e nanea ana i ke ku; ia wa i hoea mai ai kekalii lede, i kahikoia me ka lole ulaula, a i mai la iaia nei: •'O oe no'ka keia e Mr. Walaka, a ke hoomaikai aku nei au la oe, no kou koho ana, o ka lole o ke kenekulia umi-kumamaono kou lole o keia po." # Kunou wale.aku la'no o Mr. Walaka 1 ka mea nana oia 1 kamailio mai, me kona hoomaopopo ole aku i ka mea nona ka leo, oiai ua paa.ka helehelena i ka uhi ia, aka ni Adele, aole oia i hoohewahewa iki i kela leō, i hele a kamaaina loa iaia; "Ma ka'u hoomaopopo aku, he keu kou hoopipili loa e Mr. Laika i kela kaikamahine hookama a Mr. Lanaketa," i pane hou mai ai no ka lede i uhiia kona helehelena. "Ke manao nei au, ina he mea kekahi uana i hoike aku ia oe, e pili ana i ka moolelo o ka hanauia ana, e hoomamao loa ana oe ia oe iho mai iaia mai." No kela mau olelo, i huli pono aku ai o Walaka imua o ka lede, a i aku la: "Aole he maopopo ia'u o ke ano o kau mau olelo o ke kamailio ana mai la e ka madame." "Ina pela, e hoike aku au ia oe i ka mea oiaio e pili ana i kela .k'aikamahine'. O ke kaikamahine au,e hoopipili loa la, au paha i manao kuhihewa aku ai, he moolelo maikai kona, he wahi kaikamahine moa ole oia, e lilo mai ai i mea hoopilikia i kou inoa maikai, ina nei'no kou manao, e lawe ae iaia i wahine nau, ma keia mua aku." "Owai la oe e ka madame, aole loa e hiki ia'u ke manaoio aku 1 kena mau.olelo; aole o kahi pouliuli oia iho la kahi e hele mai ai e kamailio ma ke ano hoinoino wale aku i kekahi mea," i pane aku ai o Mr. Walaka me ka leo kuoo. "Ke manao nei au. oke kaikamahine nona kau mau mea o ke kamailio ana mai nei, oia no o Miss Lanaketa, he kaikamahine oia a'u i mahalo nui ai. O kona lilo ana he kaikamahine hookama na Mr. Lanaketa, ua lawa ia no kona mau ano kupono a oiaio, e ikeia aku ai e na mea apau he kaikamahine j maikai." "Ha! ha!" i noke okoa ae ai ka madame i ka akaaka, a lohe ] pono aku la o Adele i kela ano akaaka kahiko i kamaaina i kona mau ! pepeiao, ka mea hoi nana i hoopii aku i ka lia maka'u ame ka hopohopo iloko ona. "Ke ike aku nei au i kou kupale mai no ka pono o kela kaikamahine, ina nae oe e ninau aku ana ia Mr. Lanaketa, i: kahi i loaa mai ai ua kaikamahine nei iaia, malia e hiki ana paha iaia ke pane mai i ka haina pololei ia oe." "Aole loa o'u makemake e huli pono aku i ka moolelo e pili ana ia Miss Lanaketa," wahi a Mr. Walaka, me ka hoalaia ana mai 0 ka hoihoi ole iloko o ka mea e kamailio aku ana iaia. "Ua lawa ko'u ike ana aku iaia, he lede oiaio ma na ano apau, 1 wahi e kailiia aku ai ko'u mau manao mahalo nona, O kona wahine u'i, koria mau ano oluolu, me ka paa rula, a o ka mea oi loa aku, o kela mau kalena kilakila i loaa iaia, ua lawa ia no ka haawi ana o ka poe apau e noho pu ana i ko lakou aloha nona. W E huikala mai oe ia'u eka madame, no keia hoike okoa ana aku la i ko'u manao maoli no kela kaikamahine; a ke nonoi pu aku nei hoi ia oe, e hookuu mai ia'u pela, aole au i makemake e hoolohe hou aku i na olelo o keia ano," alaila huli aku la o Mr. Laika me ka manao, e hoi hou aku iloko o ke keena hulahula, ua hopu okoa mai la no nae ka lede iaia a huki aku la ihope, a i hou mai la: "Aol'e i pau ka'u mau mea i makemake ai e kamailio aku ia oe, e noho mai, i lohe pono ai oe i ka oiaio." "Alaila heaha hou ae ia mea au i makemake ai e hoike mai ia'u?" i pane mai ai o Mr. Laika ma ke ano pikanana. "Mai Alahane mai hoi paha oe ea?" "Ae, a i keaha la?" Ke hoomanao la anei oe no kekahi loio o Horaki Ekoka kona ll ? oa V, 1 , we^e 1 keena loio nona ma Alahane 110 kekahi mau makahiki elua ? "Ae, ua ike au iaia, a ua kamaaina no hoi i kona keena Ioio." # "A pehea, he oiaio no anei, elike me na mea o ka hoikeia ana mai ia'u, oia kekahi o na kanaka kuonoono?" "Ae, oia kekahi kanaka waiwai, a he mea oia i hilinai nui ia e na kanaka ko'iko'i o kela kulanakauhale, me ka waihō ana i ka lakou mau hana nui iloko o kona lima. "A pehea, he ohana no anei kekahi ona?" "Aole au i ike, ua mare oia i ka wahine, ma ia ano, aole ona ohana, aka, oia hookahi wale iho no." . 1 loaa hou aku ua kanaka nei ia oe ea, alaila e loaa mai rib auanei kekahi mau hoomoakaka ana ia oe mai iaia mai, ke ninau aku oe iaia e hoike mai i ka moolelo o kekahi wahine, i kapaia ma ka inoa o Mrs. Warena i make, he umi-kumamawalu ae nei makahiki i hala. E ninau pu aku iaia no ke keiki a kela wahine o ka haaleleia ana iho mahope nei. O ke aloha no kou e Mr. Walaka, a e akahele'i' ka hoopilipili ana me ka mea au e manao kuhihewa'aku nēi. V 'lca , ' < Hinl!i , hirtti 'niawaho> Ua piha nae oloko. i ke ino. v Me kela mau'olelo hope, o ke ka'na aku la no ia o ka wahine i hoike-ole mai i kona helehelena, a nalo aku la ma kekahi aoao o ka hale, me ka hiki ole ia Walaka ke haalele iho i kela wahi, aka ~kula oia mahope o kela wahine ano e, me ka noonoo nui ana iho hoi i ke ano o na olelo i kamailioia aku iaia. "Owai la hoi kela wahine mahaoi, o ka hele ana mai nei me kana mau olelo ahiahi oka hilahila ole. Oka wahine e manao ana pela iho la e ko ai kekahi manao i hoolalaia eia, no ka poino o kekahi, £<p|e oija ( pono e ola ma keia honua; ina hoi paha no ka maopopo'i'a'ii o kela wahine, ina ua hana aku au iaia, elike me kana i hfluarj»ai iajU«j kei.a po." Me ka lavve ole mai o Laika a hoolilo i na mea ana i lohe ai, i mau mea ano nui, o kona komo hou ae la no ia i kona uhimaka, a komo aku la iloko o ke keena hulahula, no ka huli ana i kela lede kino loihi, o ka hulahula pu ana me ia. . Ua noke o Laika ika huli ialoko oke keena hulahula mai kekahi aoao a i kekahi, aole ona ike aku i ka mea ana e huli ana, oiai aole i'o no o Adele maloko o ke keena hulahula. laia e noho ana ma ka puka aniani, a lohe pono i na olelo hoinoino a kela wahine ana i kamaaina loa ai o ka Madame Papinau, imua o Laika, ua hiki hou ole iho iaia ke hoomanawanui, nolaila ua hoi pololei loa aku oia noloko o kona rumi, no ka hoomalielie ana i kona mau manao maikai ole apau.

"Heaha la hoi ke.ano o na mea a'u i lohe aku nei i keia po," i hooho ae ai ua o Adele, iaia o ke komo ana aku maloko o kona rumi, a haule aku la maluna o ke koki, me ka wehewehe ana ae i ka uhi mai kona poo ae, oiai ua hele oia a pau ke aho. M Ua niake hikiwawe kuu makuahine maloko o Nu Olina, he umi!;umamawalu ae nei makahiki i hala. O Mrs. Warena anei kona ! inōa? O ka inoa anei ia e kapaia mai maluna o'u? No keia Harola Ekoka hoi, owai la ia kanaka ?" ) Ma kela wahi, i noke okoa aku ai o Adele i ka uwe, me ka palulu ana ae i na lima ma kona mau maka, no ka mea, ala mai la na ninau lehulehu iloko ona, a malia paha ua noho kona makuahine me kana kane, a ua lalau aku hoi kona .mama 'me kela kanaka me Eko- 1 ka; ua lilo i mea hoehaeha loa aku i kona noonoo. | No ka hapalua hora ka noho malie loa ana o Adele, me ke ala. ana mai o ka noonoo he nui iloko o kōna poo ; ala pu mai la no hoi kona hoowahawaha i ka Madame Papinau, no kana mau hana hilahila ] ole, o ka hoao ana niai e hoopilikia iaia nei, a e .hapala aku hoi i ka inpa maikai o kona makuahine i make; iloko no hoi o kela manawa hookahi, i ala pu mai ai na manao mahalo 110 Walaka, no ke kupale ana 110 ko ia nei pono. "1 ua o Adele no paha ka ike i kana mea e hana aku ai, ia wa i ku ae ai oia iluna, a maloeloe, alaila hoopuka ae la i keia mau olelo: "Aole a'u nana i na hoinoino wale a keia wahine, hilahila ole; aka e ku aku ana au. elike 110 me ia a'u £ hana nei i keia wa| a ina j he mau kiko eleele i'o kekahi maluna iho o'u, e hoao no au e holoi aku ia mau kiko eleele, ahiki i ka nalowale loa ana inai ia'u aku. Ke | haawi'nei au i ka'u hoohiki paa, e hoao ana au e hoolilo ia'u iho i kaikamahine na ke ao holookoa e haawi mai ai i na mahalo ana, ma na j wahi apau a'u e hele ai." No kekahi mau minuke,. mahope iho o ka hoopuka ana ae o Adele i keia mau huaolelo, ua lamalama. maoli kona helehelena, alaila loli ae la ia hiona mahiehie o ua kaikamahine nei, a i ka haikea pu o kona helehelena; a kulou iho la.kona poo ilalo, me ka na'munamu liilii ana iho: | ''Mai keia inanawa aku, ke hoopau loa nei au i ka hoao ana aku j e ike ia mea he aloha," wahi ana.me ka leo haalulu, i piha me ka j ehaeha. "He pono ia'u e hoomamao mai ka hookau ana aku i ka I hilahila; i ka ehaeha ame ke kaumaha maluna o kekahi kanaka; a mai keia manawa aku, he hookahi a'u mea e nana aku ana, o ia no ka loaa ia'u o ka ike himeni, e hookaulanaia ai kuu inoa ma ke ao holookea." Me kela mau olelo, i ku hou ae ai ua o Adele iluna, kiola aku la i ka pulo'ulo'u mai iaia aku, me he mea la, e waiho loa ana oia i ka noonoo ana i na hauoli o ka launa ana me ka poe opiopio; alaila hele aku la no kalii o ke aniani, me ka hooponopono hou ana i kona mau lauoho, lalau hou aku la i ka uhi o kona poo, o ka iho aku la no ia, noloko o ke keena hulahula. Mamua nae o kona komo ana aku iloko, hoopa mai la kekahi mea iaia ma kona lima, me ka ninau ana mai: "Heaha kau mea i hana ai me ko lole hoano-e?" wahi a Edita o ka hawanawana ana mai. "Ua waihoia aku nei no e a'u 'maloko o kuu rumi, aole o'u hoihoi i ka hele me he mea hookamani la." "E hoomanawanui ia no hoi paha e oe, he mau minuke helu wale no koe, o ka wehe no ia o na mea apau i ko lakou mau aahu hoano-e." "Ua maopopo no ia mea ia'u, aka ua oi ioa ae ko'u pono me keia ano no au e ikeia mai ai mamua o kela lple puha'uha'u, kohu luahine; aia a hoea mai i ka wa e wehe ai i na uhimaka o kakou, ia wa auanei e hana aku ai elike me ka na N kanka 9 Roma. Pehea oe o kaua, ua nui anei kou hauoli, i keia po?" "O keia paha ka manawa mua loa nana i hoopiha mai i kuu puuwai i ka hauoli, a ua loaa pono aku nei p papa ia'u, pela no hoi me Livinekona, a 110 Laika nae, aole au i maopopo iki iaia, ua ike nae paha oe ea?" "Ae, ua ike au iaia." "E hoike mai hoi ha oe ia'u, i ke ano o kona lole, 'ame kona mau mea hoano-e?" "Aole paha ia he hana maikai e kuu moiwahine," wahi a Adele me ka minoaka ana aku imua o kona hoa. "Ina no oe e hakilo pono loa aku ana la, aole no e nele ana kou ike aku iaia." "A pehea, ua noke mai nei anei oia i ka loiloi i kou lole?" "Aole oia i hoike mai ia'u, he koho wale aku no nae ko'u, ua mahalo maoli oia." Nee ae la o Edita i ka akaaka, a pane mai la: "Ina no he ma* nao hoohihihi ko Laika no kou lole, ua uhi ia na mea apau, e kela manao hoohihi ona nou. O ka'u no hoi keia o ka hoike mua ana aku ia oe, e hoea mai ana he la e haulehia ai oe i>ke aloha no kekahi keonimana, eia ka e pololei ana no. E hookuu.omai oe ia'u, ke ike aku la au ia Laika Livinekona, ke hele mai la, a ina kaua e ku like ana ma keia wahi ,e loaa pono mai ana au iaia, nolaila, o ke aloha no kou, a hui hou aku kaua, i ka wa o ka aina ahiahi," o ke kaha aku la no ia o Edita hele, oiai hoi kekahi keonimana i hele mai ai a ku iho la mamua pono o Adele. Ua kahikoia keia keonimana me kekahi lole silika loihi, a i kaei ia hoi kona puhaka me kekahi mau kaula siltka, e kuuwelu ana ma kona puhaka, he papale mahiole maluna, o kona poo, alaila haawi aku la i kana kunou haahaa imua o Adele, a*pane aku la: 'E ka lede nohea, he makemakē anei oe e ike i ka hopena o kou ola ana?" wahi a ua keonimana la, me he mea la, he kilokilo kana oihana. Ua hele o Adele a piha loa me ka hoowahawaha no ka pane ana aku i kela ninau, no ka mea, o ka hoomamaia ana mai no ia o kona noonoo, ma na minuke mamua aku, a halawai hou no me na mea e hoala hou ia mai ai na manao maikai o,le iloko ona, aka hoi, no ka hooko ana aku i ke noi a kela keonimana, ia wa oia i pane aku ai: "Ina paha he ike kilokilo kou i na ouli kupaianaha o ko ke kanaka ola ana, alaila ke kakali aku nei au i kau mau mea apau i ike no'u?" wahi a Adele, me ke kunou ana aku no hoi imua o kela keonimana. Leha mai la ka nana ana a ua kanaka nei inaluna o Adele, e kilohi ana hoi ma na ano o ke kaikamahine opio, ma ke ano hoolalau wale no, alaila, hooho ae la: "Eia aku mamua o kou alahele e ka lede nohea, he kane e noi mai ana ia oe i wahine nana, a e hoea mai ana i ka wa e hoohuiia ai na puuwai a elua a lilo i hookahi. E hookoia ana kou mau manaolana, a e loaa ana he maha a he nohona maluhia ia oe, me ka loaa he ola loihi ana i kuu lede maikai." Me ke kakali ole a lohe aku i ka pane ma ka aoao o ke kaikamahine opio, o ke kaha aku la no ia o ua kanaka nei hele, me ka haalele ana iho ia Adele iloko o na manao kahaha, oiai no nae, ke ike la no o Adele, he mau olelo hoomaauea wale no kela i kamailioia mai iaia, aole mamuli o ka ike kilokilo o kela kanaka. MOKUNA XIV. lIOIKE OKOA I KONA HAULEHIA ANA I KE ALOHA. No ka hoomama ana i na manao kaumaha iloko o ua o Adele, hoolalau wale aku la no kana hele ana ma kahi kanaka ole, no ka mea aole loa ona manaoio i ka mea i wananaia mai nona, o kana e noonoo la, he okoa loa, a iloko o kona nanea, i hoea mai ai i ka hopena o ka paani ana a ka poe hookani pila, ia wa i kaheaia mai ai e wehe na mea apau i ko lakou mau uhimaka, i ikeia aku ai ko lakou mau helehelena. Me ka palamimo loa i hele mai ai kekahi mea a ku iho la mamua pono o Adele, alaila pii ae la kona lima iluna, no ka wehe ana ae i kona uhimaka, aka nae pane mua mai la: "E ae mai ana anei oe e Miss Lanaketa, owau kou hoa e komo like aku ai no ka paina ahiahi?" nolaila lohe maopopo loa aku la o Adele i ka leo o ka mea ana i kamaaina: ai, a pane aku la: "Ke haawi aku nei au i ko'u ae ia oe e Mr. Laika," alaila wehe like ae la laua i ko laua mau uhimaka, a nana aku la kekahi i ka helehelena o kekahi, me ka noke like ana ae i ka akaaka. "Alaila, ua maopopo mua no ka paha au ia oe ea?" i pane mai ai o Laika me ka luliluli ana ae o kona poo, oiai ua manao loa oia, aole e ahuwale kona mau ano ia Adele. "Ua hiki loa ia'u ke ike ia oe e Laika, a malia pela-no hoi paha oe i ike mai ai ia'u," wahi a Adele. "O ka hiki ana nae ia oe ke hoomaopopo mai ia'u, maiwaena ae o ka nui o na lede me ko makou

inau lole Jioaiio e, he nit\au pohihihi loa ia, na'u e niaopopo ole nei." "Ina 110 he niau hanen wahine maloko nei o keia keena i keia po, aole loa oe e nalowale mai kuu mau maka aku, 110 ka mea o kou kulana liiehie, o ke ano o kau hele ana; ua like ole ia me ka nui ac n na wahine, pela iho la i hiki ai ia'u ke ike ia oe e Miss Lanaketa," me ka hoholo ana ae o ka ula ma na papalina o ka lede opio. "Ua )ioike aku la hoi au ia oe, i ke ano o ka hiki ana ke hoomaopopo ia oe; a pehea hoi i hiki ai ia oe ke ike mai ia'u?" "Pehea hoi, aole i maopopo ia'u, me he mea la nae, elike 110 me kau i hoomaopopo mai ai i ko'u ano pela no au," a ua lilo kela pane a Adele i mea e hoohauoliia aku ai ka manao o ke kanaka opi<», ma ka hoike okoa ana mai ma kona mau maka, a Adele o ka nalu ana iho iloko ona, aia mau no ka hialaai o Walaka maluna ona, me ka noonoo ole i na olelo hoohilahila a ka Madame Papinau, t) ka ahiahi ana aku iaia. Oiai he manawa kela e hoomakaukau la na mea apau no kc komo ana aku iloko o ke keena aina, ua komo ae la laua nei iloko o ka laina, a oiai e hookokoke aku ana no kahi o na noho i hoomakaukauia, i ike aku ai o Adele ia Edita. e hilinai ana maluna o ka lima. o ke kanaka kilokilo, nana i hoikeike mai i na meahuna e pili ana i ko ia nei ola ana, oia no o Livinakona. Akahi 110 hoi ua o Adele a ike aku ia Mr. Lanaketa e kuikuilima pu ana ine Mrs. Lowela, a i ka nana akU i na imea apau, lie helehelo na hauoli ko lakou apau, nolaila kiola aku la o Adele i kona mau manao maikai ole apau, e hoohalike a;ia iaia,.iho > me ka nui o na malihini e ae. • ' O ka ai hoi ia o na mea apau ahiki i ka maona ana, ua hoomaka hou na hana hulahula. a o ia ka Adele e nalu wale la no iloko ona : "He mau la helu wale no koe, alaila aui ae kuu mau la o ka hauoli. Ma keia makahiki ae e hookuuia mai ai au mailoko mai o I ke kula, a ia wa e komo aku ai ma ka hooikaika ana e komo aku | iloko o ke ola ana o ka wahine kanaka. makua, nolaila o keia no ka wa kupono no ka hauoli ana, e hookomo aku ana au ia'u iho iloko o keia mau hana o na la opio." | La hulahula pu o Adele me Laika no kekahi manawa, a 110 ka i wela loa oloko o ke keena hulahula, i noi okoa aku ai o Laika i kona paka-na e hele laua iwaho e holoholo ai i loaa mai ai na ea oluolu. "E ae mai ana anei oe, e lawe aku au i kuu moiwahine iwaho o ke kahua manienie e hoikeike ai i ka nani o na hoku o ka lani ?" "Heaha la hoi, e hele i'o aku kaua e holoholo," wahi a A<lele, me ka hiki ole iaia ke hoole aku i kela noi, me kona mihi loa ana nae mahope mai i kona puni ana aku i kela kono a Laika iaia. "Ina hoi ha pela, e kali iki iho oe he mau minuke, e hoi aku au noloko o kuu ruini," o ka nalo aku la no ia o Laika, aole no hoi i emo iho, ku ana me kekal'i niau kuka loloa, ine ka haawi ana, aku iie hooahi kuki. no Adele, a he hookahi 110 hoi nona: "Ua hopohopo au i ka hu'ihu'i owaho o ka maiiu, pela au i kii okoa aku la i mau kuka hoopumehana no kaua." Haawi aku la o Laika i kona lima imua o Adele, o ka hele kuikuilima aku la no ia o laua, a hemo ana iwaho o ka lanai o ka hokele. nowaho okc kahua manienie, malalo ona kumulaau nunui. No na minuke he umi ko laua nei hele holoholo ana aku. alaila alakai mai la o Laika ia Adele no kekahi noho, malalo o ke kumulaau, a u noho iho la ilalo, ine ka huli pa-pu ana aku imua o ka hokele, e hoolele pau mai la i ka malamalama o kona mau kukui, a ke lohe aku !a no hoi laua nei i ke kani mai o na pila, no ka poe hulahula. "Ma ka'u koho iho, o keia kekahi o na wahi maikai loa," i pane ae ai o Walaka, me ka nana ana aku maluna o ka wai o ke kahawai, e hulili mai ana i ka malamalama o ke kuikui. "He u'i mai hoi kau a koe aku, a owau kekahi i hoohihi i ka hoohala ana i kekahi manawa pokole maanei," i paue aku ai no hoi o Adele. "No ka manawa pokole wale no anei oe i makemake ai e hoohala ma keia wahi, a e hoohauoli ai ia oe iho?" "Pela ko'u manao, no ka mea he nui loa na hana hoohauoli, e hoea mai ai i ka manawa e pakuwa ai. Aole oka hauoli na mea i makemake mau ia ai no ko kakou ola ana, aka me kekahi mau mea e ae, e waiwai ai keia ola; a o ka hauoli e oili ae ana mailaila mai, he hauoli ia e mau ana ahiki i ka hopena." "Ke ike aku la au i ka oiaio ame ka pololei o kena mau olelo au e Adele, e hoike mai nae oe ia'u, heaha kou manao, ma ka mea au i kamailio mai nei, no ka hauoli mau loa?" "E kala mai oe ia'u e Laika, no ka mea aole i loaa ia'u he mau noonoo ana no kekahi mea," wahi a Adele, me ke kaumaha o ke ano 0 kana kamailio ana aku. "O kena anei ka mea oiaio?" wahi a Laika me ke kahaha. "E manao ana ka hoi au, ua loaa i na kaikamahine apau na noonoo no ko lakou ano o keia mua aku, mahope iho o ka hala ana ae o na la kamalii." "Aole no o'u kanalua no ia mea, o ke ano mau no palia ia iwaena o ka hapanui o na kaikamahine e Mr. Laika; aka no'u nei nae la, ua kaokoa loa ko'u ano mai ia lakou mai," wahi a Adele. Ua hookahahaia aku ka manao o ke kanaka opio no kela pane eia nae iaia i nana mai ai maluna o Adele, aia no kona mau mahalo ana he nui maluna o ua kaikamahine nei, a o ia kana o ka i ana aku: "Ua like no ka like ole o na noonoo iloko o na kane elike me ko na kaikamahine," i pane hoolalau wale aku ai no o Laika, ina nae i haka pono mai ka Adele nana ana maluna o ka helehelena o ke kaopio, ina aole oia e hoohewahewa mai i ka haikea o ka helehelena o kona hoa, alaila hoomau hou aku la o Mr. Laika i kana kamailio ana: "E ae mai oe e hoike okoa aku au i ko'u manao, no'u iho. O ka hauoli mau loa e pono ai e loaa i kekahi kanaka, a wahine paha, elike me ka nee ana aku o ke au o kona ola ana, o ia no kona hoea ana aku i kahi ana e kapa iho ai he home kona; a ua manao au ina ? loaa he home no'u, o ka hoea ana aku ia i kahi e loaa ai ka hauoli inau loa. "I ka loaa ana o ia mea he home, e hoopuniia ana e na luhiehu a ka manao e kamawae ole ai, e hoonaniia ai hoi kona mau paia me na nani o kela ame keia ano, e hiki ai i ka noeau o ke kanaka ke hana, a e hiki ai hoi i ke dala ke kuai aku. "I ka paa ana o ia home, me kela mau mea nani he nui; i nele 1 ke kukui nana e hoomalamalama ana ialoko o ua home nei, ua like ia me he mea ole la. O keia honua a kakou e ike aku nei i kona mau hiona nani, i hanaia me ke akamai ame ka noeau o ke Akua, ina aole he la nana e hoomalamalama nei, aole loa kakou e ike i na mea nani; pela iho la no keia home, a'u i kahakaha aku la imua ou. "Aia a lako ia home, me kona mau lako hoonani apau, alaila kii mai au ia oe, a hoonoho aku iloko ona, i mea nana e hoomalamalama ae iaia; a o ka hauoli mau loa iho la ia i ko'u manao ana. "Auhea oe e Adele, no kekahi manawa pokole o ko'u hookamaaina ia ana aku ia oe, ua ike okoa iho au i ka nui o kuu aloha nou, a nou wale no. XJa kaaheleia e a'u na wahi like ole, ua komo au iloko o ka pohai o ka poe kiekie, ua launa me ka nui o na kaikamahine huapala, aole loa he hookahi mea nana i ume aku i kuu noonoo, elike me oe e Adele. Ua kiei aku au iloko oka hihipe'a o Parisa, ua ha-lo aku iwaena o na kaikamahine a ka poe a waiwai, aole ilaila ka iini a kuu puuwai; eia ka i keia wahi kuaaina i noho nui ole a e na kanaka, e loaa ai ko'u hoa e loaa ai ia'u ka hauoli mau loa. E Adele, e ae mai ana anei oe e lilo mai i wahine mare na'u?" Aole e hiki ia Adele ke hoopuka ae he hookahi huaolelo, oiai aia kekahi pali nui ke alai pono mai la mamua o kona alo. Ua hele ka hauoli a nui iloko ona, i ka lohe pono ana i na hoakaka a keia kanaka opio ana no i aloha ai, aka nae, ma kekahi ano, he hana maikai ole loa nana ka hookau ana aku i na hoohilahila ana maluna o keia kanaka, ina e loheia ae ana ka moolelo i pili i kona hanauia ana mai. He mau minuke helu wale aku 110 mamua i lohe ai oia i kc kamailio o ka Madame Papinau, he ohana hanohano a waiwai ko Mr. Laika, ina pela, aole loa oia e lilo aku i mea nana e hoohaahaa, a e hapala aku i ka inoa maikai o kela ohana, ma kona lilo ana, he wahine i nele me ka inoa, na kekahi kanaka maikai loa elike me Laika. O ka mea wale no nana e hoopohihihi la i ua o Adele me kela lohe pono aku no o Laika, i na olelo a ka Madame Papinau, e hoinoino mai ana no ia nei. aole ia i lilo, i kumu no ke kanaka opio, e hoowahawaha mai ai, aka he o ia mau kona aloha no ia nei, ahiki wale no i ka hoopuka okoa ana mai iaia, ma kela wahi mehameha, (Aole i pau.)