Ka Nupepa Kuokoa, Volume LIV, Number 5, 4 February 1916 — HE MOOLELO NO ADELE LANAKETA A I OLE Ke Kaikamahine i Kaa Malalo o na Hookauwa Ana a ka Lokoino, i Kau Nae i ka Hanohano Mamuli o na Lima Kokua Aloha. [ARTICLE]

HE MOOLELO NO ADELE LANAKETA A I OLE Ke Kaikamahine i Kaa Malalo o na Hookauwa Ana a ka Lokoino, i Kau Nae i ka Hanohano Mamuli o na Lima Kokua Aloha.

"Mc ka mahalo a nui ia oe, no kou pane ana mai i ka'u mau ninau." wahi a kc kanaka malihini, me ka haawi ana aku i kona aloha. a puka mai la nowaho o ke alanui. j '"Amlc i'o no ka au i kuhihewa, ua kulike loa kela mau maka, kc ano «<• o ke j>oo me ko Cicilia, o ka loli liilii wale no ma ka auwae. ua kulike me ko kona makuakane. Alaila o Walaka Lanaketa ka ke keoninima nana i hoopakele mai iaia mai ka mana mai o Papinau! Fehca la i loaa ai ka ike ia Lanaketa nona? O Adele i'o no kela, aole au i hoohewahewa, a he oiaio, i kona lilo ana i kaikamahine hanai na Lanaketa, ua loaa aku iaia na mea apau ana e makemake ai, a he kulana lede oiaio kona, elike me ia a Mr. Laika i hoike inai ai," o kela ae la na olelo i hoopukaia e ke keonimana malihini, eia nae u\ hele oia a piha loa me ke pihoihoi, me ka hilinai ana aku ma ka aoao o kekahi hale, a paa ae la hoi kekahi lima ma kahi o kona . puuwai NV» kekahi mau minuke ke ku malie ana o ua kanaka nei ma kela wahi. aiaila, i ka loaa pono ana o ka ikaika iaia, o kona hooikaika aku la no ia a komo iloko o kekahi halekuai laau, e ku kokoke mai anrj. kauoha koke aku la i kiaha balani nona, i hakalia no a haawiia mai iaia. o ka wala ae la no ia, me ka mukamuka ana iho o na lehelehe. a ia haalele ana aku i kela halekuai, ua hoi pono mai kona kahiko. me he mea la, aole ana mau hiona maikai ole i ike ai, i r-a minuke mamua aku; a ke hele la oia, me ka namunamu liilii ana, aia hoi ma kona mau maka kekahi ano e hoike mai ana i kekahi hana nui iloko o kona noonoo. O keia kanaka i loaa na haawina ano e, ma kela ike ana aku ia Adele Lanakcta, o Horaki Ekoka no ia, ke kanaka o ka hoolē paakiki ana mai imua o Harola Laika, aole oia i ike iki i kekahi mea e pili ana no Adele ame kona ohana elike me ka kaua e ka mea heluhelu i ike ae nei ma kekahi o na mokuna i kaahope aku la. Hc elua hora mahope mai o ka hoea ana aku o Adita no ko laua ho'hie. ua iho mai la ua mau kaikamahine nei, me ko laua mau kahiko o ka hko ana mai a paihi no na hana hope maloko o ke keena 'enla ma ia po, noloko o ke keena heluhelu buke o ko laua makualeane, aia hoi ua keonimana la, e neho ana ma ka aoao o kona pakau-1-au. ine na palapala o leela ame keia ano e ahu mokaki ana imua o kona alo, aia hoi kekahi nanaina ano e maluna o kona mau maka, ka tnea a kana mau kaikamahine i ike ole ai i ko laua makuakane pela mamua. "Ua makaukau maua e papa no ke kaihuakai," i pane mai ai o Edita ma ke ano hoopaani i kona makuakane, me ke apo ana mai o kekahi- lima ma kona a-i. "Ke lana nei kuu manao, aole i lilo ko maua hoea ana mai la imua ou, i mea hoopilikia aku i kau mau hana," i ua o Edita i ike aku ai i ka mokaki mai o na palapala maluna o ke pakaukau.- "Ua īke no oe e papa, he makemake mau maua 'ē lohe i kou mau manao apono mai i ko maua mau lole, mamua o ko maua hele ana aku ma kekahi anaina." Ua like loa ka lole o kela mau kaikamahine a elua, he mau lole keokeo like ko laua, a o ka like ole wale no, ma ko laua mau pua, he akala ko kekahi a he ulaula hoi ko kekahi. Haawi mai la o Mr. Lanaketa i kana mau hoomaikai ana imua 0 laua, alaila nui iho la ka hanu, ina nae aole kana mau kaikamahine' imua o kona alo, ina ua hoike okoa mai kona mau ano, i kekahi nanaina maikai ole. "Aohe a'u mea e hoohalahala ai, no keia hele mua ana mai la o olua e ike ia'u, aole ia i lilo i mea hoepilikia mai i ka'u hana; he mea na'u e hauoli mau ai, ka nana mua ana aku ia olua, mamua o ko olua hele ana ma kekahi anaina. Ke hauoli nei au i kā nana aku 1 ka mohala maikai o ko o]ua inau helehelena, he keu no la i ko olua komo ana ma na hana hoike o keia la, a lilo ia i mea e maluhiluhi ai ko olua ano, aole nae pela, he māu helehelena hoihoi maoli ko olua. a'u e ike aku nei, me iea maikai pu no hoi o ko plua mau lole," | me ke kilohi pono ana mai o Lanaketa i kana mau kaikamahine. ( "'I komo mai la maua i mau lole keokeo, no ka mea ua hookuii pono ia mai maua mailoko mai o ke kula, a ke haaheo loa nei au i kou mahalo ana mai la i keia mau lole o mauawahi a Edita, me ke apo hou ana aku i kekahi lima ona, ma ka a-i o kona makuakane. "Owai hoi ia mea nele ole i ka makemake i kau a mea o &a nani maoli no o kena keokeo, pela pu no hoi me ka hanaia ana. Heaha ke ano o kena lole?" me ke.kulou pono ana mai o Lanaketa imua. e nana pono ai i ke ano o kela lole maikai. "Mai hului mai oe e papa ia'u, ke hoike aku au ia oe i ka inoa o keia ano lole," alaila kulou akd Ia o.Elita imua, a hawanawana aku la ma ka pepeiao o kona makuakane, e hoike aku ana, i ka pii maoli o ke kumukuai o kela mau lole o laua. ' "Heaha auanei ka noonoo no na hoolilo, he hookahi wale no iuea nui. 'na ua lilo kena mau l'ole i mea makemake na olua, o ka mea nui iho la no ia. makepono ke kuai ana i ka mea maikai," me ka hoao ana mai o Mr. Lanaketa e minoa'ka, aia no iiae oia ke uumi la i kekahi manao kaumaha, mai ka ike ana aku a na lede opio. "Auhea oe e papa, ua mihi no au no kuu piikoi ana i keia ano lole no maua, a ua haawi mai o Adele nei i kekahi haawina a'o kupono loa ia'ii, ma kona hoike ana mai i ko'u ano, he kaikamahine uhauha ka au. Owau ponoi no ka mea nana i leauoha i keia mau lole a elua; o ka olelo mai no ka ka mea hana lole, i ka maikai me ke kupono o keia ano lole, o ko'u haawi koke aku la'no ia i ko'u ae, me ka nana oīe ae i ka nui o na hoolilo. E papa he' keu ko'u hooniaikai me ka mahalo pu ia Adele, i kona hoomakaulii, a mamuli o kana mau a'o īa'u, ma kekahi mau mea, i koe mau dala mahuahua. ina paha owau wale iho no, o ka uhaUha iho la ka'u hana ike." nie ke kunokunou ana aku o kona poo ia Adele, e ku mai ana ma kona aoao. "Aole anei. ua lilo o Adele i mea hooluolu mai i ka manao ma na mea he nui?" wahi a Lanaketa me ka nanaina aloha maluna o Adele. "Mai noonoo nui olua no na hoolilo no kena mau lole, e kiola loa aku i ka noonoo ana i na mea maikai ole mai ia olua akil. he hookahi mea nui, o ia ko olua hauoli i keia po. Mamua nae hoi o ko olua haalele ana mai ia'u, e haawi aku ana au he wahi makana ia olua. no ko olua puka pono ana mailoko mai o kē kula." alaila lalau aku la ua o Lanaketa i ka ume o kana pakaukau a huki rrtai'la iwaho. me ka uehe ana ae he elua mau noho uuku. a mailoko ae hoi o kela mau poho, i lawe ae ai oia he elua mau lei gula, me kekahi j>uu^'^ ; ; me ka pohaku daimana. ••(_) keia ka'u makana na olua, i hoike no ka nui 6 ko'ii .hauoli. no olua e a'u mau kaikamahine." me ka hoolei ana aku he hookahi ia Adele. a he hookahi no hei ia Edita, iaia nae e hoopaa la i ua mau lei nei, ke haalulu wale la no kona mau lima. a ke hoomaopopo la hoi o Adele, i ka nui o ka hanu o Lanaketa. me ke komohia ana iHoo Jc a manao kaumaha iloko ona no kona mākua hanai. 'ana no e hoomaopopo aku la, ua halawai aku a Lanaketa me kekahi pilikia nui, i ike ole ia mamua iloko o kona ola ana. "O, e papa, he kēu aku-.a ka nani o keia makana! E nana mai

paha oe e Alele la?" wahi a Edita, me ka lalau ana iho i ka puuwai a hooho hou ae Ia: "Auwe, eia ka ko'u kii ponoi maloko nei kahi i kau ai!" Welie ae la no hoi o Adele i ka puuwai o kona lei, aia hoi e waiho pono ae ana kona kii imua ona, ka mēa nana i hookomo aku i na manao kaumaha iloko ona, a akahi no oia a pane ae i ka i ana mai: , "He keu maoli no ka nui o kau mau hana maikai, i hookau mai ai maluna o'u," wahi a Adele, me ka halo'ilo'i ana mai o na kulu waimaka nunui ma kona mau lihilihi, iaia i nana mai ai maluna o Lanaketa,. "Mai noonoo ntii e kuu kaikamahine no ia mau mea, koe wale no keia, ua hoohauoli loa mai olua i ko'u manao, mamuli o ka lilo ana o ka'u makana, i mea ria olua e hauoli ai. Ke lohe nei au ika huila o ke kaa mawaho, ua lawa keia hoapaapa ana a'u ia olua c na kaikamahine, ina paha o ko'u mau la opio, ina owau ponoi no ka mea nana e lawe aku ia olua i keia ahiahi no ka halekula." "He keu no hoi kou hooheno e papa," i pane mai ai o Edita me ka honi pu ana mai i kona makuakane. "Heaha auanei kou kauka'i ana aku aia oe a opiopio'alaila kupono no ka hele pu ana me maua, he oi ae ko maua makemake mau o oē ko maua hoa mamua o ka poe opiopio, a ina aole he nui o kau mau hana i keia po, ina ua hele ae no kakou." "Aole e hiki ia'u ke hele me olua i keia po, ua hele ka'u mau hana a ku ke ahua, a e loaa mai ana no paha au ia olua e ala ana, ke hoi mai.. oke aloha no ko olua e a'u mau lei, ake lana nei ko'u manao ,e hoopihaia ana ko olua mau puuwai me ka hauoli." Puili mai la oia ia Edita iloko o kona umauma me ka honi ana aku i na lehelehe o kana kaikamahine, a ia hookuu ana aku iaia, ua huli ae la o Lanaketa ia Adele, me ka pane ana aku: "E ike hōpe aku au i ka.lua o kuu mau kaikamahine," alaila hopu mai la oia ia Adele me ka honi ana mai iaia, a ua lilo kela hana a Lanaketa i mea e hu ae ai ko Adele aloha no kona makuakane hanai, no ka mea iloko o na .makahiki 'loihi o ko lakou noho pu ana, he elua a i ole he ekolu wale 110 manawa a Lanaketa i honi aku ai iaia, aole hoi elike me Edita, ka honi mau i na manawa apau e kaawale aku ai ke keiki mai ka makua aku. "Ua lilo oe e Mr. Lanaketa i makua a i hoopakele no'u iloko o keia mau makahiki loihi, a ma ia ano, e aloha mau aku auanei aii ia oe, elike me ka loihi o ko'u ola ana. O keia makana au oka liaawi ana mai nei ia'u, e lilo ana ia i waiwai makamae," i pane aku<āi o Adele imUa o Mr. Lanaketa. Me na waimaka ma kona mau lihilihi, i ukali aku ai o Adele mahope o Edita, ia laua i hāalele aku ai i ko laua makuakane no kahi 0 ko laua kaa e kakali mai ana ia. laua mawaho, o ka hoea aku. I kela oili ana aku o na kaikamahine opio iwaho, a paniia mai la hoi ka puka a paa, ia wa i haule iho ai o Lanaketa iluna o kona noho nui, kulou iho la kona poo ilalo, me ka i ana ae i keia mau olelo: "Aole anei e hoea mai ana he mau lono e hoohauoliia ai ka manao? la ke kumu o ko lakou pane ole ana niai i ka'u kelekalapa? Ua like pu keia kakali loihi ana, me kekahi ma'i nui, nana e hoomailo nei i kuu kino." E kulou ana no nae ke poo o ua o Lanaketa ilalo, ia wa i kani mai ai ka bele hoailona 110 ka hoea ana mai o kekahi mea, a na kela bele i kono okoa mai i ua o Lanaketa e paa ae kekahi linla ma kona umauma, me ke kakali ana aku o ka lohe i ka manao o kela bele o ke kani ana mai. r Aole nae i emo iho, komo ana no ke kauwa lawelawe, a e paa ana ma kona linia kekahi wa-hi leka, a no ke ake nui loa o Lanaketa e ike i ka manao nui maloko d ka wa-hi leka, ua ku ino mai la oia iluna, lalau aku la i ka wa-hi leka me ka hoomaka koke ana iho e nana i ka ukana oloko. - •' 6 \ īa alawa ana iho no a Lanaketa a ike i na mea maloko o 1 wa-hi leka, ua haule honua aku la na rtfea apau e paa ana iloko o kona mau lima, loli ano e ae la no'hoi kona helehelena, alaila hikaka mai la kana hele ana ahiki i kona haule ino ana aku iuna o kēkahi' noho. . ' ■" r ' ' Me ka manao pihoihoi i holo koke aku ai ke kahi o ke pakaukau e ku mai ana, a law'ē mai la he jne ke kau ana mai fna ka waha o kona haku, aka aole Lanaketa e inu, ia wa i pane mai ai kc kauwa: < n h , i "Ke ike aku nei au ua loohia oe i ka ma'i e kuu haku, ,e inu aku 1 keia kiaha wai, malia he mea ia e loaa ai ka oluolu ia oe. B<kāuoha ae anei au i kekahi e hele mai e nattß i kou pilikia?" ) ' Luliluli ae la ke poo o Lanaketa, me ka i ana aku irie ika! leo nawaliwali: "Ua hiki no au pela, malia'aia a hala he.mau min6kc, e hoi pono mai no ko'u ikaika," me ka lalau ana mai i ke kiaha wai, a hoomaka aku la e inu. - •-

Ua ano maikai iki ae la o Mr. Lanaketa ma ia hope mai, me'ke kauoha ana mai i kana kauwa e lalau aku i kekahi omōle laau mafi> ko o ka ume o kana pakaukau, a i kona inu ana aku he puna o kela laau, ua auhee aku la na ano maikaj ole apau mai iaia aku, a hoi pono mai la kona mau ano maikai elike me mamlia. Oiai aole he pilikia i koe, kauoha aku la o Mr. Lanaketa i ke kauwa e haalele mai iaia, me ka lalau hou ana aku i ka'leka e waih«i ana iluna o ka papahele, alaila haehae iho la iloko o nā apana liilii, a kiola aku la iloko-o ke kapuahi hoopumehana, me ka hooho okoa ana ae me ka leo o ka mea i piha me na haawina ehaeha: "Auwe no ka hoi ka poino e! O na manaolana ka hoi i upuia aku ai, eia ka e hoea mai āna i ke poho wale ana! Ua poho na mea apau! O ka'u mau hooikaika ana no keia mau makahiki loihi, o ka'u mau dala mahuahua i hookomo aku ai iloko o na 6ihana hoopukapuka, ua pau loa i ke poho, a he mau hanen dala iniku wale no koe. Ua.oi akii keia mamua o ka hiki ia'u ke hoomanawanui, o ka mea oi loa aku o ka pilikia, eia ke nawaliwali mai nei kuu kino, a pehea ana la ka pono o kuu mau kaikamahine. No kekahi manawa i noho malie loa ai o Mr. Lanaketa me ka onioni ole, ke kulou la hoi kona poo ilalo, me na noonoo like ole iloko o komi poo, a o kona ano iho la paha ia ahiki i ka huli hoi ana mai o kana mau kaikamahine, ina aole i kani hou mai ka bele kahea no ka lua o ka manawa ma kela po, me ka hoea hou ana mai o ke kauwa, me kekahi pepa inoa e paa ana iloko o kona lima. Nana iho la o Mr. Lanaketa i ka inoa e kau ana iluna o ka apana pepa, aka'ni no a mohala maikai mai kona nanaina, alaila i mai la i ke kauwa: "E hele aku oe a hoike i kela kanaka malihini, e komo loa mai oia noloko nei o keia keenal" Aole i emo aku ia nalowale ana o ke kaiiwa, oili hou mai ana, a e ukali ana he keonimana aoo mahope mai ona, noiia paha na makahiki mawaena o ke kanaha me kanalima. "Ia ike ana aku no a Lanaketa i ke kanaka malihini, ua ku koke mai la oia iluna, hoooahola aku la i kona lima imua, me ka hooHo ana ae ma ke ano hikilele: "Ea, iloko o keia maū makahiki loihi. akahi no au a ike hou ia oe! Ke hauoli loa nei au no keia halawai iiou ana o. kaua. Pehea—" ] ; Ua kahamahaia mai nae na huaolelo hope a Mr. Lanaketa i manao ai e hoopau pono aku, ma ka nanakee ana mai o ke kanaka malihini iaia, me ke kau ana mai i kona lima iluna, aole he haawi mai i ke aloha iaia nei, alaila pane mai la me ka leo kuoo: "E noho iho e Walaka Lanaketa ilalo. He makemake ko'u e kaniailio pu me oe. mamuli o kekahi hana ano nui loa, ka mea nana i'kono mai ia'u e hoea mai imua ou i keia po." I Me ka piha i ke kahaha, i kuemi hope mai ai o Mr. Lanaketa, I a noho mai la ma kona wahi mua, me ke kuhi ana aku o kekahi lima i ka malihini ma kekahi noho kaawale. e huli pono aku ai k.e--j ieahi imua o kekahi. a kakali aku la o ka lohe i ka manao nui o ka i huakai a kēla> kanaka. I ' "He manawa pokole wale no ko'u e noho iho ai me oe. a huli hokaku no au no ko'u wahi, o ka'u nae e noi aku nei ia oe e Mr. Lanaketa. mai kahamaha mai oe. i ko'u wa e haha'i aku ai, i ka manao o ka hana a'u i hele mai la e hui pu kaua," wahi a ka malihini. Me kē kahaha i hoolohe aku ai o Mr. Lanaketa i kela hoakaka, 'alaila aea pono mai la kona poo iluna, me ke kunou ana aku hoi, e hoike aku ana no kona apono i ke ano o ka inea i makemakeia'mai ai ma kona aoao. ' Uwai mai la ke kanaka malihini i kona noho a kokoke imua o Lanaketa. a hoomaka mai la e kamailio me ka leo liilii. me he mea !a ua.maka'u oia p loheia mai auanei na mea e kamailioia ana mawaena o laua, aia hoi o-Lanaketa ke hoolohe loa la, me ka loli mau ';na o kona helehelena, a.ua kokoke loa oia e ku iluna a hoahewā

mai i kona hoa olelo, ua hoopepe wale no nae oia, i ke kau ana aku 0 ka lima o ka malihini iluna. Me ka wikiwiki ka malihini e noke la i ke kamailio, nie ke kualehelehe ole, aka e hoakaka ana ma ke ano nui, i ka manao o kanu huakai, me ka pahola ana ae o ka minoaka ma kona mau papalina, i ka ike ana mai i ka haikea o ka helehelena o Lanaketa, o ia no oe o ka mea e kokoke aku ana e make. , "Aole loa au e hilinai aku anā he hookahi huaolelo o kau mea 1 kamailio mai nei," wahi a Mr. Lanaketa me ka leo nawaliwali, e hoomaopopo ole ia aku ai oia ka mea nona kela leo. "He moolelo hakuepa. wale 'no kena au, no ka hoomaka'uka'u ana mai ia'u, i wahi e hookoia ai kekahi manao epa kolohe, i hoolala kahiko ia e oe." "Mai hoole mai oe e Mr. Lanaketa, no ka mea ua ike oe, o ka oiaio wale no.ka'u i kamailio aku nei, aole o ka manao kolohe kekahi. lie nani nae ia, ua pau ae la no na mea a'u i makemake ai, nolaila e noonoo aku oe nou iho, a e hana aku elike me kau i ike ai he pono, o ke aloha 110 kou," alaila eu ae la ke kanaka malihini mai kona noho ae, no ka huli hoi ana aku no kona wahi o ka hele ana mai. Me he anapa ana la na ka uwila, o ka nalo aku la no ia o ua kanaka nei, oiai hoi o Lanaketa e noho la iloko o na noonoo like ole, a no.ka u-paia ana mai o ka puka me ka'ikaika. akahi no oia a hoomaopopo, ua hala ka kona hoa olelo, o kona holo aku la 110 ia, me ka manao eieahea liqu aku i ka malihini, ua heo nae kela. Holo aku la o Latiaketa no kahi o ke alapii omua o ka hale, aole ona ike aku i kekahi mea, o ke pahupahu nae o na kapuai wawae kana e lohe la ma kāhi mamao. Me na manao like ole iloko o kona noonoo i huli hoi mai ai o Lanaketa no ke keena waiho buke, me ka hikaka ana i o a ia nei, u? oi loa aku ka ehaeha o kona naau, mamuli o ka moolelo a kela kanaka i kamailio inai ai iaia, mamua oka hiki ke hoomanawanui. I ka hoea ana aku no ka puka o ke keena heluhelu huke, ua pahola ae la kona mau lima, alaila hooho ae la me ka leo i piha me ka ehaeha: "Aole loa o'u hilinai i ka pololei o kana mau mea i hoike mai nei ia'u. O, ua pau kuu mau manaolana! E Edita, kuu lei alolia, eia ka e lilo aku ana oe i kaikamahine nele a ilihune; a o oe hoi e Adele, eia ka—E na lani, ke ike nei au ua kokoke mai i ko'u hopena," i kuwo okoa ae ai o Lanaketa me ka ehaeha. me ka paa ana ae i na.lima a eiua maluna o kona poo, o ka hina aku la 110 ia ilalo, make loa. Na kela leo kuwo, me ka lohe pu ana mai i ke pa-hu iluna o ka papahele i kono okoa aku i ke kauwa e holo mai e nana, a loaa mai la kona haku e waiho aku ana, ua lele ka lianu ola mai ke kino ae. Hoikeia ae la kela nuhou kaumaha i ka nui o na kauwa. a holo mai la lakou, me ke ka'ika'i ana aku i kona kino noloko o kona rumi, ua hiki ole nae ke hana aku i kekahi mea e pono ai oia, no ka merf ua puanuanu ke kino, ua.hala aku o Lanaketa ma kela ao, me ka ike oH o kana mau kaikamahine i kona hanu hope. MOKUNA XX ' NOHO MAKUA OLE NA KAIKAMAIIINE OPIO: I ka huli hoi ana aku o Edita me Adele no ko laua home, e kakali mai ana he nuhou kaumaha ia laua. Ua ike mua ae nei kaua e ka mea heluhelu i ka haalele ana aku o ua mau kaikamahine nei i ko laua makuakane, me na manao ulumahiehie, a i ka wa i lohe ai i ka make hikiwawe ana. o Mr. Lanaketa ua like pu kela meahou me he uwila la o ka anapa ana ae a pa aku maluna o laua pakahi. Ua kii koke ia no ke kauka ohana, e na kauwa no ka hele ann mai e nana i ko lakon haku, a ma kana ike, ua make kela keonimanr mamuli o ka moku ana o kekahi mau aa o ka puuwai. No na kaikamahine opio, aohe mefa pono iloko o ko laua noonoo, maopopo o ka mea e hana aku ai, koe wale 110 o ka puili aku b kekahi i* kekahi. Aole hoi no Edita, ō kona makuakane kela. he puupuu ikaika ka i kau aku maluna ona, aka no Adele nae, ua like pti-=no koiia kaumaha ine ko Edita, oiai i ka haalele ana mai o Lanaketa:i keia'ola ana, ua manao oia ua kaawale aku kona kokua ame kbtia hoopakele, me he makuakane ponoi loa lā 110 o Lanaketa nona. 1 -'I ka hele ana hoi a pau na hooponopono anr. no ke kino make o Lanaketa, ua laweia aku la no ka ilina, me.ka ukali ana o na kaikaīiiāhine opio me na kauwa lehuleliu ma kana huaka'i hele loa, a i ka hai ana aku'o Edita ma no ko laua home, ua kupouli maoli ko laua mau noonoo, a me na helehelena haikea i nana aku ai kekahi i kekahi, me ka hooho ana, me na naau walania i ke kaumaha:

'"Heaha ka kaua mea e hana aku ai? Pehea la e hiki ai ia kaua ke noho ak-u, me ka nele i ka makua nana e hoomaopopo mai ia kaua ?" • • • U-a-noho pouliuli loa kela mau kaikamahine, i na mea e pili ana i na lawelawe oihana ana a Mr. Lanaketa; ma ia ano, aole he wahi mea i maopopo iki ia Edita, i kahi e loaa nui mai ana ke dala i kona makuakane no ka hoolako ana mai i ko laua mau makemake apau. O kana wale no i hoomaopopo i na wa apau ana e makemake ae 'ai i kekahi mea, ua haawi koke ia mai iaia ke dala, aole loa he makemake ona i hooneleia mai, o kahi nae i loaa nui inai ai ke dala, aole he wahi mea.a loaa iki iaia o ka ike. Ke noho nanea wale la 110 ua mau kaikamahine nei. ahiki i ke kikooia ana mai o na bila no na hoolilo o ka noho ana, pela hoi na kauwa e kamailio la no ka ukuia aku o ko lakou mau uku mahina, ia wa i kaakaa pono ae ai na maka o ua mau kaikamahine nei, no kalii e hoopauia aku' ai kela mau pilikia. •No Adele nae, aole no-oia e kala kahiko i hoomaopopo ai i ke kulana pilikia o ko laua makuakane, ma kahi o na mea pili 'iala, ua hamau loa nae oia, ,me ka hoike ole aku ia Edita, a na koho okoa iho no oia, o ke kumu ia i make hikiwawe ai o Lanaketa, no ka nui o kona noonoo no kona mau kaumaha he nui. Me ka manao paa nae e ike i na mea apau, ina i'o paha ma kahi o ke dala ke kumu o ka pilikia, i hooholo iho ai o Adele e ike oia i na mea apau, alaila me kona ui ote aku 110 ia Edita, ua kauoha okoa aku la oia ia Mr. Ekawoka, ka loio o Lanakcta e hele mai, no ka hooponopono pu ana, i na waiwai o ka mea i make. I ka hoea ana mai o ka loio a kukakuka pu me Adele, akahi nr> oia a .hoike mai i ka loaa mua ana o ka hoomaopopo iaia, no ke poho 0 kekahi mau oihan'a hoopukapuka a eia nae haawi mni la oia i kona ae, no ke kokua ana mai i na kaikamahine, ma ka nana ana aku i na palapala pili oihana apau a Lanaketa, me ke noi okoa ana mai ia Edita, oia j>u me ka loio ke kuekaa i na palapala aj)au maloko o ke pakaukau o kona makuakane. Ua 'kilo kela noi a ka loio i mea hoowahawah.i loa ia Edita, aole loa oia i maa iki i ka lawelawe oihana ana, me kona i okoa ana mai: "He mea makehewa wale* no ko'u*komo pu ana aku me oe e Mr. Ekawoka ma ka nana an*. i na palapala, no ka mea aole loa au i maa 1 kekahi hana, a e maopopo ole ana ia'u, kau mau mea apau e hoike mai ai ia'u," wahi ana me ka liuli okoa ana aku imua o Adele, mc hc mea la, e olelo okoa aku ana, oia ke kokua aku i ka loio. ■ ae mai ana anei oe, owau ma kou wahi, no ke kokua ana akuj i ka loio o kou makuakane, ma ka nana ana i na palapala pili oihana apau?" wahi a Adele i ninau aku ai, me kona hilahila no nae, i ka maua'e wale aku i ko ha'i kuleana. "Ina paha aole au mau ku-e ana mai, alaila ke hauoli loa nei au, e lilo oe o kaua i mea kokua aku i keia hana nui, no'u nei la, he hupo haalele loa au, e hiki o'le ai ke noonoo i kekahi mea pono," me ka nui ana iho o ka hanu- o E<iita, no ka hoomamaia ana aku o kekahi hana nui ana i makemake ole ai e lawelawe aku. Me ka hoohakalia ole iho, ua hele aku la o Adele me ka loio noloko o ke keena waiho buke, a ua hookahahaia aku hoi ka manao o ka.loip. no ka eleu ame ka mukaukau maoli o kela ledc opio, a .ua lilo i kokua r nu.i nona me ka.hoomama pu ia ae o kana mau hana, ma ke ano o kana hooponopono ana i na bila, na leka ame na palapala lehulehu, e huikau ole ai ko lakou waiho ana. Ma kela nana ana a ka loio me Adele i na palapala apau, hc elua mau mea ano nui loa a latta i ike. O ka mua, o ia no ka aneane ana e pau na manaolana, no ka holopono o kekahi oihana hoonukapuka i hookomo nui aku ai o Laanketa i kana mau dala ma Ladana, ina no ke poho o kela oihana, alaila aole e loaa mai ana ia Lanaketa he hookahi keneka o kana mau dala nui hewahewa o ka hookomo ana akii ma kela oihana. O ka lua o ia no ka ana aku o kekahi palapala e hoakaka ana. no kekahi lua pula ma Mekiko, me ka uuku no o na manaolana, no ka puka o kela hana. oiai nae o Lanaketa kekahi mea nui o na mahele iloko o kela hana, , ••• - (Aole i pau.) - I